alfred232005的个人专页

今日食LUNCH 行左上去石籬商場入面既椰林閣, 佢個lunch 餐牌基本上成個月都唔會點變都係呢幾款,我點左A餐－黑椒汁牛柳，我係無肉歡既人所以唔係食牛就係食豬。雜菜湯個味夠濃少辣，有紅蘿蔔同其他雜菜。餐包最緊要夠熱個汁ＯＫ唔會太過辣，牛柳都算幾"林"唔會咬唔開個種，整體價錢同食物都係合理範圍內。…查看更多

今晚夜回家，附近店舖關得七七八八，得番間２４小時既翠華，無得選擇下照食成個晚餐總計７０蚊，比一般港式茶餐廳貴少少，不過以前食過佢Ｄ晚餐扒餐都ＯＫ既不過有選擇既話好少去。咁凍既天氣最好叫番杯熱飲暖下身。奉送油豬餐包(小)平時叫個Ｄ大個呢個２倍左右不過好像要１７蚊個，超貴。羅宋湯個味較得ＯＫ，唔太辣再濃少少會較好，當然唔可以同Ｄ高級餐廳比。寶雲蘇烤豬扒，其他面頭個Ｄ配料咬落去有Ｄ"聲"味，攪到我要剷走晒面頭個Ｄ配料佢唔加面頭個Ｄ配料落多Ｄ洋蔥汁會更好，始終係茶餐廳攪咁多野做咩，又唔係要做高級餐廳。…查看更多

今日過海本來諗住去波記見識下聞名以久既燒鴨肶瀨，點知星期日唔開，於是走左去對面市政大廈熟食中心，打算睇下個間老闆好過癮既四川美食。當然早餐都未食，無理由走去叫條巴蜀烤魚，於是坐低叫左D例牌茶記乾牛河加咸魚雞粒炒飯，見唔少阿伯阿叔幫襯叫魚餐，一條魚加碗飯再加個例水$35真係超值，條魚仲任叫整法添。唔怪得枱枱都叫啦。等兩碟野黎既時候，見唔少水煮菜，於是又忍唔住叫左個水煮肥牛鮮魷，一個拍青瓜。兩碟炒飯炒河，碟頭唔少，味道亦唔錯。拍青瓜個汁幾好味又唔太辣，不過就拍得唔夠爛。個水煮肥牛鮮魷係用面盆上，嚇得我倆個人點食，但其實肥牛鮮魷唔算好多，反而成盆芽菜辣椒，我揀中辣但其實都唔算太辣。最衰遠，唔係下次過黎食晚飯試下佢個烤魚。…查看更多

荃灣綠楊開左間MX2，食嘅野同普通美心唔同，裝修靚好多，價錢都靚D時尚好多和風板上燒 黑椒牛肉·雞肉飯（$52連麵豉湯或汽水）麵豉湯好咸，好有pepper lunch嘅感覺，不過無叫到最後要左海南雞飯海南雞飯+冬瓜湯+柚子汁椰菜沙律（金桔話梅冰系新開張優惠券送嘅，無話梅味，只有金桔濃縮果汁味）（$45)飯差過泰國餐廳，有色，無咩味但雞好滑湯就無飲到！…查看更多

飯系珍珠米，滑蛋唔係普通西餐嘅炒滑蛋，雞肉普普通通，但缺點系太多水凍檸茶個飯系送嘅，不過其實系雀巢果D現成檸檬茶鐵板粟米帆立貝，有D腥鐵板咖哩煎餃子（唔記得正式名，煎得香脆，仲有芝士）宇治金時抹茶軟雪糕北海道3.6軟雪糕好滑，但配紅豆就過甜兩粒麻薯煙韌裡面有脆脆嘅粟米片…查看更多

要吃上海菜，以往太子，旺角，灣仔那些店如三六九，一品香，老正興的，很多都關門大吉，代之而起的是裝修華麗，別具氣派的菜館。老式的通常是傢俱太舊，且又搭檯，沒有太多私人空間，但份量夠，濃味十足。而裝修得美輪美奐的新式上海菜館，那些小菜通常比較小碟，但客人的私人空間會更被重視。時宜世易，香港人接觸上海菜的日子好長，但社會日漸富裕下，對吃上海菜的要求甚至對菜館的要求都大大提高。在外知名的鼎泰豐，其實服務十分稱心，由斟茶遞水，待客細節上十分周到，視客人為至賓。服務上真的好有系統，好貼心。始終食物質素才是最重要的考量，先來一個四喜烤麩，我覺得可以更好，始終味比較淡，未夠濃。涼的程度恰可。而且不水汪汪的，但確實不夠甜，吃下去都很利落，只是那種甜味引得不夠，個人認為打了折扣。皇牌菜式-小籠飽與蒸鮮蝦餃，賣得比其他店貴，但貴得來確實亦有它的道理。皮夠薄，蒸出來夠滑，且夾起後皮亦沒有穿，內裡豬肉不肥膩，肉汁不會嗆口灼口，吃下去好順滑，少少醋，吃得一氣呵成。通常在外吃小籠飽時，有時外冷內熱，有時肥油太多溢瀉出來，但此店的就沒有此情況出現，我個人十分喜歡這兩道菜。湯麵，湯是另上的，麵底好均勻，而且吃下去好幼滑，湯本身不太油，而牛燉得十分腍。吃下去好軟綿綿，十分好吃，味很清新。接下來的素菜包就平平無奇，只是菜切得比較幼細，沒有太大驚喜，平實的一道菜。較為失望的一定是排骨蛋炒飯，問題不在於排骨，厚度適中，燒出來剛好，不算油膩，而且好均勻，惜飯底出了問題，用上東北米，完全發揮不到那種炒的功力同鑊氣。炒飯炒不起粒，炒飯用上東北米，黏性太重，炒出來不夠乾身，吃得時候不夠爽，選材上完全幹不了炒的神髓，實在失望。伴茶用上淡淡的青茶，滬江特色，惜與香港的氣候不太夾。始終下油菜式多，黑茶可去油膩呢。不過，整體菜式上吃的味蕾好清新，但從清新的感官中，吃到不同菜式的質感，有滑有熱，有冷有腍的。不錯的一頓飯，令我的味覺不時拼湊起來。…查看更多

講真，本人極不喜排個幾兩個鐘頭隊，去食一件野...就算幾好食都係假...如果呢間店唔係係我屋企附近，我都未必去食... 廢話少講...講下碗麵先...湯底：豬骨濃湯確係出色，濃度對我黎講係適中，可惜較油一點，但這算是日本拉麵0既特點之一，喜歡它的便要接受。麵質：唔算特別爽口彈牙，本人較喜歡公仔麵咁0既質感，可能你會喜歡。叉燒：瘦，唔會好似豚王果 D 一塊肥膏咁，但沒什麼味道半熟蛋：講真，我覺得熟左少少，唔夠流心...我食過最好食的，暫時都係以前銅鑼灣 888 拉麵果隻蛋...夠哂入味同流心！荀：鮮嫩夠味，呢個讚！餃子：一般水準，可以不叫。…查看更多

呢間日本人打理的店，位置於深水埗警署正對面，見佢新開，入咗去試試。款式唔多，裝修唔算豪華，但勝在有特色，店員有啲係日本人，主理的部份也是日本人。價錢係貴少少，但勁大碗，女仔一個人係食唔晒。仲有入面只有水供應，無免費茶，一係加錢要飲品。味道方面都ok，食完個口好大陣蒜味，各位可以加少少醋食，就是圖中有條魚浸響入面個樽。大家如果中意正宗日本拉面，可以一試，但因款式唔多及價錢唔平，我寧願周圍去試其他新嘢。仲有呢間店好似唔收八達通的。…查看更多

今次難得抽時間約食lunch原來去哩度....哩間酒店招呼貼心之餘唔煩雖然唔係我最愛一類裝修但環境的確不錯，有open kitchen首先送上麵包橄欖油非常香再送上小食，炸物，foie gras，配麵包嘅牛油有鹽和無鹽兩款龍蝦湯泡泡咸少少頭盤半生熟青魚配raspberry jelly主菜名太長，係豬肉卷甜品Grapefruit sorbet好味配茶嘅 Petite Fours…查看更多

首先要講d 職員個個都超級快手快腳，但又唔入"砰砰彭彭"個種，勁!!!每份餐都包餐湯(紅/白)，餐包(跟牛油)，主菜，餐飲(可選紅豆冰/什果涼粉)，甜品(啫喱/雪米糍)湯: 個紅湯好多料，食埋個餐包都飽左3成。主菜 : 我點左牛，7成。係鐵板上放多陣9成都黎梗，但肉都唔老，仲食到肉汁。羊肉偷食左一啖，太so的羊我食唔到，這個我都食到。餐飲 : 選左紅豆冰，普通過普通。甜品 : 未到9點已經無晒啫喱，得返雪米糍，係出邊買返黎的大路貨仔。結論 : 味道ok, 以咁嘅價錢黎講都好抵食。晚餐時間就一定要排隊等位，除左頭幾個係企入餐廳等，其他都要排到出街，餐廳係大馬路隔離，少d耐性都未必等到，唔想等咁耐就早d黎。…查看更多

今日一早打左黎訂位, 呢到類似私房菜型式咁, 可以自己話每人300 400位都得今晚同朋友都係食左大約2百幾蚊左右, 唔講咁多住去相!!!今晚食既餸菜單, 價錢合理, 最緊要好食!!沙津黃金流沙蝦球，碟蝦球黎到之後我呆了一呆， 唔係掛 $25/隻 咁大隻?wtf  拎左餐單望一望原來真係25蚊隻， 我仲以為自己攪錯左, 起外面好多連鎖中式酒樓 同上海菜餐廳都有類近黃金蝦球既菜式，但個價錢可能差左一大距離。外層有少少炸蒜粒炸，咬落口表層夠鬆法，咬落口感爽口又彈牙隻蝦夠新鮮無雪藏味，因為自己本身比較鐘意食蝦，試過食其他酒樓既蝦有雪藏味又食過咬落去似老蝦又試過。頭抽煎大花竹蝦，一咬落口有頭抽＋美極豉油感覺味道，岩晒我。因為我係可以豉油撈飯個種人黎。個豉油汁調教得岩岩好，隻蝦有大半隻手掌咁大，新鮮！！抵食　必吃重頭戲主角－辣蟹舫炒蟹即係出面既避風塘炒蟹，２隻咁大既蟹只係７８０？唔敢講到跳樓價但絕對係平民價。因為起尖咀食過同一款既蟹份量可能重少ｄ價錢係呢到兩倍有多。極多蒜容粒蟹肉夠鮮味，其中一隻蟹鉗比我食左，又多肉多夠鮮味，唔知係咪蟹哥運動得多所以D蟹肉咁鮮甜。臘味炒田園蔬，出自有機田園，我本身係比較少吃菜既人，但見岩岩食完炒蟹都幾熱氣所以食番幾條菜幫補下，唔食由自可一食點解咁甜Ｄ菜後尾個部長先話番我地知係自家種既有機菜，真係堅好食好甜唔吃菜既我直接幫佢清袋。避風塘海鮮炒飯遇到我呢個飯筒當然唔少得整個炒飯食，因為我晚餐唔食飯會肚餓到時就要食宵夜。個炒飯用左蟹酒辣椒醬炒好入味感覺到少少辣既香味食落口又唔辣，加上味精唔重。忍唔住一次食左三大腕。果盤唔解釋是日糖水－木瓜雪梨雪耳糖水食到飽一飽，整腕雪耳糖水岩岩好夠晒下火，今次同朋友食下次一定會帶屋企人黎試下平民式辣蟹，正！…查看更多

心血來潮想吃生蠔，揾揾附近出色的生蠔餐廳，網上風評最好的便是這間位於大埔安慈路的生蠔餐廳，即搭車來一試！簡潔裝修，座位二十來個，難得的是Walkin有位。待應哥哥不停為我地推介off menu 的隱藏龍蝦套餐，但我地重點在生蠔並不理會，最後點了個生蠔拼盤$258﹐加晚市套餐一個兩份分。套餐$250﹐主菜點了美國安格斯肉眼，軟身肉味濃。套餐$250﹐主菜點了美國安格斯肉眼，軟身肉味濃。生蠔是南非Namiba及Rolex﹐蠔肥美大隻，海水味濃夠Creamy﹐極正，過足口癮！拼盤六隻蠔六隻翡翠螺，抵吃！…查看更多

四海游龍， 酸辣湯水餃麵。酸辣湯底， 酸又不酸，辣又不辣，唔知想點！而且，個湯居然係甜的！ 無錯，甜的！湯底又落大量粉，令到成碗麵槳埋一齊，一'舊舊'！不知所謂， 成碗麵吃一啖後就放低！永不幫襯！…查看更多

見耐無出街打邊爐，今晚就黎呢到試下。位處土瓜灣但地點比較僻，打電話訂左位黎到就有位坐，比左卡位，都算舒服。兩個人叫左個胡椒豬骨湯底，三四舊大筒骨，有馬蹄，粟米甘荀，味道唔錯呢個真係好正，牛味濃，又唔奀。魚卜，水餃併苟菜餃，肥鵝腸。魚卜新鮮自然好味唔腥，餃都唔錯，肥鵝腸睇樣就知對辦，唔係急凍得層衣既把鬼貨色。豬什併盤，有豬潤、腰、肚、粉腸，都無異味，新鮮唔錯。最後仲加左個菜籃同響鈴，響鈴剛炸出黎，又脆又香。成晚服務唔錯，侍應收碟換碟都自動自覺。埋單七舊幾，唔算平但可以接受。…查看更多

中環盈置大廈 呢間burger 我自己都係第一次食, 咁岩去aia 嘉年華前醫一醫肚岩晒平時起屋企附近個間burger king 都覺得d 薯條好好粗,夠粗又夠脆,因為有一排burger king 係轉左幼薯條好難食.呢d係新coupon 過幾日可以用架喇, 去到記得要問職員拎照燒豬柳包, 個汁好食少少甜, 豬柳加埋汁口感好好, $27蚊個餐黎講我覺得算係超值而家起港島食個飯無50蚊走唔甩一樣都係粗薯條, 不過呢間炸得真係痳痳地, 外唔脆, 薯條唔脆係死症我屋企附近南豐廣場個間, 每次吃都係外脆內軟, 咬感一流!!如果以評分黎講 南豐個間9.5分 中環呢間最多值4分…查看更多