女丹的个人专页

阿媽好耐冇食過buffet, 又好鍾意食日本嘢,所 以呢今日小女就帶咗阿媽去觀塘, 去品嚐一下鼎 鼎大名嘅大喜屋 Ⓡ原來佢嘅午市buffet係十二點食到三點, 真係食到嘔都仲可以繼續食。一入到去就畀佢個嘢飲區同埋熱食鬼嚇親, 同埋甜品都勁誇張, 太多選擇叫咗勁多嘢食最鍾意呢就係食佢個雪花肥牛煲, 佢嘅出品就好似平時你去食78蚊一個lunch set咁濟, 個牛肉係 優質跟住仲有好多配菜好正其次呢我哋覺得佢嘅刺身都好新鮮!!甜品方面,我哋就好鍾意食佢兩個雪糕, 一個係 菠蘿椰子味 另一個係沖繩海鹽雪糕 佢唔 係話好甜!跟住呢兩個味道都好清新、最後值得一讚就係,佢個嘢飲區呢,又有咖啡, 又有酒,又有凍櫃有紙包飲品,真係咩年齡層都啱飲！…查看更多

喺大埔玩完之後呢，諗住食個西餐，畀佢開放嘅門口擺設吸引住♥️類別餐廳，啱曬同班friend食耐啲都冇問題！！入到去喇，佢嗰個bartender位置都好出色, 好夠氣氛❤️❤️💕鍾意happy hour飲嘢嘅朋友一定要黎試下咁我哋因為要揸車， 所以呢就冇叫到酒精飲品🍻🥂咁我哋就叫咗杯lemonade, 同一杯fruit punch🍊🥤🍹佢個檸檬唔會太酸, 溝出嚟亦唔會太甜, 陪住比較重口味嘅食物係開胃嘅😆😆佢個fruit punch 放咗個新鮮橙塊, 都好別緻好靚我哋仲叫咗一個caesar salad 加蝦🍤🦐個蝦係驚喜嘅！！因為原來佢係會整熱咗，先至放落去，就唔係喺冰箱凍冰冰，求奇拎蝦出嚟咁hea，呢個好出色…查看更多

喺大埔墟街市行過少少有條後巷，呢條小巷入面，有好多外賣店，其中我就畀呢個日式風味嘅拉麵店吸引住♥️♥️入到去成間舖頭都過住日本嘅音樂，勁似我之前去大阪食嘅拉麵店咁佢午市係免加一，有2隻麵底可以揀嘅，一個就係幼面另一隻就係太麵，我就選擇咗太麵比較彈牙， 湯底我就揀咗 香菜， 我覺得你鍾意食芫茜嘅話一定要揀呢個湯底， 呢個超好食！佢個面好濃， 濃得黎又唔會話太過肥膩佢嘅叉燒亦都做得好好，好滑，唔會話好鞋身😜因為呢我鍾意食少少辣，咁就再加埋唐辛醬😜😜小食我就跟咗炸雞同凍嘅烏龍茶， 佢嘅小食有四件炸雞，我覺得如果你只係一個人嚟食嘅話再有杯嘢飲其實都幾飽佢個雞我覺得好好食，其實即係唐揚炸雞，佢個皮好脆，肉質好嫩，一撕開嗰下仲有啲煙出嚟…查看更多

今日同男朋友諗住鋸個扒慶祝聖誕節諗住食完之後就去尖沙咀1881或者海港城嗰邊影下燈飾♥️♥️見到呢間門口貼啲價錢，性價比好似幾高，又見到佢有好多分店，就入去一試！我叫咗個美國牛小排套餐， 佢份量好足， 有兩塊牛小扒， 食落冇筋，肉味好夠，揀左蒜蓉汁，中意可以加2蚊叫佢擺d蒜蓉係面添呀！跟住嘢飲叫咗白牛同埋黑牛， 超級懷舊而家已經好少餐廳有得飲啦！白牛係： 一球雲呢拿雪糕， 再配雪碧， 佢呢度個雪碧揀咗有檸檬味嗰隻，仲正！！黑牛係： 一球朱古力雪糕， 再配冰凍嘅可口可樂🥤， 真係邪惡得嚟又好有少時候嘅味道另外前湯同埋餐包都好好食， 前湯我揀咗忌廉湯，而餐包佢亦都烘得好夠熱，令到我哋一層牛油就溶咗，所以好好味， 一路食一路點住湯食真係無敵正…查看更多

香港嘅餐廳成日都見到啲侍應，木口木面嘅，不太有禮貌，但係呢間完全唔同，呢度嘅waiters會主動同你傾計,又成日幫我轉燒盤， 又會週不時喺側邊望下你啲食物燒嘅技巧如何，不斷地提點提點又提我哋幾時最後一水可以落order！最緊要係，我喺最後一轉order，佢竟然發現到我冇撳send嗰個字！！ 提番我，我先至冇miss個最後一單真係印象深刻跟住佢呢度都有好多嘅小甜品🍰🎂🍪🍩， 同埋佢有一部機械人會過住anson lo嘅megahit去送啲食物畀我哋如果係鏡份一定會超開心💕💕佢有泡芙嘅甜品，佢嘅侍應亦都好貼心提我哋， 泡芙入面係吉士涵，叫我哋擺喺爐上面烘下，令到入面溶啲，外面脆啲仲好食！佢仲提供好多濕紙巾以問免哋有任何黐立立嘅感覺…查看更多

我鐘意呢間餐廳坐位寬敞，每張枱四四方方，位都位之間都有足夠空間。唔會太迫💞蟹肉香芒蟹子沙律 60蚊沙律都幾大碗有好多青瓜絲同魚子。食落好清新爽脆。芒果嘅清甜好加分，加埋沙律醬，所有野都好夾。如果多啲蟹肉就100分。不過60蚊嚟講，性價比中上。牛肉野菜壽喜燒88蚊好好送飯嘅一個鍋物。性價比超高。有牛肉有野菜有窩蛋。溫馨提示：記得早啲拎返啲牛肉出嚟，如果唔係，啲牛肉老到飛起。三文魚子壽司 （好似廿幾蚊一件）呢件壽司幾好食，面頭嘅三文魚子大粒剔透，咬落porkpork聲，非常咸鮮。我會比100分佢。帶子壽司（好似十幾廿蚊一件）薄薄地嘅帶子都新鮮，融雪融得非常好。飯嘅醋味都適中。三文魚壽司（好似十幾蚊2件）好抵食嘅壽司。…查看更多

喺銅鑼灣行完街去咗好方便嘅金百利商場搵食。眾多餐廳裏面我揀咗openrice勁多人like嘅築地日本料理。餐廳食物選擇好多，講得出嘅大路日本食物都有， 刺身/丼飯/壽司/燒物/拉麵/鍋物😂😂😂多到都揀左一陣。而且定價合理。今次揀左拉麵同燒物。白雞濃湯拉麵 $88拉麵唔會太林，剛剛好。 麵條係曲身嘅，所以非常之掛湯。湯底似係白豬骨湯，唔會太油太咸。講埋個煎雞，我覺得幾好食。即叫即煎，仲係熱辣辣，個皮仲係脆嘅，肉質嫩滑。麵同肉嘅份量都大份，性價比正常。鹽燒牛脷 $28牛脷幾好食。中等厚度，位置都厚， 加咗黑椒同埋鹽去調味，非常惹味燒廣島蠔 $55 2粒廣島蠔size都唔細，而且乾淨，唔腥。加埋蒜蓉焗完出嚟都幾好食。…查看更多

今日諗住喺佐敦食完嘢，行去尖沙咀睇下燈飾🎄🎈🎊，行咗去廟街諗住搵下嘢食，見到呢間越南嘢門口有人龍，餐牌見佢啲小食超抵，就決定入去試一試我哋叫咗一個「牛萊了」🐂🐃🐮， 入面有: 牛筋, 牛腩, 牛展, 牛丸, 同埋生牛肉碗粉超級適合牛肉控食嘅同埋佢有勁多牛筋佢入面嘅牛丸好出色, 夠彈牙同埋有肉汁!! 牛筋就好淋， 佢個配菜：蘿蔔都好入味另外，小食叫左「潘良帶子明蝦伴茄子」佢個茄子個皮係煎左，跟住蝦同埋帶子都有啲蒜蓉伴住，同埋煎香咗，成件事係好惹味好好味😍😍 非常之推介， 仲要唔貴30蚊左右河內蝦仁紙米卷佢個皮煙煙韌韌, 入面包住滿滿嘅粉絲同埋蝦, 再點一點佢個酸酸甜甜嘅汁好好食食咗呢三樣嘢，再加杯凍檸水都係130蚊你話係咪超抵…查看更多

之前經過呢見到呢間咁日本風嘅餐廳已經好想試😋😋， 今次見到佢門口啲拉麵好靚🍜🍜，如果你係宮崎駿嘅fans嘅話， 就一定要嚟啦！ 點解？因為你喺入面會見到好多宮崎駿入面嘅卡通模型同埋裝飾品！ 可見老闆都係宮崎駿嘅鐵粉之一！職員嘅服務好細心好主動， 裝修呢都好骨子，同埋好細心，因為喺每一張枱呢都有自己添水嘅水龍頭啦🥛，同埋呢有一個叉電咗畀大家叉電嘅🤩🤩🤩呢間餐廳做緊個優惠，就係食一個拉麵再加小食同埋嘢飲呢，係會有五蚊嘅discount嘅成件事真係好抵❤️🤩咁我呢就食咗個白沢麵， 呢個湯係 白湯豬骨飲得出呢係真係自己煲冇味精，同埋都唔會好肥嘅感覺😋 最想稱讚嘅係溫泉蛋，呢入口好滑同埋嗰個熟嘅程度都係啱啱好好留心嘅另外我叫咗佢一個日式嘅白葡萄汽水 個樽呢好靚㗎同埋個味道都好清甜係值得一試同埋用嚟打卡都係一流嘅…查看更多

好耐都冇食過日式放題呀， 成日都聽人講大喜屋係好正嘅， 我今次親身體驗咗，完全同意呢個講法！！😆😂今日見得閒冇嘢做， 喺觀塘做完嘢就去咗鱷魚恤嗰度， 同朋友上咗去三樓食放題，198蚊一位， 鋪頭超大但係都坐爆我哋編咗坐喺近窗個度，望到地鐵嗰個方向，咁啱今日天氣好個view好靚佢嘅飲料嘅位置, 有勁多嘢飲!! 有果汁啦, 茶啦, 咖啡啦, 甚至啤酒同清酒都有, 重點係: 佢呢度唔使你加錢, 都可以任飲酒精類飲品🍻🍻我叫咗佢火炙壽司:有左口魚三文魚同埋鰻魚, 全部都好肥美, 入口即溶, 壽司飯嘅質地都做得好好另外呢佢係畀你用qr code落單, 變咗好方便跟住我再叫咗佢一啲串燒嘅食物, 燒菠蘿同埋翠玉瓜, 鯖魚同埋比目魚我都覺得係好好食， 呢幾款我都係有不停咁重叫嘅❤️❤️呢間晏晝放題真係值得再嚟一次…查看更多

餐廳環境幾好，一入門口嘅左邊有張廚師枱同吧檯，右邊有幾張餐桌。 再行入去仲有四四方方嘅空間，所有餐桌都正正方方，座位都幾寬敞。除左好多人都讚嘅丼飯外，我仲叫左少少刺身壽司。柔煮鮑魚（68蚊）鮑魚煮得好淋身, 鮑魚麵頭上面鋪咗一蟹黃醬, 用來吊味一流， 放入口咬落去完全唔會好似食擦子膠嘅感覺 非常好❤️😃真鯛薄切（78蚊）小妹我唔係好好魚生， 但係佢呢個魚生好新鮮點少少wasabi & 豉油, 好好食改變咗我一向對刺身嘅抗拒嘅感覺法國蠔（56蚊）一拎起就滑入個口度， 質感好creamy， 有少少嘅鹽水味， 好新鮮， 點好少嘅檸檬汁已經好正左口魚邊壽司（96蚊）左口魚係最好食嘅😍😍， 佢個樣好肥 在要用咗火炙嘅做法， 令到佢嗰層肥膏處於半溶化嘅狀態， 可想然知入口即溶嘅感覺有幾正， 強烈建議食呢嚿壽司唔好點任何汁…查看更多

成日經過都見到好多人排隊嘅一間泰式餐廳。佢嘅食物擺碟同餐廳裝修都好靚。上星期五買左外賣返屋企食，佢包裝得好靚，外賣盒用高質紙盒，環保得嚟唔會令到食物拎到返屋企後有陣膠味，非常細心嘅安排。2人晚餐，我哋叫左柚子大蝦沙律，蟹肉炒飯，同埋芒果糯米飯。食落估唔到佢睇得仲食得！柚子大蝦沙律🥙鐘意食柚子一定要叫呢個沙律。佢有一大盒一梳梳嘅柚子，柚子鮮甜多汁，唔洗加汁已經好好食。舖面嘅蝦彈牙新鮮，都唔細隻。沙律菜新鮮爽脆。整體嚟講喺非常足料嘅沙律。蟹肉炒飯🦀炒得好乾身嘅炒飯，一啲都唔油，面頭舖左好多蟹肉，性價比高嘅一個炒飯。芒果糯米飯🥭好高質嘅甜品！糯米飯好煙Un, 芒果好甜，夾埋個椰槳，食完呢個甜品超級滿足丫💞…查看更多

NINETYs (星光行)超級推介🤩😍 真心！咖啡控要嚟試下！ 佢有好多唔同款式嘅咖啡，又有唔同嘅煮法， 又有自家咖啡豆賣， 身為咖啡迷嘅我見到個餐牌都唔知飲邊樣好呀🤤🤤最尾飲左Iced mocha（choco咖啡豆，加脫脂奶）。的確幾好味。choco咖啡豆嘅碳燒味比較重，奶嘅比例剛好，好香滑順口，唔會有太重酸味，亦唔會太甜，連平時唔飲咖啡嘅家姐都飲左好多😂除咗咖啡，佢都有果汁同埋一啲自家製嘅啤酒， 果汁我都有試！蘋果汁好好味🍻🍻主菜嚟講我叫左CHICKEN BURGER，HKD$178。漢堡包配埋個乳酪一齊食, 真係好鬼死好食。配料薯蓉呢，我哋揀咗plain嘅， 好creamy, 又香薯仔味。所有食物上碟嗰時都熱辣辣。麵包好脆，雞扒好juicy❤️…查看更多

附近餐廳19樓，無比附近建築物擋住曬個視線，景觀都算開揚，可以望到天空由藍變橙再變黑嘅靚景。沙律/湯/蒜蓉面包前菜幾高質，沙律菜新鮮爽脆，同個醋好夾。蘑菇湯好creamy好足料，有大量蘑菇粒。鮮蝦帶子紅花意大利飯意大利飯138蚊，飯係用正宗方法，而唔係電飯煲去煮，食落有濃郁高湯味，有咬口。配料有4-5隻蝦＋帶子，size正常，唔算大。不過蝦新鮮彈牙，帶子鮮甜。同個飯幾襯。Tiramisu 梳乎厘梳乎厘好重蛋香，空氣感重，好好食。面頭加左tiramisu同咖啡味嘅手指餅。好鐘意tiramisu個pat cream，好香好滑，係靈魂。😂臨走前發現佢個蛋糕櫃有幾個寫住happy birthday嘅生日蛋糕。賣相非常之靚，可能可以同餐廳訂做❤️…查看更多

好掛住日本呀疫情之下冇得外出， 唯有周圍搵下日本美食今日同朋友行尖沙咀， 咁啱得咁橋，喺k11附近， 見到呢間裝修好骨子嘅日本舖頭， 二話不說入咗去喇入到去鋪頭度環境比我想像中闊落同埋大，有唔少卡位同埋吧枱位， 佢貼咗好多日本嘅舖頭用嘅旗幟，同埋日本歌， 連啲燈光都勁似去咗日本嘅鋪頭咁我哋坐低叫咗一個 海底之心同埋赤子之每兩個梳打飲品， 賣相一流呀！！打卡一流味道都好好飲唔會過甜我哋再叫咗個 極上黑門活貝盛組合， 佢嘅職員呢佢行埋嚟幫你起爐， 我食嘅海鮮有蠔啦，鮑魚，蜆， 同埋扁貝， 每樣嘢食都好新鮮，鮑魚呢仲要係超級淋！！！另外呢我哋再叫咗個 赤鬼海老天飯卷 佢呢個係類似加州手捲，入面包住咗個炸蝦， 但係佢個炸蝦係非常之脆口！！總括而言，佢啲嘢食真係好好食，間鋪頭都好多熟客仔，如果想食就要早啲嚟啦！！…查看更多