Craft burger restaurant & bar

聽日喺旺角行完街之後想食漢堡包，見到一間餐廳好鬼多人，所以就想入去試吓！

佢入邊除咗有漢堡包之外亦都有啲意粉或者all day breakfast，我同朋友就嗌咗一個漢堡包同一個意粉！

漢堡包仲配埋薯條，係好粗身嗰種而且亦都唔會好咸。

漢堡包入邊啲料超級足，啲蔬菜亦都好新鮮個包亦都好鬆軟。而且入面嘅醬唔會好多搞到好滯。

而我哋都嗌左個卡邦尼意粉，份量中等，而且我好鍾意佢煮得好入味，唔係嗰種淨係用一啲汁撈埋嘅味道。

餐廳仲可以嗌一啲花茶飲，我自己就嗌左杯洛神花，佢仲配備左一啲蜜糖令到成個感覺好舒服！