盈如奇貓的个人专页

我覺得佢地做生意唔老實，感覺唔良好。😓事關明明在Openrice 訂左位，主餐牌點菜有8折優惠，店員亦有喺點餐前溫馨提示我地有折扣。點知最後埋單係冇折到，好在同行朋友醒目，問佢地折左未，我地經Openrice book位架喎？之後先至重新印過張單結帳！喂你地明明點餐時溫馨提示左我地，點解結帳時要人地提番轉頭先比折扣？好似想側側膊收貴人地百幾兩百蚊囉！大家埋單時記得要check 左先好比錢，唔好蝕比佢地！😓…查看更多

作為長沙灣的街坊，已經幫襯過很多次這裏的沙嗲牛腩飯，水準平穩，而每次這個餐都會附送一碗紫菜湯。今日再去幫襯，有個紮馬尾嘅中年女人，應該係員工，態度非常惡劣😡。我問佢：個餐係咪跟湯？佢答我：冇，改咗餐牌幾個月啦，仲指埋俾我睇。我同佢講：我上星期先幫襯完，一向都有湯跟喎😦。佢仲話：我都係跟老闆指示做嘢。我話：冇理由喎，一向幫襯開都有😯。跟住佢悔悔氣氣叫廚房俾一碗湯我，仲話俾多兩啖佢啦。嘩，串過碼頭咕喱！🤬🤬🤬好老實講，我都係欣賞你碗紫菜湯啫，唔俾咪唔俾囉，唔使咁串嘅，想趕客都唔使咁呀嘛。咁嘅態度，真係搞到我唔係好想再幫襯。🙂‍↕️🙂‍↕️…查看更多

今年生日飯想食扒，所以book左呢間阿根廷牛扒試試。（之前喺上環食過有一間幾好，今次選擇咗試新野）點知中咗伏⋯⋯😢首先，座位安排左我地坐一個好熱既長枱位（琴日熱到爆晒汗，果個位置係最入最督督得一把微弱既吊扇）。我仲期望生日會安排一張好少少既枱。😞結果我地換咗位，有冷氣D但係L型冇得面對面對住坐⋯⋯ 對於情侶黎講冇咁好feel，果刻真係失望同扁嘴。然後，野食係等咗好耐，salad都等超過30分鐘先有。叫左個八爪魚沙律，係正常水準，不過不失。再品評最有期望嘅牛扒，叫左Rib eye (medium)，用鐵板上，配有6款醬汁。完全食唔到濃郁牛味，只有炭燶味。最重要既係，個表面好乾好鞋！！！😡😡😡入面亦冇乜肉汁！！！明明睇食評D相好吸引架喎，點解食落咁大落差！！！😭😭😭好失望好失望好失望，完全唔OK！大伏！🙅🏻‍♀️🙅🏻‍♀️🙅🏻‍♀️再試埋個意粉，好似食緊雲吞粗麵果種麵質，味道好一般，得D咸味咁囉，唔值得試。最後佢問我要唔要多支水，拿，我忠告大家千其唔好好似我咁豬🐷，因為水係盛惠$75一支架，我好豬咁添左，total 兩支就$150喇！🫣🫣🫣男朋友安慰我話生日唔緊要啦。本身對牛扒有要求既你地，就唔建議黎試了。…查看更多

今日收工同朋友去奧海城呢間餐廳食西班牙菜，喺OpenRice見到好多正評，但當我哋去到嘅時候竟然得幾丁友，由於係星期六晚上，客人得咁少，實在好唔尋常。一坐低，店員就送上一兜墨西哥脆片，以及兩塊又「雪味」嘅麵包。頂你個肺，原來嗰兜墨西哥脆片係要收$45！🤬🤬🤬我地埋單先知！但係店員完全沒有任何口頭上通知，餐牌上中文句子亦有誤導成分：「每枱均附上墨西哥脆片一份$45」，我get到既係送上一份價值$45的墨西哥脆片！大佬，生意唔係咁做，咁樣同隱藏式收費有咩分別啫？我真係好嬲。😡😡😡我同朋友本身見佢哋生意咁差，專登食完飯叫多個甜品。但係一坐低原來夾硬收人$45小食呢個做法令我哋好失望，兼且好嬲！我一定會同其他朋友講今次嘅經驗！！！等佢哋唔好中伏！！！就算請我都唔會再黎食！！！🤬🤬🤬以下係其他食物相：…查看更多

昨晚7點幾與男朋友到訪這間餐廳，要排隊等位，等了約20分鐘可以入座。我哋當時都好肚餓了，坐低咗10分鐘就落餐，叫咗一個「飛天通菜」、「馬沙文咖喱牛腩」、「印度酥餅」、「叻沙蝦米線」。但係等咗30分鐘仍然未有嘢食到😟，我哋便向店員查問，最後終於上咗一碟「飛天通菜」俾我哋食住先。但係我哋食完碟菜，其他食物仍然未到☹️☹️。我哋再俾多少少耐性等吓，但真係冇嘢食黎。於是我哋再催促店員跟下張單，再過多一陣先至上埋「馬沙文咖喱牛腩」及「印度酥餅」俾我地😭😭😭。我同我男朋友真心肚餓。😫😫😫之後再繼續等咗20分鐘，仍然未有個主食「叻沙蝦米線」😥😥😥。於是我男朋友走埋去一個好似店長嘅男人親自查問，全程係非常禮貌表達我哋真係等咗接近一小時了，點解可以一碗米線都煮唔起呢😭😭😭。男店長表示：唔好意思唔好意思。但之後仲補左句：你應該七個字就好追啦。我聽到之後真心著火！😡😡😡😡😡😡😡😡😡同佢講：我哋追咗三次了！我真心嬲，點解可以將個責任擺番落顧客到，明明係顧客點咗嘢食但係等極都冇，點解仲要賴我追得遲呢？咩事？？？😣😣😣我知呢間餐廳真係好多人幫襯，小我哋一張單都唔緊要，但係咁樣的服務態度真的不合格吧！😓😓😓好好的一個周末晚上，倆口子的心情都被破壞了。☹️☹️☹️…查看更多

中午落街食個lunch, 近近地揀左呢間屋企樓下的餐廳。同媽咪叫左兩碗「麻酸辣魚片頭炸響鈴米線」，聽落好似幾開胃咁。我果碗要求左走青，結果黎到成個湯底白色清湯黎架喎😨😨，立刻叫佢換過。然而，我地兩個碗米線都淋到唔洗咬，好差。仲要碎到得1-2cm都夠膽死！！！🤬🤬🤬有幾好味都冇用啦，碎到要用匙羹吃😢😢。仲要份量得好少，一般女仔都唔會夠飽。好嬲囉，之前食過早餐覺得正正常常，但今次之後唔會再幫襯了。…查看更多

之前見過人地介紹呢間阿根廷牛扒小店，今日中午一於相約喜歡吃牛扒的男朋友試試！🤭🤭 雖然個店好細，得幾張枱，不過食物好有水準，服務員亦好有禮，非常滿意，會想再去食。😁😁我地各叫左一個set lunch, 包appetiser + side + main + soft drink。Appetiser 我選了Beef  Empanada，好juicy 再點埋個醬更提升到味道。男朋友則選了Tuna Ceviche，幾fresh既，但本人唔太喜歡個sauce 有陣芹菜/芫荽味，所以就覺得一般般，但tuna 同牛油果都唔錯。原來仲有免費既麵包，好新鮮，聽講可以refill架，不過我地每人食左2塊都覺得夠了。Side方面，男朋友選了薯條，好厚身又熱同脆，我鍾意呀。😋我就選了類似烤菜既東西（唔記得左個名），出奇地好食喎。🤭Main方面，男朋友選了較貴的Sirloin steak，超級厚身😂，medium rare 火喉控制得幾好，呢隻扒少D油花同脂肪，肉質較實，男朋友話滿意既。我就選了平少少既rib-eye steak，都係medium rare，比預期中出色！肉質嫩滑，油脂夠，好易切，我就覺得非常好喇。👍🏻總括嚟講，係一間有誠意CP值高既小店，👏🏻👏🏻希望下次再去食都keep 到水準啦。😆…查看更多

呢間位於荔枝角既cafe其實之前經過都一直想試，今次終於同男朋友黎試左，但一致認為唔值得再返去食。😒我叫左個$168既「龍蝦汁帶子天使麵」，男朋友叫左呢個價值$178既「All-day breakfast」，以上呢個餐都跟野飲既。先講我果個天使麵，正正常常冇咩特別，不過不失。但男朋友呢個all-day就伏得多，賣相唔吸引，味道一般，出面大把cafe既all-day比佢平同好味，呢個完全唔值咁貴囉。😭公道D講句，佢D coffee係唔錯既，我滿意我果杯熱Cappuccino ，滑身同夠濃郁。…查看更多

今天難得和男朋友一起放假，便試下呢間自助餐。我們食中午12時，見到已有非常多食客。估唔到我們短期內又中伏。🤣食物方面選擇比較少，今期餐廳是以「意大利」為主題，見到有pizza、意大利雲吞、意式湯等等。我試了一小塊pizza，餡料及芝士少得可憐😓，只有普通咸味，咬了一口不想再吃。我本身很喜歡食意粉的，可是現場只有螺絲通粉。另外試了意式千層麵，煮得太淋身了😅，吃了一口覺得有點難食，慶幸只拿了一小角。刺身有四款選擇，但沒有章魚或墨魚片。熱食方面，竟然沒有牛扒，只有羊及豬。又沒有普通的炒菜，只有炒椰菜花🥲，是否我太揀擇？最出色的要數是青口，非常新鮮及飽滿。由於沒有太多想吃的東西，最後吃沙律菜比較多。然後轉戰甜品，不過不失，咖啡味那款及藍莓芝士那款比較好吃，其他都幾伏，唔好亂試。😕以下附上真金白銀去食既單據，以證清白。…查看更多

見有新張優惠，身分證括號有2字便可享免費午市套餐（最平果款），今天便和男朋友一起試。但野食味道很一般，試完一致認為唔會再食多次。😓我有8折優惠，叫了個泰式蝦肉金邊粉，撩來撩去發現唔到有蝦肉，原來喺個底得兩粒小小的急凍蝦肉。金邊粉味道亦很一般，甚至乎唔太好食（So far 食過的Pad Thai 黎講最差的），整體上失望。🙁男朋友補差價叫了個豬頸肉湯河，豬頸肉味道可以吧，中肯講句不過不失。😅環境方面，安排左卡位所以坐得舒服，但係食物水準認真麻麻，固然餐廳肯花錢落廣告十分重要，食物水準亦要提升，才可留得住客人呢。🙏🏻…查看更多

7月18日星期日是本人的生日，男朋友帶我試下D打卡既afternoon tea set，影下靚相食下甜點，最後選擇左試呢間歷山餐廳。酒店設計華麗，又新淨，我地都預早去到影左一輪相先。現場見人流稀少，得幾丁客人行來行去影下相，我地有點心知不妙。果然中左大伏，野食既味道同賣相都強差人意！唔合格！唔會再黎！唔建議大家黎！不值一試！味道好主觀既，都算。但個樣頹唔頹D ? 話明黎打卡，連擺盤、食物既賣相都毫不吸引！咩事啊！仲話係酒店，連普通cafe都完勝呢度啦！問心果句，下層咸點未至於難食但唔會話好味囉。上層甜點你睇下果舊粉紅色野先啦，係自助餐都唔會夾既款式，味道又怪，果斷放棄咗。朱古力果件甜到漏完全食唔落只吃左一啖，果杯奶凍係淡而無味且稀身的。好難食啊媽咪！再比D理想與現實圖大家參考一下。嘩成世人未見過好似塊指甲咁大既「原隻鮑魚」啊大開眼界不了！不了！不了！重要的事情講三次。各位自己衡量一下要唔要黎試。…查看更多

今日這間店某D餐Openrice有外賣自取半價優惠，諗左一輪心大心細，我要左個「新肌肉藜麥沙律」🥗（亦是我首次選用Openrice 外賣自取🤣）。新肌肉個名咁騎呢，本來抱住試下既心態啦，第一次食黎講又幾驚喜喎，分開左兩個盒裝，醬汁另上。打開份量好足👍🏻。我仲叫左佢多醬，原來個醬好好味，花生醬味加醋味，幾開胃，同D素肉&豆腐&沙律幾夾😋。原價黎講就貴架（$8X)，我今次有半價外賣自取優惠，好抵。😂 會想再食！…查看更多

星期日收工好攰，和男朋友在屋企附近醫肚就返去休息，就去左呢間上個月都幫襯過既米線店。鑑於上次初嘗比佢既湯底同米線質感吸引到👍🏻，我地預期會keep到水準，結果令我地大失所望。🥺😭同上次一樣，我都係叫番麻辣中辣豬骨湯米線，配料係花枝丸同生菜。另叫左一個墨魚頭小食。點知，今次令我哋好失望。D米線係我所食過嘅米線之中最差嘅一次，碎到得2-3cm。😑😑😑 而小食麻辣墨魚頭亦跌左水準，份量比上次少左好多，得好細舊好碎頭頭尾尾咁。😞😞其實佢哋已經幫我換過一碗米線架喇，呢碗已是第二碗😂。我實在唔知點解D米線會碎成咁，好無奈，我要用匙羹慢慢食😑。味道係幾好架成碗野，配料都合格，估唔到係米線出事，已經唔係味道/ 份量呢啲主觀因素。上次黎食真心覺得唔錯，湯底不是好油的味精湯，米線質感軟硬適中，我一直都諗住幫襯，無諗過咁短時間內就keep唔到水準。實在好希望餐廳會改進。🙏🏻…查看更多

上星期六和男朋友特意到這間很有名的台式滷味店試試。我們在晚市時段光顧，排了長長的人龍，等候了20分鐘左右。很可惜，食物的味道只是一般。滷味一點也不入味。街外的滷味店也會比這間出色，這裏的只是在配料上加上一些滷味汁和酸菜，味道非常非常普通。另外叫了芋泥肉鬆蛋餅，鹹鹹甜甜幾特別，香脆程度OK，但是芋泥添加了太多糖份，甜味蓋過了鹹味，我們真的不是太喜歡。我們也叫了麻辣鴨血冬粉，水準亦只是一般，沒有什麼可取之處。總括而言，我們不會再光顧，此店有點名大於實。…查看更多

昨天和男朋友到北角的酒店staycation，中午還未夠時間check-in，便去了附近商場的這間餐廳午膳。午市非常熱鬧，等座位等了大約15分鐘。我叫了喇沙湯麵，男朋友叫了海南雞飯。價錢雖然有點小貴，幸好兩個餐都沒有令我們失望。喇沙湯底很惹味，啖啖椰香帶有少許香辣，米線彈牙，配料豐富入味，絕對值得一試。我個人十分滿意。跟餐的熱咖啡味道也非常特別，略嫌甜了少許，但也非常不錯。至於男朋友的海南雞飯也不俗，雞件非常嫩滑，醬汁比其他餐廳出色，咸甜酸味適中。我們很少到港島區，如下次有機會，一定會抽空再光顧。…查看更多