eating is the best的个人专页

有屋企人生日，講明想食海鮮。有朋友介紹呢間，好介紹。有兩個套餐，我地叫左PARCO 發板餐$398。先黎個刺身併盤，職員話象拔轉做龍蝦。龍蝦好新鮮，刺身都好正。其他海鮮都好新鮮，不時不食，唔怪得咁多人。我最鐘意食瀨尿蝦，望住郁下郁下好新鮮。如果有興趣，記得預早留位。:)…查看更多

第一次去Airside行街, 行到咁上下當然要醫肚。😁發覺好多間餐廳都要排隊，見到呢間拉麵舖，入去試一試。🙂我叫咗橫濱終極Max拉麵，一份餃子。拉麵湯底好濃，我就覺得咸左啲，肥左啲。:(叉燒就真係比較肥，肉小。🫤可以改善一下。:)餃子唔夠熱，不是脆皮。🙁味道就正常發揮。有好大進步空間。😬希望佢可以做得更好。:)…查看更多

慕名而來的，而家成日睇YouTube都見到呢個老闆，諗住有嚟試吓。入到間餐廳，裝修都幾得意，本來職員叫我哋坐門口嗰張，我哋企喺度猶豫咗一陣，經理就話入邊都有位，原來入邊仲有好大，坐低咗卡位，後面仲有一間房，餐廳寬敞闊落。我哋叫咗一個芝士四重奏pizza, 炸魷魚圈配他他醬，加菲貓最愛牛肉醬千層麵。三個人，食到一半覺得唔夠，即刻加多一個T-Rex pizza.芝士四重奏pizza： 芝士味當然好重，我係芝士愛好者，啱晒! 薄批應該係意大利傳統批，不過對我嚟講，唔夠飽😅炸魷魚圈配他他醬：魷魚圈竟然好腍，唔係好有咬口。不過張粉黐住魷魚，唔會好似有啲餐廳可以分體食。加菲貓最愛牛肉醬千層麵：都係多芝士，始終肉醬同闊條麵係好夾，冇得輸T-Rex pizza： 呢個Pizza偏辣，好似比其他西餐嘅辣肉腸辣一點。比較濃味。…查看更多

今日去青衣有啲嘢要做，好少嚟青衣嘅我，都試下入嚟搵食。大部份都係連鎖店餐廳，心血來潮又想食辣嘢，所以搵咗一間泰國菜。我哋叫咗一客一人冬陰功湯，一個西貢鮮茄蟹肉海鮮湯檬，一個鮮蟹肉扎肉炒粉絲。冬陰功湯：正宗冬陰功湯，夠酸夠辣，特別一讚，入邊有兩隻大蝦，幾新鮮彈牙。西貢鮮茄蟹肉海鮮湯檬：湯底幾濃味，蕃茄酸酸哋都好開胃，蟹肉都算多，我覺得好食嘅。鮮蟹肉扎肉炒粉絲：粉絲太濕，好少扎肉，蟹肉都ok。不過粉絲實在係炒得太濕，所以影響質感。我覺得可以改善一下。…查看更多

之前上網見到介紹拉麵，呢間好似幾好味，就特登搭車過去。都唔算近地鐵，到步後發現鋪頭細細，3:30到都要排隊。:(排隊嘅時候已經揀定食物，主要係三種麵，可惜今日沾麵賣晒。我哋叫咗一個鯛清湯麵，一個鯛白湯麵，一個炸鯛魚皮。鯛白湯麵：白色湯底，好濃味，感覺真係冇味精，好濃嘅魚味，上面既魚好鮮味，再混合洋蔥、湯，一啖食落去好正。每一啖麵都浸滿湯一口過，好味。碗邊黃色嘅係柚子醬，如果覺得個湯太濃味，自己條配加柚子醬。有一片叉燒，正常發揮，都係個拉麵好味。:)鯛清湯麵：我無食呢個，不過飲咗一啖湯，估唔到顏色咁清，鮮魚味都好濃。佢就唔係creamy嗰種，不過襯埋拉麵都好味。炸鯛魚皮: 薄薄得兩片鯛魚味，炸得香脆，不過冇任何飽感。😐總括嚟講，好食嘅，不過交通不太方便，去開中環會考慮再黎。…查看更多

今日心血來潮，想食牛扒，本來諗住去太子老字號扒房，去到門口超級多人，上網搵到呢間就去試吓。:)去到門口，都唔夠膽入，我哋食晚餐，門口冇大招牌，有支紅色光管，喺呢啲區，唔敢亂入。:(如果有清晰嘅招牌就好啲。我哋叫咗安格斯Prime 西冷配烤大蒜，香草羊架配脆薄荷葉（6支骨），黑松露和帕瑪森起司炸薯條。:)我個西冷到咗先，都幾鞋，有啲失望。我都覺得有啲出奇，講明係扒房，點解幾成熟都唔使問，用QR code落單，都可以有呢個選擇。😡目測塊扒都有八成熟。😐朋友叫咗羊架，我食咗一支，好味過牛扒。肉味有蘇香，都幾腍，不過冇乜香草味。:(另外嗌咗個薯條，正常發揮，有芝士都幾好食，黑松露醬都香，不過嗰個沙律醬唔係好岩我。:(另外食物都要等幾耐，薯條到先，另外兩份扒就要等好耐。…查看更多

今晚喺旺角行街，喺朗豪坊想食西餐，呢間都係唔錯嘅選擇，好彩唔使等位，即刻衝入去。我哋叫咗牛舌粒蕃茄肉汁會沾麵，焗三重芝士通粉，卡邦尼煙肉意大利闊條麵。牛舌粒蕃茄肉汁會沾麵：話牛舌粒，其實牛舌片，仲要有好多片，肉味夠腍，感覺好抵食。:)棉質比較彈牙，同平時意大利粉有分別。焗三重芝士通粉：超級勁芝士味，真係要快快食，耐咗就芝士就開始凍，會開始硬，芝士就會好漏。:(雖然我係芝士控，不過呢個芝士太厲害，頂唔到。😅卡邦尼煙肉意大利闊條麵呢個汁好好味，面頭嘅芝士片好味，係正常發揮。:)不過旺角太多選擇，喜歡西餐嘅可以一試。…查看更多

去左九龍灣行街，晚餐想食西餐，見唔算太多人，就排呢間，約等左10分鐘。叫左3個主菜，兩份加$58有小食同飲品。龍蝦汁鳳尾蝦意大利粉，幾好味，蝦都幾彈牙。日式燒汁西班牙豚肉長通粉，係日式章魚丸汁，怪怪的。🤨意式風乾火腿蜜糖柚子簿餅，好甜，太甜，好似食甜品。😅而小食就有呢兩款:…查看更多

係apm行街，呢間唔使等位，仲坐得幾舒服。其實我最鍾意食呢個包，唔知可唔可以免費添食，不過同家人一齊食，我次次攞兩件。紐西蘭羊架，好淋，香羊味，有配菜，薯蓉都好滑，有3件都ok.🙂另外叫左番茄羅勒水牛芝士薄餅，每次都一定叫，好味，芝士襯蕃茄汁，正，掛住食，無影相。😅…查看更多

假日晏左起身，晏啲食午餐就小啲人。知道觀塘有間食咖哩比較地道就去試吓。奶油咖哩牛脷+蒜蓉烤餅，奶油味香，牛脷超淋，咖哩汁唔太辣，好多香草味，當然之後好口渴。😅我覺得配蒜蓉烤餅好味，好多塊，食完好飽。奶油咖哩雞 + 蒜蓉烤餅，個汁其實一樣，雞就比牛脷遜色，下次會上牛腩或羊肉。…查看更多

一向都係打邊爐粉絲，今日有事慶祝，都係諗起打邊爐。知道九龍灣有新店就去試下。新店係光猛啲，樣樣都乾淨啲，職員服務態度好。多食物飲品選擇，牛肉都好新鮮，開心有綿花糖自己整。有新味雪糕，雞蛋仔味，淡淡地，都幾得意。…查看更多