yanie.ccc的个人专页

大牌檔原來已經先進到用QR code落單，不過照收加一服務費習慣性每次必嗌蒸鱔同椒鹽鮮魷，仲特登係備注寫明少鹽少油，所以豆鼓鹹香唔會太重，而且呢度仲有好多款蒸扇口味，例如水煮；而鮮魷就要少少牙力同埋炸粉可以再薄啲另外嗌海明蝦球，外層薄粉再走油，醬汁調味幾balance唔會過酸，配料用新鮮菠蘿係幾驚喜，當然去埋內芯會更加分Btw可能近酒店賓館，主要都係做遊客生意，同埋之前每枱收小食收費可能太大回響，依家取消埋😂…查看更多

成間餐廳Vibes輕鬆得嚟又chill，而家仲有埋聖誕佈置好適合影相，無論朋友/聚會/約會/慶祝節日都好啱甚至喺影相嘅時候職員仲幫手鏡頭打燈，呢啲心思位特別加分而全晚最有記憶點嘅係招牌ʀɪɢᴀᴛᴏɴɪ ᴄᴀʀᴀʙɪɴᴇʀᴏꜱ ，醬汁有茄香嘅酸甜，連同蝦膏精華完全融入粗管麵裏面，好滿足 另外職員強烈推介下ᴄʜɪᴄᴋᴇɴ ʟɪᴠᴇʀ都好鍾意，肝醬質感棉滑，完全冇內臟羶味，細細地兩啖就食曬，會不自覺咁回味 甜品就嗌咗佢哋身推出嘅蘋果焦糖雪糕，整體有冰火家用嘅口感，不過煮熟咗嘅甜品始終都係偏甜…查看更多

今次到訪荔枝角分店環境冇荃灣有夜景咁吸引，而食物終於試咗佢哋吉列定食，外皮用麵包糠，用筷子夾起已經short short聲好鬆脆，可以話係畀牛肉更加出色拉麵蕃茄湯底有少少特別，質地極濃稠，會形容為蕃茄汁多過湯，估計因為本身麵質唔算好索湯而特別調配而且拉麵裏面嘅魷魚唔韌、蜆大大粒勁吸引，相信清酒煮蜆都應該會唔錯甜品試左上次想食嘅芝士蛋糕，質地濃郁紮實，海綿蛋糕佔嘅比例相對太少，整體唔差但係唔係自己鍾意嘅口感…查看更多

推出「慶蟹祭海鮮自助晚餐」，有薑蔥炒蟹、黑椒炒蟹鉗、蟹粥等冷盤區有蟹腳、花蟹、青口、螺等，仲有師傅即開法國生蠔，不過當蟹腳鹽水味較重，而且生蠔都比較多碎殼，食緊時候要好小心而酒店當晚蟲草烏雞燉湯、甘荀忌廉湯幾唔錯，前者好清潤仲帶微微膠質張口；忌廉湯質地唔會太稠身，甘荀味亦明顯，平時自助餐好抗拒飲湯嘅我都忍唔住飲左2-3碗肉類主攻羊架、豬仔骨，另外每枱可憑卡拎芝士龍蝦，每位半隻，廚師整完之後直接送上枱完全係坐住等食，仲可以無限refil，食左3輪，質素都穩定只係最後一輪有輕微過熟比起屯門COZi 雖然環境細少少，不過食完可以去UG/f Grazzi Garden 戶外花園打卡影相，咁岩做優惠嗰陣可以一試…查看更多

佢地價錢我會稱之為平民法國菜，兩人餐只係$588，裡面分AB column自選，自由度極大*ᴇꜱᴄᴀʀɢᴏᴛꜱ & ᴍᴀꜱʜ原盤焗起熱嗱嗱，只係略厭油份太重，令薯蓉變得好heavy *ʟᴀᴍʙ ʙᴏᴜʀɢ ꜱᴘᴀɢ意粉炒夠乾爽，羊膝肉絲完全唔膻，而且唔會切到太細條*ꜱᴀʟᴍᴏɴ外皮煎乾脆，唔會皮肉分離之餘口感厚實*ᴄʀᴇᴍᴇ ʙʀᴜʟᴇᴇ 應該每隔段時間都會轉新款，餐廳勁大方咁灑滿開心果碎喺面，口感勁豐富*ᴘɪꜱᴛᴀᴄʜɪᴏ ꜱᴡɪʀʟ大推！口感好smooth，裡面用真果仁用機磨爛再磨成，杯底有果碎，再配朱古力醬令堅果味更提升❤️ 呢家happy hour仲做緊飲品買一送一優惠…查看更多

咁多年，杞醉嘅雞煲係暫時食過最正，已經唔知encore咗幾多次鋪頭預先將新鮮雞用酒醃好，一打開陣陣酒香撲鼻而來依家雞煲二人餐更包含自選肉、自選餃、米線、墨魚滑蝦滑、蔬菜、芝麻咸湯圓... 配料上比起之前淨係得半隻雞豐富好多，所以食落發現份量多到似3人份肉類可以揀牛或者梅頭豚肉片，今次選擇作後者有6片，目測已經感受到佢嘅柔軟油潤另仲包含醉蝦同醉硯兩款小食，前者用嘅酒味較濃；硯用玖瑰酒，雖然酒香散得較快，但更加帶起海鮮甜味…查看更多

旺角歷史悠久粉麵店，稀有牛雜部位選擇本身諗住食牛沙瓜，但係傍晚去到已經賣曬🥲唯有揀牛脆骨、崩沙腩前者炆得夠軟淋，但仍保留到爽脆口感，連我呢啲無牙妹都食到，如果平時都鍾意食開軟骨類嘅都會幾鍾意；崩沙腩兩邊筋膜橫隔膜煙韌彈牙，比起牛腩更加濃味仲見到舖頭稀有地有魚麵選擇另外章魚丸同炸雲吞幾好食，外皮鹼水味唔重，裏面仲包住兩隻大蝦/ 一粒粒章魚，入口冇咁重粉漿感，至於飲品建議自家製涼茶好過水吧飲品啦👍🏾…查看更多

餐廳有早鳥優惠、手握壽司8折優惠、學生優惠等，若午市更免加一認真抵食所以分别嗌咗海膽、帆立貝、中拖羅、鯛魚壽司，每款都好新鮮，飯粒唔易散*三文魚蟹子丼刺身 $68份量都唔少約8片，每片厚度比起連鎖外賣壽司鋪多一倍，成個餐仲配有前菜同麵豉湯*安格斯牛肉壽喜燒 $98/ $148有兩款，分別一人份同兩人份唔包飯，上枱時牛肉仍半生熟，幾鐘意佢地醬汁偏甜但唔鹹，本身諗住加烏冬，但發現裡面有少量冬粉索滿甜甜壽喜燒刻好滿足*天婦羅大蝦 $98外衣唔會好厚，入口鬆脆，唔會輕易皮肉分離…查看更多

$1嘆咖哩炒青口/ 冬陰功海鮮湯呢間街坊平民泰菜由泰籍師傅主理，全日免加一之外，消費滿$300可以$1嘆咖哩炒青口/ 冬陰功海鮮湯，性價比唔錯佢地咖哩加入大量蛋液炒至半熟，令質地濃稠口感層次豐富，味道偏甜完全唔辣，用黎撈飯/配薄餅食一流另外仲嗌咗無骨海南雞，雞胸位置都夠嫩滑，皮同肉之間夾雜咗一層薄薄嘅啫哩狀串燒雖然少貴 $38先得兩串，不過聞落已經充滿炭香，鎖到肉汁食落唔乾身，只係略嫌唔夠熱辣辣，btw下次會想試埋燒豬頸肉…查看更多

自從食客外帶食物新聞後，午市由三個鐘變成四個鐘，比幾個月前食多左好多人而且海鮮區域增加咗九肚魚、瀨尿蝦、蟶子仔，雖然瀨尿蝦比較細隻肉唔多但味道好鮮甜肉類多咗澳洲和牛五花趾，牛味會更加濃；甜品區多咗部Nutella巨大榛子醬機，任唧唔嬲，仲可以自行DIY雪糕脆皮榛子，如果可以好似九龍灣分店緊有日本限量版häagen-dazs雪糕就更加好湯底今次揀蟹皇，顏色呈橙紅，入口甘香鮮味，不過今次可能客多，不論落單叫嘅火鍋配料/洗海鮮都等得比較耐另外如果想飲寶礦力/ 自家製嘅桔仔水就要入座即刻拎，因為清光就無得再補…查看更多

通菜街嗰條巷仔唔少餐廳平靚正，依間真係讀書時其中一間飯堂，如果就得啱時間好建議午市/ 下午茶時間過嚟，價錢比起正價平一半，仲包餐湯餐飲同免加一咁啱近排天氣開始涼涼地，揀泡菜蕃茄豆腐湯鍋配烏冬，飲落味道比較溫和，泡菜味可以再突出啲，烏冬就比較淋身唔係彈牙爽口嗰種，不過呢個價錢有冇乜好要求鐘意食飯焦嘅可以一試石鍋飯，配料比較單調，勝在檯面仲有樽韓式辣醬任落唔嬲至於雞翼就每次必嗌，雖然$50得4隻，但幾大隻而且炸得夠香口肉滑…查看更多

依間酒吧餐廳望住佢哋德國豬手由試食價$98 演變成而家 $188份，不過味道上多咗幾多選擇，例如有而家大熱嘅開心果、避風塘、炸雞醬等，特別少少佢哋酸梅醬酸度好突出，係咁多款裡面比較鍾意豬手外皮炸得夠脆唔會好硬，而且原來仲包埋餐廳自家製嘅果味手工啤，入口幾似1664，味道偏淡酒味唔重，但對于如果唔飲酒嘅人又無得轉其他飲品就浪費咗另外餐廳新品韓式牛舌芯反而唔錯，約有10件，燒到裡面仍維持半粉嫩，口感彈牙仲配少量泡菜…查看更多

依間餃子店唔錯，$46/10隻湯餃，每隻都好飽滿，菜同肉嘅比例好平均，仲跟野葛菜生魚豬骨湯，入口舒服味道亦唔會好淡，有屋企煲湯嘅感覺試左四款餃子，分别排序白菜 > 甘筍沙葛 > 韭菜 > 芫茜頭兩款入口會甜，特別係沙葛口感更加大大提升，甘筍用機切得細細粒唔會好硬，韭菜中規中舉不過肉嘅比例會四款之下比較少，芫茜反而香味唔夠突出下午茶套餐仲有得包豆漿同跟麵底，，想轉煎餃都唔使額外加錢都食得過，不過就只係跟五隻餃子…查看更多

可爱嘅小三角，模仿返日式飯糰，仲寫明用咗日本長野月光米，而且份量成個拳頭咁大，拎餐時路人見到都話哇哇聲，眼見男人叫一個餐已經夠不過始終手握，飯粒比較鬆散，面層餡料好易跌落，加上即叫即整飯團熱辣辣好而令到紫菜變淋，建議越快食越好醬油漬蛋黃雞肉碎同鰻魚醬汁較多，食起較濕潤同調味豐富啲佢地明太子醬帶微辣配玉子燒都唔錯，裡面半熟質感，可以話係畀飯團耽誤嘅玉子燒另外佢哋自家淆製味噌豬肉湯裏面除咗有豬肉片仲有薯仔、洋蔥、蘿蔔，飲落幾清甜順帶一提，舖頭冇手套只有濕毛巾提供，唔習慣就落單後去廁所洗定個手先…查看更多

可能因為喺屋邨住宅區，餐廳有好多優惠包括早鳥優惠、手握壽司8折優惠、學生優惠等所以分别嗌咗海膽、帆立貝、中拖羅、鯛魚壽司，每款都好新鮮，飯粒唔易散*三文魚蟹子丼刺身 $68份量都唔少約8片，每片厚度比起連鎖外賣壽司鋪多一倍，成個餐仲配有前菜同麵豉湯*安格斯牛肉壽喜燒 $98/ $148有兩款，分別一人份同兩人份唔包飯，上枱時牛肉仍半生熟，幾鐘意佢地醬汁偏甜但唔鹹，本身諗住加烏冬，但發現裡面有少量冬粉索滿甜甜壽喜燒刻好滿足*天婦羅大蝦 $98外衣唔會好厚，入口鬆脆，唔會輕易皮肉分離…查看更多