備長

营业中

休息中

今日食串燒，入到去環境感覺好高級! 職員都好有禮貌。前菜 有椰菜 ，紅蘿蔔等等，可以 點味噌醬。平時比較少咁食，但都幾唔錯，特別係個醬好香。經店員推介，叫左個seasonal推介 - 魚生toast。多士上面有油甘魚, 三文魚 ,吞拿魚 同埋海膽 ，再淋左d olive oil係面。本身冇話好鐘意食魚生既我都竟然覺得好好食，可能因為魚生都好新鮮，再點少少豉油，就更香。一啖食落去好滿足!串燒類- 荔枝豬肉卷荔枝好甜，配豬肉食冇咁膩，一咬仲爆汁! - 白鱔好厚身，啖啖肉，魚皮燒到少少焦香。- 自家制免治雞肉棒呢款推介，好好食，再搭埋個醬汁+蛋黃，又唔會亁。- 明太子雞翼辣辣地，中間個餡都幾足料。- 大蔥雞肉串雞肉好嫩滑，呢款都推介! 雞軟骨都不錯。- 茄子外皮焦香，入面軟淋，個汁岩岩好。冷烏冬好岩夏天食，冰涼又有口感既烏冬!