The Steakhaus

营业中

休息中

今日心血來潮，想食牛扒，本來諗住去太子老字號扒房，去到門口超級多人，上網搵到呢間就去試吓。去到門口，都唔夠膽入，我哋食晚餐，門口冇大招牌，有支紅色光管，喺呢啲區，唔敢亂入。如果有清晰嘅招牌就好啲。我哋叫咗安格斯Prime 西冷配烤大蒜，香草羊架配脆薄荷葉（6支骨），黑松露和帕瑪森起司炸薯條。我個西冷到咗先，都幾鞋，有啲失望。我都覺得有啲出奇，講明係扒房，點解幾成熟都唔使問，用QR code落單，都可以有呢個選擇。😡目測塊扒都有八成熟。😐朋友叫咗羊架，我食咗一支，好味過牛扒。肉味有蘇香，都幾腍，不過冇乜香草味。另外嗌咗個薯條，正常發揮，有芝士都幾好食，黑松露醬都香，不過嗰個沙律醬唔係好岩我。另外食物都要等幾耐，薯條到先，另外兩份扒就要等好耐。