kwyy のプロフィール

第一次黎食自助式素菜, 走一圈見款式都多既,拎桌面上既碟出去每樣都夾d餸, 到2輪出去夾餸,會覺得又係個d。味道方面係唔錯既, 但煎釀三寶可以用索油紙減少d油就最好, 芋頭西米露芋頭溶晒,大粒西米又有少少燶,糖水麻麻地。如果有腐皮卷,素鵝,酸齋就最好, 點到好喇,平時食下素菜都係唔錯…さらに見る

同事2人去食,我點花鵰醉雞卷伴麵加套餐$28跟青瓜同凍蜂蜜柚子茶,同事叫牛根肉麵加$28套餐跟豆芽同凍冬瓜茶。我見侍應拿碗麵黎見到個湯甘黑甘深色諗住個湯幾好,應該會較濃味,點知係超級咸,但佢話d肉幾冧好食既,。我個伴麵都有足夠湯汁,醉雞卷就唔係切出黎圓型,似係醉雞片,雞有酒味少凍都唔太差,但我地都覺得加得$28個餐就唔好甘孤寒小食得青瓜,豆芽,雲耳比人選,小食個餐牌甘多款野,比多少少款人食下,份量可以唔駛太多啫,飲品基本係無料就唔駛加錢,但飲品份量都叫大杯,有料如珍珠個d就加$10,其實都幾貴,選一項就加一項錢好似唔太抵食 。我最欣賞係張枱夠大,坐位都唔係好迫…さらに見る

冷盤小食(海蜇，豬脷，9菜，魷魚) - 全部淡味芝士龍蝦伊麵 - 唔夠芝士，包唔晒d伊麵，個味同龍蝦幾好蒜蓉粉扇貝 - 好食，有蒜味，帶子唔太老，係多油左d啫(唔記得個名)豆豉蒸飽魚 - 好好食，好惹味，唔會過咸蒸魚 - 時間岩岩好 (我唔食魚，但朋友話好食)上燙浸豆苗 - 好似唔夠嫩口脆皮雞 - 皮脆，肉正常小炒王 - 多料好食，唔過咸炒麵 - 太油，唔夠乾身 …さらに見る

第一次食依間既車仔麵，叫左芫茜皮蛋湯底，瑞士雞翼，糖心蛋，柱候牛肚米粉，加碟腐乳通菜，熱檸水。食物未到已見張單$90，心諗都幾貴。如果好好食都無問題既，但係糖心蛋唔夠糖心，熟左少少，無個種流出黎既質感，雞翼個味幾好但硬身左少許，牛肚好食夠入味同腍身，最讚賞係個芫茜湯，好好飲，有幾粒皮蛋，佢唔係清湯，湯底有些奶白色，好有芫茜味。同時最鍾意佢把d餸係分開碟，逐碟放，唔駛一次過擺落湯底度。食過之後都覺得價錢略貴.....…さらに見る

 睇完網上介紹, 即刻落去新翠邨排隊, 雖然商場無冷氣, 又要等30個no., 唯有去行商店啦。入到去, 食店都好大, 又唔會覺得好迫, 都幾舒服, 有幾位韓國侍應, 叫單可以講號碼, 對話可以講英文, 都有幾位香港侍應我地2人只係叫左一客4件蜜糖炸雞, 一個豬什+炒飯, 2杯飲品, 已經好好好飽, 醬蟹都食唔落, 要停下次  Cafe每人送一碗湯同前菜蜜糖炸雞, 炸炒唔厚, 雞肉都幾滑, 外皮塗上一層蜜糖, 幾好味。亞次媽街市炒豬休錦+ 芝士炒飯, 豬什: 豬肉, 粉腸, 大腸, 雜菜, 粉絲 & 魚片, 有少少辣。粉腸炒到有d韌, 麻麻地, 按餐牌見議食2成就叫芝士炒飯, 可以叫職員幫你炒, 亦可以自己炒, 炒完d飯會有飯焦同芝士絲, 加辣醬一齊炒仲好味。叫左2杯沙冰, 一杯係芬達插草莓沙冰 同 雙層草莓菠蘿沙冰, 2杯都好飲。 …さらに見る

一行四人7:30PM到食晚飯, 因早已BOOK位所以不需要等就可以入去了。這時BOOK了露天枱, 一行出去, 個景好靚, 風遮無檔, 直望中港城, 九龍公園, 對面海。當晚晚餐最低消費是每位350元, 如果DRINK ONLY就每位180元/2杯,每張枱都會有一盞燈, 露天係無燈, 打開個餐牌咩都見唔到, 要靠手機個電筒去照住睇, 食物價錢都唔平, $350.....每人叫1-2樣都無左, 如果叫杯飲品或一瓶都已超過依個最低收費。環境內或外都幾正, 服務一般, 坐係露天最唔好處係食物會好快凍黑毛豬火腿配橄欖其他配菜同餅青口又細粒又唔鮮薄餅4塊, 以菜為主, 我覺得都幾好食海鮮飯, 好細碟, 一個男人已經可以食晒, 我覺得都幾油, 麻麻地1串2條腸, 着住火遞過黎, 都幾好食, 而頭脆脆, 食落有D辣含白酒飲品, 一瓶可有6-8杯臨尾加左碟燒乳豬, 亦係最好食, 一客2件, 可惜我唔記得影相…さらに見る

上年聖誕節想去試下, 但點知全場只限提供SET DINNER, 甘就算吧啦。結婚週年去試一試, 依間餐廳其實我一直都想去試。凱撒沙律配Pama ham 賣相都幾吸引, 佢無落芝士粉, 咆左幾條芝士條, Pama ham, 沙律醬及溫泉蛋放係面, 食既時間有D鹹鹹地, 菜就油油地, 可能落得太多橄欖油, 食落口感覺濕濕地 (其他餐廳既凱撒沙律係乾身, 只用芝士粉) 味道幾好白汁青口青口數量都不少, 但係有好多青口都煮到縮晒水, 有幾隻肉離殼, 個汁煮得都幾香, 都幾杰身卡邦尼意粉好少餐廳會咆幾條粗芝士放係面, 賣相幾特別, 不過食落口就知好驚喜, 卡邦尼個汁可能混左芝士, 搞到又杰又漏, 一PATPAT黏到實, 食2口已經唔想再食, "漏"得好緊要呀, 幾鍾意食芝士都唔掂羊架配薯蓉羊架7成熟, 仲有少少SO味, 我LIKE呀2骨相連為一體, 羊架頂部搽左芥辣去煎同焗, 肉易切, 一D都唔韌, 味道可以既, 因為2骨相連, 骨與骨之間就算有肉都好難切出黎食, 我寧願斬開4塊架好過, 雖然望落去舊骨細件左, 但起碼容易切先, 擺晒4件骨都霸住成隻碟, 賣相係砌出黎, 更何況2百幾蚊4件骨唔太過者 依間餐廳我最LIKE佢地上菜位, 唔會一次過咩都上晒, 食唔切搞都凍晒, 起碼佢地會逐樣逐樣黎…さらに見る

新開張個排都想試下食, 但見好多人排隊都費事排, 點知星期六搵野食個陣經過見無人排即入去啦。自己搵位座, 攞張餐牌睇下有咩食, 款式我就唔覺得好多, 聽隔離枱講話奶茶好飲, 梗係試下啦, 餐牌上有分奶茶C 奶茶O, 我都唔知代表咩野, 又無列明, 問收銀小姐先知原來係港式或煉奶, 最後叫左一個咖哩雞三文治, 咖哩叻沙蝦面及茶C (港式), 收銀小姐比個圓形物體, 番埋位放係枱上圓形貼紙上便可。咖哩雞三文治 雞肉眼見乾乾地, 好似搞碎一舊舊撈埋D調味料, 雞肉賣相就麻麻地, 但食落去就好好味, 唔係好辣, 又唔會好似硬左一舊甘咖哩叻沙蝦面 唔難食, 蝦得2舊就少左D, 講真唔覺得好特別奶茶C 好飲, 如果可以自己控制糖既分量就會更加好食物味道唔差, 未食過都可以去食下, 如果要特登排好長隊去食就不必啦 …さらに見る

7:15PM去攞飛, 接待員話:而家無飛攞,你8:00PM再黎排隊攞飛啦。聽完之後, 行下商場啦, 7:45PM返去, 已經有十幾人排隊, 甘照排啦 (諗住按排隊入場), 點知係排隊攞飛, 再等號碼入埸 (你兩個步驟), 只可以食約70分鐘都算啦, 一心都想試下, 等多陣都OK, 但見入面都有幾張吉枱都唔放人入去, 可能留比有5-8人, 好彩等左30MINS就可以去。等待中都已經諗到想食咩, 甘叫人落單啦, 一位女侍應黎,我地叫左"烏卒卒" (墨魚紫菜卷飯), 餃子辣湯拉面, 炸雞沙律, 廚師卡邦尼年糕, 柚子蜜, 原本想叫半溶芝士辣件糕, 問個女侍應個辣度回啦, 佢好快已經話無得減辣, 甘我再諗啦, 我朋友已經叫其他野食先, 個女侍應掛住望出門口都唔聽人講野, 我話轉卡邦尼年粽又聽唔到, 唔想落單米搵身二個羅, 我之前睇食評都有人話侍應無咩禮貌, 估唔到發生自己身上。心諗如果食物好野都算。但係我隔離枱既一對男女枱上有3碟野都食得一半, 唔係掛.......首先到既係烏卒卒, 個汁有少少辣, 都幾好食, 如果餐牌無寫墨魚, 跟本食唔到第二道係廚師卡邦尼年糕, 除左有年糕, 仲有天使麵, 個汁勁杰又"溜", 食2啖已經唔想再食, 坦白講都幾難食跟住係餃子辣湯拉面, 有煎蛋同餃子, 個湯都幾辣, 比年糕算唔錯最後到係炸雞沙律, 以為係一舊舊雞, 原來係一條條雞, 不過睇個賣相好似幾好食(沙律菜同雞條), 點知食落口又乾又硬, 薯條都好食過佢, 可能無左D雞條個沙律會仲好食我隔離枱坐左2位講國語既青年人, 有位男侍應同佢地講夠鐘要埋單, 人地有立即比現金, 找完錢, 對男女都無離開繼續傾計(都有40鐘), 我見D侍應行過都望下, 啤下佢地, 我想問點解要啤呢?行過去用普通話請佢地離開米得羅, 到我埋單個陣都無人行過去請佢地離開, 唔怪得出面甘多人等位啦最後簽咭埋單, 個男侍應遞張單簽名, 簽完名, 佢一粒聲都無出過就甘樣比返張信用咭我就走左去 食物已經唔係好食, 價錢又唔平, 服務同態度就好D啦 …さらに見る

見新開, D人又話好食但好貴, 甘諗住3個人試下LUNCH都無甘貴啦, 原來佢要齊人入, 好彩個舊同事等左我地兩個一陣者入到去坐近門口第2張坐方枱, 個位無咩冷氣, 對門成日都開關開關, 熱到死, 睇個餐牌, LUNCH黎講都幾貴, 如果好食都值既, 個定食有: 味噌湯、前菜、主菜、蒸蛋同白飯, 叫左1個吉列黑豚豬扒定食, 豬扒炸得好趣, 又唔靭, 叫左2個燒肉定食, 一黎到即係洋蔥炒牛肉意粉墊底 (似豬生姜燒個款), 我仲以為係食網燒個D燒肉, 有D失望, 個汁都幾濃, 淡少少會更好, 個湯都係, 蒸蛋唔錯, 不過d待應好似好趕住收野, 食完一樣就收一樣, 野食又唔係話唔好食, 比得甘既價錢, 預佢會更好食羅, 平番$30-$40一個定食, 就覺得抵食 …さらに見る

早幾日已book8:00pm7位, 3個人行到攰7:40試下入去坐住等啦, 接待個女仔本來要4位以上先入得, 佢見都差唔多夠鐘都比我地入先, 等到8點, 其他人都未到, d侍應開始眼望望, 想吹我地叫野, 甘我地3個人叫定啦, 叫左5個set,  佢個set: 小食/ 沙律/ 湯 + 主餐 + 甜品 + 咖啡荼我地叫左: 小食: 蕃茄肉丸x2份, 炸魷魚圈x1份,芝士煙肉烔薯皮x份1, 雞搥x2份 (每款得2件)沙律: 海蝦凱撤沙律x1份, 三文魚薯仔沙律x1份主菜: 1. 雜扒 (牛, 羊, 雞, 腸) 羊唔得太硬, 腸太冧, 雞ok  2. 野菌海鮮 (蜆, 青口, 三文魚, 帶子, 龍虾) 唔覺好食, 白汁多都一pat野甘   3. 大虾露筍蟹肉虾汁寬條面, ok啦   4. 豬仔背排配海虾串, 個造形好得, 個骨都唔錯, 有肉汁, 唔會局到乾身   5. 穀飼400日肉眼牛扒 ,  扒身唔算厚, 都大塊, 但唔覺好好食羅 甜品: 窩夫伴dreyer's 雪糕x3, 好食 3塊窩夫1個球  dryer's 芒果雪糕x2  如果睇價錢食, 甘既味道唔值羅, 環境都唔錯, 服務一般, 都唔會提我址叫甜品同飲品, 每次都要我地問番佢,不過態度都唔錯, 但食到甜品就突然開大冷氣就唔多好, 好似趕我地快d食快d走甘       …さらに見る

沙田圍開左間放題, 我諗都有大半年至一年, 由見佢好多人食變為無咩人食, 當晚又落雨, 近近地又比出面D放題平, 甘就試下食啦, 行到門口, 見入面都有幾張吉枱 (20:00), 最搞笑係門口有2個職員用蚊拍拍飛蟻, 都無所謂啦, 入去食啦。飲品任飲, 自取, 頭個轉都叫左刺身, 壽司, 串燒, 小食.....  刺身一到, 嘩嘩聲呀, 三文魚希靈魚唔夠新鮮, 白烏貝碎得驚人, 一開4, 榮螺都算同出面差唔多size, 又無冰墊底, 卷物加州卷軟殼蟹卷szie就大, 但唔好食, 串燒都ok, 不過szie都比較孤寒, 1串墨魚丸得1粒 (半粒半粒串), 天婦羅南瓜蕃薯都係細件, 味道都ok, 反而我覺得炒野好食d, 炒雜菇, 牛柳粒, 豬軟骨就唔錯, 真係一分錢一分貨 (野食都算快到), 埋單每位$150。個度只收csah, 唔收咭。…さらに見る

早一星期BOOK位同訂海鮮, 一行4人訂左椒鹽斑馬瀨尿蝦, 薑蔥蚊蠔, 椒鹽鮑魚, 半隻飛沙雞, 粉絲蒸大蟶子, 豉椒炒蜆, 螺片雞腳姬松茸湯, 7:30到達, 坐近收銀張枱, 之後仲叫左咕嚕肉同西蘭花炒鮮尤。首先入場既係風沙雞, 凍既, 暖D都無, 再黎既係薑蔥蚊蠔, 係暖上, 之後陸陸續續到, 碟碟都唔係出煙上枱, 期待既椒鹽鮑魚都唔覺真係好好食,無咩椒鹽味, 唯獨得個湯同漏單等左成粒鐘既咕嚕肉先係出煙上枱, 原本好食既野都覺得麻麻地, 值得一讚既係個湯真係好好飲, 落足料。 …さらに見る

好彩早3日前電話訂枱7:30 pm, 我地6人7:15 pm 到達, 依段時間所有枱都被人訂左, walk in根本無枱。如果要傾計, 就唔好選擇依度, 因為好好好好好嘈, 講得細聲D都聽唔到, 食物質數就唔錯, 可以打邊爐或叫小菜入到去叫左砵酒蠔, 蠔都算多, 每人一隻仲有多, 個汁甜甜地都幾好食芥末牛柳粒, 芥末汁都唔算好攻鼻, 都好好食花甲胡椒粉絲湯, 花甲係大隻個種, 都有8隻, 個湯勁有胡椒味, 飲完即暖身避風塘瀨尿蝦肉, 拆肉炒, 方便懶人, 不過肉質有D淋, 份量都較少咕嚕肉, 肉厚有汁, 甜酸汁又唔會過龍, 好食椒鹽鮮魷, 肉細, 脆漿多 麻麻地…さらに見る