puremilk的个人专页

上星期日同屋企人去將軍澳Donki嗰邊行，見到有間響電梯後面， 十分隱蔽嘅麵店！喜牛牛肉麵！🐮🐮🍜🥣舖頭海報寫住四隻大字：免費續麵！非常吸睛！本身都冇咩興趣，以為係另一個大陸品牌進駐。就響我哋在門口前猶豫不決時，店員上前介紹他們的麵店，本身就係麵痴嘅我，最後決定就入咗去試吓～餐牌上有好多唔同嘅款式選擇，酸菜牛肉麵，蕃茄牛肉麵，不過第一次食，就想試吓佢哋最經典嘅喜牛牛肉麵！店員介紹佢哋嘅小食，例如滷蛋係每日新鮮整，不過驚食唔晒就冇試到😂佢啲麵係新鮮製作，可以揀唔同嘅粗幼度✌🏻✌🏻🍜🍜麵來了！嘩！超！大！碗！手打嘅拉麵，非常之彈牙新鮮👍🏼👍🏼湯底有淡淡嘅牛味，但佢本身唔係台灣牛肉麵嘅路線，唔係紅燒，所以唔深色！佢嘅牛腱好滑，近乎入口即溶，冇臊味👍🏼👍🏼👍🏼👍🏼👍🏼我揀咗小辣，不過覺得唔夠辣。佢有個自助吧可以自助斟水，加辣椒油，加醋。食完之後，膽粗粗問係咪可以免費續面！😂😂真係得！揀咗兩個細碗，份量都超多！真係抵到不得了，面嘅質素非常高！仲要免費續面，即係一個價錢食咗兩碗🤣🤣🤣🤣埋單嘅時候忍唔住向店員大讚：你哋啲面真係好好食！牛好滑！❤️💪🏼簡直就係滄海遺珠！屋企人都話下次再嚟要試埋佢哋啲小食～…查看更多

有朋自遠方來！朋友想食日本嘢，即刻帶佢去區內性價比最高，水準最穩定，裝修又好，坐得舒服嘅德美❤️🫶🏻🎉10貫壽司套餐，好抵食，件件壽司都勁新鮮，仲有蛋有湯有沙律有甜品，只係$146最鍾意佢飯細細舊，魚生又厚又大片😍😍好新鮮～ 好有魚味，舊海膽都好甜！ 帶支好厚肉，隻蝦都同平時嘅熟蝦有啲唔同，非常紮實嘅蝦肉口感，吞拿魚腩好有鮮味！！餐牌裏面仲有好多好好味嘅嘢，睇嚟都要多啲過嚟，試晒佢每一樣嘢！…查看更多

上星期平日去到銅鑼灣，諗起之前網上見到佢哋有午市優惠，於是單人匹馬上咗去食。佢可以揀一人火鍋，或者粉麵套餐。我就揀咗肥牛，金牌牛丸，果皮魚蛋，胡椒湯底配河粉，白咖啡，只係$58 ！服務態度超好，一入去就熱情地招呼你坐低，幫你準備碗筷， 10分有禮貌。講返個味道先，其實我仲想食佢嘅藥膳湯底，不過第一次食就揀咗胡椒湯！胡椒味好出，飲咗好多湯都唔會覺得口渴。肥牛好新鮮，果然係打開邊爐嘅舖頭！雖然係肥牛，但係唔算好肥，啱我心水。金牌牛丸10分大，咬開咗仲會有油香！果皮魚蛋好香果皮味，非常結實，而且仲有好多粒😆🎊啲河粉都好好食，唔係碎濕濕，好完整！…查看更多

新年有幾日假期，特登相約朋友平日去觀塘食一間好出名嘅西餐。諗住去食龍蝦意粉，之前食過好好味，一試難忘。可惜3:00已經賣晒🥲🥲轉戰海膽鵝肝意粉，芒果蟹肉沙律，唔少得嘅就梗係tiramisu啦！意粉味道濃郁，唔算太肥膩，海膽都好甜好新鮮。意粉軟硬度適中～不過我自己就鍾情龍蝦意粉多啲，啖啖肉，今次食唔到真係好可惜。第一次向呢間食沙律，我自己好怕食沙律有陣「草味」，但呢間d調味做得好好。甜品無得輸，簡直係觀塘名物🤣🤣…查看更多

與老公有意識地不再正日慶祝情人節。出街太多人，而且變得好商業化，所以我哋通常都過咗正日先再慶祝。我特登訂咗仙后，想帶老公去試吓。我自己同朋友在一年幾前食過一次，嗰陣都未推出Set lunch，價錢幾貴，不過食物質素服務質素都非常好。今次訂咗午餐時段，去到都有好多人，人山人海。上網本身睇咗個Menu，不過去到發現原來啱啱推出左新菜單，價錢少少不同，不過無傷大雅。同老公講叫唔同嘅菜式，互相試下，頭盤好好味，配搭非常之驚喜！三文魚睇落去好似刺身咁，但係一食落就知道其實係半熟嘅狀態，呢個慢煮菜式非常之好味。粉紅蒜濃好特別，初頭以為好似肉醬意粉個d,所以見到嗰陣都覺得好特別！好幼滑既口感～ 粟子湯都濃郁，不過我略嫌奶味重。主菜 我揀左牛 老公揀左通粉～味道是很好的，牛肉軟，而家肉味濃。不過薯條失色，脆但無味。通粉都好好食，夠煙韌，不過我老公嫌主菜擺盤唔夠精緻。事實上我之前黎仙后食飯，擺盤係好靚既～最後甜品 不過不失，心太軟係流心，可惜的是，焦糖燉蛋不熱，所以塊焦糖都係唔脆～…查看更多

最近與同事有慶祝活動，佢哋推薦呢間觀塘非常隱蔽嘅餐廳。去到門口已經超級多人，不過幸運的是，原來餐廳裏面都幾大，都容納到一定嘅數量。與同事們遵守限聚令，分開枱坐，各叫主菜。呢間餐廳用Apps落單，口味可以自己選擇。我就叫咗個蒜蓉蟹肉炒意粉🍝，非常惹味，意粉軟硬適中，最怕煮到淋哂既意粉。可以揀辣度，我揀左小辣，好開胃！加左杯特式咖啡，唔記得叫咩名，不過我覺得相對地普通，可能因為太多奶。之後食多個朱古力香蕉梳乎厘pancake, 我覺得pancake真係好好食，唔會似有啲出面嘅餐廳，食落去真係好似空氣咁，佢呢個反而仲有啲蛋味同麵粉味。大滿足！…查看更多

我知道佢本身有間舊舖響觀塘，食過2，3次，好少食。後來轉左宜家呢個位置，更加近公司，有同事試過一次覺得好好食，所以最近叫埋我地一班同事去食午餐，覺得比舊嗰間好食！同事食嘅海南雞飯大碟多雞肉，不過我自己就鍾意食湯粉，所以選擇咗冬陰功湯底豬頸肉金邊粉，加健康飲品薏米水。好味，唔會太鹹，太酸，冬陰功湯底好味。豬頸肉都係好大件，金邊粉唔會太淋！薏米水無糖，清清地，不過好啱我，因為我唔鍾意太甜嘅飲品。下次我會試埋船河，同埋海南雞飯！🤣🤣…查看更多

上年11月左右已經知道有呢間餐廳，我就好想去試，不過一直唔得閒，加上疫情影響，盡量留喺屋企。一月頭老公生日，終於都有個藉口比自己出去食呢間。訂位嘅時候講咗係生日飯，店員打嚟確認咗嘅時候都非常貼心，說明會有生日甜品碟。我上網睇嗰陣，都覺得個Menu好啱胃口。不過去到嗰陣，變左festive menu, 貴左。不過一場來到，無咩所謂😆老公鍾意飲酒，所以加咗個飲Cocktail嘅package～杯Espresso Martini 又靚又好飲！前菜 係個蛋白加薯蓉的小食。好特別。仲有parma ham 拼盤，青口，幾款唔記得叫咩名 但好好食既菜式🤣🤣🤣主菜我揀左魚，個紅蝦汁係精華所在！令人最窩心，係除左生日甜品碟，店員仲會簽名送張生日卡，即場幫我哋影相曬相！十分驚喜！老公非常開心，我都好滿意！性價比極高，十分推薦！…查看更多

約咗一個好耐好耐冇見嘅中學同學相聚，朋友建議呢一間新開嘅Cafe，我平時好少去天后區，都特登過嚟一試。12:30 去到發現門口已經有好多人，店員叫我留電話，而且都講定比我哋聽會等1小時以上，叫我哋去其他地方行住先，到枱嘅時候就會打俾我。同朋友去咗另一間餐廳吃午飯，接近兩點嘅時候，我哋自己返到間cafe，啱啱好就到我哋啦。店員都非常有禮貌，雖然好忙碌，不過照顧周到。由於已經吃左午飯，同朋友就一人一杯咖啡，加baby pancake Share食。環境幾特別，而且位置都算舒服。要左Hot Flat White， 未算一試難忘，不過不失。個pancake都幾得意，我想試呢一種細細個嘅pancake好耐，配埋山楂士多啤梨汁係幾match👍🏼…查看更多

自己一個人行旺角，心思思想食酸辣粉，網上見到呢一間個名幾特別，把心一橫就去試下。由旺角中心行過去都幾遠，原來係近油麻地嗰邊。唔係地舖，我開着地圖都搵咗一陣，原來要上一樓。入到去，地方都幾大，唔算多人，入門右邊係貢茶，左邊係出嘢食嘅地方。餐廳做緊優惠，買一杯正價貢茶，可以半價叫碗麵。上網啲人推介阿里山清茶，我未飲過，就決定試一試。杯茶好快整好，我飲咗第一啖，覺得好甜！覺得好奇怪點解啲茶會咁甜。等左10分鐘，碗麵終於都黎。比想像中好食！辣到十足，但係又唔會味精好重。呢個時候再飲杯阿里山清茶，不單止唔覺得佢甜，仲覺得好解辣，非常驚喜！…查看更多

網上見到譚仔三哥米線出咗新嘅撈麵食法，我自己本身好鍾意食薯粉，特登抽時間去試。天氣開始熱，撈麵比較清爽！$39 有炸菜，豬耳，雲耳，青瓜絲，有啲脆卜卜嘅嘢唔知點叫～ 我揀左5小辣，但唔知係咪d料本身用麻辣撈過，所以再辣d。味道不錯，就算撈麵都唔會凍冰冰，薯粉熱熱地，好食。美中不足是，食到後面覺到好咸，可能調味料向哂底。如果佢跟餐可以叫嘢飲，我覺得會再好啲。本身可以加多啲配料嘅，不過我覺得呢個份量都幾夠飽。都幾啱想食埋小食嘅朋友，因為佢都配料幾齊全。…查看更多

疫情之下，好難得出街買嘢。經過旺角，聞到一陣陣好香嘅牛味。抬頭看見這間餐廳，覺得名字很有趣，溫體牛～～入到去，環境很衛生，筷子都係獨立包裝，很安心。店員很有耐性地介紹他們的菜單，最後我選擇了陳皮牛丸鑽鑽粉。比想像中大碗，鑽鑽粉好好食，有啲似新加坡嘅粗米粉，香港嘅話我會形容佢係唔容易斷嘅瀨粉。餐廳牛丸好特別，口感唔似平時食嘅急凍牛丸，佢好軟好香牛味，肉質都偏紅。下次經過我會試埋佢其他嘢食，後面客人叫咗個湯，有一舊超特大嘅牛骨，睇落幾有趣。…查看更多

今個星期是我的生日週，親愛的男朋友上星期就帶咗我去食呢一間位於大坑的隱世高質素西餐廳。雖然說是隱世，不過應該都有唔少朋友已經食過。星期日都有午市套餐，實在是非常難得。一看菜單，非常驚訝，價錢合理，而且餐廳的裝飾佈置非常摩登。店員先放上麵包和黑醋橄欖油，平時少食麵包的我，也覺得好好味！同男朋友一人叫咗一個餐，互相分享，可以一口氣試不同款式！！屬於小食的兩個沙律，蔬菜非常新鮮，鴨胸勁滑，水牛芝士好香好軟身。主菜的三文魚令人驚喜， 入口即溶，平時食三文魚扒最驚就係煎得太乾身。意粉不過不失，仍屬水準之中。飯後就可以食甜品，飲咖啡，實在是很完美的一餐呢！ ！…查看更多

OpenRice做緊七折優惠，特登約朋友一齊試佢嘅下午茶。原價$728加一 ，折左都$582。去到嘅時候要等一陣先入座，陸陸續續都有好多人一齊等。準備入座時，侍應俾咗杯飲品我哋，不過味道好淡。下午茶附送的飲品，我叫了咖啡，朋友叫了花茶。花茶味道也是很淡，咖啡來到的時候，不少倒瀉在咖啡碟上，拉花也是不成形的。味道是不過不失。下午茶到了，鹹點普通，全部都凍冰冰，有個似菠蘿包皮的，不過菠蘿包仲好食。甜品難食，沒有什麼口感層次可言，有些是非常甜。鬆餅後上，不過食到一半就冇食，因為未熟。價錢不便宜，所以非常失望，不推介。…查看更多

在這疫情下，出街都變成奢侈。剛好有天要到旺角買東西，就預先在網上搜尋熱門美食介紹。在網上找到這一間餐廳，專門食蠔，而且是香港原味道，於是一試。鋪頭細細，不過乾淨企理。入到去都有不少食客，不過大家都有一定距離，算是食得安心。既然這是賣蠔的專門店，當然第一次來到都係試招牌菜，鮮蠔米線。碗內有不少蠔，雖然實際大小比圖片有差異，不過都幾鮮，無異味。枱上有其他調味料提供，不過為咗飲湯，我就冇特別加辣椒油。米線份量也剛剛好，湯底幾清甜，食完都唔會覺得口渴。…查看更多