or#tm66749406的个人专页

元朗區好多食肆，試過其他區嘅川味閣，所以今日試埋元朗店。叫咗酸辣炸醬米線$28，比屯門店貴一蚊，加$8麻辣腩肉，腩肉偏肥，另外加了$6通菜，菜都翠綠，屯門嗰間會煮到d菜黃唒，味道OK。多肉碎同酸菜，味道可以，米線份量偏多，所以抵食嘅。但係杯嘢飲就比其他分店細好多。同埋張凳有椅背，之前喺屯門分店食過，要坐園櫈好唔舒服。，所以呢個係加分。另外要自己掃二維碼落單，有啲麻煩，見到有學生冇電話，阿姐都唔幫佢攞單，情願借手機俾佢掃二維碼，咁奇怪嘅？…查看更多

終於維園今年有花展，先係附近食晏先。屋企人想食泰菜，成條電氣道得呢間，於是試吓。明明出面有位，唔知係咪見有老人家，諗住會食得耐阻住佢，叫了我地入去入面一間房仔，得50呎度，放了四張二人枱，本想出去坐，但老人家怕麻煩，於是算了。但呢度完全被遺忘，首先無人入嚟落單，落了單成35分鐘都未有任何食物飲品到，要不停自己行出去搵人。終於搵到人，想要杯水，又叫你自己去斟水，又唔同你講係邊！有朝一日你都會老，咁對老人家太差囉。終於來了杯珍多冰，酸既？隔夜架？來了豬頸肉撈檬，完全無味既。個咖哩豬扒飯就勁咸完全貼錢買難受的一餐…查看更多

星期日成個九龍城都好多人，周圍泰菜館門口都排長龍。泰仔美食門口都一大堆人，好彩等一陣就有位。舖頭唔係好大，所以啲枱有啲迫。叫咗青咖喱豬肉，豬肉好嫰，咖喱夠味，配蒜蓉包食OK。細冬陰功湯， 偏鹹少少，但都味道可以，好似有三至四隻蝦，，材料夠。只係菇菇淡味咗啲。柚子蝦沙律，正常味道。燒牛仔骨，呢個牛肉夠嫩，醬汁夠惹味，唔錯。炒飛天通菜，少少辣，OK。仲有肉碎生菜包，呢個普通。炒泰式金邊粉，味道偏甜，但都可以。仲有芒果沙冰，正常， size唔及其他泰菜館大杯。整體OK，只係味道偏鹹，所以要係咁飲嘢。另外店員超級有效率，基本上你夾完最後一舊，佢就已經企喺側邊即刻幫你收碟，明明你杯嘢仲有少少，佢不斷地有人嚟想幫你收隻杯。你一放低筷子，佢就即刻幫你收埋晒所有碗碟。當你一起身下一台客已經企咗喺側邊準備入座。所以如果你要休閒地食就最好去第間啦。不過亦都因為咁，所以都等到有枱食的。四個人計埋+1 ， $788 ，算係OK的九龍城泰菜。…查看更多

樂富好多食肆，食上海菜就有兩間。今日午飯就去了夏面館，因為唔使排隊。叫了排骨擔擔麵，排骨有驚喜，外皮夠脆，粉漿唔厚，肉汁還在，擔擔面食第一啖覺得好辣，但食完就覺得都夠惹味，$68抵食自選。還叫了黃魚燴麵，呢個就爭啲啦，因為個湯落左味精，食完一啖已經口渴。但黃魚夠嫩。另外叫了醉雞，醉雞夠入味，但竟然有雞pat pat。醉豬手，呢個都可以。燻蛋就熟了少少，可以在流心啲。炸銀絲卷，呢個都幾好，唔太油，亦炸得夠脆。煎餅就唔得啦，唔夠脆，亦都好油。最後食埋高力豆沙，呢個正常。五個人，食咗$427 ，性價比ok…查看更多

大牌檔格局煲仔飯可以，但米質量差又鬆散，有飯焦炸生蠔：粉底非常厚，瀝油不夠，食完一口油，蠔質素可以椒鹽生魷：老問題粉底很厚，同時椒鹽沒有魷魚兜勻，只一点放在表面，所以得一塊有味，其他無味。小炒王：由落單到上碟等咗一個鐘，韭菜嫩腰果脆，但係蝦乾同魚仔用油炸到過龍有苦味，又硬，全部食唔到剩返係到生炒骨：都係同一個問題，排骨炸過龍冇肉味蒜子火腩大鳝煲：唯一好食的－個餸但火腩太咸。無下次，唯一好處係無加一，當然啦，落了柯打成個鐘先上菜，無服務可言…查看更多

今日下午咁啱去佐敦做嘢，又星期五晚，所以約咗honey去佐敦食飯。睇完OpenRice食評，見呢間冇負評，又講到地中海情調，啱晒情侶，於是上OpenRice 訂位，竟然full Booking，只有得一個位，但係係附近都上去撞吓彩啦，點知去到成間餐廳得三張枱客人，摸不着頭腦，究竟乜嘢玩法。所以我哋當然可以入座。雖然餐廳環境同相片中好大落差，但我哋都係食物至上，所以最初都冇介意。點了麵包，炸魷魚，西班牙飯，和煮青口。點知食物竟然超級伏，實在不能明白為何會有咁多好評？？首先個魷魚完全冇味，又炸得非常油，只係靠卡夫奇妙醬俾到啲味，完全唔合格，任何一間餐廳嘅炸魷魚都好食過佢。起碼都有調味先啦。到個西班牙飯，又係冇味嘅，究竟呢間餐廳係咪冇買到鹽，仲要竟然俾佢搵到得一隻1cm厚嘅碟去裝呢個飯，結果因為個碟太薄，所以個飯燶晒痴底，又係超級唔合格，海鮮只係舖喺面，又係完全冇味嘅。因為好少寫食評，所以無影最初相，但為了其他人不要再被伏，所以都要寫下。一隻咁薄嘅碟裝埋應該只有少過一個正常碗既飯，所以食完成餐係唔飽嘅，不過咁既質素梗係唔會再叫嘢啦。跟住個青口，青口又係完全白烚咁味，完全無味，最慘係連個醬都唔好食。叫了兩杯酒一杯白一杯紅，只能說酒可以，跟住個環境同成個氣氛係完全唔夾，懷疑係之前頂手返嚟，Menu竟然係幾張A4紙用釘書機釘住，餐巾竟然係一張好薄嘅紙巾，去到廁所發現原來係抹手紙嚟嘅，跟住工作台枱面又亂糟糟。唯一嘅好處就係成間餐廳計埋我哋得三台人，所以係傾度計嘅，亦都冇趕你走。但絕對唔值得人均消費$300 ，為咗去傾偈，食啲垃圾落肚浪費咗quota。六百幾蚊一餐飯兩個人，唔駛錢有人請我都唔會再去，無一樣食物係有味既，完全浪費了一晚，食到以為自己味蕾壞了⋯⋯…查看更多