飯煲的个人专页

摩登上海菜係香港食上海菜, 食黎食去都係果幾間多, 但最近行開尖沙咀, 去咗食霞小飛, 都幾好味呀!今次係路過亂入的, 見到食飯時間但都無乜人排隊等位, 最初期望不大, 但外面睇都幾靚架, 之后先知原來早前裝修過. 一行四人食咗唔係好多野, 因為大家都唔係好肚餓, 叫咗抄面, 賽螃蟹, 火腿津, 小籠包, 回鍋肉, 抄面夠熱, 賽螃蟹夠香滑, 小籠包夠新鮮, 回鍋肉夠香口, 抵讚!不過, 其實選擇不多, 款式好少, 希望佢黎緊會加多D菜式, 等我地可以多D選擇咁就好啦!…查看更多

鹽焗雞聞名食肆主要菜式包括叫咗金牌鹽焗雞，  冬瓜盅，  前菜豆腐，  蒸魚。 叫得做客家菜，  梗係要試鹽焗雞啦，  重有霸王雞，  但通常都係食鹽焗雞，  傳統老牌客家飯店，  旺角都有一間。菜式賣相樸素平實，  份量比以前細，  冇咗大件夾抵食，  口味偏鹹且肥膩，  不過食得客家菜都會有心理準備，  不過必食鎮店菜式鹽焗雞，  D雞有D生，  上碟都係重有血水，  唔係咁安全，  但沙薑汁OK，  夠鹹香，  配白飯一流，  可幾食多幾碗白飯，  之前都食過，  但水準真係好難維持不變，  而家冇以前咁好食，  失望，  希望佢地可以改善一下，  以前食的時間上到枱重熱騰騰，  而家上到枱就凍曬。。。…查看更多

質素參差的$150任食火鍋好耐無去稻香打邊爐啦，因為愈黎愈唔好食，份量少，質素又有驚喜，好似好多人都係食晚飯多。但最近見好多廣告賣緊$150任食火鍋，被吸引而再飯返打邊爐。$150任食火鍋，包所有火爐配料，飲品，汽水，雪糕，沙冰都係飲食！8點半開始， 開始之前無乜人， 但一到8點半就好多人排隊， 建議早D去攞位， 咪真係有機會入唔到， 無枱， 入到去等湯鍋都要等成半個鍾， 因為所有人都係一次過入曬黎， 連排豉油都大排長龍。肥牛，  羊肉都有，  但等野食又係要再等好耐，  而且質素參差，  如下面果張圖，  第一碟OK，  到第二碟就多好多肥肉。 蠔煲完之后好細粒，  發水發得好緊要，  但今次黎到飲品汽水就多咗款，  以前淨係得可樂。 …查看更多

唔怪之得唔使等位啦！成個場，一半都坐唔滿！我哋一行四人叫咗個四人餐，另外加錢轉個冬瓜盅。但個冬瓜盅，同人哋二人餐一樣大細，咁感覺咪即係俾人呃！跟住果隻雞，仲離奇，都唔知叫一隻，半隻，定一份，有兩隻腳，但係唔同大細嘅。。。而且仲有血水，生生地，入返去叮完都仲係咁。。。另外，果兩個，餸都係好鹹。同埋唔新鮮。諗住叫兩個飯。但個飯實在太細，最後叫到四碗都成＄48蚊。送個紫米糖水，又係唔熱，唔凍嘅。。。食咗皁章居咁多年，睇住佢個價錢越嚟越貴，但份量同質素每況愈下。。。好失望。。。而且菜式的選擇越嚟越少，似茶記多，好多以前有特色的茶式都唔見咗。。。…查看更多

唔駛等好耐就有位，二人枱都OK好闊大四人枱就得啦！其他位置個位都OK闊。雖然坐左好多人、但係冷氣都夠，我諗全場開曬都應該OK、因為呢道冷氣都好夠、唔會覺得熱或者大煙！牛肉同蝦、蛽、可以寫紙仔叫，份量少，牛肉一盤每次得四片、蝦兩隻，蜆大約五六隻、其他嘅菜/丸類小食就自助。湯底大部份都係辣嘅。唔食辣嘅朋友似乎只可以揀酸菜或者芫茜湯。兩個鐘任食，攞湯底，換碟嘅速度都好快。最多選擇反而係罐裝任飲汽水、而且有其他果汁可以揀，花茶同埋咖啡。…查看更多

有驚喜的茶餐廳附近都有幾間茶餐廳，重有好多其他不同類型的食市，因此，沒抱好大奇望！但上幾次行過的時間都見到哩一間排曬長龍，食飯時候重要排曬隊係出面等，咁今日行過見未有人去等，而且重有位，咁就即刻入去試下啦！下午茶由２點半至７點半，都幾適合香港人，好晏先食飯。今次點咗個雪菜肉絲炇米，加熱飲，唔洗加一埋單價＄３８蚊。價錢都一般。好快上菜，唔洗等，米粉抄得好香，但雪菜肉絲做餸就冇乜，味道都ＯＫ，但略為咸咗Ｄ，可能因為多咗豉油。上到枱食的時候都重熱的。值得讚。不過，好似人手唔夠，落單搵人幫手都要等咗一陣。但好采唔會點催人走。一路食的時候，一路都見到好多一買外賣，大大包咁。不過呢，當食的份量就唔係好大啦，如以下圖片，其他的茶餐廳份量都比較大，起碼都食得飽。…查看更多

叫得黑名單首位、梗係名不虛傳啦！食物差、服務差、環境差、收費貴！超級唔抵！一定堅決永遠以後一定唔會再嚟！先講環境：係後行裏面、搵咗好耐先搵到！個門口好細、好易行過咗都唔覺！上到去餐廳門口等左好耐都無人帶位、入面又未滿，好似唔想做你生意咁。等左20 分鐘終於坐低。但入到去發現好似大排檔咁！嘈到不得了！仲有人喺隔離枱猜枚！真係唔明點解可以咁做！啲職員又唔理！成班人飲到面都紅晒喺度猜枚、都咪話唔驚！食物方面：最後先發覺可以嗌套餐！一嚟到職員只係介紹湯底，四百幾蚊一個未包嘢食，係咁叫你落咗湯底先，有咩食亦都唔會介紹。呢度比部iPad你睇菜單、但係又落唔到單！超級唔方便。跟住我哋發現都有幾個套餐：龍蝦餐、招牌套餐、素菜餐，我哋揀咗個中價嘅招牌套餐，都係四百幾蚊！最初啲職員提都冇提過！其實我覺得呢度唔係咁老實！講解得唔夠清楚！個套餐四百幾蚊係兩個人份量，每人有兩片牛、四粒牛肉粒，牛肉粒好細，未煮上枱嘅時候已經係細到好似一毫子咁大！另外一個生面、一盆菜，但係啲菜有沙，好似冇洗過咁！另外，仲有總共四粒白色魚蛋、四粒貢丸、四片粟米！粟米係平時食開打邊爐嘅粟米、但只係平時粟米嘅一半嘅size、好薄！仲有八片好薄嘅白蘿蔔，四片豆腐、包一個湯底、咁就冇啦！超級唔抵食！牛肉粒仲有一陣雪味、牛肉片煮來煮去都仲係粉紅色、煮極都唔熟咁！好明顯係落咗好重味精！丸類原來只係街市買嘅，仲有啲雪係面、一啲誠意都冇！嗰生面就真係出事！一煮落去就變咗一pat pat！叫咗支西瓜汁、30幾蚊，得個甜字！講得出就好似乜都冇食過咁！埋單每人成四百幾五百蚊，堅決唔會再嚟！…查看更多

都OK架！好耐冇食過呢一種唔係放題嘅火鍋，平時多數都係食日式放題，shabu shabu多，但實情係來來去去都係嗰幾款野，有啲悶，所以今日就轉左嚟食呢一度，試下散叫嘅火鍋。不過其實呢度都有套餐。咁我哋叫咗個海鮮餐。一行四人叫咗個套餐再，加咗啲嘢食。我哋叫咗個海鮮餐。每人大約＄300。重有個另一個貴價版。基本的海鮮都有，魚，蝦，蟹，蠔，餃子，菜籃。海鮮好新鮮，不過要彈嘅係菜類唔夠多，冇乜蔬菜食。記得要讚的係三文魚，大大件，好好味！…查看更多

行過見到有新餐廳開咗，梗係第一時間去試啦！諗住都應該會幾好味，但係等位就要等好耐，價錢亦不菲。食物方面：我嗌左個三道菜，埋單每人約＄100。有個飯＋3款餸。餸嘅份量比較少，而且都唔係好熱。嘢食味道OK，但係分量方面真係要改善一下。食物嘅溫度其實都幾重要，上到枱食嘅時候已經唔夠熱！真係希望佢哋改善一下！冷盤嘅選擇比較多，反而熱盤嘅選擇比較少。而且熱盤好多時都會缺貨，要等下一輪，而下一輪又起碼要等20分鐘，先可以有嘢食。另外，要題一題嘅，就喺呢度要自己出去買飛俾錢，仲要自己捧餐。餐具其實都幾重。。。…查看更多

不過不失，都唔算太貴。有三款特價小菜最平＄38，最貴都係＄58。其他小菜都係每款約＄100，唔算太貴，但酒席就貴啲，起碼要大約＄8000。 啲餸都唔駛等好耐就上菜，出晒煙，但其實食落中間又唔係好熱，都幾得意！份量就唔係太大，唔似一般街坊酒樓咁碟頭都會大啲，呢度就好細。兩個人、三個餸，都夠食。最後仲有糖水送！係紅豆沙，最有驚喜嘅反而係個糖水，食落幾好食，好似真係傳統嘅中式糖水、煲左好耐煲出嚟！熱辣辣！好好味！…查看更多

失望而回!網上的食評唔錯, 咁就諗住黎試下, 點知失望而回...叫咗5样野, 水魷, 牛栢葉, 餃子, 雜菌籃, 炸魚皮...重有個老火湯湯底...湯底湯料都算足, 睇落都有D希望, 點知食落好淡, 冇乜味, 本來想回味台灣既火鍋, 一開始已經冇咗!水魷, 牛栢葉中規中矩, 好似平時食其他的火鍋配料一样, 冇乜特色。個餃子就奇怪啦, 中間唔知係乜, 綠色的, 但係冇咗蔬菜的味道。最失望的係雜菌籃, 裝飾得幾靚, 點知雜菌唔新鮮, 食到有酸味。炸魚皮睇落似魚皮, 但食落又唔似魚皮, 係一片片薄片咁, 有D麵粉係面, 真係好似生的麵粉係面...埋單每個人要成差不多4百蚊, 又唔好食, 一定唔會再幫襯!…查看更多

好似好得咁!而家周圍都話自己係粥底火鍋, 果日行街的時候有一間, 咁就諗住去試下啦!新蒲崗其實周圍都係食市, 外面睇真係唔覺得佢有幾特別。平日去唔洗等, 即刻有位, 不過入到去真係好迫, 個住好窄好難坐...一個人一個餐, 約2百蚊海鮮餐, 有蝦, 蟹，魚片, 大蜆, 蜆仔, 沙白, 鮑魚, 配料可擇肥牛等肉類, 但份量唔多, 其實係食唔飽架, 好采有個粥底, 不過加咗蛋之后就唔係咁好食, 有D似蛋湯, 希望可以改善一下!…查看更多

不過不失, 不過都幾貴埋單要成6百幾蚊, 2個人, 只係叫咗個晚飯3寶C, 其中包括清蒸龍躉仔, 薑葱野菌桶蠔煲, 龍閣一品煲, 但係份量其實又唔算係好大, 但係又食唔曬, 因為食落其實都幾咸, 送飯就好D, 煲仔上枱的時候重係好熱, 個煲好大個, 賣相唔錯, 不過食落中間D餸就只係得一半滿, 薑葱野菌桶蠔煲好食過龍閣一品煲, 個龍閣一品煲未夠入味, 清蒸龍躉仔都好味, 不過唔知點解上菜的時候隻碟同匙羹有D白色的粉末係上面!…查看更多

一次地獄之旅！環境、服務、食物、都非常之差！先講環境：喺正馬路旁邊，非常之近出面，出面有人食煙，啲二手煙吹晒入鋪頭，成間鋪頭又細、冷氣又唔夠、打邊爐但通風做得唔好，搞到焗住左啲二手煙喺裏面！空氣唔流通！服務：簡直係冇服務可言！最差嘅係成日催你快啲食！快啲還枱比佢！問題係啲嘢根本未煮熟！仲有就係職員不停咁埋你張枱係咁將啲食物離開好遠掉落去個㷛道、啲蝦跳返出嚟，彈到我朋友，搞到佢隻手紅晒！職員一句都冇問我地有冇事就咁行左去！食品質素：叫咗個198餐，份量好少，兩個女仔都食唔飽。埋單已經四百幾蚊！終於知道點解佢成日叫我地快啲食，因為啲食物唔新鮮，又發水，煮左5分鐘的鮑魚變咗五毫子咁大！賴尿蝦細隻到食唔到！啲魚未洗乾淨個肚仲係黑色！另外一定要提就係一個「發X嘅菜籃」！請看以下圖片，咁都拎出嚟俾人食，可想而知佢對食物嘅心思有幾多！…查看更多

雖然位於街坊區, 但一向以新鮮超值海鮮及特色火鍋而廣受顧客歡迎, 開放式廚房, 好乾淨, 唔知係咪新開張的關係, 都唔算大油煙今次我地試打邊爐先講水餃, 大大隻, 雖然冇乜特別, 但飽肚D菜好新鮮呀, 不過洗得唔係好乾淨, 重有D泥係D菜面丸類最唔好食, 同出面買的一样, 又話係手打, 食落唔似, 重成粒雪咁牛展好彈牙, 但份量太少, 唔抵食, 好貴肥牛如圖, 太肥, 但特價時18蚊, 都過得去啦廣島蠔值得推介, 大大隻, 有蠔味, 怕腥的我都覺得OK, 鍾意食海鮮的重話好好味重有加12蚊任飲任食糖水, 包調味品, 但可惜罐裝飲品款式唔多!!!…查看更多