前兩日久違地去再食老闆娘，叫咗最鍾意嘅酸辣湯米線(走蔥)，配上 特色蝦滑釀炸豆卜、魚肉腐竹、時菜😋老闆娘啲炸物真係非常一流，唔會油淋淋、爽口酥脆！
米線同湯底嘅經驗程度更加不在話下，鍾意食酸辣湯底嘅朋友一定唔好錯過，呢度嘅酸味比出面坊間嘅再酸多幾倍 哈哈，加埋辣好過癮㗎！
同行朋友唔食酸，就叫咗麻辣湯底，呢度仲有其他特色湯底譬如蒙古湯等等！因為每次都比酸辣湯底吸引住，所以食咁多次都未試過其他湯底🤣🤣🤣
講食物嘅話呢度真係冇得彈，不過環境就一般，前兩日五點幾去食都要等一個鐘頭先入到去，等候嘅位置都係冇風扇同冷氣，試過夏天等真係好辛苦。加上嗰到喺熟食街市範圍，所以稱唔上好舒適或者乾淨，如果有興趣去試嘅朋友建議五點就好到啦🤣應該唔洗同人逼
1
