koh012的个人专页

有個朋友話想食燒肉，但係又見到韓國燒肉係有咁多餐廳，又因為而家其實疫情，又想搵一間就會打咗針又會做好少少防疫措施嘅餐廳，所以就去咗炑八啦， 雖然等朋友等耐咗，但係上啲菜式係都叫店員等陣先上， 等到朋友嚟到先上菜，我坐左咁耐啲店員都唔介意我坐，服務態度有非常之客氣， 一開頭佢哋已經上好曬啲韓式嘅小菜，有醃咗嘅蘿蔔啦，泡菜啦，同埋麻油既芽菜呢啲，如果唔上真係都唔算唔正宗嘅韓國餐啦， 啲泡菜都幾甜唔辣得太過份， 之後佢哋就上個神話啦，本來就係兩個人食嘅份量係啱啱好，但係佢一上咗去就見到啲肉嘅份量多到一個點，佢啲牛肉同埋豬肉我都覺得佢有用雪梨嘅汁嚟醃過，落去有一陣鮮甜而又唔會有血肉嘅味道…查看更多

依家六點後禁堂食，所以唯有趁五六點快啲去餐廳搵個位食下晚餐。天后呢一間近近地地鐵站， 而且又近巴士站食完飯之後又可以快啲返屋企！而且見到佢哋餐牌嘅食物都比較健康，所以都食咗唔少次。我自己就嗌左個牛肉飯，佢啲飯超級多，而且啲牛肉食落去都食得出好入味，而且佢啲菜都好多，食落去咁先有營養㗎嘛！而我嘅同事就嗌咗一個藥膳湯底嘅台灣手工麵，佢俾嘅雞好多， 而且個湯底好濃郁，飲咗成個湯底都唔會好頸渴。之後我哋嗌左三隻雞翼做小食，都幾大隻。跟餐仲有飲品，超級大杯， 啱晒我呢啲成日食嘢要飲超多野嘅人！…查看更多

聽日喺旺角行完街之後想食漢堡包，見到一間餐廳好鬼多人，所以就想入去試吓！佢入邊除咗有漢堡包之外亦都有啲意粉或者all day breakfast，我同朋友就嗌咗一個漢堡包同一個意粉！漢堡包仲配埋薯條，係好粗身嗰種而且亦都唔會好咸。漢堡包入邊啲料超級足，啲蔬菜亦都好新鮮個包亦都好鬆軟。而且入面嘅醬唔會好多搞到好滯。而我哋都嗌左個卡邦尼意粉，份量中等，而且我好鍾意佢煮得好入味，唔係嗰種淨係用一啲汁撈埋嘅味道。餐廳仲可以嗌一啲花茶飲，我自己就嗌左杯洛神花，佢仲配備左一啲蜜糖令到成個感覺好舒服！…查看更多

食三餸飯嘅地方，原來環境都可以咁好！好似去咗啲西餐廳咁，服務又好，而且食物種類好多，仲要食落去唔會好鹹好油 。我哋大概11點去到，仲有早餐可以俾我哋選擇，甚至見到佢有啲$20左右嘅下午茶餐，下次真係要黎食！我就嗌咗個沙嗲牛出前一丁餐，分量多而且好豐富，沙嗲牛個面一份量超級多，一個半左右咁多嘅麵底，而且仲配左炒滑蛋、牛角包、雞扒同沙律菜等等，我食完之後都唔使食午餐啦！沙嗲牛份量好多而且係一塊塊牛， 完全係俾足料！而我朋友就嗌咗個三餸飯，茄子係有少少辣但係可以接受，而且亦都唔會好鹹好油， 呢個位真係好少三餸飯可以做到！而且每一個餸份量都超級多，我覺得多到就算同多一個朋友食都夠嗰種！下次如果有機會嘅話都想試埋佢其他肉類，仲見到佢有啲蒸魚可以揀添！…查看更多

冇諗過屯門餐廳都咁多人要等位，去到嘅時候大概都要等半個鐘左右先入到去，可想而知呢間餐廳質素應該都唔差。餐廳啲侍應都好忙餐廳嘅選擇都幾多，即使我唔太食辣，我都有其他選擇。今晚我想食得清淡啲所以同媽咪兩個帶咗涼拌青瓜、糖醋肉骨等等。但係見到隔離枱食嗰啲，其實都好惹味！先講吓呢碗麵，份量都好多，而且佢嘅面積都幾彈牙，清清淡淡配埋啲餸食！呢個涼拌青瓜真係超級好食佢啲蒜香好重，而且啲青瓜都好新鮮，好脆身，好有咬口！…查看更多

想食台灣野又未太去到既時候， 梗係喺香港搵啲窿窿罅罅嘅地方睇下有冇台灣麵啦， 喺天后又唔係有咁多地方可以食到台灣嘅， 見到有間餐廳標榜著健康養生湯底， 梗係同朋友一於去試下啦，一參到去鋪頭，朋友就話有啲中藥味， 我就梗係話咁樣先正鐘宗啦，如果唔係點樣養生呀， 同埋舖頭嘅防護措施做得好好，仲有提供紙袋放口罩同量度體溫，每一台四位隔開， 真係可以令到食客安心好多， 我同朋友就叫咗個蕃茄湯底嘅養生湯麵同一個鍋燒牛肉飯，仲有豉油雞翼， 估唔到連番茄湯底都放咗養生嘅藥材， 惹味得呢仲有啲中藥味， 鍋燒牛肉飯啲牛肉炒得恰到好處，真心可以食多幾次…查看更多

本來淨係諗住飲一杯手搖飲品但係見到佢有個$98嘅套餐覺得好抵食 所以就走左入去$98嘅套餐包括一個主食、小食同埋杯飲品個飯嘅份量都幾多但重點要講下個杯茶杯茶飲落去好清甜 而且就算全糖都好 對於我呢個唔鍾意飲甜野嘅人黎講 味道好清新…查看更多

屯門友屯門牛一定識哩間，龍門冰室，約左朋友係附近食啲野頂下肚先，叫左好多人都會叫既玉子燒，不過我既係咸牛肉😍😍芝士玉子燒，仲有個炸醬豬頸肉麵，諗住都係小小野，上到抬份量一啲都唔細， 芝士咸牛肉玉子燒，個心仲係好嫩滑咸牛肉味好濃， 男士嘅話都要4/5啖先食得曬，大份到呢， 仲要跟多件牛油多士，而個 炸醬豬頸肉公仔麵，個碗睇落好細但係份量都好多，食落去就少咗微辣嘅感覺，佢啲麵都煮到幾爽口，啲豬頸肉鋪滿咗喺個公仔麵上面， 明明食少少嘢都已經飽到上心口， 仲要個價錢都唔過60蚊…查看更多

同朋友食飯梗係要食日本嘢㗎喇， 所以我哋今日就約咗去天水圍去咗呢間好有居酒屋風嘅餐廳度食飯，啲侍應的服務都幾好， 我哋兩個人都食唔多好多嘢，不過就見到好多人都嗌咗個牛肉鍋，咁就一於帶嚟試下啦 ，牛肉鍋一上到枱面 心裏面真係哇一聲成咗山咁高， 之後就嗌咗少量嘅壽司，炸蠔， 同三款刺身，吉列炸蠔一啲腥味都冇非常之鬆脆，刺身就叫咗三文魚甜蝦帶子刺身， 三文魚非常之新鮮爽口， 甜蝦就好軟糯，而帶子都幾鮮甜🤩🤩🤩🤩🤩…查看更多

呢一間Starbucks係我最鍾意嚟溫書嘅因為佢有落地玻璃 光線會滲到入嚟我嗌左一杯黑朱古力mocha個人覺得味道同普通嘅mocha但係咖啡同朱古力嘅比例真係啱啱好飲落去都好滑口…查看更多

自己整大阪燒真係好好玩 而且價錢都OK呢度仲有炒麵炒飯可以比自己整 亦都有雞蛋泡菜等等配料 可以比自己加而佢嘅西柚特飲真係好好飲 真係比半個西柚你自己倒落去大阪燒仲有其他紫菜沙律醬咁俾你任整！…查看更多

呢個火鍋真係幾抵食火鍋放題喺香港梗係每個月都要食一次佢嘅牛肉好新鮮 而且都唔會太薄蔬菜嘅選擇好多 全部都係要行出去夾嘅仲有一啲薯條、炸物、甜品甜品仲要係Häagen-Dazs 不過每次都好多人排隊 而且啲雪糕雪到好冰 …查看更多

香港嘅鯛魚餐廳真係買少見少但難得呢度嘅鯛魚整得都幾入味佢嘅套餐會有包一個湯朋友覺得個魚味太腥 所以真係好因人而異而佢啲牛肉好多 食落去肥瘦平均成個set加埋都唔使$100都算幾抵食 而且環境都幾乾淨…查看更多

聽人講咗好多次呢一間漢堡包好好食上到嚟價錢都唔係好貴而且仲有成個大海影望個漢堡包啲肉汁好多而且個薯條配埋啲芝士超級好食佢嘅奶昔好Creamy 個人覺得太肥太膩不過下次再會嚟食嘅 因為個海景真係好正…查看更多

已素食人士嚟講呢間餐廳真係係佢哋嘅知音， 普普通通咁樣嗌咗個肉醬意粉， 真係估都估唔到竟然同平時食開有肉嘅肉醬意粉要感覺真係差唔多， 佢嘅醬汁同埋佢嘅肉碎再加埋蕃茄都成個肉醬意粉同真嘅肉醬意粉完完全全係冇任何比意， 想環保同埋 愛惜地球嘅你真係可以試下…查看更多