yuenyuen116的个人专页

辛苦咗成個星期，要解放自己就同老公去咗食燒肉放題！放題好在唔駛就住就住咁叫，食得盡興就ok! 加埋book位時話係榴槤都係任食，真係興奮咗幾個晚上！餐廳係一間日式居酒屋，好有氣氛，油煙唔大！坐低嘅時候侍應嘅招呼都非常之熱情，先上幾碟小食俾我哋開開胃😙燒物嘅選擇貴精不貴多！唔會多到眼花撩亂，但最想食嘅都會應有盡有，有水準唔求其，上菜速度都好快！重點推介嘅係又厚又Juicy嘅牛脷心、特色五花肉、牛肩胛肉、豬頸肉同雞翼👍🏻👍🏻消耗之後加埋秘製醬汁，食兩轉已經回本啦！而我哋嘅重點就放咗喺我最鍾意食嘅大大粒帆立貝配埋牛油蒜蓉一齊燒，絕對冇得輸重頭戲係我哋期待已久嘅榴槤呀呀呀！每次上嘅榴槤呢都好出色，唔係乾包都無生水！三百幾蚊就已經可以食到一個燒肉放題，仲要有埋榴槤任食又有雪糕又包嘢飲！今時今日真係好難得，要支持吓香港飲食業！…查看更多

跟媽媽拍拖行街街撐枱腳❤️今晚帶佢嘗試金鶴拉麵，之前一直都好想食濃湯拉麵，而唔係豬骨濃湯😚呢間拉麵啱哂👍🏻有好多唔同款嘅濃湯湯底揀。有蟹湯、龍蝦濃湯，仲有我最鍾意嘅鯛魚魚湯。我哋揀咗鯛魚雞白湯同埋北海道蟹味濃湯。湯底濃稠，但不會好油膩👍🏻兩款都係海鮮類，但只有鮮，一d都唔腥😍蟹味濃湯上面有好多嘅蟹肉😚😚並唔係蟹柳係蟹肉啊！鯛魚就有幾塊鮮魚肉。再加兩塊薄薄入口即溶的叉燒，肥瘦剛好，唔會太肥膩亦唔會太鞋身！拉麵嘅軟硬度適中兼彈牙👍🏻👍🏻母親大人表示非常滿意🤭🤭🤭…查看更多

微微雨下嘆一個輕鬆早餐，跟至愛靜靜欣賞雨景，喫一口咖啡，仍然好心情❤️忌廉濃湯通心粉有誠意，唔會過咸，亦都無濃到杰撻撻🥰多士香脆👍🏻Mocha香濃幼滑👍🏻…查看更多

今日約好姐妹食好D，難得2個唔洗湊仔湊女，可以一傾傾足三個鐘。🥰餐廳和風日式設計，環境舒適坐得舒服，沒有傳統居酒屋果種擠迫感。今晚心情好自然點多幾款小食： 蒜頭漬、酒盜芝士、鹽焗銀杏、仲有我最鐘意食嘅雞泡魚乾。❤️雞泡魚乾上枱時仲暖暖地，配沙律醬一齊食好滋味!呢到的令人又愛又恨的酒盜芝士，不腥醒胃，但食哂充滿罪惡感。串燒有水準，厚切柚子鹽燒白鱔食完勁想再encore，油份充足，配清新柚子味!!雞皮餃子都好好食，又香又脆，完全沒有油膩味!雞肝雞腎豬肉腸燒得剛好，送酒一流!👍🏻薄切池魚Sashimi 做緊優惠，即管試埋，配上酸酸咸咸的醬汁，鮮甜新鮮，又好開胃👍🏻清清地清酒煮蜆，蜆肉夠大粒又無沙!👍🏻最尾仲叫多碗拉麵黑醬油拉麵，盡興而歸，今晚真係大大滿足呀!…查看更多

晨早6:30係沙田收工，就拉埋老公試下呢度特色小店。「 $198 雞煲+火鍋任食任飲」! 7點幾已經滿晒座。有6串串燒可選，牛脊肉同牛柳粒最出色，其他都好好食，芝士生蠔還可以。雞煲有分大、中、小辣，芫茜友的梗係叫重芫茜。老公就我程度叫小辣，好惹味🤗 上菜巳經8成熟，再輕輕開火焗下炒下多幾分鐘就有得食。雞肉夠入味同好嫩滑！打邊爐湯底有花膠雞、沙爹、蕃茄薯仔。我哋要蕃茄薯仔，蕃茄足料，湯底好濃。最推介係牛肩胛，有牛味又有夠淋，人流夠上菜快，其他食物好似蚌片、牛栢葉都好新鮮。舖頭入面Waitress 姐姐個個都好有禮貌，抵食價錢有服務，有驚喜！座位、環境都乾淨闊落，超大滿足!…查看更多

一定一定要讚嘅係服務！店員有禮貌、貼心又細心❤️我地試咗「走辣版」同「中辣版」的雞煲，雞嫩肉滑！失辣不走麻👍🏻👍🏻香味依然十足！中辣版的麻同辣恰好，唔會咸到食唔到👍🏻👍🏻食完雞煲再上一大盤海鮮❤️唔會將貨就價，食得出新鮮即蒸唔係翻熱！淨係聖子同扇貝都值回票價！再上竹絲雞燉蟲草花，天氣凍夠暖身🤘🏻燉湯足料清甜夠哂味👏🏻基本上食到呢到已經飽咗6成，再繼續打邊爐！OMG! 牛都係任食！唔係比d肥到un的美國肥牛你，而係紋理清楚的雪花牛啊！再推介響鈴、豬肉丸、黑墨魚滑同鵪鶉蛋❤️❤️❤️呢間要無限Encore！…查看更多

一夠鐘已經即刻衝落街排隊，都已經要排滿晒人，最少要等四至五張枱！冇壞嘅，好嘢就梗需要等待！先看餐牌，麻同辣都有5級Level可以挑戰，唔好麻辣的朋友麵可選擇原味無麻辣，而勁辣的朋友就可以挑戰最高級別的「鬼增」👹！我同朋友都揀入門級的小麻小辣小試牛刀！朋友仔超歡喜揀咗芫荽辣麻味噌拉麵，爆荽一絕👍🏻👍🏻而我就超like叉燒，揀咗增量叉燒辣麻味噌拉麵，再加玉米仔👍🏻以為麻辣個湯就得辣味？完全帶驚喜，麻同辣出色之餘，味噌湯底配合得非常好！層層分明的叉燒，入口即溶，肥瘦適中👍🏻拉麵更加不用說，軟硬適中🤘🏻食過絕對會番轉頭，下次挑戰二級💪🏻💪🏻💪🏻…查看更多

今天一個人的午餐，漫無目的一直往前行，發現有燉湯的午餐，就直接購票！配搭有飯有粉麵，可以配自家製飲品，或多款燉湯👍🏻但我最鍾意的苦瓜黃豆一早已沽清😭霸王花燉龍骨+梅菜飲餅飯作為一個會下廚的師奶，呢個配搭絕對沒有「屋企食仲平過佢」的感覺，相反無味精有家的味道👍🏻梅菜肉餅的肉，沒有鬆肉粉的口感，咸淡剛好👍🏻燉湯出味，配料十足，無味精不過咸👍🏻叔叔話一早7點開始燉到11點👍🏻👍🏻…查看更多

輕鬆的用餐條件：環境舒適、地點方便、美味食物。今日到Station 3嘆個Lunch，地方闊落，落地大玻璃光線充足，再加白色簡潔裝潢，靜靜的享受一個午餐真不錯！如果有三五知己，仲可以一邊食一邊玩Broad game輕鬆消磨一個下午。Set Lunch有8款之多，有肉、有Salad、有Pasta同Risotto可以選擇。跟友人點選了B) 墨西哥香辣肉丸燴意粉、F) 蟹肉雜菌忌廉闊條麵，午餐已包括$38以下的飲品，再可加$36配多份Salad同蛋糕。我們大胃王，再另外點了炸併盤、燒牛肉沙律及朱古力蛋糕！炸併盤上檯脆卜卜，沒有油膩味！燒雞翼夠Juicy唔會炸到Dry哂。兩個主菜的醬汁同Pasta比例很好。餐飲點了果茶同花茶，天氣涼涼地，花茶一直溫住十分貼心。我揀的花茶叫戴安娜，有消除疲憊同鬆弛神經之用。…查看更多

平時晚餐時間都是長長人龍，今日提早放飯，見無咩人立刻試試。午餐選擇多，生的、熟的都齊備，日本午餐勝價比十足。居酒屋裝潢，地方闊落，光猛簡潔，沒有累贅的裝飾，坐得舒服沒有擠迫感。壽司Bar於當眼處，每個角落都可見到師父默默準備。👍🏻新式日本居酒屋，用QR Code點餐，點了一份壽司餐及魚生角切丼。魚生丼跟麵豉湯及茶碗蒸，蒸蛋滑溜！👍🏻11件壽司，選取大路新鮮刺身款式， 要特別讚穴子壽司，魚身厚薄剛好配醬油，口感十足！刺身飯的刺身落足本，刺身肥美油份充足，夾住蟹子、青瓜及蛋，口感清新不膩。不得不提，壽司飯混合醬油，但絕無過咸，反而更將刺生提鮮！開胃至極！讚！👍🏻午餐份量有別一般日本餐食唔飽的概念，份量之大足夠撐破肚皮！👍🏻…查看更多

今日係親愛嘅父親大人生日，佢三心兩意又想食火鍋又想食放題，今次揀呢一間俾佢就可以一次過滿足晒兩個願望啦！🎁🎂🤟🏻生日梗係要豪一豪，揀咗「M5和牛海鮮盛宴」，但原來星期一至四全日係買一送一，而星期五六日晚市優惠二人同行一人半價🤪🤪🤪不過父親大人生日大哂照食🤟🏻🤟🏻🤟🏻佢話下次自己帶母親大人再嚟！真心抵！湯底揀咗清清地嘅海帶湯，而肉就點咗M5和牛、豬豚肉同牛肩肉！M5和牛無得輸，肉嫩有牛味，食多幾碟都唔怕膩！跟住就嚟咗一大盤刺身，基本嘅三文魚、吞拿魚、油金魚外，仲有大大隻的牡丹蝦同帶子刺身🥰🥰🥰海鮮類的海蝦超鮮甜，兩父女食咗N轉！除咗主打嘅刺身同埋M5和牛之外，其實仲有好多唔同嘅小食：大蝦天婦羅、雜菜天婦羅、炸物、串燒、雞翼、多春魚……..另外自選bar檯有唔同嘅菜類麵類，仲有一大櫃的丸類任君選擇！飲品雪糕都有10幾款可以你任食！父親大人超滿意❤️…查看更多

今日約咗朋友去駱駝漆搵好西食，好彩我們早一步到有位，唔駛等好耐。門外放了自動鞋套機，因為場內有貓貓入場前要穿鞋套。我們點了Set Lunch，包一客粟米湯和牛油多士條，栗米湯食到粒粒粟米蓉，牛油多士條夠香脆。主菜我們都點了牛肉眼扒配法式胡椒汁，一人配意粉及薯菜。餐飲友人加配了意大利朱古力咖啡，咖啡味很香濃，配合朱古力味道，十分推薦。而我剛加配了蜂蜜柑桔檸檬梳打，夠透心涼的。好可惜食到中途，公司有突發要立刻番去，唯有主菜打包番公司邊做邊食，職員都貼心地幫我們打包。希望一下可以再來慢慢嘆…..…查看更多

星期五晚唔想煮飯但又想食好啲，咁就梗係去買外賣啦！一路都想食嘅木屋大排檔，有一個自選外賣套餐，好多唔同選擇，仲有小食加配，大大份好抵食！我們揀咗2A1B，加咗一份墨魚豆卜同蒜蓉包，大胃王兩人份量非常足夠👍🏻串燒併盤：必食‼️牛肉+雞肉+牛舌+豬頸肉❗️燒肉夠juicy唔會乾爭爭，沙嗲醬花生味重，仲有豬頸肉醬辣辣地好惹味！黃咖哩牛腩：最鍾意食泰式黃咖喱，甜甜地好開胃，牛腩炆到好淋。勁蒜勁牛油包點黃咖喱汁食最佳配搭無得輸！生菜包：酸辣度十足，重香茅蒜味，又係食完一份又一份！食淨咗第二日用嚟炒飯超正🤤🤤墨魚豆卜：有驚喜！外賣番到屋企食依然脆口！配搭的酸梅醬更係意外好味👍🏻👍🏻食落無油膩感！…查看更多

Happy Friday 食完Lunch想食甜品，就去利街地庫睇睇。未行到舖頭已經聞到陣陣的蘋果香味啦！🍎🍏現場有兩張high table可選擇堂食，但可能因為我們撞正Lunch hour，所以店面都擠滿了人，我們還是外賣。兩大個廚櫃，放滿了各式各樣的批和蛋糕，🍰🍮🍨🧁其中有一款蒙布朗系列的蛋糕好靚呀！揀咗好耐終於商量好點2款甜品，當然有Signature的青森蘋果批，同埋榛子摩卡蛋糕。服務員好細心將蛋糕放在獨立的盒仔，所以唔怕一路行一路撞爛個蛋糕。回到公司已經急不及待拆開，青森蘋果批重熱辣辣，打開紙袋蘋果味衝出來，果然跟招牌上的形容一樣，外皮鬆脆，內餡是帶有點點酸的粒粒蘋果肉和吉士醬超級夾，唔會好甜，口感仲好清新！半個係唔夠LOL！！🥰🥰由於青森蘋果批帶比我們的驚喜實在太大，所以再嘗榛子摩卡蛋糕時就沒有十分興奮，但蛋糕是十分鬆軟，榛子摩卡夾層不會太甜。🤤…查看更多

今日去海港城影相，行行企企左度右度，最後由我家兩位大小姐決定食韓燒！因為已經8:00所以冇咩人等位好快就已經可以入得。一入去嘅時候，侍應姐姐已經準備好兩張BB櫈同兩套兒童餐具。因為兩位小姐兩位小姐不停話要食燒牛肉，所以呢我哋今次揀咗無骨嘅牛小排，然後就係大少最鍾意食嘅五花肉同埋厚燒牛舌。當然都唔少得係我每次韓燒都要食嘅豬皮。每碟肉嘅份量都係4-5塊，其實我覺得可以多2-3塊就會比較滿足。除咗燒肉之外我哋都點咗一個泡菜海鮮湯飯，唔知係咪因為喺街食嘅飯香d，我哋要額外再叫多個白飯，兩位大小姐一嚟就已經清晒碗飯。個泡菜海鮮湯唔會太辣，而且有兩隻大蝦同埋一啲青口同小蜆，份量十足！前菜要讚一讚！泡菜同酸蘿蔔係無限添加，仲有泡菜墨魚❤️❤️❤️…查看更多