jackie0404的个人专页

今晚和太太特地到北角搵食，她喜歡吃辣，首選當然係“川菜”啦！在亳無目標情況下，行過見到這間川菜館，看完這間餐廳食評，雖然沒太多食評、但至少也沒有負評，所以入去試試！室內環境尚算乾淨，雖然人唔太多，兩三枱客，但係就就真係幾嘈，應該係迴音問題！坐低後，睇完餐牌，本來都有好幾個菜想叫，但太太話先叫一啲，看看、試試再叫，所以只點左兩款麻辣皮蛋……咁簡單的菜式，竟然名不符實，完全無麻香味，只是豆瓣醬加辣椒油毛血旺……味道、用料唔正宗，豬肝仲係壞了酸的極度失望，所以本來想點的都不敢再叫，正想埋單之際，有新客來……原本還要搭枱的；笑了……好彩走得快…查看更多

終於完成今天工作，但已經十點半連晚餐都未食，當然要去食個宵夜才回家；這間餐廳之前都有嚟過，今晚再嚟…就是想着那個“餐蛋治”!這個時間餐廳內沒太多人，坐低後我就點了…兩個最平庸的“餐蛋治烘底”和“干炒肉片河”，其實兩個看似真的很普通，但是要做得好味，方間實在已經沒幾多間…“餐蛋治”的蛋和餐肉份量不會少，外層方包去邊、不太厚也不太薄，與餡料比例配合得好平均，我喜歡烘底熱熱脆脆的感覺…正“美極干炒肉片河”不太油、剛剛好，肉片夠腍有肉味，而且感覺沒有太大的“味精”味道，味道真的不錯!但係唔可以經常嚟食，否則真係會肥死…哈哈!…查看更多

星期日一家人又出動了…太太話附近開左間新嘢，咁就一於去試下啦！去到餐廳門口都有人等緊位，不過等左一陣就有位入；睇完餐牌就點左三個餐…價錢就比同區茶餐廳高左啲，反而令我覺得“應該會唔錯”，亦可能係我期望過高啦，所以先至會有點失望…常餐（豬扒麵）…塊多士幾好味，夠脆脆鬆化，但係其他就一般般，湯淡、塊豬扒完全唔掂，還有腌粉味還有另一個常餐（雞翼天使麵）…餐牌個圖是全翼，上枱時只係雞中翼，都算…最重要係唔入味，天使麵汁少而且淡最後、午餐（欖茶肉鬆四季豆炒飯）…味道還可以但四季豆偏少、飯太油同區嚟講，質素實屬普通但價錢就略高…查看更多

今晚我們兩家人、5大7小一行12人搵食，要大人小朋友都滿意，真有點頭痛；最後朋友提議食雞煲，所以我地揀了這家，因為這家較為寬敞，至少唔太影響其他客人!入到去侍應款待熱誠，俾左張大枱我地，坐得夠晒鬆動；之後我地點左“雞煲、魚鍋、幾個小菜和飯麵”…因為要迎合小朋友口味，所以走辣，雞味道即時大打折扣，還有小小雪味桂花魚夠滑，味道整體唔錯小菜味道不過不失，份量偏小飯麵偏油，味精稍重整體味道尚可，勝在服務態度熱誠!埋單…不收茶介，價錢就唔算貴!下次唔帶小朋友，可以再試……查看更多

約左朋友喺筲箕灣，去到11點半又未食早餐，於是友人話帶我去食好嘢，就帶我嚟到呢間西餐廳，去到早餐已經完左，咁唯有食埋中午飯囉，反正我地都肚餓!我地入去就有位，地方幾寬敞整潔，環境帶英式餐廳風格，幾特別!跟住我同佢一人點左一個餐，傾左一陣，菜就送上…羊扒肉質嫩滑不太羶，配汁味濃夠獨特，但又不會蓋過羊扒嘅味道，非常美味配紅糙米飯，造型亦花上心思，抵讚!而我朋友就叫左呢個慢煮牛面珠墩肉墨角蘭香草雜菜配月桂百花蜜焗南瓜及紫薯茸…賣相極為吸引，朋友仲讚肉質夠腍夠滑!之後我地仲嘆埋杯茶真係夠認真，非一般的西餐廳!我地食完再吹左一陣，不知不覺12點半，個場已經坐滿晒人，外面仲有人等位添，於事就埋單唔左人地做生意啦！今次朋友真的冇介紹錯，下次有機會再嚟!…查看更多

加班收工勁肚餓，路過食個飯先回家，其實平時間中有去翠華食午餐，不過就習慣去景隆街分店多，但係果間人較多，通常冇位先過嚟，今晚唔想行咁遠，諗住快啲食完坐地鐵歸家!坐低之後就叫左個“晚餐”跟白飯…3分鐘左右，就上左個湯、麵包和茶，我只鍾意個湯夠熱，其他味道正常…間間分店都分別不大!10分鐘之後個飯就到了，見到上面茄汁，心諗…早知係咁就改黑椒汁啦!雞扒味道ok, 但係啲飯太腍身，算啦…極速食完埋單走人，下次都係去返景隆街果間，哈哈!…查看更多

日日行過這間“韓式燒肉”都排隊等位，上網睇到食評都唔差，好似幾正唔咁，所以襯星期六晚一家三口嚟試試；我自己早啲嚟攞定飛，嚟到7點未夠都要等成大半個鐘先至有位，之後就越嚟越多人，至少4-50人等入場；我地齊人有位就入去開餐…裡面基本上是滿座，好在個場夠闊落，坐落不會有擠迫感；食品方面韓燒、日式放題基本上有嘅嘢都有，都幾新鮮，太太細路都話唔錯，都今時今曰咁嘅價錢、咁嘅食物質素算係抵食，當然、較為大食嘅我就覺得好抵食；食完埋單都成九點幾，樓下仍然有不少人等位，下次再嚟真係要電話訂位先!…查看更多