cava_foodie的个人专页

成日見到人分享依間韓燒，見到啲肉超吸引，終於有機會黎試😎結果係超有feel，係一間行高檔路線嘅韓燒店，而質素係對得住價錢🤣食呢個套餐雖然入面只有三款肉-牛舌、鰻魚、牛肋骨，但係三款都充滿記憶點，齋睇個樣都已經知高質，食落都完全唔失望，仲要有專人幫手燒，唔怕燒過龍😆除咗肉類，其他都唔馬虎，尤其是個醬油海鮮盛盒，蝦同帶子都超鮮味‼️仲有韓式蒸蛋、鵝肝飯、牛尾湯、芝士蛋糕，全部都唔錯😙餐廳位置都好方便，會展站行兩步就到，氣氛都非常好，拍拖或慶祝嚟呢度，一啲都唔失禮😌▫️DELUXE DRY-AGED SELECTION SET $820/pax▪️韓式蒸蛋 ▪️醬油盛盒 ▪️嚴選極長牛舌 ▪️鰻魚 ▪️水芹菜熟成牛肋骨 ▪️水芹菜牛尾湯 ▪️鵝肝飯 ▪️芝士蛋糕 …查看更多

▪️三道菜晚餐 $568/位(前菜，刺身或壽司，主食和食事自選三道、甜點或生果一客)▪️四道菜晚餐 $628/位(前菜，刺身或壽司，主食和食事、生果或甜點一客)原來蘭桂坊正中心嘅大廈入面有間咁嘅日本料理，啱哂慶祝節日又諗唔到去邊嘅朋友😀晚市套餐可以揀三道菜或者四道菜，豐儉由人，每道菜都有三至四個選項可以揀，要加錢嘅選擇都唔少😗成晚最出色嘅係時令刺身同壽司，大拖好重油脂、牡丹蝦口感夠漿，不過係需要加錢嘅選項，值唔值就見仁見智😖😖原本以為和牛壽喜燒會係席前燒，結果原來係一鍋咁上，睇落就冇咁吸引😬最後個雞腿肉釜飯份量都唔少，店員非常細心咁分好咗兩碗，兩個女仔嚟食如果食哂個飯就飽咗少少🤡甜品就揀咗時令鮮果，每樣都有少少，有哈蜜瓜、橙、梨各一兩塊🫣…查看更多

最近香港愈黎愈多新嘅韓國餐廳，反而以前最興嘅仼食韓燒就少咗好多，近幾年食嘅韓燒都係單點嘅餐廳，比起味道一式一樣嘅任食韓燒更加有驚喜✨今次介紹呢間位於啟德Airside嘅韓燒店，係釜山開到過嚟香港，之前小編已經試過嚟食一次lunch，今次就試佢嘅晚餐燒肉套餐🤩▪️ 雅韻釜山饗宴($688) ▫️一級五花肉▫️濟洲黑毛豬梅花肉▫️和牛牛五花▫️和牛牛小排▫️蘋果梨汁雞肉▫️大八爪魚▫️大醬湯套餐每款肉嘅份量唔算太多，但兩個人食啱啱好😛呢度特別嘅地方係會喺烤爐上面放埋一塊鐵板，用黎燒五花腩熟度更均勻👍兩款和牛都有四片，牛五花肉味較出色，油脂重😀蘋果梨汁雞肉燒完後仲食得出明顯嘅果味，同雞肉味相當夾🤩八爪魚原隻上都幾少見，店員都主動過嚟幫手燒，用咗韓式甜辣嘅醬去醃，肉質彈牙😼▪️ 芝士蛋糕配雪糕($58)甜品叫咗個芝士蛋糕，雖然個樣睇落平平無奇，但係蛋糕嘅質感就意外地非常之輕盈，味道有濃厚嘅奶味，配上雲呢拿雪糕完美解膩😇…查看更多

小編平時好少食自助餐，一黎小鳥胃，二黎總覺得食物貴精不貴多🫢不過又到秋天食蟹嘅時候，去其他餐廳食蟹動輒就要上千budget，所以最後就決去舒舒服服去WM酒店新出既蟹主題buffet，平日用官網優惠價唔計加一只係需要$500左右☺️比起舊式酒店，呢一間位於西貢嘅酒店環境係非常之新淨，而且坐得好舒服👍🏻👍🏻依一期buffet主打食蟹，所以可以搵到差唔多10款嘅秋蟹菜式，仲有其他一系列既海鮮同中西甜品，食完仲可以做免費泊車輕鬆行下西貢海邊🤗​全晚最欣賞既係即煮蟹粉流沙天使麵，廚師將一大盤既新鮮蟹肉同蟹粉放係度真係好震撼，加上適量既咸蛋黃醬同掛汁既天使麵，將蟹香滲透到每一條麵，忍唔住要encore👍🏻另外每位包一份焗釀蟹蓋，一𢳂起入面啲蟹肉多到估佢唔到，啖啖肉超滋味‼️假日就會每位包份大閘蟹(平日需要+$88)，係爆膏邪惡之選，酒店都會好細心配上薑茶🦀除咗一系列嘅蟹肉菜式，唔少得自助餐必備嘅冰鎮海鮮，呢度嘅海鮮選擇唔多，勝咗品質相當好，松葉蟹腳、海蟹、肉蟹、即開生蠔等等，每一樣都好鮮🫡最後甜品既選擇非常多，中式有豆腐花，桂花酒釀小丸子等，西式最特別係有D24榴槤蛋糕，超濃郁嘅榴連味，不過只有頭一件蛋糕上面有兩粒新鮮榴槤肉，之後再出既就冇了，想食既記得早啲去食左先😈仲有Häagen-Dazs雪糕任食🤪…查看更多

係香港都幾容易食到意粉，小至茶記、cafe，大至高價西餐廳、酒店餐廳都會食得到意粉🍽️相信大部分人接觸最多都係cafe版本嘅意粉，包裝意粉配上罐頭意粉茄醬或者忌廉煮成，簡單到自己係屋企都整到嘅味道😳直至近幾年香港開始興起手工意粉先多咗店舖用自製意粉同醬汁，而小編試過幾間之後都發覺的確係好食一大截，不過始終未有一間餐廳留有好深印象😖年頭小編去咗轉意大利🇮🇹，成程食咗好多餐意大利粉，同係香港食過嘅意粉簡直係天壤之別，正宗嘅意粉大多都只係用簡單幾樣芝士、蕃茄、酒、或香草去調個醬汁，但每樣食材嘅原味都非常突出，完全唔會覺得寡😱而最近係跑馬地食嘅呢一間小酒館，佢地嘅手工意粉令到小編覺得有翻咗意大利嘅感覺🫨單睇menu見到全部主食都係意粉已經覺得咁專做意粉應該唔惹小，結果完全冇失望，要推介俾大家😎今次就試咗兩款意粉，Homemade Pappardelle Bolognese($168)同Homemade Tagliatelle Amatriciana($158)，兩款手工意粉都係好al dente就不用多講，最欣賞嘅係醬汁嘅濃度同層次🥹肉醬寬帶麵混合咗豬肉同牛肉，深沉色澤嘅醬汁飽含咗成熟蕃茄嘅鮮味、紅酒嘅醇香、以及香草味道，絕對唔簡單😣蕃茄豬面頰扁意粉仲更加合小編嘅口味，酸甜嘅鮮茄配奶香十足嘅Pecorino Cheese，平衡得非常好，係令人上癮嘅味道🤤另外亦都試咗餐廳嘅精選意大利風乾火腿($128)，三款經典嘅火腿Parma Ham, Coppa Ham 同Mortadella配上醃橄欖，如果有埋芝士或者蜜瓜做搭配就更好🫡而最後點埋個自家製嘅巴斯克蛋糕($108)，中間心都焗得熟透，所以縱然焦糖味都幾香，但都好有飽膩感🙂‍↕️臨離開前同餐廳負責人傾偈得知呢一間小酒館同隔離嘅西餐廳Locanda係用緊同一個廚房，而Locanda係獲得多次米芝蓮推介嘅星級餐廳，呢間小酒館就比咗個機會可以以平民價去品嚐大廚嘅手藝，非常推薦大家下個約會黎試一試💕…查看更多

一班fd食飯最啱就係食泰國菜，味道好食之餘又大大份易share，加上泰國菜嘅價錢普遍都比較便宜，所以小編都草起好多係香港嘅泰國餐廳嘅list👹而今次介紹嘅依加餐廳係小編食過印象最深刻嘅泰國菜之一，全因佢有賣香港非常少見嘅火山排骨，而其他嘅菜式都做得相當不錯，值得推薦比大家一試✌️—▪️ 酸辣味火山排骨 $228 (9/10)主角火山排骨既份量驚人，足足有3大件，每件有起碼7節脊骨😱唔好覺得排骨啲乾乾柴柴嘅部位唔好食，其實啲肉醃得好入味，每一寸肉都浸滿左泰國青辣椒同酸醋💦💦而且全份肉都完整冇碎上，所以可以體驗到將每件肉分離既快感，最精華嘅位係中間好多軟骨，充滿口感又帶有滿滿嘅肉味真係食到損手指😺▪️ 青咖哩雞 $108 (8.5/10)青咖哩亦都係對呢一間餐廳印象好深嘅菜式，好多時候係香港食到嘅青咖喱都係偏稀身，而呢間餐廳嘅青咖喱係好濃稠同厚身，點蒜茸包($48)好啱口味👍🏻👍🏻而怕辣嘅朋友都唔洗擔心，咖哩幾乎完全唔辣，但又保留咗青辣椒嘅香氣，混和椰香味，係超下飯嘅味道🤓▪️ 炸蝦餅 $88 (8.5/10)比起越式嘅蝦餅，泰式炸蝦餅通常都搓得比較厚身，而且會沾上炸粉，成個口感好食，好多😆呢度嘅蝦餅切成一件件彩虹形狀，有6小件，外皮炸得酥脆，中間既蝦膠亦彈牙，配埋泰式辣醬，係一道非常唔錯嘅泰式小食🤤▪️椰汁雞湯 $118 (8/10)成日都有啲冬陰功想轉下口味，所以今次就點咗椰汁雞湯😼椰汁雞湯同冬陰功湯最大嘅分別就係用咗大量嘅椰奶，同埋唔會辣👻南薑同檸檬葉嘅香氣十足，集齊甜、酸、鹹味，同冬陰功湯一樣咁開胃😽雞湯都非常足料，除咗見到有一大堆嘅泰式香料，亦有好多件雞肉同秀珍菇，可以邊飲邊食埋湯料🫶🏻…查看更多

香港馬來西亞菜都算易搵，但食新加坡菜嘅餐廳比較少見🫣今次嚟到呢一間餐廳，係本地年輕餐廳集團Atum開嘅店，佢哋嘅餐廳一向都充滿特色，餐廳嘅裝修可見一斑，復古玩味嘅橙色裝修非常吸晴🍊而Menu嘅選項簡而精，多款新加坡嘅特色菜都可以喺呢度搵到✌️—▪️ 黑醬江魚仔蘿蔔糕 $58 (8/10)蘿蔔糕切成好大粒嘅正方體，中間有好多蘿蔔絲，外皮脆脆地，食落口感糊糊地又唔會膩，意想不到地幾好味😀面頭江魚仔有啲似XO醬咁令到個蘿蔔糕更加香口，但係就有啲鹹🙈點埋呢一個星馬特色嘅黑醬油，甜身嘅醬令個蘿蔔糕更加好食🤓▪️ 星加玻咖啡骨 $98 (6.5/10)見到咖啡同排骨呢個搭配有啲新鮮，所以點咗嚟試吓😀咖啡味不重，略帶甜味，不過排骨就冇太大驚喜😗▪️ 馬來奶油咖喱雞 $118 (6.5/10)馬來西亞版嘅咖喱鹹味為主，唔會似印度或者泰國咖喱咁甜甜地好下飯嘅感覺😫雞肉用咗雞腿位，所以都嫩口👌▪️ 檳城炒棵條 $118 (6.5/10)炒棵條色澤烏黑油亮，貌似幾重口味，不過食落就覺得唔算特別多醬油😉用咗大蝦、五香豆乾、芽菜、雞蛋呢啲常見嘅炒粉材料，味道中規中矩😣▪️ 三色咖央醬烤多士 $58 (7.5/10)咖央多士係食星馬菜不可缺少嘅甜品，呢度除咗有最經典嘅咖央多士，亦都有變奏版嘅三色咖央醬烤多士同美祿咖央烤吐司😀最後試咗呢一個三色咖央醬，分別有香蕉醬、咖啡醬同埋班蘭醬，反而係完全冇咖央😂多士烤得均匀地脆，三款醬都明顯食得出佢嘅口味👌▪️珍多尖蕊冰 $46 (7/10)所點嘅菜式大多偏重口味，所以都嗌返杯嘢飲👹依杯珍多尖蕊冰好有心思地面頭開咗兩隻唔同顏色嘅棉花糖絲，而依杯飲品主要都係椰汁，珍多冰就增添口感😈…查看更多

平日都喺旺區食飯多，假期想遠離一下煩囂嘅城市，可以去遠少少走屯門🫶🏻黃金海岸依邊嘅餐廳不嬲都好有歐陸小鎮嘅感覺，數十間淺黃色外牆嘅餐廳係依度自成一角，小店林立👹而依間以越南會安為主題嘅餐廳，一入去已經見到充滿會安特色嘅燈籠掛係天花板，色彩繽紛，好有氣氛😍—▪️ 炭燒澳洲頂級M9和牛後腰脊 $328 (8.5/10)個牛一上枱，侍應都已經話要快啲食好好味，入口果真唔錯，不過熟度不一，一部份大概五成熟一部份就三成熟，三成熟比較好食，好軟腍無筋👍🏻焦糖魚露汁偏濃味仲有炸蒜，點少少就好，而且側邊仲配咗一大份沙律🥗▪️ 特式蛋咖喱炒軟殼蟹 $198 (8/10)加埋蛋嘅咖喱更加好味，似黃咖哩嘅味道好濃郁，甜味為主完全唔辣，蝦有四大隻，肉質都唔錯，雖然冇乜膏🙈仲配有四塊法包，可以點咖哩食非常唔錯🥖▪️ 炸軟殼蟹芒果米紙卷 $118 (7.5/10)米紙卷入面啲料好足，有軟殼蟹、芒果、牛油果、蘿蔔絲、薄荷葉同香茜，搭配好Refreshing, 仲配咗兩隻醬汁-花生醬同魚露😼▪️ 河内生牛肉湯河 $95 (7/10)湯頭味道都幾芽菜味，唔似係牛骨煲出嚟嘅湯底🤕不過生牛肉質素好好，肉味濃郁，芽菜脹卜卜😉▪️ 炭燒豬腩串燒 $78 (6.5/10)面頭鋪咗好多沙律遮蓋住豬腩肉，豬腩肉切到一口size，肥瘦均勻，配搭花生、魚露焦糖汁👌▪️自家製雪糕 $68 (8/10)可以自選兩球–椰子雪葩同蓮花焦糖餅雪糕，雪糕完全唔馬虎，雪糕綿滑而口感厚身，好香焦糖味但又唔會好甜💯椰子雪葩就正正常常👹…查看更多

今次食既呢間燒鳥店乃係小編最喜愛嘅港式串燒店 - 燒烤堂嘅副線，餐廳兩大特色係採用日本備長炭燒，並主打雞肉各式各樣既部位😀Menu第一眼睇同燒烤堂嘅好相似，細睇發現對比燒烤堂足足兩頁紙嘅餐牌，依度精簡到只有一頁，但有唔少刁鑽既鳥串，例如提雞心管、雞腳根、雞爽肉等💕廚房係開放式，入到黎見到有成五六個年輕廚師圍住個好大煙煙嘅炭爐，一邊撥扇一邊將串燒翻面，畫面都幾有趣🤓而座位都唔多，只有十幾張枱左右，所以記得book定枱☎️—▪️雞肝 $40(10/10)一上枱見到雞肝依然保留暗紅色，而且質感軟腍，咬落內裡軟心，口感滑身，完全冇平時起沙既感覺，非常驚艷。雖然未必岩所有人口味，但絕對必試。調味方面採用左醬燒，醬汁唔會死甜，做到提鮮作用，最後小編亦encore食多左一串💯▪️熟成雞腿肉 $42 (10/10)另一串小編有encore既烏串就係依個熟成雞腿肉，外皮燒得焦脆，皮下雞肉爆汁‼️中間餐廳解釋該一小塊肉為雞蠔肉，每隻雞都只有兩小塊，口感極為香嫩尤如生蠔肉👍🏻▪️雞心 $34(8/10)雞心以小碟擺放，口感香爽，有頗濃烈既麻油味😈▪️雞尾 $34 (7.5/10)雞尾由雞皮包裹住一小塊油脂而成，極為邪惡，但雞味濃郁並香口🤤▪️雞頸 $34 (7/10)雞頸口感彈口扎實，略以鹽燒已非常滋味👌▪️雞腎 $36 (6/10)普通鹽燒而成，口感及大小一般，並無驚喜🤧▪️雞胸軟骨 $30 (5/10)軟骨爽口，份量唔細，可惜牽連太多雞胸肉，令一部份口感變得鞋口🤢▪️和牛雞肉卵 $68 (7.5/10)鹽既份量較為重口，將牛肉味覆蓋，不過雞蛋黃狀態為半熟，蛋味濃郁🫣▪️鹽燒A4和牛三角腩 $68 (6.5/10)油脂豐富，炭燒方法令牛油爆溢，可惜一樣調味較為重手🫠▪️牛舌蔥卷(附月見）$48 (4/10)以薄燒牛舌包裏住香蔥，底下有蛋液，頗清新，但係香蔥實在太生，辛辣味非常重🥺▪️味噌松阪豬 $38 (7.5/10)松板豬用上左西京燒嘅口味調配，豬肉爽口彈牙，味道可口🤓▪️豚肉鵪鶉蛋卷 $38 (7.5/10)鵪鶉蛋能做到半生熟，上面加入木魚絲，風味特出🤓▪️ 汁燒白鱔 $68 (6/10)白鱔質量未夠肥美，中間有小許細骨，表皮略嫌過焦🤢▪️田樂燒茄子 $32 (7/10)茄子燒得香口，亦保留肉汁，可惜茄子份量唔夠飽滿，較瘦削😶‍🌫️▪️粟米 $25 (6/10)粟米牛油味極重，應該燒既同時抹上幾層牛油，不過粟米粒一樣未夠飽滿😥▪️焦糖番薯配雪糕 (9/10)第一次食呢個配搭，日本番薯灑上焦糖燒得香脆，好似豆蓉咁非常幼滑，甜度啱啱好，配上雪糕更完滿🥰…查看更多

依幾年做Omakase嘅鮨店愈開愈多間，由旺區到偏遠嘅住宅區都唔難搵到，選擇多咗嘅時候就開始追求有啲特色嘅Omakase體驗🥸小編早排黎到坐立北角嘅Omakase店-鮨宏，對師傅同食物嘅印象都非常深刻，處處都充滿心思同驚喜🥹小編平日午市黎到都全場爆滿，亦聽得出大多係熟客再次光顧，更增期待😎有別於之前食過嘅Omakase，師傅大多為日本人，而且會有數個師傅招待唔同客人，多少都有種距離感😫而依度就只有熱情洋溢嘅馮師傅一手主理哂唔同客人嘅食物🤪能夠用廣東話直接聽師傅介紹菜品同交流，已經係滿滿嘅親切感，師傅亦不時同每位賓客閒聊，每次食到有驚喜嘅時候，師傅更加開心嘅回應 “好食呢！” 完全能感受到師傅内心分享美食嘅澎湃熱情👨‍🍳🤣🤣—《 #福FUKU》$880/位▫️漬物▫️味噌青瓜▫️白粟米一黎到就上咗幾款漬物同前菜比客人率先品嚐，味噌青瓜香甜清爽，配上甜味噌非常開胃🤪北海道白粟米飽滿多汁，如可先徹底處理粟米絲會更好😌▫️ 九洲池魚九洲池魚緊實而爽口，略帶油香，作為前菜恰到好處😁▫武士蠔武士蠔爽滑口感，咸中帶甜🥰 再配上柚子啫喱，連平時唔食生蠔既友人都讚口不絕👏🏻▫️毛蟹肉毛蟹肉不加任何調味，只用牛油炒香並加上紫蘇花🌺 一食落口海水味湧入口腔，簡單但滿足😋▫️ 櫻煮八爪魚櫻花茶葉浸八爪魚最顯師傅功架🥸 師傅先為八爪魚按摩，令肉質軟腍🐙 再以紅豆、茶葉、昆布等材料慢煮，形成櫻花色澤🌸 咬落毫不費力，表味八爪魚汁溢出，裡面柔軟仍不失咬口🤪▫️ 磯煮鮑魚磯煮鮑魚用咗北海道鮑魚，同八爪魚一樣煮得軟腍入味☺️ 面頭再淋上鮑魚肝醬，下面拌薏米飯，令人食指大動🤤 最後再有一片金蓮葉解膩🌱▫️壽司壽司方面分別有金目鯛、池魚王、沙甸魚、活帶子、甜蝦、中拖羅🍣 每款都所用既刀法都唔同🔪每片魚生穩穩地覆蓋係壽司飯上，亦令口感更上一層樓🤓▫️海膽軍艦海膽軍艦分別用左北海道白海膽及亦海膽，份量毫不吝嗇😜 紫菜基乎載唔曬🥵 海膽味濃郁甘甜，齒頰留香🥺▫️ 禾桿草燒鯖魚禾桿草燒鯖魚火喉十足，魚油從口腔中爆發🤯 非常甘甜，魚皮亦被燒脆，比普通香煎手法更為美味，如果可席前欣賞師傅燒魚就好啦🔥▫️甜品甜品方面不得不多花篇幅稱讚師傅✨ 估唔到食到最後都仲有更大嘅驚喜，所有甜品皆為師傅事前準備，做法並不簡單，心思十足，款式竟然多達四款，女士們都好興奮😍玉子燒伊達卷包含蛋、粟子、魚肉等材料，小編都係第一次品嘗😯 口感厚實，蛋香撲鼻，唔會過甜🥳 伊達卷過後師傅足足再準備多十幾分鐘，一樣接一樣嘅甜品放上盤中，睇到大家嘩嘩聲😱先有一瓣山梨縣嘅赤肉密瓜，熟度剛好，甜味適中，少許爽口😙 再黎一件芝士蛋糕，亦係師傅自家製，好啱香港人口味😇 最後仲有提子梅酒果凍，係梅酒啫喱加入巨形日本提子，提子爽脆可口配埋梅酒香氣超正🍇…查看更多

西環呢頭都幾多嘢食，今晚就嚟到呢一間唔係好起眼嘅小店，餐廳位置唔算好多，大概五六張枱。呢間串燒舖嘅串燒種類尚算不少，海鮮類肉類同蔬菜類都各有一堆選擇，而且價錢頗為親民。 串燒主要用孜然粉調味，部份串燒亦會加蒜蓉，簡單而美味。小編點左牛舌心、豆卜、魚腐、魷魚、豬頸肉、雞軟骨、雞肉棒子、牛柳粒、翠玉瓜、饅頭。串燒燒得頗為均勻，豆卜和魚腐經過燒烤之後口感更加香脆，並且吸收了孜然粉的香味。魷魚的鮮美和嚼勁也不錯。饅頭燒得金黃，外脆內軟。…查看更多

今次依間介紹依間餐廳又係將軍澳呀，餐廳位於屋苑The Parkside下面既商場，係好典型既高級日式餐廳裝修，門面非常嚴實，內裡簡約高貴☺餐廳入面有一個三層既入牆式魚缸🐟入面放滿左龍蝦、鮑魚等海鮮，非常吸睛😂大部份位置都係板前位，抽風亦做得唔錯，可以舒服地欣賞大廚烹調☺ 一《#GRAND DINNER SET 一人前》$1280 ⭐⭐⭐⭐▫季節沙律▫茶碗蒸▫原隻虎蝦天使麵▫北寄貝▫A5熊本和牛厚燒▫季節野菜▫高菜白飯魚炒飯、麵豉湯、醬菜▫甜品先黎一個茶碗蒸同時令沙律🤓食前菜果陣已經見到師傅係度準備緊北寄貝，手掌咁大隻既活北寄貝，成日都係食活北寄貝刺身，今次就睇住師傅將活北寄貝同殼分開，放上鐵板香煎🤤 係一段時間既烹煮之後，師傅將貝肉切成3分☺上菜時擺碟亦好細膩，先放一片茄子，再將北寄貝放番上殼，再淋上松露牛油汁，醬汁配搭北寄貝嘅鮮甜非常夾😌再加上海藻解膩，恰到好處👌師傅故意將虎蝦開邊再以細刀調整切口既深度，令虎蝦可以兩面都可穩穩地係鐵板上面煎🔥受熱更均勻，刀工十分細緻👍 虎蝦食落亦非常紮實爽口😋 天使麵加左蝦膏、龍蝦汁及忌廉干炒，味道非常有層次吸引😍熊本和牛係日本十大和牛之一，雪花分佈平均，油脂適中，食落唔會成口油，但都感受到和牛嘅油香🤓 本身同師傅講3成熟，但最後聽咗師傅推介5成熟✋結果牛肉中間依然粉嫩，火喉亦夠😎 調味有岩鹽、黑椒、wasabi 同蒜片，個人首推岩鹽加蒜片😋 白飯魚炒飯落左高菜、蛋和同慷慨份量嘅白飯魚，口感非常豐富，特別欣賞高菜既味道令炒飯有少許口感同更開胃😎小編提議如果可以用和牛牛脂去炒，同飯再炒干身啲，將會昇華更多😉最後係一個十勝紅豆抹茶布丁配黃豆厥餅，完美作結🤩…查看更多

最近去多咗將軍澳依邊搵野食，係依個平民商場入面發現到有一間充滿特色既中菜餐廳，餐廳以舊時港式大排檔作為裝修概念，以深綠色鐵皮攤檔作主題，配上懷舊吊燈擺設同熱水盅，貫徹舊香港情懷概念，大玩vintage風😎 連menu都睇得出花咗唔少心機設計，菜式眾多仲有玩味既介紹👻—《#甲羅燒蝦多士》 $128 蝦多士食得多，搭配甲羅燒黎食都幾新穎 蝦多士用咗原隻大蝦，大蝦的色澤唔算特別鮮艷，口感頗彈牙，放係炸得香脆唔油膩既多士上面，可以再沾上甲羅燒既蟹肉、蟹膏和蟹籽，味道豐富一《#招牌焗魚腸》 $108 焗魚腸依個菜式都幾少見，皆因魚腸既處理需時 蛋液加入魚腸、冬菇、芫荽等等，放於傳統既砵仔上，焗完之後雞蛋面層同邊位做到焦邊效果，係一道幾特別既廣東菜—《#蜜椒金薯牛肝連》$188 餐牌上面寫牛肝連即係封門柳，依道菜係小編食小炒必點嘅蜜椒薯仔牛柳粒，雖然價錢偏貴，但份量都好足，牛肉同薯仔嘅比例幾乎一比一😀一食落蜜糖加黑椒香氣都幾出，牛柳軟腍，如果薯仔能夠煎到外層焦脆就更好😗—《#蟹肉菠菜豆腐盒》 $128 一咬先發然原來係玉子豆腐，同想像有啲唔同，菠菜係外皮嘅炸粉之中，而蟹肉同菠菜打成芡汁，比例不多🥹表面仲上少少蟹籽作點綴，增加依道菜嘅口感😉—《#蔥蒜水晶雞》 $148/半隻 原來水晶雞即係水蒸雞，都有人話水晶係指雞皮下嘅個層啫喱，而小編估計餐廳係引用前者命名🤣依個水晶雞會適合鐘意薑味嘅朋友，因為水晶雞嘅表面鋪上咗大量薑同蒜，而薑味相當突出😣雞肉都幾厚肉，不過味道有啲比薑嗆過了頭🤔…查看更多

知道餐廳改咗名做韓脈之後再黎試多次😀原來唔止門面環境無變到，連餐牌都仲係同之前韓珍一樣🥹餐廳環境舒適，油煙少，而且會有韓國店員都會幫手燒，係相當唔錯嘅韓燒選擇😀—《 #醬油蟹》$250 ⭐⭐⭐💥香港比較少有賣醬油蟹嘅餐廳，叫咗一隻黎嘗鮮一下🤓店員主動過嚟幫忙將蟹膏同醬汁放落紫菜牛油飯內拌好，再將撈飯釀落蟹蓋，儀式感一流😝而且醬油同蟹嘅鮮味從飯粒中溢出，忍唔住好快就食曬成個飯✌️最後再食埋醬油蟹既蟹肉，不過蟹肉不多，而且唔易開😣—《 #韓方牛肋骨》$138⭐⭐⭐⭐食完生冷嘢，飲碗熱辣辣嘅湯，即刻成個喉嚨舒服晒😚湯底有清甜嘅蘿蔔同牛肋骨味，雖然睇落唔算多油，好似好清，但飲落非常香濃😙而且有兩大舊牛肋骨同蘿蔔及洋蔥等配菜，兩個人飲岩岩好😎—《 #特級牛肋骨》$250⭐⭐⭐️⭐️牛肋骨單睇個樣已經非常吸引，色澤鮮紅而且有好靚嘅雪花👽牛肋骨差不多1-2cm厚，卷起咗一舊，開出黎長度足足有烤爐嘅直徑😺店員亦會細心地將燒好嘅牛肉剪成一口嘅大小，肉味濃郁，而且生熟度處理得唔錯，又有唔同嘅醬汁調味提供😼—《 #蜂窩五花腩》$150 ⭐⭐⭐五花腩差唔多有前臂咁長，而且油脂分布亦頗平均，處理上亦好有心機地整片十字交錯咁𠝹開，令烤後邊位非常焦脆，油香滿溢😏五花腩非常適合放上生菜，配以泡菜、韓式豆瓣醬，及洋蔥等配菜享用😽…查看更多

又到十二月相信大家都開始忙緊計劃聖誕食啲咩，想搵一間野食好味，環境舒服又唔會劏人既餐廳一啲都唔容易，小編介紹一下依間最近食過啱哂慶祝聖誕既餐廳比大家啦🤓餐廳雖然位於觀塘工業區，但裝修相當華麗，成個餐廳都係胡桃木既主題，擺設咗聖誕樹，仲有一排植物掛滿咗閃下閃下既燈，一入餐廳已經覺得好有浪漫既氣氛🤩而且餐桌唔會放得好近，啱哂想靜靜地小酌談下心既情侶🫶🏼餐廳行套餐形式，一律$398/set，晚市嘅menu入面主菜四選一，搭配三款前菜、任食薯條，而十二月新開張仲會送100分鐘免費暢飲指定紅白酒😈前菜會不時換款，而當日既前菜就分別係#西班牙鬆脆包、#翠綠青沙律、#泡沫烤南瓜湯，單係前菜已經睇得出餐廳充滿誠意，餐包配咗香蒜希臘芝士醬同油浸番茄🍅而沙律菜都好新鮮，淋上咗香草芥末籽油醋汁，仲有好香口既焦糖合桃🥗就連泡沫烤南瓜湯都有驚喜，用個迷你既咖啡杯裝住，飲落去有好濃烈既南瓜味，忍唔住兩啖飲哂🎃而任食薯條亦無交頹貨，炸得香脆之餘仲shake咗香辣粉增添風味🥔—《 #美國 1855 安格斯西冷牛扒》$398/set ⭐⭐⭐⭐💥主菜上枱之前侍應就會拎個架過黎，下面點著個蠟燭，等主菜既食物盤可以放係上面保持住溫度，唔怕食得慢會凍哂，食到尾啲野食都仲溫熱真係好幸福😽本身對牛扒都無抱好大期望，但出乎意料地牛扒好出色😺單睇外觀已經係完美既三成熟，中間粉嫩而無血水💓用咗迷迭香、海鹽同蒜片去調味，配咗燒肉汁同香草橄欖油🫒牛肉肉質軟腍，完全無筋，肉味濃而且充滿肉汁，西冷上面既肥膏位亦處理得唔錯，焦香易咬🫦—《 #香草焗原條法國鱸魚》$398/set ⭐⭐⭐⭐雖然只得四樣主菜，但係小編都係鱸魚同黃油大雞之間掙扎咗好耐，最後因為見到隔離枱點嘅大雞太大份怕食唔哂，所以點咗鱸魚😹餐廳細心地將鱸魚起咗骨，等客人可以食落啖啖肉，仲煎香咗半粒檸檬，可以唧落魚到提味😈鱸魚既表面鋪咗大量既香草，而揭開魚肚都係滿滿既香草同蒜片調味，好有心思🍀相比牛肉，魚肉比較清淡，味道有些許被香草蓋過，魚肉頗厚，脂肪唔多但幾嫩滑🐟…查看更多