shingching的个人专页

5-6年前食過Oliver's Super Sandwiches，當時覺得食物好食、食材新鮮、口味清新，只是價錢中等。昨日約了朋友在明珠廣場食野，見到這餐廳有素食，見餐牌的食物相片不錯，又想支持下環保，就選左這個「牛油果.墨西哥牛油果醬.車打芝士.松子仁香草包套餐(素食)」，單點$65，配餐湯就$77用自助單餐機買了食物，完成防疫工序後便入餐廳坐下。因為是2pm後，堂食客人約佔一半。而食物也很快上枱。但見到實物，有點失望。上枱時面包的疊好的，但我不太見到餄，將頂的面包揭開，只見芝士及牛油果一感覺好平凡、單調。食物賣相非常不吸引，也覺得$77這餐很不值。嚐嚐味道，牛油果正常，算是新鮮的。而松子仁不是如餐牌相片般於於牛油果上，而是餄料的最低層。面包面有香草，味道微香，而面包口感鬆軟，都OK，只是份量不多，不能作正餐。朋友點了三文魚意粉，三文魚是小塊的，約有4-6小件。白汁正常。單點$65，性價比不高。加$10 點了玫瑰鮮奶咖啡，一如既往的高質，泡沬濃郁豐厚，玫瑰味清香，咖啡味很香，是即磨咖啡。總結，今次食完，下次不會再光顧了，因為附近的餐廳性價比比較高。…查看更多

平日返工會去糖街買魚蛋粉外賣，今日發覺原來呢間東南亞餐廳嘅西餐，原來都好高質～餐廳係地庫，路面入口係小食檔，有好多印尼糕點、蝦餅賣，價錢很相宜，款式很多。門口有塊星期一至五嘅推廣餐牌，見今日嘅海蝦燴伊面好吸引，連餐湯及飲品都只係$43～落左外賣order，等左大約3分鐘，已經包好。可能因為我早到(13:07落單)、餐廳客人吾多。拎到上office打開，熱飲、主食都仲好熱騰騰。配送嘅餐湯份量比較少，但好好飲。聽侍應講餐湯每日都吾同，今日係中湯。飲到青、紅蘿蔔、豬骨嘅味道，湯味清甜，好好飲，有香港茶餐廳嘅質素～～熱檸水有三片檸檬～份量適中～打開食物盒，見主食「芝士海蝦燴伊面」好夠汁～配菜都吾少～通常都係芝士汁配意粉，原來配伊面都好正～伊面份量好足，質感好滑、好有伊面香，同白汁好夾！配菜(三色椒、芽菜)都好新鮮爽脆，同伊面一齊食，口感好好～芝士汁都好吾錯～雖然個名叫「芝士XXX」，但吾係一片片/條條嘅芝士，應該係指個芝士白汁。因爲好夠汁，我坐係自己個位、對住電腦食，食嘅時候將D芝士白汁彈到幾次彈落個螢幕到～海蝦都幾大，有4隻。可能因為餐廳炸/煎過D蝦，蝦味好香、肉質新鮮爽彈～好好食～而且有開邊，我用膠叉、匙都好易剝到蝦肉出黎～(不過要小心彈汁)起先打開食物盒時以為份量吾多，其實個食物盒都幾大。我食到一半時已經開始飽。因為好味，最終食晒，好飽肚～「芝士海蝦燴伊面」係限量供應，而且只係星期四先有～餐廳仲有其他吾同嘅餐，除左印尼餐，都有吾少港式、西餐。價錢都OK~有D仲外賣自取有8折～下次有機會，會再試～^_^…查看更多

同朋友約出黎傾計食野，係openrice見有吾少人話好食，就相約黎呢間～係佐敦地鐵站出黎，簡略地睇左手機地圖，沿路行彌敦道(就去到尖沙咀)，都揾吾到間餐廳。跟住睇街號去揾，先知道原來入口係山林道～搭lift上到去3樓，就係餐廳。環境簡潔、有點文青風。菜式以印尼菜為主，款式雖然不多，但感覺樣樣都是水準之作吧～因為好少食印尼野，同行朋友都想試多幾款，所以我地就share 黎食。叫左「巴東牛肉飯」、「峇里式豬肋骨飯」(+$8金貝飯)「巴東牛肉飯」的牛肉有點筋(見圖)，但煮得很軟腍，肉質不是死實實的，而是有點QQ的～加上香甜又帶點辣味的汁伴吃，好正～這店的珍珠米和日式餐廳所吃到的不同，它比較粒粒分明，不太粘軟，而且很有咬口。所以肉、汁、米粒都很配合～！「峇里式豬肋骨飯」(+$8金貝飯)的豬肋骨同樣煮得很軟腍，骨肉有點分離，方便拆肉來吃～汁也很讚～吃到香茅的味道，也富有肉的甜香～更讚的是金貝飯～第一啖已經食到好香嘅椰香、薑黃味～飯粒同樣很有咬口，配香料肉汁香豬肋骨同吃，很滿足～雖然這間是印尼菜，但同其他比較重口味的東南亞菜不同，香料的運用恰到好處，不會嗆了主食(肉)的味道。感覺用料新鮮，煮法講究～另外都叫左杯凍檸檬氣泡咖啡～上枱時檸檬汁是沉底的，所以飲前要先搞勻。第一次飲，先知原來檸檬汁同咖啡係咁襯㗎～完全襯托出咖啡的獨特清香～加上梳打水，口味更輕盈、醒神～最後見有「燒賣串」，叫左一客(兩串)燒賣燒得有點外脆内軟，質地有點QQ～配上的沙嗲汁微甜，很合香港人口味～餐廳仲有cake，好吸引，但我同朋友都食飽左～其實呢間餐廳都好有cafe feel~大大玻璃窗外就是翠綠的樹葉，雖然位近繁忙馬路，但景色自然～就算吾食飯，同朋友食件cake、飲杯野，都好chill~^_^下次經過會再試～…查看更多

同男友看完戲後，找餐廳吃晚飯。雖然新都城有很多種類的餐廳，但我食了戲院的小食，只想食輕便的晚餐。走到這店前，好奇門口的落單裝置。車仔面可以自由選配，正合我意。這車仔面店除了普遍的選料，還有喇沙、台式鹵水等等。我點了常餐，五香肉丁+蛋，面可以選公仔面/粗蛋面/細蛋面/米線等等。而且配熱飲。約$29入到店內坐下，才發現座位也有點菜機，而門口的是外賣用的。要麻煩店員幫我們改單總括而言，點菜機有3種語言，使用介面亦很user-friendly，客人可以慢慢選擇。但不要像我一樣，用錯了外賣的機~第一碗車仔面不用2分鐘，便到我們枱上了。湯非常夠熱，喝下似高湯，暖笠笠，好喝。非一般的車仔面湯。五香肉丁炆得腍，又入味，更多了一份甜味，肉質軟滑，正~蛋就普普通通男友點了餐肉，是厚切的，有約1cm。讚~店舖用的碗較大，而且米線足料，一碗車仔面已很飽肚…查看更多

同朋友/同事/情侶食飯，通常會選擇有特色的餐廳。但一個月，總會有1,2日會食連鎖快餐廳。看似普遍的連鎖餐廳，其實有不少keep到水準的美食。星期日的晚飯是大快活的咖喱吉列魚柳飯，由中學食到以家，大快活一直都keep到水準，好好食共有2塊魚柳，肉質不厚，但非常滑，而外層的吉列非常脆，炸得黃金，很吸引。魚柳是熱熱的，冬天食，好满足~咖喱汁都係心水推介，非常滋味~ 我喜歡有棷香、微甜的咖喱，而且香料不會太嗆(東南亞的咖喱太重香料味)。大快活的咖喱，質感濃傑，微微嚐到多種香料，但味道郤不會太濃，很有港式風味，伴白飯一同吃，一流~薯仔有2大嚿，没什麼特別的配菜魚柳整得美味，固之然要讚。但另外我亦欣賞的，是餐廳會在白飯旁放上蔬菜。大部分的食店為了節省成本，都不會額外附上蔬菜，但一間對成本精準計算的連鎖快餐廳，竟然還有蔬菜~ 細微之處，略見大快活對食品的要求雖然要食到大快活的咖喱吉列魚柳飯，一點也不難，各區都可找到。但每次食，總會享受到咖喱與吉列魚柳的完美配合滋味，水準之作~而不同店舖的出品，都做得很一致…查看更多

晚上去The One睇戲，睇戲前想係商場揾野食，但想食的覺得好貴，平的又吾想食。去到 “宏”，見到佢$99有成個套餐，食物又好吸引~店舖的裝潢好可愛我點左日本產溫泉蛋海藻烏冬套餐，有熱茶，券物，沙拉，仲有甜品~!啱晒女仔心意~海藻烏冬超滑，好難用筷子夾，雖然係海藻烏冬，但海藻本身無麥味，只食到麵條的麵粉味。溫泉蛋好正~睇圖就知道，係日式溫泉蛋，蛋黃好黃。湯汁我差吾多飲晒，清清的，好好飲。我點了白爵茶，沈耐左，茶色/茶味好濃，建議將茶包拎開。最後上的，是抺茶Cake。可能店員一早就在Cake上潵上綠茶粉(抺茶粉~?)，茶粉被蛋糕弄濕了，好難睇 >_<蛋糕濕潤，味道當然不錯。抺茶味好濃，特別是cream~…查看更多

平時不會去香港站，但那天下午要去工作。由於不熟香港站，所以不知道那兒有餐廳，但地鐵站的店舖正有不少食店，就算匆忙趕時間，都可以輕便買到不錯的正餐。大約中午12時，已有很多人排隊，店內店外都是買食物及等食物的顧客。店員全都不是地道本地人，雖然是提供韓式菜，但是以英語交談。我點了roll後，大約等5-7分鐘，便可取了。店內有一個角落，可讓顧客企著享用。$50的蟹肉沙律roll，份量一定足夠OL作午餐。外層的紫菜簿簿的，但非常脆，與小時候食的四州紫菜不同，韓式紫菜更平滑。內裹的生菜非常Fresh，牛油果軟滑，蟹肉沙律非常足料，而且飯粒適中不會太多，超正~ 食完好满足~$50一個roll雖然不便宜，但食完覺得值得再食~…查看更多

放工約左朋友食飯。見天氣凍凍地，去左打邊爐。2個人一個爐，加即食面同嚮鈴，夠我地食~^_^ 。果日嘅爐好孟火，夾食物要小心火舌。火靚，食物淥得好快，正~個場雖然吾多食客，約6成，但冷氣好足，幾舒服。中途侍應過黎收枱號牌、上手的碟。大快活位於屋苑附近，吾係大商場，人吾會太多。幾享受咁平民、簡單嘅打邊爐，好有香港味道。而且大快活嘅橙色，好有活力~連鎖快餐嘅打邊爐食物，大同小異，但可以舒舒服服食一餐，就難揾到。食過吾少次大快活、大家樂、吉野家，都係大快活最有港式味道~(吉野家D位好逼)…查看更多

Lunch 去食，叫左叉燒撈丁配奶茶。奶茶好快到左，但撈丁十幾分鐘先到。賣相吾錯，但太多汁，而且太濃傑，口感太漿。而撈丁又偏硬，煮耐D會更好。但味道都算OK。而叉燒好正，細細舊，幾有肉質，甜甜地…查看更多

食過不少次她的雪糕(筒)，今次嚐雪糕杯，可以"不"下"不"下一啖啖食~有不少選擇，而今次撰了楱子巧克力雪糕杯，坊間較少見。本身以為會是像金沙般的，但一開蓋時，見到不是深啡色的朱古力雪糕，而是杏色的楱子雪糕，有點兒失望。但吃下時，有很香的楱子味，很少食到。而巧克力是心形的巧克力粒，雖然味道不算特出，但勝在有心思^_^果然是朱古力專門店杯子份量適中，$45，可以一試…查看更多

上星期的某一天中午時段，路經和宜合道，才發現熟食街市已靜悄悄開放了。還記得半年前亦在裝修的。可能因為我一直都光顧開固定的食店/餐廳，對熟食街市的情況不太留意。熟食街市通常都有不少經濟又美味的食物，而且有各式各類的選擇，所以同同事一行幾人去試試~店舖呈半圓形圍著中間的座位，食客不多，中午時段都很易找到位置坐下。有日式、印度、中式糖水等等。而打邊爐的店舖則未開門。返工當然是食港式的粉面飯，因為其他留放假時慢慢食^_^本想食雞扒，但女店長說只有切成一塊塊的雞粒。上枱時很夠熱，應該是一煮完即上枱。望到，都覺得好有肉質~用原粒糊椒拍碎，再與洋蔥一同炒香，糊椒味濃郁，辣辣的，令雞粒好野味~。熟食街市無冷氣，如果坐近外面，會食到流晒汗~ 冬天食，一流~和宜合道周圍的食店都要$35~$45，但熟食街市$25就有飯、飲品。而祥和只不過是$27/28，連冷飲(不需加$2~)。雖然無冷氣，裝修粗略，但這樣才夠味道~葵涌又吾係中環，返工放Lunch，食下熟食街市都吾錯~…查看更多

星期日吾想屈係屋企，所以同朋友去上環行下。平時好少行上環，但我覺得上環係一個好有本地特色嘅地方，有行到人好累嘅長樓梯，有舊樓，同時又有酒店、高樓。而我食呢間權記，不論店舖裝潢定食物，亦都好有味道。以家好多食肆都愈黎愈貴，只要係因為舖租貴左，食物成本貴左，人工又高左。但呢間權記嘅雙併雲吞面只不過是$16。店舖專做傳統雲吞面檔，都係魚蛋、雲吞、雲吞面、可粉等等，款式不多，但夠地道。有時食店不斷研發都新產品，以吸引客人，但基本嘅菜式就做得平平無奇。可以一直堅持專做主要食品，而又Keep到以前味道嘅店舖，真係難能可貴。星期日，就係中環俾我遇到招牌雲吞+魚蛋雲吞面($16)搣開雲吞時，有一陣好香嘅雲吞味。入面嘅蝦粒吾大隻，但蝦味好濃。細蝦仔都可以香過大蝦~ 雲吞皮做得好滑。雲吞都好大粒，吾會因價就貨呢到嘅魚蛋同普通食到嘅魚蛋(外面黃色)吾同，係方形，成個白色。魚蛋質感好滑，好新鮮有彈性。魚蛋味濃。必試平時食雲吞面時，有一陣味，亞媽話係梘水味。而呢間嘅梘水味就好出，好明顯我係大約5點入去。店舖吾大，但入面乾淨企理，一個姐姐坐係後面的枱包雲吞。店舖坐左一半客人，都安安静静食面或閒聊，氣氛好舒服。食野吾一定食環境，最緊要係味道希望十年廿年後，仲有呢類舖頭，仲可以食到一直以黎嘅味道…查看更多

某個星期二放左工，同男友去撐枱腳。果日商場比較多人，平時餐廳有位的，果日full到要等位。不過門口安排入座的經理好快手，有位即刻去收枱同安排我地入座。我地坐在近門口的位置等食物的時候，望見所有侍應都好忙。有D侍應好明顯係生手，上菜要望幾次紙仔(有枱號)，有D由疑。而我留意到有一個女經理都好快手，不停做。我大約等左十幾分鐘，就有食物上枱。男友碟意粉耐少少。而坐我旁邊亦有一對男女，同我地差吾多時間入座。我食左一半，佢地D野食仲未上枱。個男客人嗺男經理(安排入座的經理)，男經理即刻call 咪，叫廚房跟、上飲品。飲品上左後，佢地D野食仲未上。到我地差吾多食完，佢地先有野食，足足等左半個鐘，佢地都有D無奈。上菜時，男經理都有講吾好意思，同解釋因為焗野同扒要耐少少。個客人都接受。見到所有店員都好忙碌，都明白侍應做到無停手。估吾到星期二都咁多客人個男經理雖然無笑容(太忙碌)，但幾忙都即刻跟進客人的意見，又幫手執枱、收碟，讚~!食物方面雖然好多客人，但我同男友碟意粉依然好有水準~而我見有D客人食漢堡飽(新產品~?)，個漢堡飽有好多層，好足料。個飽仲大，份量足夠。好吸引食過吾少次一品，下次依然會食^_^…查看更多

一直都好想食M記的早餐，因為望見佢D廣告，實在太正。影到D食物好吸引。雖然明白廣告D相片同現實會有差距，但M記的味道，我一路都鐘意~8月尾某個星期六約左朋友去銅鑼灣睇戲(早場)，一早起身搭車去。同朋友都未食早餐，想快快脆食個靚早餐，即時諗到M記又快又好食~星期六M記都好多人，Full晒。要排隊。薯餅用左Minions 個樣，好似未訓醒~好得意~薯餅熱辢辢，好似剛炸起，而且好有薯味 (雖然好多油)。由細到大，都好鐘意食薯餅~漢堡扒通粉都好夠熱，因為趕時間去睇戲，食得好急，辢咀咁濟。漢堡扒好有肉汁，有少少調味，好正。而紅蘿蔔粒同蕃薯都好新鮮。蛋就普普通通。用左十幾分鐘就食左個靚靚早餐~正其實M記都吾一定吾健康。吾食早餐先最吾健康~…查看更多

晚上本來想揾返上次食的日本小舖，但吾熟路，揾吾到，吾知係咪執左…見回味盒子有6-7成客，價錢OK，環境OK，就入左去我叫左XO醬蟹子海鮮炒飯。份量足夠。上面的蟹子好新鮮。飯入面有3-4隻蝦，D蝦仲係花狀，肉質好彈。而且都有吾少蜆。仲有少量乾瑤柱、蛋花。味道當然係XO醬味，炒得好夠火喉，D飯都好乾身(適中)。好味~芝士焗意粉望落好簡單，面頭係芝士，下面係意粉。因為係焗，芝士同意粉都偏乾身，但我覺得OK，口感幾好。碟意粉無白汁的，食完見到有陣油。味道正中，OK埋單時，見到張單，原來吾洗加一 ^_^下次去澳門，會再食 …查看更多