影片
更多
2017-07-02
701 浏览
長洲朝早搵早餐食，見啲茶餐廳都唔少人，咁就熱熱地食大排檔都唔緊要啦，橫掂呢啲都買少見少去呢啲檔口最怕就係啲叔嬸淨係顧住啲街坊熟客，但呢間嘅伙計都好友善，坐低後會主動過嚟，仲唔止，客氣到問駛唔駛落住杯嘢飲先，嘩，去邊度搵呀要咗杯凍鴛鴦少冰少甜同肉丁煎蛋米線，可能間嘢始終叫蓮香，所以飲得出杯鴦當中嘅咖啡係正嘢，而奶茶部分就薄左啲而個米線亦都理想，肉丁唔會太油，而且仲有加蔥花，令碗米線更香因為本身唔諗住寫食評，但事後發現一定要讚讚 所以只得食完嘅樣重點嚟喇，見成餐都唔錯，開咗個胃，咁就叫多件奶油多少烘，要知多士雖然簡單，但越簡單越見心思就係呢件多士令小弟要寫食評好多餐廳根本唔會理你果句少烘或少火，同埋好多時唔明點解啲茶記好興壓平晒件多士令到塊包冇咬口，但蓮香有少烘而且烘得好，你見中間係金黃色嘅但外邊仍然係好軟熟，去呢度食大家一定要叫佢嘅多士!成個早餐由冇咩expectation到exclamation
去呢啲檔口最怕就係啲叔嬸淨係顧住啲街坊熟客，但呢間嘅伙計都好友善，坐低後會主動過嚟，仲唔止，客氣到問駛唔駛落住杯嘢飲先，嘩，去邊度搵呀
要咗杯凍鴛鴦少冰少甜同肉丁煎蛋米線，可能間嘢始終叫蓮香[咖啡]，所以飲得出杯鴦當中嘅咖啡係正嘢，而奶茶部分就薄左啲
而個米線亦都理想，肉丁唔會太油，而且仲有加蔥花，令碗米線更香
因為本身唔諗住寫食評，但事後發現一定要讚讚 所以只得食完嘅樣
重點嚟喇，見成餐都唔錯，開咗個胃，咁就叫多件奶油多少烘，要知多士雖然簡單，但
越簡單越見心思
奶油多
$13
45 浏览
0 赞好
0 留言
就係呢件多士令小弟要寫食評
好多餐廳根本唔會理你果句少烘或少火，同埋好多時唔明點解啲茶記好興壓平晒件多士令到塊包冇咬口，但蓮香有少烘而且烘得好，你見中間係金黃色嘅但外邊仍然係好軟熟，去呢度食大家一定要叫佢嘅多士!
成個早餐由冇咩expectation到exclamation
张贴
