john1003的个人专页

呢間許願樹美食係串燒店黎，其實平時做完GYM都經過好多次，亦都聞到好香，不過成日最後都行過。今次終於的起心肝試試佢。孜然炸豬手，見佢推介，所以試下，不過黎到就覺得骨比較大，肉又係顯著特別多，食落去孜然味略不夠。茄子，每次係串燒店都係必叫既野，今次唔例外，呢個茄子都算大舊，味道足，蒜味重，啖啖肉感覺唔錯。肉餅飯，舊肉淋淋地，配硬硬地既飯，有層次的口感，比就咁正常肉餅碟頭飯好食D。豬頸肉，雞肉，牛脷，牛油金菇，全部野都有一樣共通點就係唔夠味，有機會係我地叫左少辣，佢地唔敢落太多孜然粉，不過撇除呢點，本身肉類整體都唔錯，唔會燒到硬哂好乾，豬頸肉肥肥地岩哂我，牛油金菇我算係孜然粉落我較為多果樣，可能師父驚金菇太清唔夠味。整體黎講，呢間串燒係可以一戰，同朋友一齊食係一個唔錯既選擇。…查看更多

今次黎到屋企人做野附近一齊食野，佢地帶左我黎呢間大叻越南牛肉粉餐廳，今次叫左炭燒豬肉撈檬連2件春卷，生牛肉河粉連2件春卷。小食就有越南蒸粉包，炭燒香茅雞扒同埋蒜蓉包。生牛肉河粉連2件春卷，黎到果陣牛肉已經熟左咁濟，變左牛肉河，食落去係已經好韌，好難咬開。而春卷就不過一失，D餡幾好肉，可惜就係已經凍左少少。越南蒸粉包，我個人本身就唔太鍾意食，不過今次食落去又唔錯，可以彌補生牛肉令我既失望感。炭燒香茅雞扒，呢個真係覺得好抵，而家出面食親D份量都係MINI SIZE，同呢到形成好大對比，而且味道非常好食，好JUICY，塊皮又脆，我覺得第日可以叫呢個自己加個白飯食就搞掂。蒜蓉包，非常鬆脆，唔會凍左就硬骨骨…查看更多

呢間餃子店係同朋友夜晚短聚時帶我去食，果時大約7點幾，鋪頭岩岩好滿左，不過好快有人食完就坐得入去。無記錯我應該叫左芝士PIZZA炸餃同埋豬肉餃，個麵係一黎係比較多料係面，湯就佔好少，我比較鍾意呢種食法，因為我平時鍾意食撈面同埋少湯既野。撈完黎食之後，個味道唔差，較為重口味，岩哂唔鍾意食淡野既人，個芝士PIZZA炸餃咬落去似係平時麵包鋪有既芝士比薩味，我感覺有種奇怪既感覺，但又幾特別!小店黎講，一定係合格有特，諗唔到食咩都可以考慮下食佢，頹食或者正餐都算係一個唔錯既選擇。…查看更多

朋友都係住係長沙灣同深水埗，自然都多左係呢頭食飯。有機會都想周圍試下新野，今次就黎左呢間偏僻少少既SECOND BITE。果日黎到無乜人，有幾張檯係到食，唔洗等位。今次叫左香煎海鱸魚燴飯同埋明太子軟殻蟹堡。雙色薯條。沙律。香煎海鱸魚燴飯，黎到的時候，條魚都幾香，食落去都幾滑，如果可以再腍少少就硬好，不過呢D係個人口味，整體條魚係唔錯的。不過有個地方令我地內心有少少燥左，因為呢條魚都等左好耐。但只係叫左兩樣野，竟然漏左，真係有D意外，不過食物質素係唔錯的。明太子軟殻蟹堡&雙色薯條&沙律，個包有埋我最鍾意既牛油果醬，加左唔少分! 軟殻蟹肉好有外脆內軟，隻蟹個SIZE都適中，好多地方D軟殻蟹係非常迷你的。呢到對比其他地方係大D既。薯條就有甜有鹹，幾脆。…查看更多

今次食呢間尖東既SEAFOODSTAND，位置好隱蔽，不過租應該好平，所以相應食物價錢都平。今次叫左牛油果吉列牛堡跟餐、鰻魚汁豬堡同埋水牛城雞翼。牛油果吉列牛堡跟餐係會有薯條同汽水，五十幾蚊係尖沙咀食到成個BURGER ET抵到爛啦! 薯條係即炸既，好脆好好食，不過好熱氣，哈哈!牛油果醬好多，同塊牛堡好夾，有交融既感覺，值得一試!鰻魚汁豬堡，果塊豬柳質感適中，唔太硬唔太軟，好JUICY，入面呢就有生菜以同醃左既白蘿蔔絲，係酸酸甜甜既，另外係仲有鰻魚汁係到既。水牛城雞翼，呢個小食入面係有兩件雞鎚同兩件雞翼，外面塊皮加汁係辣辣地，不過如果再濃D味就更加PERFECT。本身隻味係唔錯，入面D肉係滑，唔係超乾，有點JUICY。另外有埋藍芝士醬點黎食，不過唔係人人都鍾意藍芝士，叫果陣自己決定點唔點啦!…查看更多

呢間餃子屋每次繁忙時間必定大排長龍，塞住成條路，外賣都有排等。每次屋企人唔煮飯，得自己一個，蛋數會自己一個黎呢到買外賣返屋企食，唔洗同人迫。等既時間雖然長，但返到屋企慢慢食既感覺實在太正。我最鍾意就係叫香辣豬肉煎餃+米線。今次亦都唔例外都係叫左呢個，佢所有餃都好足料，好有肉感，咬落去係好湖足，食肉既一定鍾意食，加埋佢比既菜莆，味道更加提升，其他餃都係咁足料，而且價錢平，十分抵食，非常推介，不過真係好多人!…查看更多

黎到深水埗黎個平價美食之地，上至小食，小菜，串燒，下至甜品，一應俱全。果日返完工做完GYM之後，就諗食正餐，但係已經好夜，所以係附近食個串燒之後就搵甜品食。本身有一間食開的甜品鋪，不過已經無做，機緣巧合之下，就黎左呢間深深甜品。去到門口見到都有幾個人係到排，不過好才我地兩個人有位可以直接入，我地叫左叄元豆花(跟香草雪糕)同埋芒果西米露＋雪糕＋愛玉。叄元豆花(跟香草雪糕)，呢一碗有豆腐花、芋圓、地瓜圓、黑糖珍珠同紫薯西米。呢D一睇就知係女仔叫架啦，哈哈!芋圓同地瓜圓黏硬度好適中；而黑糖珍珠有重重黑糖香味，令我諗起呢排非常愛歡迎的黑糖珍珠奶茶，另外紫薯方面，紫薯味好濃，擺埋哂一齊個口感好多層次，好爽。芒果西米露＋雪糕＋愛玉，呢個係一碗個個糖水鋪都有既選擇，不過佢有得加配料，我加左雪糕＋愛玉。加$5就有大大份量甜甜地嘅愛玉真係好抵，撈埋落西米露更加好食，雪糕一樣好食。成碗糖水甜度適中，唔會過甜，值得再去。…查看更多

有一個問題成日比朋友問，就係荃灣好似好多野食喎，有D咩好推介啊? 老實講，真係唔係幾識答，今次同朋友係荃灣廣場睇完戲搵野食，見附近條街好似好多選擇，最後就揀左呢間莱茵河餐廳 ，因為本身鍾意食西餐，見到呢間未食過所以就想試下。巴馬火腿黑松露野菌溫泉蛋卡邦尼闊條麵，味道正正常常，但係好似唔係好夠CREAMY，不過有巴馬火腿吊一吊味，加返D分數，價錢黎講算係唔錯。墨西哥春雞西班牙式燴飯，舊雞肉整到好鞋，無乜肉汁，好乾，加上D飯都唔似燴飯，似炒飯多D，變左乾上加乾，對呢個菜式真係麻麻地。鐵板芝士炸雞配薯條，有好多芝士，但係其實芝士味好淡，不過配炸雞黎講，其實點都唔會話難食得去邊，雖然呢個都唔算好食，但係頭盤黎講合格有餘。…查看更多

鮭魚牛油果忌廉焗飯（＄78)） 以為會好漏，食落又唔係，上面有牛油果係到，非常健康，溝埋落D芝士飯到好夾。帕爾馬火腿片配牛油果冷製意粉（＄78) (無影相)呢個冷麵上面有青醬，襯埋帕爾馬火腿片都幾好食，佢仲有D粒狀既芝士撈埋一齊食，整體口感豐富。海鮮牛油果沙律（＄78)D海鮮數量都附合價錢，呢個沙律都係有牛油果，加埋生菜，感覺好清，幾開胃，汁方面都唔算太差，個人鍾意凱撒沙律個汁多D香草烤雞雜菌羅勒忌廉意粉（＄78) 呢個係一個普通既烤雞意粉，CREAMY基本野都做到，雞肉唔硬有肉汁明太子海鮮披薩(大)（＄98)明太子配海鮮係一個較清淡既選擇，鍾意濃味D既應該要揀其他。照燒雞蛋黃醬披薩(大)（＄78)呢個同和民個PIZZA應該係一樣既，而和民又係正隔離，所以我諗應該係果邊整完拎過黎既，呢隻味道濃D，D醬汁提升左成個PIZZA既味道，比較鍾意食呢隻PIZZA。…查看更多

同女朋友最常去嘅地方都係離唔開尖沙咀，女朋友又好鍾意食拉麵，但其實尖沙咀好多間都食過，去到7：30最旺嘅時間又一定要排隊，真係諗唔到唔流排隊可以去邊食🙈不過真係唔只係咪好彩，行行下經過一間拉麵店，而且仲係啱啱新開，人流唔多，唔流排隊，於是就入去試試，一入去到去就有位坐😂不過有啲失望嘅係因為啱啱新開嘅關係，所以供應量唔多，只係得返極牛拉麵，仲要冇晒糖心蛋😭不過入咗黎，就姑且試下啦😅.極牛拉麵配火灸（＄108)火灸即係燒過嘅牛肉，個味道好似食緊牛舌咁，好有牛味👍🏻而麵身好多彈性，好煙韌，個醬油湯底鹹度都啱啱好😋.極牛拉麵配和牛刺身（＄108)最大嘅分別就係換左和牛刺身，個刺身都幾鮮味，不過反而有少少韌😅如果你太怕洋蔥味搶喉，最好剔走左先🙈…查看更多

馬拉盞炒通菜無乜馬拉盞味，味道似普通炒通菜，正常應該係辣，但係完全無辣味出黎。泰北腸，最鍾意食呢條腸，第一次食覺得怪怪地，但後來覺得好入味，口感豐富，平時經過都會想諗住買黎食。生菜包，D生菜細到包唔到肉碎，肉碎唔辣，無味道，無調味料，夠哂''健康''啦!豬頸肉，正正常常不過有幾塊都較韌，點左汁會好食D串燒，雞牛蝦餅全部無味，所以真係健康泰式餐廳，食完過兩日肚痾都唔知關唔關事!價錢係呢個地方黎講其實都算有點偏貴，而且隔離果D餐廳都唔算差，會有競爭。…查看更多

平時好鍾意周圍去食BURGER，今次黎到呢間MY BURGER，店仔細細但係D BURGER幾有水準。叫左牙買加辣雞漢堡，大隻佬漢堡，薯條。牙買加辣雞漢堡，張相已經明顯見到塊雞扒有幾大塊，仲用左香辣香料醃製，過口癮一流！！！兩塊包皮都焗過，食落去外脆內軟。不過如果你小辣都唔得，就應該揀其他野食啦，食多幾啖個辣味仲會更出添。大隻佬漢堡，呢個包既料係由牛肉，沙律菜，蕃茄，芝士，紅菜頭，流心蛋，煙肉，洋蔥組成。不過我走左紅菜頭。呢個包可以用JUICY黎形容，好有肉汁，有層次感，流心蛋太流心，食食下唔為意漏哂落隻手同隻錶到，搞到有D狼狽。不過值得去食呢個包，呢個價錢好抵食。薯條正正常常，好脆。…查看更多

平時只會搭車經過香港逸東酒店，完全唔會特登行過去，今次有朋友介紹就一齊去左食，本身以為係一間鋪，原來有個FOOD COURT係入面，仲要選擇都唔少，又唔算多人，可能真係太隱蔽。由於今次太肚餓，所以叫左好多野食，分別有生牛肉牛筋片湯粉、特式牛湯粉、越式燒豬頸肉、越式香茅雞扒、扎肉、牛油果奶昔、椰青。生牛肉牛筋片湯粉，生牛肉好重牛味，食落去唔會韌，牛筋片較幼較淋，口感好似食緊脂肪咁，不過好正。特式牛湯粉，有好多款牛都結合哂係同一碗野到，樣樣野都可以試少少可以滿足到開心SHARE既需要。呢一碗有生牛肉、牛坑腩片、牛筋片、手打牛丸、牛腩邊、牛柏葉，配埋河粉。只係叫左REGULAR SIZE，其實份量已經好多了，一定夠飽!牛丸好好咬口，有肉食的確好極。越式燒豬頸肉，睇落去好油，食落去無乜重味道，可能我本身食得濃，覺得無味。越式香茅雞扒，煎得好香，塊雞皮好脆，肉仲係好滑加埋D調味配料，非常好食。扎肉，普通野食，正正常常。牛油果奶昔，味道唔錯，不過如果牛油果比例多返D會好好多。椰青，好甜好清!…查看更多

南乳骨，非常乾身，又無汁，口感有點兒硬，所以呢個之後我唔會再叫。蒜容蟶子，呢個蟶子好多蒜好多蔥，撈埋飯食非常一流，肉方面都算滑身，口感好爽口。腐乳通菜，我唔食腐乳，不過朋友叫到食啦，原來呢個炒完都唔多覺有好多陣味，反而味道都幾岩我，最後都食左唔少。黃金鮮魷，呢個略嫌唔夠黃金，鹹蛋黏唔住個鮮魷，變左單食魷魚既話，口感就會差D，不過手動將蛋黃撈埋一齊就好食好多，呢個係我平時都會叫既一款餸。薯仔牛柳粒，呢個就必叫同埋最好食既野，個薯仔係十級好食，外脆內軟，份量好多，其實主要係食個薯仔，牛柳粒係其次，不過牛柳粒方面就唔算太韌，不過不失。薯仔完全遮住牛柳粒既缺點。…查看更多

呢間鋪頭附近有好多食肆選擇，例如西餐廳、泰國野、串燒。我經常黎開呢頭，最後都係揀呢間懷舊餐廳，因為食既係食人情味。味道只係其次，但好幸運既係，呢間餐廳食物質素非常不錯，好多炒野煎野都食得出獲氣，今次就叫左燒春雞黎食，平時我通常叫鴛鴦雙焗飯，因為每次食完都好有滿足感。同區其實有間類似既懷舊餐廳，個名係叫雪山冰廳，以前佢都係懷舊既裝修，不過經過時代既洗禮，佢都終於變左新式裝修既風格了。今次呢個燒春雞係第一次食，份量好大，炒飯均勻，燒春雞個皮好脆，好似當紅炸子雞咁既味道，D肉都算滑，不過有進步空間，呢到D野食價錢都好平民化，試過叫扒餐好似大約75蚊，但塊好大塊，好飽肚。呢到環境雖然比較不整潔，但其實可以接受的，同埋呢D格局都算係舊式餐廳既其中一個特式，希望呢間餐廳都可以長期KEEP住做落去，因為呢間都算係我既飯堂LIST之一。…查看更多