BMEM的个人专页

正當周圍都係懶靚然後收你勁貴嘅茶記成行成事之時，有時都會諗，自己俾緊嘅果筆錢，除咗員工份糧同租金之外，有幾多係俾咗落筆裝修費度呢？一開始當見到wetland park多咗呢間點心堂時，見到裝修好靚，都有過咁嘅疑惑。 不過當隔離又係百分百呀，湯加果啲連鎖，何不試下新餐廳呢？晚市呢間冇點心食，而係叫餸食飯咁，最經典嘅煲呀肉呀菜呀果啲都有，唔怕冇嘢啱食。一上檯時聞到係甜香味，而唔係其他餐廳好常聞到嘅攻鼻酸味，未食已經有好印象，當然總會有一兩件係較為脆口，但整體都係舊舊有肉食，菠蘿亦都仲係有水份菜膽雞就要靠咬去試，唔乾身，唔會冇味，西蘭花爽口，整體水準之上就快食完，有個後生靚仔waiter埋黎介紹甜品，問試唔試下燕窩椰皇燉奶，見唔算貴，佢又好好禮貌，咁就試下啦一開蓋冇諗過會係有咁多料，而且甜度適中雖然唔係平，但最重要係食得舒服又好味。 之後搵次食埋午市點心睇下係咪都咁ok先!…查看更多

買了雍盛大家樂外賣午市嘅泰式燒雞髀配野菜魚餅跟白飯。 番到去，打開飯盒後，發現第一個問題，就係冇放野菜魚餅。 呢個問題相對地事少，但之後有更加大嘅問題，就係當咬開雞髀時，發現內裡異常“新鮮”，從相中可以見到直情係鮮紅色。 咁即係俾左50蚊，魚餅又冇，雞髀又食唔到，只有白飯同埋無奈。 為咗令唔會有更多食客遇到同樣問題，咁就電郵咗俾大家樂反映上述問題。 兩日後，收到佢哋嘅回覆，話希望我留低電話號碼方便佢地同我跟進。 而到咗今日事隔14日，我係仍然冇收到任何來自大家樂嘅電話。…查看更多

晚市惠顧咗一客抹茶忌廉梳乎厘Pancake及熱Mocha。 剛落完單，比大家樂更快嘅速度，個梳乎厘Pancake已經上咗檯。 唔駛等係好事，但呢個係梳乎厘Pancake喎……心諗可能係咁岩整好啫，嚇我唔到嘅……點知……一切開就知大件事喇……一切即扁，而且係唔會彈番開或者有融化嘅跡象，有圖有真相……佢入面係實在嘅麵份黎架可能……呢碟東西售價係$148....係完全唔值呢個價錢另外，附上餐廳地上的衛生情況照片一張當晚用膳時入座率三成，員工絕對有空間打理店面…查看更多

今日中午到店查問是否有蛋糕供應，店員問 “吓?”，應該是因為店面雜音較多，所以她未能聽清楚。 在詢問多一次後，她表示“ Weekend先有，其實出面有塊牌寫左架喇”。其後到店外找那塊牌，原來這塊牌真的有存在，尺寸約小童手掌大小，貼了在玻璃門，高度是在成人膝蓋的視平線。因為遺憾地我眼睛不是在膝蓋位置，所以未有看清楚那塊板，便進內打擾了店員的雅興，望能在此向她致歉。為減少下次有同類型問題打擾到她，建議店方可以把告示放在門掣旁，或可以在這樣便可減少顧客造成員工不耐煩的情況。希望能在她休息的日子，再到貴店享受你們的咖啡。…查看更多

排隊不用等太久，但可能因為已經較晚，所以便當只剩三款，牛肉麵只剩一款; 點了的牛骨湯麵十分羶，一上檯已經有很濃烈的氣味，未必是人人能接受 (或者會有人很喜歡)，麵質是理想的，牛肉則有點乾，湯底比意料中更油膩，吃了一半後真的撐不了，唯有放棄; 飲品中規中矩，珍珠比較小顆，適合不想嚼太久的人。總括而言，如要跟同樣是台灣過江龍的餐飲比較，吃的部分會選鼎字頭的，喝的則會選翰字頭的，最後才會選這一間吧…另外，堂食提供的筷子是即棄式，希望能更環保!值得讚賞的是，員工態度正面積極有禮，用餐空間舒適!…查看更多

首先，佢價錢其實真係冇得輸;第二，裝修格調於同區內實屬出色，大至天花模仿珍珠在飲管內的模樣的裝飾，小至員工圍裙上的扣針公仔，真係要俾掌聲brand design的團隊。但一間餐廳最核心的是食物，其次是員工與客人之間的交流。 你呢兩樣做得好，價值貴都值得俾，而裝修亦都只係錦上添花的伎倆。第一次試，叫最低價錢嘅set，最平嘅都做得好，其他應該差極有限。台式重點嘅泡沫珍珠奶茶茶味和奶味都較淡，珍珠算有咬口但無味;溏心蛋同切粒豆角係最出色，灼青菜就真係灼青菜，棒棒芝士超級鹹，食到半條算你叻，貢丸話係QQ，食落只覺得肉質鬆散，想食麵但唔想食肉燥，因為就係怕好似下圖咁，油過茶餐廳沙嗲牛ps:午市都幾旺，喺個場仲有好多位嘅時候，經理已經好落力安排大家坐得tup tup hum，後面成排櫈，四位檯已經坐緊1+1+2，一餐飯半個鐘佢已經周圍問坐低咗嘅客你係咪一位你係咪一位，公司應該要多謝呢類經理，佢將你鋪頭嘅坐位完全maximized!…查看更多

長洲朝早搵早餐食，見啲茶餐廳都唔少人，咁就熱熱地食大排檔都唔緊要啦，橫掂呢啲都買少見少去呢啲檔口最怕就係啲叔嬸淨係顧住啲街坊熟客，但呢間嘅伙計都好友善，坐低後會主動過嚟，仲唔止，客氣到問駛唔駛落住杯嘢飲先，嘩，去邊度搵呀要咗杯凍鴛鴦少冰少甜同肉丁煎蛋米線，可能間嘢始終叫蓮香[咖啡]，所以飲得出杯鴦當中嘅咖啡係正嘢，而奶茶部分就薄左啲而個米線亦都理想，肉丁唔會太油，而且仲有加蔥花，令碗米線更香因為本身唔諗住寫食評，但事後發現一定要讚讚 所以只得食完嘅樣重點嚟喇，見成餐都唔錯，開咗個胃，咁就叫多件奶油多少烘，要知多士雖然簡單，但越簡單越見心思就係呢件多士令小弟要寫食評好多餐廳根本唔會理你果句少烘或少火，同埋好多時唔明點解啲茶記好興壓平晒件多士令到塊包冇咬口，但蓮香有少烘而且烘得好，你見中間係金黃色嘅但外邊仍然係好軟熟，去呢度食大家一定要叫佢嘅多士!成個早餐由冇咩expectation到exclamation…查看更多

一個不錯的角落，能在較安靜的角落飲下咖啡食下蛋糕。 (平日應該會仲正，星期日去就較為多一家大細……)蛋糕望個樣都已經覺得吸引，伯爵茶味可以更濃，成件蛋糕細細地但內裡有不同層次，下次要試埋其他味而焦糖咖啡嘅甜味同咖啡味亦都算平衡，唔會太甜或咖啡蓋過焦糖味值得一讚嘅係由於cafe位於書店內，時不時會有書店嘅人冇買任何嘢食嘢飲就霸佔咗座位，令真正想嚟飲咖啡嘅人較為尷尬，但職員有不時嚟問一問冇惠顧嘅人要讓個位出嚟，呢樣好重要亦都有顧及到真正顧客嘅需要 ，但長遠可能需要考慮加番些少圍欄，免得成日要員工做丑人 …查看更多

之前睇雜誌介紹過幾間荃灣嘅cafe, 今日冇咩野做就拜訪下呢間。點咗一杯Earl Grey Latte 同埋一件忌廉抹茶蛋糕。前者淡淡的又滑滑的，岩下晝飲番杯hea下！蛋糕好彩佢抹茶味唔會好濃，整體易入口。同埋大家去cafe都係想有個舒服環境，長bar檯對住個窗又望到海，之後有時間一定要再去，可以令心情變好…查看更多

食過呢間野幾次，蛋包飯係OK，下午茶既牛角包都唔錯 (雖然偏貴)，但係今晚真係好難收貨！晚餐C 係一碟叫「菠菜忌廉汁意粉伴一口魚柳」，睇睇佢咩樣先！意粉咸到要浸水食都已經算，問題係一口魚柳。你望見果三條好似M記新年果D扭扭薯條咁既野就係一口魚柳喇，量少皮厚肉缺叫做「一口」JE，都唔係咁呃秤啦化…… 賣相冇味道冇環境又死攝難攝冇下次了…查看更多

評分：4/10上次已領教過一次冇咩海鮮既海鮮炒飯，不過媽子鍾意食，冇計，去食多次啦，話唔定有改善呢！服務唔合格 首先自己六點半去度，「唔該兩位」回：「埋邊有架喇！」然後叫我自己入，ok既，咁我真係見到唔少位，坐落卡位，上檯既杯碟未有人執，之但係我等多三幾分鐘我算喇…Waitresses們好似淨係識得落單同傾偈，一於自己執，我爭在未自己用紙巾抹檯，之後佢終於肯黎收凍飲加4蚊？！佢服務唔得但係收加一，然後凍飲要加四蚊？眼見鄰桌凍飲又唔係話大杯，冰又唔少…其他餐廳最多都係加3蚊，當然你可以話1蚊就咪咁孤寒，但係唔值就係唔值吧…比較靚既碟頭飯 :/套餐跟餐包、西湯、熱飲，若果比起銀龍太興，佢價錢算正常，但諗深一層，佢其實同茶記碟頭飯分別唔大，仲少左塊火腿或者腸蛋！餐包夠熱值得欣賞，紅湯唔會太稀亦都有唔少雜菜，兩者成為整餐飯最可取之處；上為媽子的「黑椒豬扒配薯菜」($5x)，下為洋蔥雞扒配白飯($5x)，肉質雖不嫩但可以接受；我當然冇叫要加4蚊既凍飲，但係熱奶茶…望都望得出唔夠奶，茶亦太稀，聞落冇咩味，飲落可放棄。溫馨提示：對服務冇要求而對野食亦冇咩要求又想鋸下扒既人，呢間餐廳岩晒你，希望你俾加一服務費時唔會唔順氣…查看更多

放大假前一晚食好野，入正題，唔多講廢話！第二次食，覺得比上次更好食：叫左兩道小菜，左上角既麻醬A菜 ($18) 還好，雖然唔算好台式，但整體味道頗清新，起初以為淨係上面塊菜先有醬，但原來都落得幾均勻，加上上面放左幾塊爽口青瓜片同蕃茄仔都幾唔錯，但係若然要更台式，青瓜係咪條狀上會好些少？右下角係牛肚粉皮 ($28)，辣度有點似譚仔既五小辣，略嫌牛肚過瘦，不過整體尚可！主食叫左一個排骨湯麵 ($4x) (佢肉係碟上有誠意，不過因為張檯冇咩位，所以我先咁放)，排骨肥瘦適中，湯亦唔會好味精，但係條菜有點虧；另外朋友叫左個鹽酥雞扒湯麵 ($4x) ，塊雞扒比想像中大，皮同肉都幾易夾開，方便唔係幾想食熱氣野但又想食雞既食客。整體黎講，抵食，唔太要求十級台式的話呢度係好選擇。…查看更多