每份餐都包餐湯(紅/白)，餐包(跟牛油)，主菜，餐飲(可選紅豆冰/什果涼粉)，甜品(啫喱/雪米糍)
湯: 個紅湯好多料，食埋個餐包都飽左3成。
主菜 : 我點左牛，7成。係鐵板上放多陣9成都黎梗，但肉都唔老，仲食到肉汁。羊肉偷食左一啖，太so的羊我食唔到，這個我都食到。
餐飲 : 選左紅豆冰，普通過普通。
甜品 : 未到9點已經無晒啫喱，得返雪米糍，係出邊買返黎的大路貨仔。
結論 : 味道ok, 以咁嘅價錢黎講都好抵食。晚餐時間就一定要排隊等位，除左頭幾個係企入餐廳等，其他都要排到出街，餐廳係大馬路隔離，少d耐性都未必等到，唔想等咁耐就早d黎。
