mcmug mak的个人专页

朝早突然得閒，即興約咗朋友出嚟中間點尖沙咀食早餐！朝早嘅尖沙咀冇乜選擇，落雨又唔想淋濕，去K11 Musea都係幾好選擇😎之前都有食過GC麵包，又真係幾好食！今次第一次坐低食早餐，嘆返陣！$85早餐，有幾款牛角包🥐（揀咗朱古力）、蛋煮法（揀咗炒蛋）、煙肉/腸/煙三文魚（揀咗煙三文魚）、咖啡/茶（揀咗cappuccino)、另跟生果同granola配乳酪😊咁就一個good morning😆😆😆😆😆😆…查看更多

收工肚餓唔知食乜好，好想掃街！金魚街尾新開咗檔小食❤️唔執輸掃返堆慢慢歎😎炸大腸❣️食過有啲串好晒再返炸，呢度即切之餘，仲要厚切！非常酥脆！忍唔住即場食咗先🤣臭豆腐❣️大大件！熱辣辣！外脆內軟！非常臭🤪牛栢業、魷魚爽口、墨魚夠粗、牛丸彈牙，放埋一齊加上秘製醬汁，好有街頭小食風味☺️而家買少見少🥲生菜魚肉❣️好鍾意食呢種魚肉，曾經試過自己整但失敗😂魚肉多到食極仲有咁，成兜滿滿的，食返夠本，滿足晒☺️下次經過一定要encore😎😎…查看更多

做咗成日野放工想盡情吃喝鬆一鬆，又唔想荷包太大負擔，嚟創興大喜屋食放題係非常好嘅選擇！食物款式多，各式冷盤、熱盤、飲品、甜品樣樣齊，都係$228一位，你話抵唔抵😛手機app落單超方便又環保，唔駛再好似以前咁填N張紙仔～相信個個都係手機落完單就去自助區逛返轉～都幾多野食！前菜有泡菜、中華海蜇、鳳爪、雲耳，大蝦🍤青口、蜆，仲有烏雞湯、蠔皇薯仔牛有驚喜、波波腸、咖喱魚蛋等😋迷你一口壽司非常貼心，啱晒我哋食放題想試多啲款色嘅心態，唔怕食飯都食飽咗🤣推介迷你海膽手卷～黑松露吞拿魚他他壽司都值得試下😋刺身、串燒點咗2轉都冇乜漏單，最後記得要點埋每人限一杯嘅名牌雪糕～心滿意足🥰…查看更多

天氣幾熱都好，啲朋友仔都係鐘意打邊爐呢。我哋成班朋友去尖沙咀行街，見到有間『醉胡爐』。個名又幾特別，裡面裝修又幾靚仔下。所以就決定去試下先。一入到去，職員都幾好招呼，幾Nice。湯底叫左卜卜蜆蟹魚湯鍋，湯底係我哋面前即煮，有火焰煮湯表演睇添。湯底都算幾濃厚呀。叫咗兩款小食，椒鹽雞脆骨同酒泡鴨舌，雞脆骨夠野味，又香，真係唔錯。鴨舌好入味，又唔會太重酒味！另外叫咗牛拼盆同豬拼盆，份量剛好，最正係可以試下不同嘅部位，霜降牛粒同黑毛豬有驚喜，幾好食呀。海鮮方面叫左個脆肉鯇，都算幾大份呀，重有火鍋一定會叫嘅黑栢葉，好爽脆呀！同埋食食吓，有個職員過嚟話我哋知有隱藏menu，問我地有無興趣叫6頭鮑魚配聖子皇套餐，我哋order 咗，好新鮮嘅海鮮。好味道呀。總括黎講食物都算高質嘅，味道唔差呀。值得一提嘅係佢有個酸梅檸檬特飲，好解暑，好足料，一絕。…查看更多

旺角$176起和牛火鍋放題，CP值極高😎牛控必到！淨係牛肉同湯底需要畫紙仔，其他都係自助形式，9款湯底入面，原本聞到隔離枱麻辣鍋好香，但朋友唔食辣，最後揀咗個清清地潮汕牛骨湯，都唔錯👍🏻牛肉有8款，有美國黑毛和牛、Prime牛板腱、安格斯牛肩胛、鮮牛肉、封門柳、金錢展、牛脷片、肥牛、每份order 8片，推介黑毛和牛重牛味、牛脷片爽口😋醬料區有多款選擇，推介秘制油碟，唔駛自己溝，點一點牛肉份外惹味😋仲有出前一丁、福麵、福米、烏冬，正☺️雪櫃區有蔬菜類、丸類、飲品、雪糕，最正係飲品有幾款無糖茶揀，啱晒唔好甜飲嘅我😁最後歎返杯沖繩海鹽雪糕🍦又為一餐劃上完美句號😋…查看更多

見咁多人大讚嘅南瀛水產，一於同朋友嚟朝聖！.雲丹蟹肉卷（$228）海膽勁正！大大隻！蟹肉卷不過不失.蕃茄沙律（$78）新鮮，連唔鍾意食蕃茄嘅朋友都話好味！.即燒活鮑魚（$78@）又新鮮又大隻，仲郁架！加啲清酒同味醂燒，口感彈牙.蟹味噌甲羅燒（$78@）非常驚喜！可能之前食串燒店嘅都係急凍貨解凍嚟燒，呢度配埋新鮮鵪鶉蛋、蟹子、完全2回事！.唐揚炸雞 （$68）有別於平時食嘅炸雞，酥脆外皮，雞肉嫩滑.土佐豆腐（$68）好耐冇食過，又係勁鍾意食，外脆內軟，入面豆腐滑一滑.襯返杯巨峰啤酒🍻（$68）爽！…查看更多

行街路過見到石燒牛，個肚即刻打鼓🥁，一於去試下啦～餐廳係半自助式，沙律、湯、飯、水都係客人自己裝。餐廳職員協助購票之後搵位坐低，就可以去拎野食喇！說時遲那時快，拎完野食，牛扒經已送到！餐廳預先煮到一成熟，然後客人按自己喜好再煮熟～點左牛肩排，180g先 $80！牛肩排係牛的肩膊位置，中間有條幼筋，但食時完全唔覺有筋既韌，牛味濃，煮至五成熟，肉質彈牙有咬口，大大舊，性價比極高！成餐既速度同食快餐差不多，但感覺就高質好多，突然想食好少少既話絕對可以過足口癮🥰…查看更多

同朋友去左一間阿仙奴主題既足球餐廳，紅白色主題，店內舖左仿草地顫，仲掛滿左有球員簽名既球衣，一入去令人有總興奮感覺🥳一人點左一個set dinner，有沙律、湯、主菜、飲品，而家仲有88折，相當抵食😋雜肉扒（雞扒、牛舌、德國腸、溫泉蛋）$188雞扒皮脆嫩滑，厚切牛舌爽口，配菜係蕃薯蓉同超有益既羽衣甘藍！羽衣甘藍煮得唔好會成陣草青味，之前試過喺屋企煮...熟左好難食🙈但呢道食完全係兩回事☺️原來用雞湯焯過再用蒜油炒一炒，味道層次都提升不少！香燒美國Creekstone牛肉眼拼法國鵝肝 $238五成熟切出嚟粉嫩的岩岩好，肉夠juicy濃牛味有咬口，正！鵝肝煎得好香，入口即溶，size岩岩好唔太膩☺️餐茶點左杯凍朱古力同熱latte，靚靚既茶杯，滿足既一餐🥰…查看更多

今日路過見到一間好多人排哂隊既餐廳, 直覺話我知應該唔錯, 就拎左飛試下。餐廳有位台灣人詳細介紹, 係門外等梗時候, 仲俾左個MENU我睇住先。雖然人多, 但都唔算等好耐, 10分鐘左右就安排入座。 坐位有小小迫, 但餐廳播放住五月天既歌, 粉絲既我非常受落。香港人真係好鐘意去台灣, 佢門口仲有一堆手信可以買, 食飽都要D，有台灣伴麵，太陽餅，台式醬料。 鹽酥拌麵$50麵質軟硬適中 岩哂我口味，三小碟前菜都好開胃。鹽酥雞本身唔會太咸芝士肉鬆蛋餅 $42 爆多肉鬆, 好好食. 平時我都會係屋企自己整蛋餅, 但無台式醬油, 所以無咁好食, 埋單果陣問左台灣女仕, 睇下有無得賣, 好可惜佢話自己調教出黎。台灣小香腸 $29 係我最愛台灣小食。其實仲有好多小食都想試，我諗再黎多幾次先食得哂飲品揀左熱檸檬紅茶，普普通通。下次一定要試佢地台式飲品。…查看更多

冇得去日本旅行，終於第一次喺香港食Omakase，之前做左少少功課，好多人都話一人份量好多，點左一份再加幾款小食😋.前菜金箔鮑魚、蟹肉水雲、鱈魚白子，精緻.刺身擺盤好有心思，直頭係藝術品，款款新鮮岩手縣真蠔、牡丹蝦、粒貝、右口魚、秋刀魚、北寄貝、鰤魚.燒鰤魚鮫，熱辣辣，外脆內軟，好大份，食完都飽左7成.炸蝦天婦羅茄子.蕃薯.無花果.青椒：蝦肉新鮮，新鮮無花果幾香甜，平時都係點蘿白蓉汁，呢次點抹茶粉幾特別.深海池魚已掃酸汁.中拖羅肥美得嚟有咬口多到滿瀉既海膽魚奶湯，熬足6小時，香濃.甜品係清甜既靜岡蜜瓜&又香又滑唔太甜既紫薯奶凍.鱈魚乾：脆卜卜，食唔停汁煮五花腩：層層分明，唔覺膩阿波美雞沙律：第一次食煙熏雞，睇落似魚生，味道似parma ham.去唔到旅行，絕對可以嚟食，止口痕🤣🤣…查看更多

收工好鬼餓，仲要去上堂，求其搵間野快食就算！經過見到間野冇乜人，可能時間尚早，越南粉，價錢唔貴喎，四、五十蚊，就試下你啦！枱頭除左檬粉汁之外，仲有3款越南醬俾客人試～越北是拉差醬、河內沙爹XO醬、越式海鮮醬～XO醬同海鮮醬感覺上同平時港式既冇乜分別😅叫左碗生熟牛肉粉，份量都唔少，大大碗，湯底有牛味得嚟都幾清甜，一路食一路飲湯，唔錯！野飲揀左越南椰汁冰，好抵讚既係，飲品獨立包裝，感覺衛生，雖然唔係咁環保，但呢啲敏感時候，係唔錯既，加上好似我呢啲趕時間既人，chur完碗粉，杯野飲唔晒可以成杯拎走飲～…查看更多

行街行到肚餓搵地方坐低食啲野～原來將軍澳呢度開左間老媽拌麵～揀左川味紅燒牛肉麵，麵質爽口又彈牙，有啲波浪紋，每一啖麵都掛上濃濃湯汁～點左個小食炸大雞排，新鮮熱辣，上枱仲有煙架～灑左椒鹽粉既外層炸得金黃酥脆，雞排滑嫩多汁，正😋最後整返杯台式飲品～仙草凍奶茶～又完美既一餐～…查看更多

邊個話馬鞍山係美食沙漠？至少唔駛出九龍城都食到有水準泰菜～而價錢又合理！行完街經過見到呢間餐廳幾靚，一於試下！先嚟個必食泰式生蝦，合乎期望，冇失望，掛住食又唔記得影相🤣🤣🤣再嚟蕉葉烤爐魚，魚身搽滿香料，蓋上蕉葉烤，魚肉又香又滑，點埋個酸辣汁味道層次提升不少，一流👍🏻👍🏻主菜叫左個香草肉碎炒飯，炒飯夠鑊氣，飯粒粒粒分明，少少咸左啲，面頭炸九層塔好香，幾好椰青飲得多，椰青沙冰未試過，原來更冰涼，更好味，食完唔駛叫甜品！好彩我地早入座，到7點幾見到都唔少人喺出面等位，到差不多9點走都仲有客人入座，可想呢間餐廳有一定受歡迎程度😄…查看更多

又嚟九龍城，梗係食泰菜啦！之前都有食過呢間Orange Elephant，而家見有$1菜色，又試下先！一望到個$1 menu...哎呀！點解今日唔係星期一！？勁抵呀....星期一係$1食明爐烏頭！蝕呀.....最後叫左今日既泰式香茅豬扒，都幾好食，熱辣辣，外層夠酥脆，不過我最欣賞係個汁😂😂我超愛啲泰國菜既辣汁😙😙之後叫左個咖哩海鮮包，估唔到份量都夠食飽2個人，原本仲諗住叫多個炒飯😂，好彩朋友話食咁啲野先～但就叫多左份薄餅，點埋啲咖哩食🤣啲海鮮都有炸過先煮落咖哩度，雖然menu有一隻辣椒喺個菜名隔離，不過我覺得個咖哩唔辣，但都幾好食～最後叫左碟炒椰菜苗，不過不失～再飲返個椰青，又為一餐劃上完美句號。…查看更多

終於開學，不過只係返半日，唔想煮，放學就同2隻小怪獸出嚟食埋lunch先返去啦～嚟左單車館間牧羊少年，裝修左之後靚左好多～餐牌都轉晒～主菜叫左個拿破崙蕃茄煙豬腿肉長通粉，豬腿肉夠腍，小朋友易咬👍🏻仲有鮮忌廉黑松露醬雜菌意大利粉，黑松露醬夠香唔膩，意粉煮得岩岩好👍🏻 2碟粉既汁都好足料，一上枱相都未影得切已經俾2隻小怪獸搶住食🤣另外主菜加$38可以配個芝士薯角～今次芝士醬分開上，非常好👍🏻想食幾多就點幾多，之前係一大pat pat係薯條上面，太多太膩我就食個煙三文魚凱撒沙律，沙律好新鮮，麵包粒夠脆，沙律菜夠爽😋睇嚟裝修完之後呢度都會繼續係我地既「飯堂」🤣🤣…查看更多