餐廳係一間日式居酒屋，好有氣氛，油煙唔大！坐低嘅時候侍應嘅招呼都非常之熱情，先上幾碟小食俾我哋開開胃😙
燒物嘅選擇貴精不貴多！唔會多到眼花撩亂，但最想食嘅都會應有盡有，有水準唔求其，上菜速度都好快！重點推介嘅係又厚又Juicy嘅牛脷心、特色五花肉、牛肩胛肉、豬頸肉同雞翼👍🏻👍🏻消耗之後加埋秘製醬汁，食兩轉已經回本啦！
而我哋嘅重點就放咗喺我最鍾意食嘅大大粒帆立貝
配埋牛油蒜蓉一齊燒，絕對冇得輸
重頭戲係我哋期待已久嘅榴槤呀呀呀！每次上嘅榴槤呢都好出色，唔係乾包都無生水！
三百幾蚊就已經可以食到一個燒肉放題，仲要有埋榴槤任食又有雪糕又包嘢飲！今時今日真係好難得，要支持吓香港飲食業！
