runningegg_foodie的个人专页

阿姨剛去完素來素往，大讚那裡的素菜好食，於是我便同媽媽和妹妹一齊試下。其實我地都好少食素，所以今次都算係一個新嘗試。餐廳唔係好大間，但落地玻璃令整體感覺開揚，唔會有局促感。食物主要放在中間兩邊。我地幫襯下午茶時段，每位$68任食無時限，真係好抵。食物種類豐富，除左沙律，清菜外，亦有似模似樣的口水雞和辣鳳爪。 我最愛蒸水蛋，真係超滑，食完一round 又一round,另外欖菜四季豆亦煮得好入味。媽媽鐘意食皮蛋粥，佢話食左好舒服，同埋咕嚕齋，味道適中，唔會重口味。而妹妹就鐘意蕃薯糖水，佢話夠薑又唔會太甜，同埋芋頭魚都好正，外皮好鬆脆，外脆內軟，可以加埋甜酸汁，但其實原味已經好好食。另外甜品有豆腐花，班蘭千層糕同埋南瓜千層糕等，都值得一試。整體感覺係一間有誠意的餐廳，不單價錢超值，食物質量唔錯，難得素菜不斷補充，唔會因為手腳慢左就食唔到好野。隔鄰枱的嬸嬸話佢每個星期都會來，佢雖然住新界都專誠來食，真係好捧場。…查看更多

約左朋友聚舊，貪得意去左尖沙咀既Show Time Sports Bar, 這間位於諾士佛台的酒吧，設有遊戲檯、飛鏢機、桌球檯等，好有特色，好適合大班人開派對，或者Happy hour relax 下。食物方面主打西餐及日式串燒，我地叫左油陽，雞軟骨同秋葵串燒。秋葵偏乾有點overcook, 雞軟骨就燒得好香口。Draft beer $38, 好抵飲。朋友叫左Fruit punch 都話好好飲。主菜叫左卡邦尼意粉同埋蟹肉餅沙律。啖啖蟹肉配上新鮮沙律菜，如果落多d 汁會更加好食。卡邦尼意粉醬汁夠creamy, 不太乾也不太濕，朋友都話正。餐廳坐位闊落，燈光偏暗，有得玩又有得食，的確係同朋友chill 的好地方。…查看更多

上次食左法日fusion 菜，媽媽好滿意，媽媽話想食新加坡菜，今日就同佢試下啦。我地叫左兩個set lunch:1.海南雞飯： 媽媽好鍾意個油飯，佢話唔駛餸淨食飯都得😂，心諗咁緊要？！試左個飯粒又真係好𡁻口好好食喎。過往個飯都係偏油膩，但係今次無，飯粒乾身又入味，真係值得一讚。2.喇沙個新加坡特色湯底好有椰汁香味，好足料，除左豆卜，熟蛋，魚蛋同魚片，仲有成四五隻蝦，新鮮又爽口，個米線仲好滑。小食叫左咖椰多士同水粿。多士好脆，夾住塊厚厚的牛油，邪惡又好食。水粿外型似砵仔糕，但上面的配料是咸的菜脯，感覺比較特別，不妨一試。我地叫左兩杯特飲：美祿爆炸同玫瑰露恐龍。美祿爆炸裡面有一粒粒的朱古力脆脆，同埋厚厚的美祿粉，味道好濃郁。玫瑰露恐龍飲落比較清香，粉紅色好悅目。…查看更多

之前去石門上堂都會同朋友去沙田友食晚餐，特別鍾意佢哋個焗豬扒飯，好大碟，熱辣辣又多汁。原來佢哋早前裝修，依間Vintage「香港製造」的2000呎打卡玩味冰室😄 有齊60年代至今最簡單但係最用心製作嘅各款港式食品！仲有打卡位！今次轉盛帶埋媽媽同阿姨一齊懷舊下。店舖裝潢以「麻雀板」綠色為主，枱面設計仿麻雀板寫上「東、南、西、北」，牆上滿佈懷舊風插畫+ 新派霓紅燈，卡位還有彷屯馬線的車廂裝飾坐位，無一不突顯冰室的本地情懷。 我哋叫咗咖哩羊腩飯同埋羊腩煲。咖哩汁偏甜，唔慣食辣的朋友都可以試。羊腩煲好足料，羊腩夠入味又軟焾，仲有支竹，馬蹄，生菜同埋筍作配料。另外叫咗鴛鴦西多士同埋酥皮蛋撻。西多士上面有煉奶同朱古力醬，加埋中間的花生醬，真係又好味又邪惡。可惜酥皮蛋撻唔夠熱，下次一定要試斑斕撻，每日只售100隻，先到先得，大家唔好錯過。…查看更多

媽媽食慣傳統中餐，今日趁同佢去銅鑼灣shopping, 帶佢試法日fusion 菜，唔知佢鐘唔鐘意呢？我地叫左兩個set lunch, 先來個頭盤：日式燒鳥免治雞肉捧和煙三文魚沙律。媽媽食第一口雞肉捧已經話好味，心諗咁犀利？於是我都試下，原來係雞軟骨切碎混和雞肉，又真係好有口感。我本身鐘情雞軟骨，這個雞肉捧值得一試。至於我叫既煙三文魚沙律，食材新鮮，特別喜愛切細件的羽衣甘藍，配日式胡麻沙律醋汁，清爽好食。值得一提係個set 包餐飽，從餐飽已感受到餐廳對食物的認真：牛角飽同埋圓形飽都好好食，飽身溫度適中，口感鬆軟，而且食完可以再添真係好讚，我地食完一碟媽媽都忍唔住再叫，我提佢要留肚食主菜😆主菜終於出場：1. 香蒜欖油大蝦意粉：媽媽好鐘意個香蒜汁，佢話好好味。大蝦切開兩邊容易食，蝦肉唔黏殼容易處理，而且蝦肉煎得好香口，意粉彈牙有口感。2. 香煎比目魚有茄子粒同蘆筍仔墊底。魚皮煎得好脆，但肉質無overcook, 配上芥末忌廉好有特色，媽媽都話廚師煮得恰到好處。另外，我哋加左兩個小食：帶子刺身同埋鵝肝，媽媽第一次試鵝肝，佢好滿意，佢話好軟焾，襯埋脆脆多士，絕配。我叫既帶子刺身薄片都好新鮮，襯埋明太子，顏色悅目，正。最後加壺薄荷茶同洋甘菊茶暖胃，感覺好舒服。整體感覺係一間有誠意的法日fusion 餐廳，我地都好滿意食物的味道同溫度。值得一提洗手間有牙線供想，真係好貼心。…查看更多

晚上同老友去左觀塘秋意食飯。店舖不大，估唔到不到7點已經坐滿人，好熱鬧。我地叫左必食酸菜魚，店長推介的豉油雞，同埋百香果茶。本身都唔係嗜辣的人，但實在太喜歡食酸菜魚，所以都會引唔住叫。戈個秘製湯底酸同辣的層次恰到好處，唔會因為太辣蓋過酸菜味。魚片新鮮彈牙無骨，加埋芽菜豆卜,浸住湯食埋個爽滑薯粉，實在滋味十足。唔怪之得咁受歡迎，聽到唔少客人都叫酸菜魚，但好快已賣晒，心諗好在來得早有機會試吓。秋意去骨豉油雞亦係必食推介，平時食雞真係唔食皮，但店舖提示食雞唔食皮不如唔好食，今次就破例食埋皮啦。難得雞皮唔肥利，豉油味又好香口，雞肉嫩滑無骨啖啖肉真係好正。百香果柑桔係自家手沖的，食完辣野飲左口腔清新晒。整體食物質素高質，所以堂食外賣都好旺，值得推介。…查看更多

好鐘意約朋友去鑽石山既Ocio, 貪佢就腳之餘，環境舒適又好食。餐廳正中有棵大樹好搶眼, 呼應著室內的簡約木系風，營造出和諧舒適的感覺. 我地叫左個主餐一齊食：首先來過南瓜湯，湯底較薄, 味道中規中矩. 跟住係Ocio 芝士龍蝦全日早餐（$198), 成碟好colorful, 好豐富，芝士焗龍蝦半隻，肉質厚實，伴隨芝士好入味，最鍾意個蒜蓉大咖菇，夠juicy, 另外牛油果都好新鮮。上次試過迷你芝士流心蛋燒南瓜煱伴脆皮單骨雞翼($108)一試難忘，今次再encore, 仍然咁正， keep 到水準！燒南瓜煱表面被一層厚厚的芝士蓋著, 裡面係好吸引的流心蛋, 最緊要將南瓜肉混和芝士汁和流心蛋一齊食。雞翼勁炸, 撈埋芝士汁和流心蛋汁又出奇地好食. 這個小食的確係一個絕配, 色香味俱全, 值得推介!另外叫左個烤芝士肉丸伴自家制薯蓉（$58).肉丸肉質有點乾身，唔係太入味，另外薯蓉質地好薄，欠缺口感。…查看更多

同一班住喺將軍澳的同事去左小魚兒食重慶雞煲， 熱辣辣好惹味，叫左半隻留肚食其他野，叫左配菜冰豆腐，油麥菜，可以撈埋d雞汁一齊食，yummy.另外小食叫左燒牛舌心串，好嫩口，大力推介；脆焦糖燒菠蘿，脆身焦糖加埋新鮮菠蘿，又脆又甜，好正；香蒜燒茄子，都好夠蒜味，啱晒蒜蓉控；另外椒鹽豆腐，都係大推，皮薄外脆，豆腐好嫩滑，大大碟可以食完一口又一口；椒鹽魷魚鬚，好鬆脆；雞軟骨串夠爽口；燒潮汕牛肉餅幾特別。唯一少少失望係薑蔥爽魚皮，本身好鍾意食魚皮，貪佢爽滑口感，但今次魚偏諗，亦唔係好入味。整體食物都好味，選擇款式多，地方都夠大，唔會坐得好逼夾，值得推介。…查看更多

係新蒲崗上完堂，同老友搵地方食lunch. 唔覺意發現左間工廈西餐廳，適逢做緊大廈外牆維修，稍一不留意，都會miss 左個入口。餐廳的環境同食物質素都好高質，好有驚喜。我叫左個紐西蘭肉眼扒配燒汁（$118), 肉質軟焾又夠入味，一邊食一邊大讚好味。老友叫左紐西蘭牛柳配黑椒汁（$128), 賣相兩個都似，不過牛柳肉質相對實正d, 加埋黑椒汁好惹味。我叫左杯蕎麥茶慢慢歎，老友杯咖啡果皮茶配蜜糖都好有特色。最後叫左兩個甜品：雜果忌廉窩夫（$78),賣相好吸睛，係視覺同味覺的享受。我最鍾意提拉米蘇窩夫（$88), 係酒店級的質素，蛋糕浸著香滑的咖啡酒，一試難忘。整體食物高質，環境舒適好坐，大力推介！…查看更多

同阿姨去銅鑼灣shopping 完就搵地方食lunch. 行經百德新街，見到一間Pancake 專門店，被店內的佈置吸引，柔和的燈光，感覺好舒服。我地被安排坐在對著落地玻璃的位置，隔鄰有棵經過悉心佈置的大樹，成個感覺好閑息。既然係Pancake 專門店，就叫左個芝士和牛漢堡班戟（$168)試下, 原味班戟中間夾著成寸厚好juicy的漢堡，漢堡上下各有一塊芝士（金文畢&車打），還夾有煎得少少燶的香脆薯餅同新鮮生菜，入口好有層次感，值得推介。另外叫左個慢煮醬燴黑豚飯（$138),飯粒口感煙韌，黑豚肉肉質鬆軟唔韌，加埋特製醬汁好好送飯。最後叫左兩杯店員推介的抹茶富士（$48)& 焙茶富士山（$48), 外型可愛吸睛。鐘意兩杯味道都不是太甜，上層奶蓋濃厚醇滑，再加埋下層的牛奶，入口是淡淡的茶味，令人心情輕鬆。…查看更多

趁住天氣冇咁凍，疫情又冇咁犀利， 梗係要同好姊妹出去旺角行吓，行完就要搵好嘢食，最近好似好多新舖頭開咗， 我哋就揀咗呢間新開張嘅西餐廳醫肚。 叫咗好多好嘢食，最令我驚喜係呢個蒜味大蝦，佢入面有好多蒜油，配上香菇同辣椒同埋新鮮嘅大蝦，側邊仲有麵包點啲汁， 我覺得根本就係酒店級嘅出品， 嘢食質素超高質，好惹味又飽肚。 另外見到佢呢度嘅裝修都好有心思，好似片場咁， 同埋門口仲有部大電視，播住咗好多韓國MV ，好有氣氛， 啱晒我。 環境好好嘢食好好， 一定要推介俾各位丫👏👏👏👍…查看更多

媽媽成日話好懷念舊時食的茶粿糕點，但總係未遇到兒時那種感覺和味道. 剛巧行經西營盤第二街見到舖頭名叫 “糕點時光”, 原來係一間香港社企，致力保存傳統糕點文化, 專門製造傳統糕點的. 我買左2粒糯米糍同2個茶粿比媽媽試:1. 特濃黑芝麻糯米糍外層包滿原粒芝麻，裡面係芝麻餡，媽媽話鐘意麻糬口感夠煙韌軟屬. 2. 小山園抹茶紅豆糯米糍媽媽話鐘意紅豆泥裡面有大大粒的紅豆，加上面層的抹茶粉, 又靚又可口. 3. 小山園花生茶粿 (熊貓造型)人手炒香的花生配上椰絲，香甜不膩，外層配上煙韌椰香的外皮，帶出傳統客家滋味。4. 小山園抹茶紅豆茶粿(卡通青蛙造型) 用日本小山園抹茶製作嘅茶果顏色特別鮮艷，爸爸見到都忍唔住要試店長話糕點每天由金齡婦女親手製造，唔怪得之食落係零舍有感覺同充滿傳統回憶的味道啦.…查看更多

上次上山頂時已經食過一次LUNCH，今次趁生日上山頂睇夜景又去食過. 睇得出餐廳經過悉心佈置，走懷舊老香港路線， 播放著八九十年代的經典金曲, 好有親切感. 鐘意佢每枱都有壺熱水, 可以自斟自飲好方便.我地叫左個二人套餐， 包括：醬皇燒鵝例牌大大隻既燒鵝脾，好多肉汁, 又多肉，好好送飯燒腩仔例牌豬腩肉好嫩口，加埋脆卜卜的燒肉皮，簡直係邪惡之選除左有碟菜心食, 仲有2個燉湯可以揀: 老公叫左陳皮綠豆章魚蓮藕湯，佢話章魚好入味，蓮藕好甜，難得出街食有燉湯飲我最鐘意飲杏汁花膠燉白肺湯, 好多料, 有2舊花膠, 4件豬肺, 火喉十足, 飲落好舒服…查看更多

今日同老友行日出康城, 見到溜冰場上面有個好搶眼的招牌, 吸引左入去. 原來係食粵菜 (廣東)加新加坡菜. 餐廳感覺好寬敞舒適, 牆上有幅代表新加坡獅子城的佈置好吸睛. 坐位同坐位之間好寬落, 感覺好舒服. 我地叫左蝦湯鮮蝦泡飯 ($78), 蝦湯夠濃味, 送飯已經好夠, 加埋原隻大蝦係錦上添花, 最重要係落隨碟的米通, 係精髓所在, 提昇左個口感. 阿婆苦瓜炒蛋 ($68)無想像中咁好食, 蛋偏鹹, 勝在炒得夠乾身唔會油淋淋. 新加坡海南雞半隻 ($128) 雞肉偏 “鞋” 唔夠滑, 有少少失望菜香鐵板豆腐($98), 好有驚喜, 好好味, 豆腐配以蛋醬用鐵板上, 令蛋醬成為蛋皮, 極之嫩滑的豆腐配以少少質感的蛋皮, 再加特製的醬汁, 係超讚的菜式, 必叫之選同埋會ENCORE. 食完濃味野, 梗係要食番兩個甜品平衡番個味蕾. 椰汁西米湯圓($38) 同清心丸綠豆爽 ($38) 都係我至愛, 唔會太甜, 味道剛剛好. 整體上食物質素有水準, 環境舒適, 係可能冷氣太大食物唔係好夠熱, 值得推介!…查看更多

上次已經同老公食過翠豐, 覺得都幾好, 今晚剛巧經過, 又再試下其他野先. 老公繼續食鐵板燒, 今次叫左西冷牛扒五成熟配黑椒汁 ($118), 加多$10就可以升級做套餐, 有丹麥多士, 餐湯同埋餐飲, 好抵食. 丹麥多士值得一讚, 好鬆脆, 薯角熱辣辣, 個皮夠脆. 個西冷扒好大件, 肉質夠juicy, 有口感. 羅宋湯依然保持水準,錯再加多杯熱西洋菜蜜, 甜甜地平衡番D濃味. 成個餐好食又抵食, 值得推薦!我就叫左黑松露蝦球炒蛋 ($78), 個炒蛋真係好滑, 配以淡淡的黑松露味, 味道剛剛好. 蝦球好爽口新鮮, 廚師係蝦背切一刀開邊, 挑出蝦腸, 好衛生, 預備食材夠誠意。 茶餐廳的服務員都好有禮貌, 值得一讚. 下次經過會再幫襯.…查看更多