ctlovesfood的个人专页

今日黎到荃灣南豐紗廠行下，諗住坐低食lunch，揀咗間門面幾正常嘅cafe試下，見環境都寬敞乾淨。初時望menu，覺得意粉都有啲特色，120蚊左右，點知一食就知中伏首先$51一杯hazelnut ice latte, 我覺得真係冇hazelnut味…係普通latte一杯 250ml左右然後帶子gnocchi, 要$128，個薯波本身自己冇問題，加埋個汁真係唔夾，最大獲係啲帶子，佢一粒切成3 4片薄片比我，仲要係屬於偏細size，完全唔值呢個價，失望同行人仲有食burger, 不過都話個味道同用料唔值呢個價位。Overall 係唔會再試🤣淨係得門口個女侍應好nice，會介紹是日special 同個環境正路，但紗廠咁多嘢揀，建議試其他…查看更多

久聞大名，香港no.1得獎菠蘿油，點知食咗2次都唔太改變到我都佢嘅印象。先講環境，第一次食嗰陣6點冇晚市，我同友人5點鐘先去，左邊鋪冇位，要坐右邊舊鋪，自己感覺右邊鋪d伙記忙好多，又唔得閒理你，執怡都好求其，上手嘅食物殘骸仲未抹乾淨就要我地坐低食，我忍！諗住茶記都係咁加上趕收工。我分別嗌咗菠蘿油、蛋撻同熱奶茶。提提大家有最低消費，唔能夠只嗌一個包。菠蘿油出名係出名，但一攞上手，唔熱嘅？甚至稱唔上暖，只係唔係凍，個牛油就凍嘅，中規中矩啦，個菠蘿皮都脆嘅，味道都唔錯，整體個包都好綿密好軟熟，只係略厭佢個温度真係唔夠。之後飲奶茶都覺得只係正常茶記水平。蛋撻就真係望住佢新鮮出爐上比我地，不過就等足半個鐘先有，個人一般般酥皮蛋撻，所以唔太識評價，不過就真係熱辣辣，相比個菠蘿包有誠意好大。上星期想比多次機會個菠蘿包，所以3點到再去，今次入咗左邊間鋪，啲伙記有禮物啲，環境又坐得舒服少少，不過菠蘿包依然係唔熱。整體值得試嘅，不過係咪香港第一，我覺得應該係過譽。…查看更多

呢間蕃茄仔本係開銅鑼灣，係都有啲人氣嘅湯麵店，今年6月殺入九龍灣工廠區，我係開初試業嘅時候試過一次，覺得價錢係當區屬於唔親民，所以冇成日食，值到前2日係附近搵野食，決定比多次機會佢🤣🤣先講個打底湯底，算得上我食過最濃嘅蕃茄湯，食到新鮮蕃茄蓉，十分稠仲好掛麵添！不過可能唔係用罐頭而係鮮蕃，整體偏酸，對我黎講好似太醒胃🤣🤣不過友人就大讚好味，各有各喜愛啦我估今次叫左蕃茄湯配豬扒，仲將麵底轉咗做通心米通，雖然要額外加10蚊，不過真係冇乜餐廳食到，而且配佢地呢款偏濃稠嘅湯，普通米線會顯得唔太夾，個人感受係轉硬身嘅米通或者烏冬會更合適。味道整體真係唔錯，中上水平，不過價錢對比下就真係有啲少貴，嗰日一碗淨麵都要70幾蚊，我叫嘅豬扒已經算較平嘅配菜，想食牛嘅朋友可能要預貴多10蚊，不過都值得一試嘅🤣🤣🤣…查看更多

到長洲，除咗一定要食大魚旦沙冰等等，近年其實開咗好多間特色小店同咖啡廳！🤤而呢一間以 #甜品 做主打嘅 <島中坊研>，絕對值得一試！ 今次試咗 甜品拼盤 $118，一次過食到4款人氣甜點，仲有得自己揀！1/ Tiramisu / 咖啡凍2/ 焦糖吉士布丁 或 布丁燒 或 伯爵茶焦糖燉蛋3/ 自選口味雪糕4/ 是日蛋糕一件 （我那天係培茶芝士蛋糕🤍）份量十足，2個人食真係食到飽，建議一個人就唔好挑戰啦🤣幾款甜品入面最令我留有深刻印象嘅，應該係Tiramisu同是日蛋糕🤟🏻🤟🏻🤟🏻Tiramisu嘅咖啡味10分濃厚，份量十足，亦都明顯咁食到入面嘅蛋糕浸左甜酒，層次口感都拍得住出面專門食Tiramisu嘅舖頭，只係整體再偏甜多少少。是日蛋糕就好睇彩數，有聽過有d食評話麻麻，我嗰日咁岩就係 培茶芝士蛋糕，好似算係王牌蛋糕 哈哈！陪茶同芝士味都非常出，咸香味同另外三款甜品有明顯對比，中和到整體口味。不過我覺得偏硬，唔夠滑身，食一半到就開始覺得膩。整體呢個價錢來講，絕對物超所值🥰今次職員安排咗我坐喺室外位置，喺秋天呢啲天氣下，真係好舒服，又完全唔會有蚊或者昆蟲，打卡一流添！…查看更多

如果你有留意開米線關注組嘅朋友，<荃灣老闆娘米線>你一定唔會覺得陌生啦！ 可惜過去個幾兩個月，呢間米線店都進行緊翻新工程，直至剛剛11月1日先重新開業。好多朋友仔都話自己曾經食過白果，🤟🏻其實老闆娘每一日都會上社交平台 update嗰日嘅開舖營業時間，唔想去到先發現冇開嘅話記得check check先啦！前兩日久違地去再食老闆娘，叫咗最鍾意嘅酸辣湯米線(走蔥)，配上 特色蝦滑釀炸豆卜、魚肉腐竹、時菜😋老闆娘啲炸物真係非常一流，唔會油淋淋、爽口酥脆！米線同湯底嘅經驗程度更加不在話下，鍾意食酸辣湯底嘅朋友一定唔好錯過，呢度嘅酸味比出面坊間嘅再酸多幾倍 哈哈，加埋辣好過癮㗎！同行朋友唔食酸，就叫咗麻辣湯底，呢度仲有其他特色湯底譬如蒙古湯等等！因為每次都比酸辣湯底吸引住，所以食咁多次都未試過其他湯底🤣🤣🤣講食物嘅話呢度真係冇得彈，不過環境就一般，前兩日五點幾去食都要等一個鐘頭先入到去，等候嘅位置都係冇風扇同冷氣，試過夏天等真係好辛苦。加上嗰到喺熟食街市範圍，所以稱唔上好舒適或者乾淨，如果有興趣去試嘅朋友建議五點就好到啦🤣應該唔洗同人逼…查看更多

呢間真味日本料理喺荃灣屹立咗16年，前牌經過舖頭見到老闆張貼左告別message，話舖頭做埋10月就會正式結束10幾年嘅生意😢😢😢雖然我唔係住喺荃灣區，但係同行嘅友人都話間鋪睇住佢大，超級唔捨得！各位見到呢篇食評，就快啲嗱嗱聲出發去食最後一次啦！呢間日本餐廳出名嘅地方係佢嘅壽司同刺身體型都較為巨大🤣但一啲都唔貴， CP值極高！今次同朋友兩個人嚟食晚餐，人均大約$180到$200到已經可以食到飽！一開始已經嗌左碟巨型三文魚刺身，大約100蚊頭，但係有成5件目測3,4cm厚嘅三文魚，比街外買到嘅三文魚，真係大足四五倍有多🤣😂之後我哋仲嗌左魷魚海膽壽司同巨大帶子壽司，佢哋嘅體積都係比出面舖頭食到嘅大少少，唯一美中不足係海膽有d苦澀，但係魷魚鮮味十足，帶子口感同味道都係非常之新鮮㗎！呢度仲有得嗌雞軟骨餃子，個樣就望落似係店主自己整多個現成買來煎，雞軟骨好爽脆，餃子皮都有煎香到金黃色，都幾值得試吓㗎！朋友另外介紹咗樣必定要試嘅甜品，就係燒日式芝士年糕，炸嘅就聽得多啦仲好搵添，燒嘅真係第一次見，仲要係即叫即燒，入口之前會聞到一陣好香嘅炭爐燒味(?)，燒日式年糕煙韌度會比炸嘅更好，仲少咗浸油益味，年糕入面仲好軟熟☺️👍🏻👍🏻👍🏻大推…查看更多

嚟到中環，除咗食貴西餐搵靚酒吧之外，而加多咗一個選擇，就係去全城最潮嘅[老蘭譚仔] 三哥中環店嘆返碗平民米線！😂🤣今次呢間鋪就威水啦，有別於平日食嘅三哥，個裝修以紅黑色為主，仲配咗譚仔三哥嘅簡寫英文TJSG 四個大字嘅霓虹燈燈牌係門口😂🤣個設計都算幾有特色，幾young!講講今次新產品 螺酸湯米線，有食過大陸嘅螺絲粉嘅話，相信呢個湯底對你一定唔陌生，嗰陣螺味同酸筍真係令人又愛又恨🤣唔明嘅朋友一定要去門店試吓個湯底嘅味道同我想像中嘅冇乜出入，還原度非常高，值得稱讚嘅係佢嘅海螺片同豬皮，都做得好出色！海螺片嘅軟硬程度剛剛好，而且幾入味！本人本身唔太好豬皮，不過都睇得出三哥好有誠意，豬皮完全搵唔到毛毛，前期處理得非常足夠，同行友人就覺得豬皮好掛湯底、爽口！我最欣賞就係湯底入面仲會搵到酸筍同埋酸辣豆角，真係同平日自己煮嗰種螺絲粉有得揮🤣🤟🏻鍾意呢一款酸酸辣辣湯底嘅朋友，我極度推薦你試吓加埋豆卜，湯底滲透晒入去，酸酸辣辣真係好過癮嫁！唔知道今次呢一款新品會推到幾時，想試嘅朋友記得唔好錯過快啲去啦…查看更多

上星期去咗葵廣掃街，食完章魚小丸子勁想飲嘢，喺茶飲店林立嘅葵廣真係好多心水選擇，同行朋友就介紹我黎買呢間黃到金嘅💛茶芝味💛佢話有見到YouTuber推介，想試吓佢嘅奶蓋茶，最後我嗌左一杯奶蓋金鳳茶王 $28 (少甜少冰)本身都偏愛奶蓋茶嘅我，一飲都覺得呢杯奶蓋茶特別濃厚，上層嘅奶蓋鹹鹹甜甜而且非常挺身，亦都有芝士香，配埋下面清新嘅茶底，剛剛好中和左奶蓋嘅膩，上下層味道配搭100分！我好怕有啲奶蓋剩係得死甜，或者好快飲到一半會消失咗/溶咗。呢杯就冇呢個問題，因為奶蓋夠綿密，唔會好容易好快同茶底溝埋一齊👍🏻👍🏻讚！值得一提，呢間舖頭除咗貼咗好多文宣之外，買飲品嘅時候都問你有冇裝安心出行，哈哈！真係一個好有創意嘅手法🤣🤣…查看更多

上個星期六去咗葵廣掃街，假日嘅葵廣真係多人到年宵咁😂由於太肚餓，第一站就去咗 位於地下嗰層嘅「問卷」！上個月見💛Youtuber - Sunny arho 同 Creamy 有介紹過佢地嘅海膽手卷，所以今次親身黎試下！本身諗住叫有2款海膽（加拿大產同馬冀海膽）係同一個手卷嘅《加馬膽手卷》，點知冇晒加拿大海膽，唯有下次再試啦！最後嗌咗一個《三文魚海膽手卷》、一個《半板馬冀海膽手卷》。最後埋單大約80幾蚊，都唔係特別平㗎，不過勝在啲海膽同三文魚又真係幾新鮮。本人好怕食海膽食到苦腥味，呢度嘅海膽算唔上好鮮甜，不過都對得住個價錢，最重要係食到一半都仲依然食到少量海膽。三文魚海膽手卷就更加出色啦，老細有推薦我哋加少少錢轉三文魚腩，不過我覺得三文魚係配角就冇特登加到。呢款手卷明顯食到手卷底部都仲食到三文魚！都幾足料！我略嫌塊紫菜唔夠爽脆，揸喺手冇耐就已經好難咬開🥲不過整體質素同CP值都屬於中上，唯獨美中不足係需要企喺舖頭旁邊食，星期六日人流多嘅時間，都幾狼狽，如果住得近嘅朋友嗌外賣返屋企食可能會更加好啦！👍🏻👍🏻…查看更多

Me Time Cafe位於九龍灣工廠區地舖位置，鋪面唔係好sharp，灰色嘅水泥牆門面，唔係用心睇都好容易會錯過，平日午飯時間一般都會見到門外面有人排隊同等位，應該算係九龍區CP值唔錯兼且好味嘅餐廳！(😵‍💫小編自己成日都覺得九龍灣係美食沙漠)我都算係呢間餐廳嘅常客，價位大確$50-70，好似話每個月都會轉餐單，有成20款菜式比你揀，午餐包西湯同飲品，基本上嗌每一款餐都大份夾抵食，正常食量嘅女生可能會覺得太大份添。擺盤亦都好吸引，以cafe黎講算cp值高，不過老實講唔係款款菜式都值得介紹，個人比較鍾意佢嘅全日早餐、雞扒配薯條，仲有以下落嚟想介紹嘅意大利粉！佢嘅意大利粉標榜用珍珠帶子，雖然真係非常迷你，但數埋都有差不多10粒，意粉個醬汁都幾濃郁，意大利麵就偏粗身，似扁意粉。由於九龍灣附近真係唔多Cafe，冇乜比較下佢嘅味道整體算高質，喺附近返工係打工仔值得一試，但係如果唔係喺附近做嘢嘅朋友，就未必需要特登過嚟啦。…查看更多

辛苦工作咗五日，梗係要好好獎勵自己啦！今個happy Friday，就同同事嚟咗MegaBox搵好西，本身諗住食下平民嘢就算，咁岩經過The point 比佢地即烤pizza嘅香味吸引住就入咗去試吓啦😆以午餐嘅價位來講，呢間餐廳算唔上特別平，人均消費大約$100，不過食落就知道CP值極高，絕對值得一試！今次同枱包括自己有四個人，Total嗌左3個主菜，同1份小食(黑松露芝士薯條)，我哋四個人食都飽到上心口，各位女士嚟食都可以參考吓我哋嘅菜單！💫第一樣上枱嘅係黑松露芝士薯條💫(只要叫午餐主菜，就可以加$28配一份👍🏻😋)非常之好味而且有驚喜，芝士可以做到拉絲效果，個黑松露沙律醬亦都非常之惹味。不過呢個小食建議趁熱食，放耐咗之後就冇咁脆。第二樣上枱嘅係 白汁西蘭花雞肉意大利麵，The point嘅意大利麵質地好彈牙，個source係成份意大利麵嘅精髓，夠creamy同rich，好味到唔記得影相😂😂😂因為我哋四個人分住食，所以冇覺得特別膩，如果自己一個去食嘅朋友可能要考慮清楚先嗌啦😆第三樣上枱嘅嘢，就係我哋最期待嘅BBQ 雞肉薄餅 9吋 ~$120！呢間餐廳最出名嘅就係薄餅，細心嘅朋友會見到佢有個火爐係水吧位後面，即叫即烤，哈哈！最欣賞佢哋嘅薄餅嘅厚度拿捏適中，焗到脆卜卜咁，同普通連鎖店比真係高班好多！最後一樣出場嘅係 黑松露蘑菇意大利飯，之前同同事嚟食過佢嘅黑松露意大利麵，覺得非常之好味，但今次再嗌就發現已經冇咗呢一款菜式，變身成為意大利飯唯有照嗌嚟試吓啦。呢度嘅意大利飯偏硬身，屬於比較傳統嗰款，個人就唔係非常鍾意食，不過個醬汁依舊係咁出色，超濃郁！整體對呢間餐廳嘅評價都係非常高，環境舒服寬敞，一般職員會安排卡位比客人坐，仲好貼心咁準備埋即棄口罩套，服務同環境都屬100分！推薦…查看更多

身為九龍灣工廠區嘅打工仔，遇上落大雨，唯有喺Office附近搵啲嘢醫下肚就算。今日心血來潮同事建議去試吓新開海南雞飯。呢間餐廳門面幾靚又新淨，不過次次經過都冇乜食客喺裏面，所以一路冇試，點知今日一食就知點解🥶😖海南雞飯單點60蚊，唔包飲品又冇湯。自助式嗌完個野食，唔夠5秒個侍應就遞咗盒飯俾我。。。係一早pack好晒，放咗係到好耐嗰種，呢個價錢cp值好低🥲雖然啲雞去晒骨，都有誠意，不過雞皮真係好油，d雞都ok滑身，但一d雞味都無😵‍💫完全冇味道，唯有不停點餐廳比嘅醬黎撈飯食，個醬有d酸酸辣辣應該係全日最好味。令我最失望係成個飯都係室溫😵‍💫個飯底一啲都唔熱，個雞又係又唔凍又唔熱，真係唔知盒飯放咗幾耐，總括黎講，真係又唔扺又難食，不了！…查看更多

臻味豬扒米線本身係觀塘區有一定名風，唔單只有YouTuber介紹過，仲每日都好多打工仔支持！今個月終於進駐埋九龍灣工廠區啦🙌🏻係人流超多嘅常悦道開咗一大間分店，目測坐到100人呀，卡位為主，坐得舒服又乾淨，價錢仲要十分平價，單餸米線先40幾蚊，搞到呢排同事們成日話要去食xd😋講講嘢食先！💫秘製豬扒最值得試，坊間好多浸咗湯嘅豬扒通常冇乜口感、或者好乾身好’鞋’! 偏偏臻味做到 「肉質好 又入味」，真係稱得上係第一豬扒！臻味仲一d都唔孤寒，次次叫豬扒到有兩、三塊，滿到都食啲豬扒先見到d米線，哈哈💫另一個重點係湯底，個酸辣好特別，重酸反而唔係太辣，有同事叫到大辣都仲要自行加辣椒油，個酸主要來自秘製酸菜粒👍🏻好味道酸辣以外仲會食食下feel到麻，會食到條脷痺晒，唔中意麻辣嘅朋友可能要試下其他湯底！💫米線偏硬冇乜彈力，應該係成碗米線唯一扣分嘅地方除咗豬扒，我仲有試過自製韭菜餃、牛脷，呢2款配菜都值得一試，牛脷唔會硬，都幾入味！九龍灣嘅打工仔如果諗唔到放lunch食咩，絕對可以一試👍🏻…查看更多

近排去黃大仙中心北館，發現多咗間裝修好日式好光猛嘅拉麵店🍜😆今日收工順路去試下！🤭入到去發現係自助形式嘅平民日式食堂，叫餐方面要先坐低睇想食咩，再去收銀處order，然後會收到部[到餐呼叫機]，野食到再自己去攞！👍🏻而食物種類主要以拉麵為主，仲有炸雞丼飯、同好似吉野家嘅牛丼！價錢大約係單點主食~$50-60, 可以加錢配一份小食同一杯凍檸茶，價錢十分親民cp值高，選擇都多！今次第一次試，叫咗個「白武士」(=九州風櫻花蝦豚骨湯拉麵),另外加配咗炸雞同凍檸茶。先講個麵，我覺得都好對得住個價錢，夠足料，真係有一堆櫻花蝦仔碎係麵上面，口味幾夾湯底！不過個湯底就差少少，雖然好濃味，但硬係覺得重味精feel🤣需要配飲品！麵質屬於正常軟硬度，再加多塊肥瘦分明嘅白肉，50蚊食到真係算幾唔錯！反而我覺得最驚喜係個炸雞！真係熱辣辣又脆卜卜💫💫💫入面嘅肉保留到嫩滑多汁🥰係菜單必叫！今次第一次食💯👍🏻整體十分扺食，值得一試嫁！推薦！…查看更多

🤭身為egg benedict愛好者，食過留白包你唔到轉頭！💫💫先講講留白餐廳本身少少簡介，呢間cafe位於荃豐中心一個比較穩蔽嘅地方，麻雀雖小但款款菜式都值得一嚐！💫我本身住呢區，食過留白差不多5、6次，一般第一次食嘅朋友，我會建議試佢地嘅特式藝術feel甜品，打卡之餘仲好好味！Bagel 都係餐廳主打，唔會死硬嘅比高，確實高質！💫身為試云成份menu嘅我，比較推薦Egg benedict!! 佢做到出色嘅流心水波蛋之餘，個汁仲十分之傳統+偏濃，配蛋同麵包夾埋一口食真係好好味😋佢地連麵包都唔會hea你，夠脆卜卜😚！💫另外今次仲試咗煙三文魚菠菜意大利粉，個汁夠多，姐使食到最後都仲有好多醬可以拌意粉！意粉偏爽同硬身，整體都屬於中上水平！💫最後介紹埋飲品，每次去都會試咖啡，記憶中baileys latte 最好飲同多層次，仲會有靚靚拉花 哈哈。今次試咗Dirty，頭幾咬入口都會明顯飲到冰火交融感，佢哋本身嘅espresso底好香，奶底好似係用日本明治，所以夠滑👍🏻👍🏻💫食物質素真係冇得輸，荃灣特色Cafe黎講會係我心中Top3,美中不足係可惜佢嘅地理位置較難搵，加上鋪頭位置得5、6張室內枱，2張室外bar枱，次次繁忙時間去都排20-30mins。 今次再去食就突登5點半先去haha，就完全唔洗等啦，建議心急嘅朋友可以參考5點去呢個方法！😎😎😎…查看更多