阿打的个人专页

香港人本地小店 - 魚事者 不經不覺已經踏入五周年，一間本地製作的小店能夠在這樣的經濟環境下持續五年真的不容易。而且連續兩年取得米芝蓮推介，堪稱香港的魚麵界代表，適逢五周年新推出很多限定菜式，特意來炮台山總店一試。餐單上有不同小食和主食，魚湯菜式例如木魚昆布湯卜卜蜆及魚湯浸菜苗都好食。五周年的重頭戲，主要是餐廳推出了魚拉麵和魚烏冬！如何能保持魚的鮮和麵的爽彈口感，全靠製作團隊精心的鑽研。陳皮檸檬叉燒炒魚麵，叉燒以陳皮檸檬醃一晚。炒魚麵配上櫻花蝦的香味，尤其有鑊氣！只限堂食的北海道海膽魚烏冬撈，嚴選北海道海膽，配上Creamy的醬汁，魚烏冬食落煙靭，入口略嫌有點點漏。甜品焦糖魚米布甸好特別，面頭是燒過的焦糖，內裡是軟滑的魚米布甸。魚米每粒非常有咬口！是一個為未來帶來新衝擊的嘗試！為咗慶祝五周年，今個月13-26 號消費滿$200 + follow 魚事者社交平台 就送一隻魚面人公仔掛飾盲盒！…查看更多

銅鑼灣新開主打雞串燒的居酒屋 #鳥熟成 選用來自本地的三黃雞和日本的地雞，配上不同的熟成方法鎖住肉汁，亦有不同稀有的部位好多都未食過，非常特別☺️今次試下Omakase的套餐，一嚐當日料理長的精心推介⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰前菜兩道雞蠔肉三黃雞食道 雞掌心無骨雞翼尖24小時三黃熟成雞腿肉12小時熟成三黃雞雞中翼燒日本山芋48小時熟成鴿王胸腿肉雞肝雞腎雞心日本銀杏燒絹豆腐主食 (乾咖哩配法飽 / 花膠雞白湯烏冬)⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰由前菜到甜品每個位都有驚喜！稀有部位一定是食道，據說四隻雞先做到一串，食落好脆口係比較溫柔的雞軟骨！內臟有三款，有雞腎、雞肝和雞心，唔喜歡的可以轉哂三款內臟做另一款串燒。另外熟食的雞腿肉、雞中翼都燒得啱啱好。而我最欣賞係48小時熟成鴿王胸腿肉，啖啖肉超級juicy，感覺到肉汁緊緊的鎖住，超級嫩！最後的主食，有乾咖哩配法飽，必點雞白湯烏冬，湯頭好濃郁，你不會後悔的！🥰📍鳥熟成 (銅鑼灣) @yakitorijukusei 銅鑼灣軒尼詩道525號澳門逸園中心10樓…查看更多

“LALA” 這間新晉法國餐廳由米芝蓮星級餐廳 Louise 的主廚 Franckelie Laloum 與餐飲界創意先驅 Michael Larkin 主理，名字是兩位創辦人姓氏的頭兩字母。今個週末同朋友食weekend brunch，一睹這間法式小店的風采。前菜的生牛他他，配上紅葱吊味中和肉的濃郁。另外Pate En Croute是法式傳統的肉批，以鵝肝及豬肉，加上烘焙製成，是充滿法式風情的鹹香味。主菜點了黃油雞！用上本地農場出品，以多日時間炮製，先用簡單調味料醃製過夜，經廿四小時慢煮及風乾，雞肉保持多汁又入味。配上的香飯，米粒煙靭可口，原來是用上了日本珍珠米以昆布高湯熬煮而成，入口糯香不油膩。最後的甜品也好驚艷，由法式糕餅師Natalie Leung每日新鮮炮製。當中有幾款選擇，當中Rich Chocolate Tarte & Lemon Tarte都係無乜挑剔的配搭！📍 LALA (中環)中環擺花街23-29號中環大廈地下D-E號舖…查看更多

在坪洲這個小島上，「想說」咖啡店是一個讓人放鬆身心的好去處。這裡的環境清幽，窗外的海景總能讓人心情愉悅，彷彿時間都放慢了腳步。像是有一天能夠慢慢離開繁忙的生活，也是令人十分嚮往的一部分。「想說」的菜單是一般咖啡店的menu。插圖來自小店的其中一位主理人，很可愛！食物方面，我點了All Day Breakfast，包含炒蛋、煙三文魚、香腸、蘑菇等，每一樣食物的搭配都恰到好處，沙律菜夠新鮮，令人回味無窮。另外，我們點了一份花生醬Bagel也很好吃。不得不提，店內的甜品也值得一試，是日甜品的開心果蛋糕不會過甜，但期待有更多的選擇。咖啡方面，「想說」的咖啡非常出色。選用的雲南和洪都拉斯的咖啡豆香氣撲鼻，展現出咖啡的酒香獨特風味。Expresso Tonic及Apple Tea CoffeeJ都同樣令人難忘。整體而言，「想說」是一間非常適合慢活咖啡店。無論是食物的味道還是環境，都讓人感受到一份舒適與愉悅。坐在門邊的座位，能感受一份來自小島的恬靜及休閒。如果你來到坪洲，不妨親自來體驗一番，或許會有意想不到的驚喜。…查看更多

有時我覺得香港人十分之幸福，商場裡的食肆口味，一間接一間的來臨，無形中我們吃的選擇又多了。最近，久沒去行逛的將軍澳東港城，原來開了一間接近一年的食肆，主打台灣菜的餐廳 - 滿山.台北。今天晚上，吃晚飯的時間，相約了在附近居住的舊同學，一同在這間台灣料理店，吃個晚餐。一到餐廳，見到門前的一條排隊人龍，心想，舊同學今次應該沒有推介錯。餐廳原來是太興集團旗下，晚餐有一系列價廉的套餐選擇，有飯有風味台菜有飲品，一佰有找的套餐，就能吃到台北料理。我點了綜合滷味拼盤，賣相不錯夠大碟，拼盤有牛展、雞翼、滷豆腐、腩肉、豬耳、金錢肚、溏心蛋、炸花生共八款滷味。滷得非常入味，一個白飯已很滿足，但今晚我卻選了地瓜米粉。舊同學選的三杯蚵仔啖啖滑鶏也不錯，有爐熱著熱騰騰上桌有鑊氣效果，三杯加料頭的惹味，讓雞肉嫩滑更香口，蚵仔蠔有煎香的味道，十分之好送飯。以三十元加了一菜一甜品，甜品的黑糖芋圓仙草也很不錯！一人份量，吃了主菜可以一同分享！簡簡單單的一個晚上，有時也不需要大排宴席，也稱得上满足。…查看更多

嗰日我大概七點幾嚟到尖沙咀呢間人氣泰國餐廳，遠遠已經見到門口坐咗一堆客人等緊入座。不過佢哋流轉算快，等咗一陣就已經有入去坐低。環境幾有特色，置身曼谷街頭大排檔咁，但裝修乾淨企理，最重要係有冷氣😂，食得舒服。基本上由招呼到上菜速度都算快，食物都係熱辣辣送到嚟🍴 頭盤叫咗個鴨肉生菜包，酸酸地，帶住青檸同芫荽香，好清新，食落幾醒胃。沙嗲雞串係必試！雞肉燒得夠香，帶返啲街頭碳燒味，肉質唔乾，仲有濃郁花生醬，好有驚喜。主菜嗌咗個打拋豬肉碎煎蛋飯，鑊氣十足，打拋葉香味好突出，煎蛋仲有燶邊，仲好夠辣。醉貓炒河啲河粉滑身又夠香，上枱嗰陣真係聞到陣陣鑊氣，好正宗。蟹肉奄列又要一試，一切開已經見到滿滿嘅蟹肉，奄列卷得厚實，食完好有滿足感☺️。甜品試咗佢個泰式椰子煎餅，份量唔算多，不過鹹鹹甜甜嘅味道幾特別，唔會食到膩。叫埋個椰子沙冰 🥥，清涼解渴，配搭住前面幾款又香辣又濃味嘅主菜，真係完美嘅配搭。以尖沙咀嚟講價錢算合理，出品同水準都對得住個價，特別係主菜真係有正宗泰國街頭風味。鍾意食泰國菜嘅朋友仔真係唔可以錯過。…查看更多

一直都想想試原藝，終於有機會！試左佢嘅晚市二人套餐，都幾有驚喜。麵包籃一開始嘅麵包籃已經有驚喜！黑麥麵包好鬆軟，芝士橄欖扭紋麵包好香有口感，蒜蓉包外脆內軟，全部熱辣辣上枱，加分。先來前菜部分蘭王溫泉蛋配炸京蔥及八爪魚溫泉蛋滑嫩同炸京蔥，加埋鮮嫩嘅八爪魚同酸汁都幾夾！鴨肝蘑菇鍋巴鍋巴香脆，濃郁嘅鴨肝同蘑菇撈埋，都幾特別。牛油果蟹肉沙律牛油果嘅綿密同蟹肉嘅鮮甜完美搭配，食落好健康。龍蝦忌廉湯龍蝦濃郁嘅味道風味層次分明，高質！法式洋蔥湯呢道經典法式菜的確驚喜，洋蔥嘅甜味配埋濃濃嘅湯頭，仲有埋麵包，呢個必點！香煎帶子配風乾黑毛豬面肉及酸忌廉厚肉嘅帶子煎到半生熟，加埋滿滿咸香嘅黑毛豬面肉脆粒同酸忌廉，味道好多元化。到主菜可以揀一個意粉類和主菜！龍蝦汁配波士頓龍蝦闊條蛋麵波士頓龍蝦肉質鮮嫩，有炭香！搭配Q彈嘅闊條蛋麵，闊條麵掛汁到不得了，非常creamy! 炭燒鹿兒島A4和牛西冷重頭戲係呢個A4 鹿兒島A4和牛西冷，和牛肉質嫩滑，油香十足，入口即溶。炭燒的香氣讓人難以抗拒。每一口都是肉香四溢，呢個真係值回票價！不過如果唔喜歡太膩的朋友可以揀番澳洲M5和牛！總括黎講，我覺得佢呢個set嘅性價比幾高，食得出每道菜式都好有心機，食材對得住價錢。最後的咖啡都唔會令人失望！小店坐位唔多，記得book 位，揸車去都有泊車優惠，頭兩小時半價 ($10/hr) 而且出面都有錶位！而且City U staff 仲有9折🥰原藝 (九龍塘)地址: 香港九龍塘海棠路66號女青雅舍地舖電話: +852 69327198#食物字典九龍塘篇文章…查看更多

平日返工咁辛苦，夜晚咁係要食好啲，推介尖沙咀港威酒店Three on Canton自助晚餐，今次的主題是”東瀛大韓雙重滋味”，主打日韓食物！都好多款啊選擇！由晚上6:30嘆盡美食至晚上10:00，Chill足三個半小時！有得可以慢慢品嚐多國美食，餐廳環境舒適，就算遲左收工去到都唔怕，因為餐廳會不斷補充食物，而且水吧的飲品都在自助餐時間無限refill, 員工又有禮貌，真的值得一讚！餐廳食物種類眾多，包括多種冰鎮海鮮，加拿大龍蝦、鱈場蟹腳、扇貝、小龍蝦、青口、螺等多國特色美食，當然唔少得今次嘅主角日式韓式！有韓式炒年糕、韓式煎餅、磯燒鮑魚、輕燒吞拿魚配芒果、威靈頓牛柳、片皮鴨、印度烤餅、坦都里鳳梨串、印度烤雞、天婦羅等海南雞都好吸引！多樣美味甜點，令人目不暇給！好色彩繽紛！ 包括林明頓蛋糕、日式和菓子、士多啤梨忌廉蛋糕、暖朱古力布甸蛋糕、芒果布甸、綠茶紅豆蛋糕及時令水果等等一一不能盡錄。我覺得以下的都是必食鱈場蟹腳 – 肉質鮮甜，飽滿多汁，令人想一試再試威靈頓牛柳 – 牛柳多汁夾酥皮有層次感👍🏻片皮鴨 – 熱辣辣的薄皮包入新鮮鴨肉京蔥和漿汁，口感豐富仲有各類甜點 – 甜點甜度適中，尤其糯米磁和暖暖朱古力布甸蛋糕做得非常出色食完先知買自助晚餐有優惠，想嘆盡多國美食及和朋友Chill足全晚，記得喺官網買最抵！唔識喺官網格下價，原來有六折，都係四百幾實在大癲！Three on Canton 一定不能錯過。…查看更多

銀座炎藏位於年青人集中地的D2 place，是 一家來自日本的過江龍。當你踏入這裡，已經被和牛的廚櫃吸引眼球🥩有錯覺以為自己置身在日本高級的燒肉店。現代而雅致的裝潢，好像去到日本一樣。店內柔和的燈光，令人好舒服。餐廳的設計融合了日式元素！✨菜單上提供多款選擇，包括優質的和牛、豬肉及雞肉，還有海產。前菜上我們選了北海道榮螺。朋友唔係好舒服，就叫左一碗熱湯比佢，海帶湯有麻油香！特別推薦他們炎藏和牛極緻拼盤😍有六款餐廳最主打的和牛。例如和牛龜之甲、和牛上肋肉、和牛芯芯、和牛鞍下、和牛友三角和和牛羽下。不同的部位展現了肉質的不同，簡單配上燒肉醬和海鹽都好足夠！另外日本產雞肉好結實，肉汁也很多。配上蘭王蛋紫菜飯，粒粒飽滿非常，令人感覺非常圓滿。…查看更多

百樂潮州都算係香港比較出名潮州菜餐館之一，適逢今年58周年，近排去咗九龍圓方，試左58年限定套餐。都幾多菜式。滷水鵝肉墨魚 講起潮州菜，又點少得滷水拼盤呢？鵝肉都好入味，滷水的味道剛剛好。而墨魚的口感爽滑，同鵝肉搭配得很好，仲有滷豆腐！鮮蝦黃金角 外皮金黃酥脆，入面蝦肉口感彈牙，熱辣辣都唔錯！ 竹笙燉鮮螺頭湯湯品鮮甜，竹笙加埋鮮螺頭的味道，令成碗湯飲落好舒服。亦有充滿養生的感覺。6頭湯鮑魚炆柚皮鮑魚肉質厚實，炆煮得剛剛好，柚皮非常入味唔苦。呢個菜式可以試到廚師嘅功架！咸菜煮馬友魚件馬友魚同咸菜的鹹香互相襯托，魚肉外脆內滑，都幾有傳統嘅味道。原隻滷水鮑魚撈面粗面麵條彈牙，滷水鮑魚味道豐富，勁大隻，好有飽足感。仲有福果清心丸綠豆爽同合時鮮果，擺盤十分精緻，呢個餐真係夠晒豐富！百樂潮州酒家(香港)地址: 香港尖沙咀柯士甸道西1號ELEMENTS圓方水區1樓1028D號舖電話: +852 36919168…查看更多

深水埗的金豪酒家，是深水埗眾多大排檔坐得舒服的地方。但大排檔風味十分獨特！難怪當日未夠七點半就已經高朋滿座！仲有時令海鮮！冰火魷魚冷盤的冰火魷魚，食落去有少少辛辣！食落刺激，不過有少少咸~ 美味醬烤骨醬烤骨炆到好炆，醬汁濃郁有點酸甜好開胃，帶有微甜的味道，肉質鮮嫩多汁，非常適合配飯或單吃。椒鹽豆腐炸得香脆仍可以保持外脆內嫩，椒鹽的香氣令豆腐的味道更加出色，不用加醬汁都已經好好味！西蘭花炒斑塊西蘭花色澤翠綠，保持脆口感，加入雲耳、百合，斑塊炒至剛好熟透，是一道十分健康的菜式。豉油皇大蝦蝦肉鮮甜，勁大隻而且蝦肉不會霉，好彈牙。豉油的鹹香與蝦的鮮味完美結合，口感滑嫩，每一口都讓人驚喜。最後是令人好期待的雞湯翅！好足料！雞湯又香濃，用上金華火腿好有鮮味！金豪酒家的這幾道小菜都展現了港式大排檔的精髓，好有鑊氣！都能帶來豐富的味覺享受。若你在深水埗，不妨和三五知已親自來飲番兩杯，品嚐一番！餐廳仲有早鳥優惠7:30pm前埋單88折，宵夜優惠9:30pm後小炒78折！…查看更多

今次試咗之前响西環嘅著名懷舊冰室祥香園，現在分店遍怖香港九龍。適逢最近仲要同香港本地老字號的均香餅家Crossover推出嘅菠蘿油，排隊名店邊個末聽過，一定要嚟試試。💥 期間限定特製菠蘿油菠蘿油不嬲都好邪惡，今次仲要加埋黑芝麻餡〔仲有開心果餡〕，一啖咬落去有多重口感，個皮脆得嚟仲要滲出淡淡嘅芝麻同牛油香，真係忍唔住要食晒成個，同老字號crossover果然有驚喜！ 開心果醬都好濃郁！*🔥 焗咖喱牛坑腩飯* 嫌焗豬扒飯有啲悶，今次有茶記罕見嘅焗咖喱牛坑腩飯！牛坑腩既腍又香，咖喱面層焗到微焦，加埋蛋香炒飯底簡直係天衣無縫～ *🥩 鐵板紐西蘭肉眼扒* 鐵板熱辣辣上枱滋滋聲，塊扒都好高質，熟肉質粉嫩juicy，自己淋黑椒汁儀式感十足～…查看更多

Weekend brunch time! 上星期去了中環無敵海景的 Watermark.hk 可以望住尖沙咀的美景嘆番個brunch非常寫意🥂☕️！先有多達11款前菜free-flow，比較出色的有油甘魚和帆立貝，以意大利菜方式加上檸檬汁、昆布油等醃製，和牛他他都好正，原來用上金山寺味噌！🇯🇵魷魚一夜干和粟米餅都是我們encore了的前菜。最鍾意前菜份量唔算太多，你可以試過晒先決定再追加！其他前菜包括酸種麵包、迷你羅馬生菜沙律、醃紅菜頭沙律等等！❤️主菜我們揀了M7和牛後腹肉(+$120)和澳洲羊架，M7和牛都幾嫩不過有少少乾身，反而配菜的法式薯批拌上焦糖洋葱好正！羊架好出色食落唔肥，加上薯仔和西蘭花苗都不錯！✨🤍最後的dessert platter，都有三四款蛋糕，最後配埋一杯熱咖啡非常完美！愛酒之人就一定要留意了！週末brunch可以+$290可享有150分鐘酒精任飲，當中有啤酒、紅白酒以及少量cocktail！來一個Weekend限定的Happy Hour🍷如果飲得到嘅，大約飲五杯就可以回本！😌如果唔飲得酒都唔緊要，另外加$60就可以有咖啡茶、fruit punch, 汽水果汁free-flow…查看更多

越來越喜歡在九龍站食飯，地方中間點夠方便！圓方的花園有一堆氣氛幾好的餐廳！今次去左Luigi’s ，餐廳有室內室外位選擇！除一般酒精，餐廳呢一款來自蘇格蘭的手工啤都係獨家限定！不過我地今晚唔飲酒，叫左Fruit Punch 同Passion Fruit Sparkler! 好快就上菜了！前菜Home-made Meat Balls有兩大粒，用新鮮豬肉碎而製，豬肉丸有咬口，加上蕃茄醬和蕃茄碎，味道適中，不會太咸好開胃另外，New York Pizza好足料，是意大利的薄批，面頭鋪滿了滿滿的肉碎和Pepperoni ，很惹味😋配上餐廳自家製的醬料，例如rench, XO barbecue sauces, Grilled Garlic等等，令Pizza的味道更加有層次。最後的Expresso Martini 🍸 配Tiramisu 好正，吾會太甜。意大利餐廳點可以唔試下Tiramisu呢？Tiramisu都是自家製，好濕潤！今次天氣唔係太熱，都揀咗喺室外地方坐，和朋友都很享受的一頓晚餐。…查看更多

Le Chefeteria 是我一間每次朋友生日都會想訂枱的餐廳✨🌴餐廳主廚來自峇里島，配合法式烹調手法，每一碟菜式都精緻非常。最令人驚喜嘅位係，餐廳所有醬料都係自家新鮮製造！！非常有心思！！StarterAmuse Bouche SoupLobster bisqueDeluxe Lobster bisquePastaShaoxing Wjne Tom Yum Pasta with Hairy Crab Roe Duck leg confit, Risotto on crispMain36 hours slow-cooked Spanish Duroc Pork Belly with Spicy Kimchi SauceWhen the Ocean Meets the Seafood CurryDessertLemon NY Cheesecake with homemade mixed berries and star anise biscuit crust Banana Roti with Mango, Ginger, Taro sauceLe Chefeteria 從來都冇令人失望，每一次到訪菜式都非常驚喜✨餐廳特別嘅調味和烹調方法，令傳統的東南亞菜式變得不再一樣！唔止食到傳統峇里風味的美食，當中擺盤的心思，也包含了很多法式元素！材料又新鮮，龍蝦湯沒有額外加上忌廉，以椰子奶代替，健康得來有冇咁膩！咖哩海鮮鍋有龍蝦、魷魚、軟殼蟹等！醬料全部自家製，味道有過人之處。自家製的美食點少得手工意粉？好喜歡大閘蟹冬陰功意粉和咖哩海鮮鍋！另外必需要留肚食甜品，大廚即席整Roti, 除咗表演之外，味道都相當出色！加上home-made Thai tea Gelato, 就超級正！重點係有個人化plate painting夠哂有心思！提早send比老闆就會幫手畫🌷朋友好喜歡！見幾乎全場都係慶祝生日🎂環境和氣氛一流！所以餐廳唔單只係for 打卡嘅小店，食物質素仲相當有保證！父親節仲有特別禮物同menu，幾吸引！📍Le Chefeteria (銅鑼灣) @lechefeteria 銅鑼灣新會道4號4樓…查看更多