sweetliketoffee's Profile

每次經過中環，見到佢貼一大幅廣告牌出嚟，啲燒肉望落好似好吸引。早排終於約咗朋友去試呢間燒肉店午市套餐，佢哋嘢食係高質好食嘅，如果肉類份量可以多翻少少就好。🥲佢哋啲沙律同湯係可以無限refill, 沙律用料新鮮，我地都refill 左一次。店員服務態度亦都非常好，介紹我哋點樣叫套餐最抵食又可以試唔同款燒肉👍🏻要讚一讚嘅係呢度嘅抽煙系統做得真係唔錯，有別於出邊燒肉店，呢度一行入去唔會成浸油煙味，而且食完個身都冇一浸燒肉味👍🏻…Read More

自己一個去東薈城行街，行到攰攰地有啲肚餓，經過見到呢間肉桂卷好吸引！佢地roll on the go 好方便，個肉桂卷剪開左細細舊，可以細細啖咁食，唔會食到好污糟！因為本身好鍾意食花生醬，所以毫不猶豫叫左個花生醬朱古力味😋個肉桂卷翻熱左所以有啲微暖，而且店員好大方，落左超級多醬，成杯野好邪惡😍😍😍因為剪咗細細舊嘅關係，佢哋每一舊肉桂卷，都可以沾滿花生醬同朱古力醬，一開始食頭幾啖都好滿足，入邊好足料，有埋花生醬粒，又唔會太甜，係好好食嘅。但係食到一半後，越食越濟😂😂我相信有多個人share會比較好！雖然食完個刻好濟，但係依架諗翻起又想再食，下次要搵多個人一齊行街~…Read More

最近同同事係中環附近覓食，見到呢間隱世樓上印度餐廳，就入去試下😍餐廳裝橫都幾有特色，佢地午市係自助餐黎嘅，款式唔算多，但係每樣望落都幾吸引。同侍應傾偈，佢哋推介呢度嘅butter chicken，果然唔錯！最鍾意佢地個nann, 係即點即製，上枱時用布巾包住，新鮮滾熱辣，再配合自助吧拎嘅咖哩沾住食，食到lam lam脷😋我地refill 左幾轉👍🏻佢哋啲食物應該有根據香港人嘅口味調整返，唔算特別重調味料。另外佢哋會送每人一份crepe, 有啲椰絲喺入邊，甜甜地，味道都幾得意，而且個Crepe皮薄薄地煙煙韌韌，口感特別。平時午餐食嫌左中日韓餐廳，黎試吓食印度餐廳都唔錯！…Read More

同朋友慶祝生日，揀咗嚟呢間餐廳。之前都試過呢到嘅brunch，覺得食物都好高質。所以今次晚餐都揀咗呢間餐廳同朋友食飯。每次入嚟都覺得好Grand，環境舒適優雅，佢哋嘅食物一如既往出色。作為薯蓉控，我係非常鍾意食佢哋呢度嘅薯蓉！佢地個薯蓉細綿幼滑，再配上佢哋秘製gravy, 食落去真係好幸福！佢哋個招牌燒牛肉就更加唔使講，肉質嫩滑。由於朋友生日，餐廳都特登準備咗蛋糕，一邊捧住過嚟一邊唱生日歌同朋友慶祝生日，仲有即影即有送俾我哋留念，儀式感十足。如果有特別節日慶祝，呢間餐廳不失為一個好嘅選擇👍🏻…Read More

中環呢間Tango嘅lunch set已經食過幾次, 之前試過element 嗰間, 始終覺得中環呢間最好食！今次同朋友慶祝生日都照揀返呢間！最中意佢個午市套餐有beef tartare!!每次來都必點, 平時出去食飯, 單叫一個beef tartare 都要百幾蚊, 呢度個lunch set前菜居然包埋beef tartare, 而且份量足!! 每次未到主菜都已經食到六成飽，因為佢哋呢度嘅餐前麵包整得好有誠意，淨係食麵包都食到飽！佢哋嘅主菜可以加錢食牛，或者食意粉漢堡包等等，我叫咗個意粉，我朋友就叫咗個漢堡包，另外因為佢生日，我額外點左個甜品，可以要求寫happy birthday 上去嘅， 但係因為太飽嘅緣故，個甜品最後我哋影完相就打包拎走左食唔落。每次喺度食午飯都會食到超級滿足，胃口比較細嘅朋友真係食到要打包拎走！…Read More

早排一行五人同朋友慶祝生日，佢哋話想食潮州菜，上網睇過呢間評論幾好，就嚟試吓！雖然位於三坡坊入面，但係餐廳對比其他荃灣潮州餐廳來講環境唔錯，坐都坐得幾舒服。食物價錢相宜而且份量都算大份。我哋叫咗食潮州菜必叫嘅鴨蛋蠔餅，佢新鮮炸起食落非常香口，同時唔會覺得好油膩。雖然好熱氣，但係好味到停唔到口！另外叫咗乳鴿，酸菜魚，滷味拼盤，鮑魚。滷味拼盤大大份，五個人都食唔晒。酸菜魚湯底做得唔錯，我地連湯底都飲埋。其實仲有好多菜式想試，但係怕食唔晒，所以留返下次嚟嘅時候再試！最後每人埋單只係$170左右食到撐住個肚離開。Ps: 帶蛋糕入去食係會收返切餅費，價錢大約30蚊左右…Read More

上次去咗灣仔嗰間板神鐵板燒，試咗佢$380午市套餐，覺得好抵食！今次試吓銅鑼灣呢間旗艦店，原來佢已經冇咗$380嘅優惠，不過佢入邊食物好似都升級左，所以照去試下。一入到去個環境黑黑地，比起灣仔嗰度真係大好多，一個大廳入邊有大概四個鐵板燒枱，而且當日個廚師仲係日本人！我哋今次個套餐有龍蝦，鮑魚，美國簿切牛 。食材非常新鮮，鮑魚拎出嚟嗰時仲非常生猛。龍蝦配個醬汁一點都不馬虎，係有特別調製過。食物質素同上次一樣高質，而且唔知係咪日本人嘅關係，佢哋連擺盤都好有心機，相比起上次喺灣仔食嗰時更有誠意！(雖然灣仔都唔錯的)去到最後嗰焦糖多士，邪惡得來超級好食！好想再encore …Read More