sulli1118的个人专页

上網搵左間好多人推介嘅居酒屋，就係位於荔枝角，剛好今日行完D2 place再去呢頭好近。叫咗月見薄燒宮崎和牛飯團，上菜後，店員會比我地選擇要幾多成熟，然後即席火炙和牛，燒嘅時候都已經聞到好香嘅油脂味。和牛口感柔嫩，加上燒烤後，配搭埋油花，更加突顯左肉香。蛋黃有濃郁嘅奶香，一齊食嘅時候，口感更為滑順。煙燻金槍魚係我今晚最鐘意嘅一道。煙燻過程中，魚肉吸收左煙霧嘅香氣，食落有少少熏香味。金槍魚本身肉質鮮嫩，味道鮮美，煙燻後增添咗層次感。鐘意食海鮮一定要試下呢到嘅金丼 - 月見海膽三文魚籽拖羅蓉，每款食材都好新鮮。拖羅蓉肉質柔嫩，油脂豐富。蛋黃撈埋落壽司飯，同埋其他食材融合，每啖都係滿足。雞皮蝦都好好食，蝦肉鮮美彈牙，雞皮外層香脆，內部則保持柔軟，增加咗口感嘅層次! 安格斯牛肋肉肉質柔嫩多汁，帶少有有咬口!…查看更多

夏天咁熱，真係時時刻刻都想飲手搖。係旺角登打士街有好多間飲品店，最後都係簡左茶茶go!🍫朱古力獎門人飲之前記得要搖勻! 有幾款朱古力，所以飲落係好濃朱古力味道，呢款甜度冇特別簡，但出到黎都唔會太甜，覺得幾好。🍵京都抹茶玉露見到係店舖推介，應該都係人氣款式。原來佢係有漸層，幾岩打卡。抹茶味好濃，帶少少苦澀。飲落唔會卡粉，好順滑。🥹平時收工經過都見到D盒子比人掃曬，今次假日下就黎，終於係有貨!今次叫左個芋泥肉鬆盒子，入面分層有蛋糕，芋泥 ， cream，仲有面頭既肉鬆。整體食落唔會太甜，芋泥好好食，配埋咸香既肉鬆，不錯! 下次有機會想試埋其他口味既盒子!…查看更多

龍亭鐵板燒原來而家大埔都有，門口睇落私隱度好高，入面仲有吧枱，可以欣賞師傅煮食。今日同朋友叫左2款海鮮，1款肉同埋1個炒飯。黑松露扇貝坐係吧枱好處就係可以欣賞師傅續樣煮食。黑松露牛油好香，扇貝大粒而且好有鮮味。配上法包，可以點黑松露牛油食，感覺好開胃。虎蝦蝦肉彈牙，連蝦頭同蝦身都可以食。師傅將佢係鐵板上面燒過，令到蝦頭同蝦身好脆口，好似平時食緊薯片個D零食咁，好香口。配菜有白松露菇，咬落好juicy。A5 牛肉薄燒師傅會問我地要幾多成熟，再幫手客製化。牛肉中間包左蔥粒同蒜粒，食落有多種味道。牛肉首先可以wasabi，食落中和左肉類既膩，感覺比較清新。另一個食法就係，好似 壽喜燒咁食，配埋鵪鶉蛋黃。海膽炒飯炒飯粒粒分明，而且仲海膽分量仲好多，好滿足! 師傅仲砌左心形比我地打卡，賞心悅目之餘又好食既一間鐵板燒。…查看更多

九龍城除左出名泰國菜，原來都有出色既日本菜架。餐廳佈置好靚，日本風格濃厚。食物種類都幾多，有刺身，飯，拉面同埋燒物都有。明太子燒大菇明太子愛好者見到呢個，真係好難抗拒。 一開始唔知會唔會細細舊，唔夠食。一上台見到份量好足，2個人分黎食都岩岩好。明太子醬鹹香惹味，上面仲有D櫻花蝦，建議大家食前可以撈勻先食! 大啡菇燒得香口，一咬落去好juicy。呢個我絕對會encore! 阿波美雞翼串阿波美雞係走地雞，肉質出名係咬口，而且雞肉脂肪比較少。肉質鮮嫩可口。雞翼燒得好香，外面雞皮帶少少焦脆，咬到肉位係好嫩滑，唔會乾身。厚切神戶和牛牛舌牛舌爽口，配埋蔥粒感覺冇咁膩!…查看更多

今日同朋友睇完戲就去左蘇媽食，朋友係第一次黎食，都話覺得幾唔錯。餐牌選擇好多款，粉面飯，肉骨茶等經典既馬拉菜都有! 甲必丹咖哩雞扒原來甲必丹咖哩係馬來西亞係好出名既特色菜，醬汁用左洋蔥、辣椒、香茅、咖哩粉、椰漿等等既材料整成，所以香氣好獨特，同埋口感都好豐富。咖哩汁有好濃郁既咖哩椰子氣味, 醬汁好惹味，而且係偏辣，撈埋白飯到食好夾。雞扒好大塊，雞肉嫩滑，雞皮焦脆，配埋咖哩汁食都好香。另外伴碟仲有沙律，可以減膩。椰香咖央多士多士卜卜脆，椰香同埋斑蘭味都好足夠，入面仲夾左牛油，更加香口。怡保白咖啡 (走甜) 咖啡飲落香醇幼滑，就算簡左走甜都唔會有苦澀味!…查看更多

一入店鋪內已經見到師傅用心準備食材 開始前師傅有詢問我地有無某些食材唔食得/唔想食 之後替我地設計食物適逢一月正好係日本新年 ，師傅準備了日本傳統賀年食品， 擺設華麗 。師傅送上食物時亦送上新年祝福非常暖心 !食物包括鯛魚昆布漬 ,伊達卷 ,栗金團 ,海老，烏魚子等等。 師傅特意提醒烏魚子比較重味道可以配搭底部的蘿蔔一齊食! 之後師傅為我地遞上清湯 ，提及可以將柚子皮浸落湯中飲會帶出清香~ 湯中有車海老 湯飲落非常清甜，柚子帶出一陣清香，與湯非常配合刺身 - 真羽太 師傅話即係石班魚 ，配了真羽太肝醬及芽蔥 。一般是配搭酸汁但師傅話今次真羽太的肝靚，所以特意用肝整成醬汁 -富山冰見寒鰤 上面係中腹，下面係下腹。下腹更是難忘 ，油香更足- 香箱蟹 蟹蓋內有蟹腳肉， 蟹子， 蟹身肉及蟹膏，食落大滿足! 可配及碟中的醋及酸橘!- 富山白海老 師傅提供了三種食法 :原隻生炸， 非常適合當小食 ，送酒一流 !白海老刺身 : 清甜彈牙白海老真丈 : 將白海老整成炸蝦丸 三種吃法最喜歡海老真丈 , 彈牙可口 佐賀赤貝, 彈牙爽脆!三文魚子 ，無急凍 ，所以非常有彈性! 師傅為證明，仲重現電影食神瀨尿牛丸一幕，將 三文魚子彈到好遠， 非常印象深刻 ，皮脆爆汁!壽司十貫- 熱海金目鯛: 用熱水淥了魚， 令皮有咬口 ，魚身鮮甜- 大分關鯖 ，原來只有大分縣出產的先能夠叫關鯖 !- 青森帆立貝 ，非常大粒厚身- 福岡槍魷魚 ，切了紋方便咀嚼 ，可口彈牙- 神奈川沙甸魚 :師傅迎合客人方便進食特意去除細骨，非常敬業 - 和歌山拖羅 : 中拖羅 /大拖羅/ 拖羅漬 師傅向我們展示了拖羅漬魚生係一舊顏色漸進 ，我從未食過拖羅的味道 ，非常驚艷及喜歡!個人心中排名 : 拖羅漬 >中拖羅> 大拖羅最後師傅向我們遞上北海道根室海膽手卷 - 麵鼓湯 用時令蔬菜 豆腐 及 魚肉煮成- 甜品是 十勝水羊羹 及 福岡士多啤梨一路食師傅一路向我地介紹日本食材 日本地方景點 及一些日本進食文化 師傅除左有一番巧手 仲非常熱情及滿腹對日本既熟悉 非常好的一次日本文化體驗收!!…查看更多

紅磚豆腐此餐我的最愛 !外皮酥脆而且帶有微辣， 內裏豆腐嫩滑。海鮮冬陰功店員介紹是配搭出中式蕃茄湯的中泰混合 ，味道濃郁開胃 ，微微辣吊出你的胃口 海。鮮配料非常多 !牛肉串燒彈牙而不柴， 肉厚大串 ，配搭有小花生粒的沙嗲汁，隨自己喜好添加， 有別於家常泰式串燒。黃金蝦被咸蛋黃及炸香的脆麥皮覆蓋 ，蝦身大隻 ，外脆內彈牙， 再配上咸蛋香味， 令人食指大動!菠蘿炒飯上菜時店員親切地介紹此炒飯，混合了少許中式元素， 加了臘肉,有別一般菠蘿炒飯 。炒至粒粒均勻 配上肉鬆腰果菠蘿粒提子乾， 非常有層次!甜品 芒果糯米飯非常驚喜! 有別於傳統芒果糯米飯， 加咗穀物脆片增加口感及芒果雪糕 。糯米飯上加了啡色醬汁， 吃前以為係泰色奶茶醬汁， 吃後原來不是， 帶有微甜， 查問後原來是黑糖!…查看更多

今日午餐同朋友黎呢到食lunch，見網上都有好多好評，炮台山都有分店。午市時段都幾多人，相信食物係有保證。入面位置都幾闊落，原來如果人數多，仲可以book VIP房。午市set都好多野簡，魚生類，蛋包飯類等等都有! 究極丼見到圖片都覺得好吸引，就叫左呢個黎食。上台見到都好有食慾，所有刺身都好新鮮。海膽超甜，再配埋大大粒既三文魚籽，每啖都好滿足。刺身都係厚切，個人特別鐘意佢既虎蝦同埋三文魚，真係啖啖肉。之後仲可以加埋佢個蛋黃撈埋入飯食，好正!火灸壽司配烏冬唔太食生野既人就可以好似我咁簡呢款，火灸壽司共有6款再加卷物，最有驚喜係超長鰻魚，好食又唔腥。另外，火灸蝦壽司上面仲配左海膽醬，好鮮味! 烏冬湯頭清甜，烏冬彈牙。明太子玉子燒比想像中大份，入面仲有既蛋好滑，明太子味好濃郁。紫蘇梅醬雞肉軟骨呢個推介，如果下次再黎食，我都一定會叫! 紫蘇梅醬中和左炸串既膩，整體食落好清新!…查看更多

今日帶左好少食韓國野既男朋友黎outdark，食完佢都對韓國野改觀! 每次黎到我都係必叫既炸雞，想食多D口味既可以叫半半炸雞。因為今日唔係好餓，就叫左半份甜辣炸雞，呢個口味我都係第一次食。之前怕會好辣所以唔敢叫，但係又OK wo，係接受到既辣，而且有D辣味中和下。炸雞係叫左無骨，所以食落好方便。 外皮好脆，入面既雞肉好juicy。配菜有薯條, 薯格, 薯角，滿足左3個願望! 個人最鐘意係薯格! 另外仲加左芝士條，價錢又唔貴，芝士仲可以拉絲。辣炒豬肉一大鍋辣炒豬肉份量好足，仲有芝士粟米，菠蘿，泡菜同埋紫菜飯。辣炒豬肉有芽菜，所以食落冇咁膩，辣度都係岩岩好。食食下勁想叫碗白飯黎送! 芝士粟米要襯熱食，唔係凍左就會硬! 熱情果梳打就夠曬消暑，仲可以簡少甜少冰!…查看更多

通常出到旺角諗唔到食咩，我就會去水門雞飯。假期都好滿座，證明食物質素高!水門雙拼雞飯每次黎到都必叫既雙拼飯，首先會有個湯，好重胡椒味，我自己幾鐘意。雙拼雞係有白切雞同埋炸雞扒，唔同既雞配唔同既醬汁。雞件好滑，又冇雪藏味。炸雞配埋泰式甜辣醬，好好食。切雞件配酸酸甜甜既汁又好開胃。豬肉丸肉碎扎肉金邊粉第一次係到叫船河，原來都幾唔錯。呢款湯底係清湯，食落清清地，但又唔會無味，入面有D肉碎調味，仲有炸豬皮。豬肉丸仲好彈牙。生菜包肉碎單食幾辣，好惹味，紫洋蔥仲好香。肉碎包埋生菜就岩岩好，中和左個辣味。如果唔想食殿粉，叫一個生菜包都幾唔錯。泰式檸茶用泰茶做底，幾有趣，感覺更fresh。…查看更多

今日去大埔食呢間餐廳，一入到去職員D態度都好好。一開始係QR CODE落單搵唔到想食個款，職員都有教我地! 呢到環境闊落，坐得好舒服。野食方面，咩都有，西式港式都有。叫左焗豬扒飯，勁多芝士，好有誠意。而且係用左炒飯底，蕃茄汁味道都好香濃，撈埋落炒飯到食好正。豬扒大大塊，切開食落唔會好多筋，唔會好難咬。晚餐特餐叫左香蒜豬扒炒意粉，蒜味突出，意粉唔會痴埋一舊舊。豬扒都有醃過，有調味，所以食落唔會好單調。一開始仲有餐湯同沙律，餐湯幾好飲，係龍蝦湯。蒜香雞翼有驚喜，熱辣辣，入面好juicy。最後甜品叫左杏霜一口炸西多士 ，呢個好好食!!! 比平時既西多士，呢款比較輕盈，入面既空氣感會重D，出面勁脆，配埋鍊奶同杏霜一流。…查看更多

今天揀了虎蝦輕食套餐 ，坐係吧台，可以邊食邊欣賞師傅煮食。前菜 有火龍果沙律 ，配清爽醬汁。 醬汁微酸 配上荷蘭豆, 蕃茄 ,沙律菜， 令人食慾大開!師傅首先準備製作炒雜菜。師傅會將虎蝦微微煎熟 ，然後會切開蝦頭放出蝦膏， 再將蝦頭一分為二再壓扁煎香 。蝦膏留為醬汁，蝦身蝦頭也可食用架! 由此蝦身在煎蝦頭途中會放置一邊處理， 所以不會過熟，蝦肉爽口彈牙! 製作完成後，師傅細心擺盤 ，更附上香脆炸蒜片，食個陣可隨意配搭白蜆汁或 蝦膏。餐廳亦有送上三款自家醬料 ，分別為酸汁 , 味噌醬， 麻醬， 可自由點搭。炒飯熱辣辣 ，粒粒分明!甜品係艾草大福，睇起來都好精緻，仲有甜甜既紅豆蓉，好好食。…查看更多

今日黎呢間日本餐廳，係住大圍既朋友介紹，由大圍站步行去，都唔算太遠。餐廳格局溫馨，好似日本小店咁，店員態度好好。一黎就比佢多款既便當吸引，幾番掙扎下，簡左沖繩料理便當，好豐富!!主食有吉列千層芝心豬扒同埋汁燒金姑牛肉卷。千層芝心豬扒係用左好多塊既豚肉片炮埋一齊，中間再加左芝士，做到流心效果，又唔會有平時豬扒既筋位，幾好食。汁燒金姑牛肉卷都好貼心咁，切開左一半，令到進食更方面。刺身有三文魚 , 帶子, 甜蝦。三文魚剌身係厚切，有2大塊，好正!! 甜蝦都係我既推介! 仲有螺肉同埋咖哩飯，日式咖哩好甜，配飯一流! 朋友叫左特選五色丼，有三文魚 ,北寄貝 ,帶子 ,赤蝦 ,海膽。一開始仲有三文魚味噌湯，暖一暖胃再食魚生飯。魚生比得足料而且新鮮。價錢都係街坊價，係附近既不坊一試!…查看更多

今日食串燒，入到去環境感覺好高級! 職員都好有禮貌。前菜 有椰菜 ，紅蘿蔔等等，可以 點味噌醬。平時比較少咁食，但都幾唔錯，特別係個醬好香。經店員推介，叫左個seasonal推介 - 魚生toast。多士上面有油甘魚, 三文魚 ,吞拿魚 同埋海膽 ，再淋左d olive oil係面。本身冇話好鐘意食魚生既我都竟然覺得好好食，可能因為魚生都好新鮮，再點少少豉油，就更香。一啖食落去好滿足!串燒類- 荔枝豬肉卷荔枝好甜，配豬肉食冇咁膩，一咬仲爆汁! - 白鱔好厚身，啖啖肉，魚皮燒到少少焦香。- 自家制免治雞肉棒呢款推介，好好食，再搭埋個醬汁+蛋黃，又唔會亁。- 明太子雞翼辣辣地，中間個餡都幾足料。- 大蔥雞肉串雞肉好嫩滑，呢款都推介! 雞軟骨都不錯。- 茄子外皮焦香，入面軟淋，個汁岩岩好。冷烏冬好岩夏天食，冰涼又有口感既烏冬!…查看更多

聽住大埔既朋友介紹，黎左呢間海南雞飯! 果然冇介紹錯 ! 去骨海南雞油飯係1set咁，有椰子冬瓜雞湯，仲有個涼拌青瓜。雞湯好清甜，又消暑解渴! 青瓜酸酸辣辣，好開胃，好好食! 雞件份量好多，而且雞皮仲好滑! 呢到配左3款醬，有薑蓉，有黑醬油，有個酸酸辣辣既醬，全部都好好食，我就最鐘意酸辣醬，十分開胃! 另外跟餐+左30幾蚊就有泰式炒雜菜，好抵食。有少少辣，有好多款菜，有粟米花，椰菜，西蘭花等等，炒完食落好惹味。生炸香茅豬扒配蝦油撈面撈面好香，同埋唔會乾物! 香茅豬扒大份得黎食落唔會韌，好入味，配埋佢既酸醬，更加好食。芝麻蝦多士呢個都好推介，外皮好脆口，入面個蝦膠都好足料，表面有黑白芝麻，好香~茉莉花青檸梳打唔會太甜，好清涼! 蜜糖洋甘菊茶岩曬唔飲得凍野既女士。…查看更多