manman369的个人专页

之前見飲食KOL介紹源自沙田，荃灣有分店，樂富分店都就嚟開試吓先豆乳雪糕好濃！！😍清新得嚟豆乳味又好出抹茶都好濃但唔算特別驚喜個口感都好厚身，食得出落足料嘅兩者相比之下，豆乳雪糕有d似雪芭口感😋好正蕨餅幾ok，唔係好實扮蕨餅果d，係真蕨餅👍白玉有咬口，唔錯唔錯環境幾開揚，但人多就可能要搭檯了因為現場係幾組檯凳有d檯凳組合係四人檯，有高腳檯，有小圓檯Oh well…雖然好食，但被漏單…呢杯雪糕等咗20分鐘😅好彩係有凳坐嗯，平日5點幾，員工好似好忙咁睇嚟要加返d職員會好d…查看更多

食過芝士叔叔的意粉同埋長通粉梗係正啦今次又食返Carbonara唔會好“漏”但又每條意粉都掛到汁同埋有d芝士味💯有幾片煙肉，唔需要太多，太多就過鹹+搶fo要咗全份，真係裝滿個盒！足料又大份，正呀～👍👍上次食大蝦長通粉又係好味道，汁夠蝦又大粒😎不過點都好，即炒意粉都係襯熱食最好味今晚我返到屋企擺一陣先至食，變咗暖暖地唔夠熱就真係冇熱辣辣即刻食咁好feel🙈由於太肚餓加埋錢要埋湯和tiramisu（忘記邊個係+$10邊個係+$12）嘩～～～～～～～～～～我最愛的杰撻撻湯啊❤❤❤❤❤是日靚湯係磨菇湯，杰到好feel到打成蓉的磨菇！！Texture勁杰，飲落真係勁滿足😋下次絕對要繼續加錢要埋湯Tiramisu都唔錯甜味同埋咖啡味都balance到值得一試位置係有少少隱蔽第一次去的話係會有少少難搵喺近球場果邊個天井位附近的一個凹位，exactly兩部lift旁邊如果講附近有咩店喺“慧x貓”隔離，咁樣形容可能會易明d😅因為手抓餅都多人等，有時可能會難睇到隔離的芝士叔叔🙈之前睇過報導，芝士叔叔係有做酒店廚房多年經驗喺葵廣俾幾十蚊食到酒店廚師整嘅食物抵到爛啦😉如果係堂食應該要double價錢了吧再讚一次個湯真心正😍超鍾意咁杰…查看更多

下午茶時間唔想食鹹點就諗吓去邊間甜品店呢間店面細細而且聽聞好受歡迎，經常都要等位就去望吓會唔會好彩唔等咁耐幸運地一去到就剛好有人食完走人於是唔需要等位就可以呢間好值得捧場嘅小店叫咗杯檸檬青檸苦酒（LLB）因為個名好吸引 😂飲落都好清爽，啱晒，下午茶時間唔太想飲咖啡咁濃嘅味，茶又飲落有d單調同埋寡而且，杯飲品嚟到，就會好想影相 😆個色好靚呀！😮😍上半部份係苦酒的橙色+檸檬的黃，中間青檸的綠，下面係透白通常見到係橙色喺底，但呢杯係橙色喺上面，感覺仲靚仲eye-catching 👍仲有叫咗“蕉”Wow! 內有surprise 😎外面係整成黃色的朱古力，入面係雲呢拿雪糕配合埋“side dishes”：朱古力pancake、雜莓、可可粉同埋脆脆可以有好多combinations同埋口感，例如pancake+雪糕+脆脆 👍未食完都會想再嚟不過又要考吓自己的運氣同埋諗吓邊一日邊個時段嚟最唔需要等位 😜…查看更多

間唔中都會嚟呢度食場地大而員工少，係睇得出一多客人就會勁勁勁忙但服務質素都feel到好盡心盡力維持水準經理同侍應們都好落力好快手，而且好nice係值得支持同鼓勵 👏👏講返食物先pizza好食，襯熱食堅正！個批底煙煙韌韌，食得出係手工嘢人手製作搓出嚟+火爐烘烤唔似平時pizza店或外賣的pizza係食偏硬、比較鞋身、咬或拉扯會好實的麵包批底個risotto好味呀！勁濃郁勁creamy 😋最鍾意食有味飯牛肉煮得剛好，內裡仲係粉嫩的紅，而且真係牛有牛味 🤣👍仲要係鐵板上，熱度可以保持好耐希望呢款飯由期間限定轉為主餐牌食物👍👍key lime pie好清新喺香港好難食到，而且呢度整得幾似正宗味道作為飯後甜品係一個好選擇，so refeshing主食係比較heavy，甜品就可以light一啲訂位好方便，而且通常都book到，唔怕被覆一句“sorry已經full咗” 😌用openrice訂位有折用餐環境舒適，檯好大，坐得舒服三個人都可以坐大檯，坐到好似拍飲食節目咁都得 😆每檯相隔頗多距離，唔會痴住，唔怕俾人偷聽到傾計內容 😂🙈…查看更多

之前見到一位好喜歡的做餅師傅介紹呢間麵包店然後見到好多人留言讚好多款產品都好好味好正於是放工就去朝聖一下可能因為都夜喇，麵包款式淨返較少選擇我最想試嘅車輪包就見唔到（終於知道有車輪包唔係用提子乾，我內心不知幾咁感動同激動😂🙈）反而見到一樣好吸睛嘅，就係炒蛋餐肉包！好少會見到係用炒蛋已經覺得好有誠意的出品嘩食落去… 😮😍 有驚喜喎首先重點係口感，好正！炒蛋係綿滑的即係完全唔鞋口而且唔係咬落去“實的的”仲有…個麵包都好鬆軟即係成個包相對嚟講最實就係塊餐肉😂😂😂而又好巧妙地薄切餐肉就可以大大減低個“實在感”呢個薄切餐肉又帶出第二個重點就係成個麵包整體的味道因為麵包同埋炒蛋係淡味，而餐肉的鹹味就增加返個食入口個味道但如果厚切就over了，薄切就剛好口感同味道都配合到 睇落好普通的餐蛋包，其實食落都感受到用心製作呢 😄…查看更多

星期日夜媽媽一個人食，就揀d平時見到好多人等位嘅店加上芝士麵睇食評d相已經好吸引就去潮聖吧果然因為都已經8點半，門外唔多人等位/等外賣一個人就更快有位坐，雖然搭檯但坐卡位，幾好啊要咗芝士麵餐，自選兩款配料揀咗煙鴨胸同埋煙肉呢兩款勁唔健康的食物 😆😆既然都一心想食邪惡美食，就去到盡啦芝士醬撈埋麵再加一口肉嘩，人間極品 😋跟餐飲品見到可以加錢轉鹹檸七正呀 👍 下火又好飲，鹹鹹甜甜，唔係度度茶餐廳/冰室有呢款飲品，一見到有就梗係加錢order啦啤酒杯+原罐七喜上 😂👍 仲要有兩大粒鹹柑桔好抵飲 💯…查看更多

限聚令放寬後，朋友們相繼有返小型飯局呢次有人提議去置地食wow 感覺很高級呢原來都唔算特別貴（刻板印象係中環食嘢好貴）而味道又真係唔錯其實食飯都係其次，最重要係四個人可以聚埋一齊如果張圓檯可以大少少就perfect 😆千層豬扒擔擔烏冬係當晚最愛 👍豬扒真係一層層炸，烏冬彈牙，湯底夠濃味唯一美中不足係size有d細 🙈仲有叫咗酸辣青木瓜沙律好清新，酸辣度剛剛好又唯一美中不足係size有d細 😂小籠包即叫即蒸，而且係隔住塊玻璃就睇到製作過程味道同size都係正常最後仲叫咗個甜品：抹茶紅豆驢打滾個名夠晒得意同埋地度賣相都好似雷沙湯圓、糖不甩果類口感都係煙煙韌韌，唔太甜，幾好…查看更多

由佐敦店一直買牛角包買到嚟荃灣品質依然超晒班牛角包就例牌買的，最鍾意佢勁脆，又夠香今次再買埋海鹽焦糖果仁撻首先撻面鋪滿晒果仁已經夠晒“吸睛”，所以買嚟試吓😆咬第一口，食到撻邊為主好香牛油味的餅皮雖然上面係充滿焦糖醬同埋果仁但個餅皮都冇“軟淋淋”，仲係硬身，脆的果仁都仲係脆的😂總之成個撻都冇“淋”到食落唔算好甜，海鹽亦中和甜味+帶出焦糖味的層次$38係值呢個價最後想讚吓包住撻果張紙店員包到個撻好好，冇果仁跌出撻皮外之餘食果時就算捉實個撻嚟食，d焦糖醬都唔會沾上張紙食撻最怕食到好輪盡好“呢hae”，有張紙包住又唔會沾醬到周圍都係，食都食得開心d 👍…查看更多

係天意可以食到好味的麻辣涼皮啊～ 😋事緣今日忽然睇到有人講起兩姊妹涼皮就諗吓夜晚去碰運氣買唔買到呢間店咁出名經常賣晒呢一去到，望到有個牌寫住涼皮賣晒🙈Oh…心諗，咁下次有機會再試吓買唔買到企喺附近執吓自己個袋，然後準備走人…咦忽然收銀處果個“涼皮賣晒”紙牌收起咗！！！😳😳😳於是…我鼓起勇氣，打厚面皮，開口問佢係咪即係有涼皮賣？竟然，真係有！🎉睇落似係有人棄單…邊個咁唔識貨啊 😂 咁我唔客氣了接收咗其中一碗微辣涼皮，配料係肥腸+腎Yeah!帶返去同家人分享 😋佢地都話唔錯，有少少麻辣，辣得幾過癮我覺得個味混得幾好味啊，唔食辣的我都食到微辣level（但“少辣”應該唔得了可能對我嚟講會太辣）果d一粒粒炸碗豆好鬼脆，大家都勁鍾意涼皮煙韌彈牙，沾晒d麻辣汁，好味真係冥冥之中自有主宰 😋❤ 有食福呢…查看更多

早放工就早d去食晚餐，加上疫情又轉差，難得見到冇人等位仲有得揀位坐，就入去食碗叻沙最後揀咗阿參叻沙阿參係一種酸味的果子，東南亞人用嚟調味未至於檸檬咁樣有清新氣味，果種“酸咪咪”的味道係好順口而且天然（有d人食太多檸檬汁果種酸味牙骹會痺，阿參就唔會咁攻咁搶味）酸酸地嘅叻沙都幾得意湯底好濃郁而有少少酸味，感覺濃得嚟唔會太“漏” 👍碗米線唔算大，只係剛剛好夠飽大食d的話就可能唔夠飽，要加小食我唔食得辣所以都覺得幾辣（有d食物就係本身有辣味先好食先至係精髓，所以我會照食，哈哈哈），如果食得辣嘅應該只係會覺得似普通酸辣味道仲叫咗杯熱拉茶都ok，飲到濃茶味，又夠滑如果大杯少少可以飲多兩啖會更開心 😂…查看更多

加入咗芫荽群組，見到有人推介呢間小店剛好今日去太子，就行過去試吓店面細細，好在我係12點左右食，未算好多人但都幾乎坐滿（因為疫情期間唔可以坐太密，幾乎都係一人一張檯）食緊果時都有人買外賣，咁好似都ok呀入返正題先 😂餃入面有充足的芫荽，好夠茜味 👍芫荽同肉碎比較適中，雖然鍾意芫荽但都要取個平衡，呢個餃做得唔錯皮係偏薄但唔係近似雲吞果種，而又唔係厚皮（我個人嚟講就唔鍾意湯餃好似煎餃咁厚）$49/10隻，價錢都ok食完好滿足個湯都幾有驚喜！唔似一般魚湯或者味精湯嗯…飲落好似…椰子雞湯？呢個就唔sure喇但係總之湯都好飲的，我都邊食芫荽餃邊飲湯，飲咗大半 😜…查看更多

假日下午相約好友聚吓之前有好友推介，就去試吓環境好新又舒服，感覺好chill，非常適合悠閒地食吓嘢，輕鬆傾計😎👯播住好jazzy的歌，唔嘈吵，人唔算多，有幾檯，坐得鬆動，啱晒假日來太enjoy，hae吓hae吓就三粒鐘 😜食物好味蜜糖檸檬時蘿蛋黃醬好味道 😋蛋整得剛剛好，外面剛熟所以滑，中間仲係滑心蛋黃，唔錯～多士烘得好脆所以嘢樣樣要d夾埋煙三文魚，入口口感同味道好正 👍唯一個小插曲係order飲品時剛巧遇上我地想飲的飲品ssss都缺 🙈😅嗯…問返店員咁即係宜家有咩可以order店員好nice咁講解返點解我地想飲果d都冇，同埋誠意介紹咖啡，仲有果位得獎咖啡師同埋坐足全程都有主動加清水（所以可以傾計+坐咁耐 hahaha）周末係冇lunch set或brunch set食物同飲品係獨立計下次再嚟真係好想試吓飲唔到嘅affogato同埋滴漏咖啡啊 😂…查看更多

呢間餅店係我以前睇雜誌介紹而想試吓d cake同埋個地點有d唔就腳 🙈 宜家都比較少機會過海去港島區上個月見佢fb page話唔做喇 😯哎呀，最後機會了就搵人幫忙訂呢間的蛋糕Oops唔知係咪因為結業前事務繁重，令到訂蛋糕呢件事一波三折 😅尤其今日取蛋糕個過程唔多順利（題外話：辛苦晒幫忙拎蛋糕的兩位 🙏🙇 ）而師傅都好nice好客氣因為一d意外面等咗一段時間才拎到蛋糕佢就俾咗d朱古力同埋馬卡龍我地食嘩，好味！！！馬卡龍入口即化，唔太甜膩，各方面都剛剛好，勁！個蛋糕味道確係唔錯最鍾意果d葉同埋個餅底，係濃濃而唔苦的朱古力！！ 👍慕絲蛋糕同埋朱古力脆脆都有充足的朱古力味而又唔太甜（都係經常講果句：食朱古力蛋糕唔夠朱古力味嘅話，咁食嚟做咩？！😂 係咪先）味道係值得讚許+encore 👍希望將來呢位師傅再開店（如令訂蛋糕流程更順暢就更好，嘻嘻 😜）或者crossover出面d event，搞期間限定pop-up store，會來支持呀又或者轉做網上賣/訂都好啊 😃…查看更多

有時間悠閒地食個brunch，就食d吧諗起之前食過alfafa lunch，印象唔錯早餐去到11點半，nice!店內已滿座，要坐出面其實原本都ok，都仲係店外商場範圍但因為商場有部份翻新緊變咗有d熱同埋嘈 🙈果個範圍冇乜冷氣…忍唔住要叫凍飲Oh well...結果係快食快完結全程都有微微流汗 😅講返食物我以為炒蛋同雞肉會用碟裝，然後通粉用碗裝點知原來擺埋一碟🙈 呢個真係好扣分…通粉浸住都還ok，炒蛋浸住就…嗯…味道就依然唔錯，所以當初就係見坐店外位都照揀alfafa嚟食雞肉稍稍有點過鹹，但配埋冇味炒蛋又ok喎，哈哈哈磨菇湯有磨菇味，唔錯，如果可以再杰dd就perfect了整體上食落係幾好味，但始終見到炒蛋浸住湯我有d介意 🙈快食完上去UNY行吓涼冷氣先，食完仲熱 😂😂😂…查看更多

美式餐廳從來都唔會失望食物當中該有的味道係唔會就住就住該甜的就甜，creamy就creamy，濃味就濃味，酸就酸唔會話因為健康或已遷就香港人口味而減少個味道首先，必需要講每次望到個menu都有d選擇困難 😂😂好多字，同埋多選擇要睇一排先落到orderbuffalo wings係酸味好重並唔似另一間迎合香港人口味已經localized的美國餐廳咁變到好似帶甜的bbq味天氣漸漸回暖甚至熱，加上本身個雞翼就係鹹鹹地宜家帶d酸味就覺得幾清爽另一個好味的就係Pasta with chicken and lemon garlic sauce檸檬的清爽口感同creamy口感原來都好match!有驚喜，呢款意粉下次來會再點Cobb salad又係幾好首先個賣相已經好可以相機先食 😎😎好有拿破侖feel的沙律 😆 一層一層咁切開然後撈埋，就會變成沙律中的脆脆食落就會覺得口感豐富，多d層次咁同埋份量都幾大再叫埋burger，side dish要炸蕃薯條，食落都幾得意最後梗係食cake啦！！叫咗一個味道清d，一個濃d正如一開頭講，美國餐廳的味道就係足！咁多款chocolate cake都有好充足的朱古力味，唔錯唔錯（食朱古力食物，唔夠朱古力味咁不如唔好食啦～）是但一款都好味 😍😋疫情期間星期五晚上係要排隊的唯有先去排個number安排唔錯，店員會先講大概幾點可以返嚟拎個震震機，然後再等多15-20分鐘機仔就震了咁就可以去行吓海港城呀誠品呀之類打發時間每次來唯一concern係餐廳因為太有情調而燈光太暗 🙈我要好用眼力睇又多字又多選的menu同埋音樂有d大，有時大家都要大聲d講嘢同埋疫情期間要坐得疏d餐廳係安排隔開d檯坐所以卡位係隔檯坐或者就係因為咁要等位 😜…查看更多