今日約埋朋友黎呢度試下lunch set，由12:30pm 入座點完餐我朋友差唔多等到1點先有野食送上，而我個份遲遲未到。當我留意到旁邊既客人遲我十幾分鐘點餐，點既係同我一樣既餐，而佢係1點左右收到野食；我已感到不妙並向職員反映，點知得到既回應係佢地送錯餐去其他客人檯上，仲講會即刻煮過份比我，我以為會好快，點知一等就等多20分鐘都未到。作為一位普通既上班族，我只有一小時既食飯時間，一間餐廳由落單到發現出錯到更改足足50分鐘都未等到野食我覺得已經好離譜。但沒有最離譜只有更離譜，係1:25 pm 正當我取消order 準備要餓住肚趕番公司之際，發現呢間餐廳居然因爲我飲左餐湯而要收我錢，仲要係收我正價價錢$45。一個set lunch 只係$85，因為餐廳出錯令到遲遲上唔到主菜最後仲好意思問客人收番餐湯正價價錢。先唔講個湯好唔好飲，但一杯裝唔滿既餐湯要收咁既價錢仲要成個鐘都比唔到野食客人都仲好意思收錢係未合理。如果你係因爲知我趕時間唔好意思係餐廳同你理論既你成功左我的確係好趕時間要翻去我既辦公地方繼續做我小職員要做既事，但唔代表整件事該餐廳及職員處理恰當。一間餐廳既形象就係因為咁既服務態度令人感到失望，就算野食有幾好食環境有幾舒服都補唔翻，完全唔會推介比身邊朋友及同事。不可一！不可再！
…查看更多
…查看更多
