莱茵河餐廳

有一個問題成日比朋友問，就係荃灣好似好多野食喎，有D咩好推介啊? 老實講，真係唔係幾識答，今次同朋友係荃灣廣場睇完戲搵野食，見附近條街好似好多選擇，最後就揀左呢間莱茵河餐廳 ，因為本身鍾意食西餐，見到呢間未食過所以就想試下。
巴馬火腿黑松露野菌溫泉蛋卡邦尼闊條麵，味道正正常常，但係好似唔係好夠CREAMY，不過有巴馬火腿吊一吊味，加返D分數，價錢黎講算係唔錯。

墨西哥春雞西班牙式燴飯，舊雞肉整到好鞋，無乜肉汁，好乾，加上D飯都唔似燴飯，似炒飯多D，變左乾上加乾，對呢個菜式真係麻麻地。

鐵板芝士炸雞配薯條，有好多芝士，但係其實芝士味好淡，不過配炸雞黎講，其實點都唔會話難食得去邊，雖然呢個都唔算好食，但係頭盤黎講合格有餘。