食色性也_SSSY的个人专页

🍝 煙燻豬豬卡邦尼意粉 Piggy’s Carbonara $110正宗Carbonara煮法，唔落忌廉，用蛋黃芝士同黑椒煮意粉醬，意粉質地做到Al Dente，而且每條都好掛汁，豬腩片炒到乾身逼晒啲油出黎，撈埋個汁令成個意粉又香又滑，配芝士脆餅既食法又添加左啲新奇感，芝士既咸香同薄脆既口感絕對係有畫龍點精既效果👍🏻🥩 牛扒意大利香草三文治 Steak Focaccia Sandwich $120本身以為應該得兩三塊牛，點知佢成塊牛扒上🤩，仲要切好晒一件件，方便食用，牛扒燒得好高質，鎖住晒啲肉汁💦，食落勁Juicy，牛味濃郁，肉質偏腍身，芥末籽醬配埋焦糖洋蔥，食落酸酸甜甜好開胃，而用既面包都吾係普通方包而係用左Focaccia，可見呢到既廚師落足心機，而為左吾令兩邊既包都比肉汁同熱力整腍，都特登將其中一塊擺埋一邊上碟 🍨 焦糖香蕉.雪糕.法式多士 Caramel Banana.Ice-cream.French Toast $92首先佢個French Toast 擺盤好靚好有少女心💓，除左打卡-able，仲要真係好好味，多士表面焗到焦脆，食落外脆內軟，溢滿蛋香，切開入邊係蜂巢狀，所以好鬆軟🤤，配埋正雪糕食好正，冰火口感，多士既酥脆mix雪糕既軟滑，蛋香mix埋奶香，仲有焦糖香蕉既焦香mix士多啤梨既酸甜，好多contrast，好多層次，不過真係好大份，食完主食就算女仔有第二個胃都食唔晒🤰🏻☕️ 咖啡 Dirty $40…查看更多

🥗 解蝦金柚沙律 $88本身諗住食啲Fresh啲既野食，點知個沙律完全吾Fresh，因為個沙律汁好咸，落得太多汁同蔥花，搞到成個沙律既調味好重口味，蝦肉既肉質食落吾太新解，吾爽脆反面有啲韌，其他配料就幾好食，金柚吾會好酸，食落酸酸甜甜咁幾開胃，腰果同面頭啲炸蒜都好香口，同埋好大份🦐 炸手挍蝦餅 (4件) $58炸皮香脆，蝦肉爽彈，不過白胡椒味太濃 ，所以食落冇咩蝦味同埋蝦餅size比想像中細舊🍍 原個雞肉菠蘿炒飯 $98又係超大份同勁多料，啲雞肉仲要吾係雞粒好大舊，不過有雞皮(PS:我吾中意食雞皮) 啲配料配搭得好泰式，有提子乾、臘腸 肉鬆、飯炒得乾身，吾錯!🔥 炭烤牛肉沙爹 炭烤雞肉沙爹 $18/each正常發揮，燒得有小小偏乾，冇咩炭燒味，但個沙爹汁值得一讚，好惹味椰香味好出🍺 泰象啤酒 $28…查看更多

1. 必食冷鍋酸菜魚-小辣 (Regular) $208最近天氣凍好想食辣野😋，大推呢間既酸菜魚❗️未食魚先飲啖湯，湯頭鮮味十足又濃郁，飲落吾油膩，好香花椒味，酸辣程度岩岩好，魚片好滑偏厚身，絕對吾係果啲一夾就爛，個人好討厭魚味，佢呢個食落去完全吾會腥。魚有好多片，而且個鍋勁多料，有寬粉、金菇、芽菜、萵荀，因為吾知佢有寬粉，我地仲叫左兩個飯送，最尾連啲魚都食吾晒，呢個鍋會越食越辣 惹味又過癮🤤2. 夫妻肺片 $58佢既辣汁調味好出色👍🏻，香辣惹味，令你食完一舊想接住食第二舊，牛展有咬口充滿滷香，金錢肚爽口彈牙，牛俐軟淋，件件都好入味辣得好頂癮！3. 黑糖糍粑 (Small) $30一碟細size有5件，炸到皮脆內軟🤤，表面落面撒左紅糖，點埋個黑糖汁，入口黑糖甘甜帶小小酸味，紅糖粉稍稍中和左個酸味，食落先脆，後香糯，好正😋。不過個黑汁糖比較水，如果再濃稠啲就perfect…查看更多

兩豌天丼既料其實都差吾多一樣咁濟，只係大家有吾同蔬菜，同海鮮天丼多幾樣海鮮，咁就吾分開講啦☝🏻天丼最緊要既當然係佢既炸皮，好食既天婦羅除左炸皮要夠薄仲要同食材黏合度高 天海家既炸皮夠薄，不過可惜一咬，炸皮同食材就會分開，皮還皮、食材還食材，同埋炸皮吾夠脆好快就淋，咁樣會整到成豌飯整體油膩感提高左🥲🐟 講返啲食材，🍤炸蝦肉質麻麻地，吾夠爽彈 ，白身魚幾鮮但太薄，厚身啲口感上會好食啲，魷魚帆立貝就正常，🦀軟殼蟹幾好，炸得好香脆又夠大隻多肉多膏而且係小數炸皮吾甩既，至於蔬菜南瓜同蓮藕好食，南瓜香甜、蓮藕爽脆 🍳 食得天丼當然要有流心蛋黃撈飯啦，天海家既呢隻蛋有淡淡既蛋香，蛋黃裹住飯，蛋香mix埋米香🤤，不過可惜佢既飯太小醬汁再加埋佢其他料都係偏淡冇咩事先調味，所以成豌飯都偏淡，我地要額外叫佢比碟醬油我地自己加先夠味啲 🍚 同埋佢既飯量如果吾叫多飯真係有啲小 女仔都未必夠食，不過食到後面會覺得油膩，可能因為我冇叫茶配PS:果日吾飲得茶🤵🏻‍♀️ 最後想講，佢個做帶位同收銀(同一個人)果個staff既服務態凌度真係好差，點餐同問佢拎水醬油個語氣好冇禮貌，好似吾想理吾想做咁，我地坐收銀隔離佢成程都係到玩手機，完全吾serve客咁，留意返會收加一嫁📌 整體黎講，天丼價錢親民個set包幾多野，但食物質素中挺，可能因為有對比，我地食過另一間真係好好食有種返左日本感覺既天丼(遲下介紹 記得follow我🙋🏻‍♀️) 配合埋佢啲staff既服務態度，冇令人想再去食既感覺1. 天海家の胡麻天丼碗飯 $88兩隻海老 白身魚 南瓜 蓮藕 天海雞蛋(流心炸蛋) 紫菜 附沙律 味噌湯 同小菜一碟(炒左既海帶)利申：吾知佢個胡麻係胡麻左係邊 冇醬又冇芝麻果啲😂2. 海鮮山葵天丼碗飯 $158兩隻海老 白身魚 魷魚 軟殼蟹半隻 帆立貝 天海雞蛋(流心炸蛋) 秋葵 山葵 附沙律 味噌湯 同小菜一碟(炒左既海帶)…查看更多

1. 獅城芽菜走地雞飯配輕怡新加坡白胡椒肉骨茶 $85走地雞肉質嫩滑，比一般雞彈牙啲，而且多啲雞味，但都配有甜豉油、姜客、酸辣汁，油飯有油香但比較鬆散同偏濕個白胡椒肉骨胡椒味幾濃，幾暖胃，不過藥材味就好淡，飲落吾太似肉骨茶，但肋勝在好多料，有豬骨又有豆卜，抵食既2. Susan 豬手飯 $75豬手飯好出色，啲豬手炆得勁淋，豬皮同啲脂肪好糯🤤，完全吾會膩，而且仲滷得好入味，粒滷蛋都好香又吾會滷到硬邦邦，仲有啲青瓜同酸菜做配菜比你解膩魚旦好大粒同彈牙，個湯就咸左小小，不過送埋就吾咁多expectation啦🤣3. 順化炭燒豬豬肉串 $20呢個冇咩特別，有啲似魚糕串不過轉左係豬肉咁…查看更多

🍧 雙芋仙草奶凍 $45呢款係我至愛❤️，入邊勁多料，黑糖珍珠、三色芋圓、紅豆、仙草同芋泥球、係冰底黎，仲有配左一小杯花奶比你淋上去，芋圓口感好煙韌Q彈，食落有小小芋頭味同會食到啲芋頭肉，珍珠就偏淋左啲，不過黑糖味幾香，仙草非常軟滑，紅豆沙沙地又甜甜地。由於成碗都吾太甜，主要既甜味都係靠紅豆帶出，而我最鐘意既係佢既芋泥球🤤，啲芋泥好綿密又有好香既芋頭味，成碗既配搭豐富得黎味道好夾🍧 招牌燒仙草 $48呢款可以簡常溫或凍，個底鋪左紅豆，主要係食仙草，而配料同上邊果碗一樣，係冇左冰同奶，所以吾特別講，鐘意食仙草既，可以叫呢碗🏡環境: 有食過元朗店同尖沙咀店，尖沙咀店勁逼🗿，超級吾建議大家係尖沙咀食❗️相反元朗店寛敝舒服好多，仲有室外位個境又靚d…查看更多

整體食物質素中上，藥膳味偏淡，食落有家常既感覺，呢個價錢黎講份量都幾多，可能因為佢由雲吞網店餃起feel到佢有用心去整美食比客人，如果你去開果頭不妨去試下！🍜 秘製麻辣口水雞芫茜刀削麵 $65口水雞調味夠椒麻又夠香辣，中間仲有啲生蒜粒，夾埋啲蒜味食落幾過癮，岩晒重口味既我🤪， 雞既肉質都幾嫩滑，但係碎骨比較多，要小心啲食 芫茜份量多，聞落芫茜香味撲鼻，至於個藥膳湯底係芫茜既加持下有小小蓋過左佢既藥膳味， 只係飲到好淡既藥材味手製既刀削麵比較厚身，長度厚薄亦冇咁一致， 不過正正因為咁所以食落有咬口，初初上果陣啲麵幾煙韌，但因為沙煲上菜比較保持熱力， 所以浸左陣會變淋 🍲 香滑落湯雞藥膳灌湯刀削麵 $63藥膳湯底相比起上邊果個藥材味有出啲，但相對上淡，吾係好濃味果種，易入口既，味道清甜，雞件都幾滑嫩有雞味，不過個人真係麻麻地用票米做湯麵配菜，可能轉用青菜會夾啲🐥 太子雞翼(3隻) $26表皮炸得夠香脆，解凍冇做好，食落有小小雪味同冇麻辣味，中間入邊有小小吾熟，仲係紅紅地同埋有血水🫓 香煎蔥油餅 $26普普通通，比較乾身，有餅皮香但冇咩蔥香😂🏡環境： 小本裝修但有落啲心思 坐位都坐得幾舒服 仲要可能新開吾耐 平日夜飯時間去都冇咩人…查看更多

🫕 周打蜆湯 Clam Chowder - 跟餐 湯底偏稀身同比較水，吾似普通西餐咁creamy濃稠，適合用黎點餐包食，但飲落都幾好飲既，勝在好多料，有薯仔、洋蔥 蘿蔔、同小小蜆肉🍞 佛卡夏 Focaccia - 跟餐 Focaccia 係意大利既一款傳統麵包，主要用香草同橄欖油調味，係pizza 既前身🤣餐前包口感鬆軟，上枱果陣都仲暖暖地，鹹鹹地伴隨淡淡香草味，可以點橄欖mix黑醋，又或者點餐湯食都吾錯，不過細食既人就吾好食太多啦，因為都幾飽肚下🍝 蟹肉意粉 Pasta di Granchi $148係al Dente既意粉! 成個意粉主要吾係用saurce去帶味，而係用蒜油炒香，每條意粉都岩岩好裹到蒜油，完全吾會有平時食冇醬意粉覺得好乾既感覺，返而陣陣蒜香但又吾會油膩，蟹味亦十分突出而且超多蟹肉，好足料，意粉份量亦算幾慷慨，推薦👍🏻!🥩 Ribeye Steak $178件牛扒雖然吾厚但超級juicy!!! 係juciy到會滴汁果隻，用炭火燒所以好香炭燒味，叫左medium rare，佢燒得岩岩好，簡單用左鹽同黑椒調味，都係剛剛好，突出返佢既牛味，餐廳有serve埋mustard sauce同gravy，點個gravy食成件究好夾，令件扒更加香，我簡左配薯條，吾想咁熱氣可以轉薯菜🍷餐飲叫左杯紅酒餸牛扒，最尾佢仲送左個甜品朱古力蛋糕配雲呢拿雪糕🍨比我地*佢openrice有做優惠叫main course 已經送野飲/餐湯同甜品…查看更多

🥩 Steak & Scramble Egg $178 係一個有主題有靈魂既dish 食材之間會互相配合突顯返個主題 牛排配醬 炒蛋 沙律菜 薯仔青醬 酸種麵包 牛油(+$5) 呢到既牛排味道同平時出邊食既好吾同 好有驚喜 感覺好wild 初入口會有陣騷味 食食下就會食到牛味 雖然啲牛排睇落去偏瘦 但食落有肉汁 完全吾會乾 佢果pat醬係酸酸地有孜然味 配個牛食既話會更加突顯左wild既感覺 個人就更加中意吾點醬就咁食 炒蛋份量多 topping有小小孜然粉 係好食既炒蛋但冇咩特別 啲薯仔整得好香 咸香咸香咁 配埋個青醬食好味 酸種麵包酸酸味味咁幾開胃 抺左牛油就可以中和左個酸味多左個香味 🍗 Grill Chicken Thigh $118 雞腿排 幾款蔬菜 (翠玉瓜 蘑菇 四季豆 薯仔) 碟底有cajun cream sauce 酸種麵包 雞腿排個皮煎到勁香脆 係切落去有聲果種脆 有d seasoning herbs灑左係皮到 食落肉質好嫩滑多肉汁 配埋個打到好smooth有好香既茹菌味同微微既松露味既卡津醬 成件事好完美 🧀 Basque Burnt Cheesecake $48 蛋糕體吾係出邊比較實身果type 反而係偏fluffy 有空氣感果種 中間有小許流心效果 口感尚算細緻但未到話好綿滑 芝士味算香濃 表面有焦香味但吾係好突出 整體黎講above average 但個人偏好實身啲但中間又要係流心果種 之前食過更加好味既 所以呢個冇好impress到我 🏠環境： 落地大玻璃 地方乾淨企理 不過店舖比較細 播放既歌單聽得出大廚幾有品味🤣…查看更多

佐敦一間街坊小店 咁岩去果頭又想食清淡啲是但入一間食 但係有驚喜 值得去食下🤩🍜 雲吞麵 $36 好食，湯底，麵，雲吞都有水準，竹升麵爽脆彈牙，湯底屬偏濃厚果種,飲到魚香同蝦子味，油份控制吾錯，增加左油香之餘又保持到清甜既鮮味，雲吞係傳統做法，皮薄，蝦爽口，豬肉餡又帶小小肉既油香 🦐 頭抽蝦子撈粗 $46 粗麵麵質好爽彈，啲蝦子多到吾洗錢咁， 不過蝦子味吾夠香，跟果碗湯先係精華，比起雲吞麵湯底有更香既蝦子味 👅 牛肉腸 $26 夠香油，皮薄又滑，吾錯 ☕️ 熱豆漿 $5飲得出係真材實料，吾係加好多水果隻，仲會起皮…查看更多

1. Strawberry Sando士多啤梨三文治 $68少女心滿滿既一份甜點 ，乳酪入邊有小許士啤啤梨醬，夾住香甜既士多啤梨，中和左乳酪既酸味，幾好食，又岩打卡，可以一試2. 雞肉/椰菜絲/海帶蛋黃醬三文治 Chicken/ Cabbage/ Wakame Mayonnaise $68炸過既雞扒放左陣都仲脆脆地，食落雞扒都算嫩，但冇咩調味，配搭微酸既椰菜，味道偏單調，整體好普通冇咩特別3. Mocha 朱古力咖啡 （轉燕麥奶） $48呢杯咖啡有啲失望，咖啡味好淡，朱古力味又好淡，仲完全飲吾到係用Oat Milk沖既因為完全冇燕麥味，完全對吾起呢個價錢裝修主要走簡約木系風 設有室內同室外座位 有落地大玻璃 環境開揚寫意🌾假期去等左半個鐘 大家可以趁呢個時間睇下一樓同二樓既藝術展品 培養下藝術造詣📌整體黎講岩打卡同坐低chill下 食物就普普通通同偏貴…查看更多

✏️總評：對於喜愛去越南旅行既我黎講，呢間餐廳既環境同野食都充滿越南風情同味道，又高CP值，勁推介！👍🏻1. 豬腩蝦肉米紙卷 $ 88包左生菜，米粉，豬腩肉同大蝦，配埋個酸甜汁，味道幾fresh，好岩做前菜，不過米紙有啲太韌好難咬斷😅2. 火魔牛肉 $68上菜時侍應會將裝左牛肉既碗點火比佢燒，以為係gimmick野，但比想像中好食，牛肉質地吾係好滑身果種，偏鞋身但正正係咁更加可以透過咀嚼品嘗佢既調味同牛味，調味用左九層塔同洋蔥配埋牛肉汁再夾住一齊上既即炸蝦餅，好過癮😆，個蝦餅好香蝦味但比教油左啲，會食到對手好油😂3. 豬頸肉春卷撈檬 $98豬頸肉燒到好香，條豬肉腸好邪惡，咬落去果雨啲汁mix埋啲油bit出黎，個口即刻成陣油香，整體成碗個配搭好清新，岩晒熱天食，有勁多青瓜絲，紅蘿蔔絲，生菜絲，又可以按個人喜好落青檸汁👍🏻 另外個春卷都值得一提，炸得好脆食落有豬肉既咸香味同勁濃既香菇味😋4. 椰子咖啡佢杯椰子咖啡好似帶左我返越南既resort咁，正確啲黎講佢係椰子沙冰溝咖啡，清甜椰子味再配埋小小甘味既咖啡係絕配，椰香，咖啡香，再加沙冰質地，好清涼😚🏝環境：乾淨企理有格調，暗暗地幾chill🤵🏻‍♀️：服務都好吾錯，侍應好細心，見到我地對手食蝦餅食到好油即刻遞左濕紙巾比我地…查看更多