DannyKwan的个人专页

經常灣仔返工都經過來佬，繼Fusion Crab Dinner之後，又推出X’mas Set，今次推出5道菜，見個menu幾岩食，又約下foodie友食下~~第一道菜 鵝肝二重奏之香煎鵝肝toast x 法式鵝肝cream brulee鵝肝toast 煎得幾香口，鵝肝都算大件，味道幾好，如果熱d出菜會更好味！鵝肝cream brulee 入面係鵝肝醬fusion法式燉蛋，味送幾新款，個人就比較喜歡傳統cream brulee.第二道菜黑松露野菌濃湯配磨菇曲奇，個setting 係好似cappuccino 咁上，先飲泡泡面層帶有菇粉味，再飲落去先係黑松露野菌湯，口感豐富，湯濃，推介之選！第三道菜香烤焗海鮮，入面有煎大蝦、帶子、青口，個人覺得是驚喜的，作為前菜有呢個份量既海鮮，真係幾滿足，而且新鮮好味，睇得出大廚心思之作，伴菜係茴香、橙肉、椰菜花蓉，係非常高質的開胃菜，推推推！第四道菜慢煮香烤牛柳，牛柳經慢煮烹調煮得好淋，肉味都瑣得好好，portion算係相對細份，但味道一流！第五道菜朱古力樹頭蛋糕，賣相一流，可惜中間海綿蛋糕部份做得偏乾，口感一般，只能影相打卡，希望大廚下次可以做好少少。是次X’mas Set 除左甜品，其他菜式都十分出色，328/位其實以聖誕set黎講，價錢合理，係值得推介既聖誕餐！！！…查看更多

家中長老喜歡鋸扒，來佬餐館經常是他們坐上客。今次有新餐推出，又正值蟹粉季節，上次同朋友食過，今次老友記想試，咁我又有口福喇！頭盤-蟹肉蘋果沙律，芝士菠菜焗蠔，露筍，蟹粉一口酥，4款頭盤各有特色，特別係蟹粉酥特別出色，煎香再滙入米通，配搭一流，值得一試再試！湯-酥皮海鮮湯，係真係真材實料，好濃海鮮味，完全有腥味，超水準之作，睇得出大廚得用心製作！主菜-慢煮烤鴨胸、羊架，我覺得鴨胸係有驚喜，因為慢煮到好嫩滑，我冇諗過原來鴨胸可以咁好味。羊架係偏濃蘇味，係我偏好嘅羊味，配牛肝菌汁一流！甜品-芒果西米奶凍，上次食咗心太軟，一於試吓嘢，擺盤好靚好吸引，西米奶凍口感好滑好香奶味，芒果雪糕都好香滑，食完唔覺滯，味道拍得住酒店high tea，勝價比好高！今餐晚餐老友記食得好滿意，食得出大廚好有心設計呢個餐，可以媲美酒店級數，我真心推介可一試再試！…查看更多

平時都有幫襯來佬扒餐，知道出咗新晚餐，見到啲配搭幾新穎，有蟹粉有扒有甜品，特登約朋友試試佢！頭盤有4道菜都幾豐富！芝士焗蠔：好香，蠔係新鮮嘅！一口蟹粉酥：幾創新嘅fusion小吃，有蟹粉味，幾香脆！蟹肉蘋果沙律：幾開胃～露筍伴黑松露蛋黃醬：幾好味，冇諗過原來幾夾！餐湯叫咗黑松露野菌湯，呢個湯好值得推介，好濃好creamy，黑松露愛好者必食！來佬好少出羊架，今次主菜當然揀咗牛肝菌烤羊架，我叫咗7成熟，火候恰到好處，做到剛剛好7成，羊架烤得好香，入面好嫩，水準好好！另一位友人叫咗US穀飼肉眼扒，佢叫medium，同樣火候到位冇over cook，牛扒質素唔錯！甜品係自家製朱古力心太軟，一如既往咁好食，朱古力味重，中間流心恰到好處，yummy!!…查看更多