永豐餐廳小廚 (已結業)

早一星期BOOK位同訂海鮮, 一行4人訂左椒鹽斑馬瀨尿蝦, 薑蔥蚊蠔, 椒鹽鮑魚, 半隻飛沙雞, 粉絲蒸大蟶子, 豉椒炒蜆, 螺片雞腳姬松茸湯, 7:30到達, 坐近收銀張枱, 之後仲叫左咕嚕肉同西蘭花炒鮮尤。首先入場既係風沙雞, 凍既, 暖D都無, 再黎既係薑蔥蚊蠔, 係暖上, 之後陸陸續續到, 碟碟都唔係出煙上枱, 期待既椒鹽鮑魚都唔覺真係好好食,無咩椒鹽味, 唯獨得個湯同漏單等左成粒鐘既咕嚕肉先係出煙上枱, 原本好食既野都覺得麻麻地, 值得一讚既係個湯真係好好飲, 落足料。