川巴面館

自己一個人行旺角，心思思想食酸辣粉，網上見到呢一間個名幾特別，把心一橫就去試下。由旺角中心行過去都幾遠，原來係近油麻地嗰邊。唔係地舖，我開着地圖都搵咗一陣，原來要上一樓。入到去，地方都幾大，唔算多人，入門右邊係貢茶，左邊係出嘢食嘅地方。

餐廳做緊優惠，買一杯正價貢茶，可以半價叫碗麵。上網啲人推介阿里山清茶，我未飲過，就決定試一試。杯茶好快整好，我飲咗第一啖，覺得好甜！覺得好奇怪點解啲茶會咁甜。

等左10分鐘，碗麵終於都黎。比想像中好食！辣到十足，但係又唔會味精好重。呢個時候再飲杯阿里山清茶，不單止唔覺得佢甜，仲覺得好解辣，非常驚喜！