fionayuen_的个人专页

一直都好想食下啲特色小菜，咁啱嚟到佐敦聽講有間大排檔啲嘢幾好食，就同左屋企人嚟試下。沙嗲金菇肥牛煲 大排檔必食砂鍋煲的菜式，肥牛亦是我的最愛，這裡的肥牛片數份量很多，底部就都有好多粉絲，金菇都口感不錯，濃濃的沙嗲醬汁精華。不過沙嗲味可以再濃郁一點就好了。海皇福建炒飯食中菜當然要配飯一起吃，點了海皇福建炒飯。福建炒飯賣相很不錯，鮮蝦份量都蛋，炒飯乾身粒粒分明有咬口，濕潤的醬汁帶甜而材料豐富，有蝦、芥蘭莖片、冬菇、和雞肉粒。炒飯上加上美味的芡汁，就是精粹很惹味。椒鹽炸軟殼蟹
本身好喜歡吃炸物，所以點了椒鹽炸軟殼蟹。軟殼蟹斬件以油炸後，灑以椒鹽，特別甘香惹味，最方便的吃蟹方法是連殼都吃掉。連殼帶肉一起酥炸，香甜酥脆的軟殼蟹，停不下來的滋味！一口咬下去軟脆美味爆棚，螃蟹炸的香香脆脆！蟹肉鲜嫩可口，椒鹽的味道很好味！咸蛋黃蒸肉餅平日我是個走肥肉主義者，但對住這個鹹蛋蒸肉餅，這道走肥肉防衛網就徹底被打破了。肉餅比例肥瘦肉堆砌而成，吃下一口後就顧不得那麼多了，肉質鬆軟，其軟腍程度未至於無須咀嚼入口即化，但肥瘦肉融合在一起不易被我的舌頭發現，最喜歡還是加了甜豉油調味後加上鹹蛋黃流出來的汁，甜甜的味道令我不知不覺就扒了半碗飯。好好送飯的家常小菜，鹹蛋蒸肉餅！肉餅真是食極都不會厭！加鹹蛋的味道真是很不錯！總結，這裡的餐牌菜式選擇很多，還有好多款菜式沒有吃到，希望下一次可以去再吃。特別撞推薦椒鹽炸軟殼蟹、咸蛋黃蒸肉餅，都是味道不錯的。…查看更多

之前一直聽講深水埗有一間懷舊冰室，價錢親民食物質素不錯的，所以跟朋友來到了品嘗一下。我們都點了好幾樣菜式，都頗為滿意。榛子醬西多士，冰室當然少不了西多士吧～是茶餐廳下午茶必點的！西多士炸到表面金黃，外脆內軟，再在酥脆的外皮上趁熱放上奶油，內夾著香濃的醬料，最後淋上糖醬~真是好吃到破表，中間流心榛子醬，甜度適中，任誰都抵擋不了的邪惡誘惑！招牌海南雞飯，海南雞及油飯份量正常，剛好一人前，而海南雞己去骨，肉厚有雞味，雞皮比較薄，雞油脂肪不多 。油飯色澤夠黃，水油飯散發著淡淡油香味，令人食指大動。醬汁很惹味，令雞肉味道昇華。經典芝士牛肉漢堡，漢堡包麵包外層烘熱過，非常香脆，很香口的！牛肉不錯很Juicy很多肉汁，有基本配料有芝士、蛋，麵包頗鬆軟，味道不錯。樽仔奶茶，樽仔有如樽裝汽水般，甜度適中，喝起來味道香濃且充滿茶香，由於是冰凍的關係，比起熱飲更覺涼透心。…查看更多

今日嚟到呢到想試下佢嘅海鮮拼盤，我比佢嘅擺盤吸引到:)海鮮拼盤好大份啱晒打卡影相，有齊晒各種各樣嘅海鮮，有龍蝦、紅蝦、螺、青口、生蠔、鮑魚，我地由淡至濃味嘅海鮮逐步去食，配有三種醬汁，我比較中意紅色醬汁，幾濃味嘅泰式辣汁。龍蝦唔算大隻，但外殼較薄龍身均稱，唔會出現殼多肉少嘅情況，肉質較為飽滿細嫩，口感爽口彈牙，龍蝦味濃。鮑魚刺身好出色，佢預早切開左方便食，配搭埋啲醬汁一齊食幾好食。大大隻紅蝦口感鮮嫩，充滿濃濃鮮味。最後要特別推介中間一小碟嘅煙燻三文魚肉醬，好滑口嘅油花味好重，帶啲煙燻嘅鹹香味。卡邦尼意粉比較粗身少少，口感煙韌意粉煮得比較有咬口，夠晒creamy口感好rich，上面仲有啲黑色嘅魚子，撈埋溫泉蛋，同埋啲蛋黃芝士醬汁一齊夠晒惹味，佢嘅Pancetta夠晒香。香煎鵝肝野菇意大利飯，鵝肝煎得啱啱好，唔會過熟，味道濃郁好甘香，啲邊邊位有啲微焦幾香口，特別惹味入口即溶，意大利飯煮特夠腍身，撈埋啲醬汁一齊食呈奶油狀，加埋鵝肝一齊食口感昇華左添。原來呢到仲有戶外座位，配合埋啲幾有情調啱晒同男朋友一齊食個浪漫dinner，呢到嘅西餐食物都唔錯呀。…查看更多

其實粉嶺聯和墟有好多小店，我同屋企人諗住係附近食個快飯，點知有意外驚喜。叫左半隻海南雞，90蚊大大碟幾抵食，啲海南雞都幾滑和厚肉，脂肪少皮較薄，肉味較香濃幼滑，份量好多，整體都算唔錯。最驚喜係餐廳有自製海南雞酸甜醬汁，成個海南雞嘅精髓就係個汁呀。不過佢啲雞皮色澤比較淡，無坊間咁鮮黃色。越南菜點少得撈檬，呢幾日天氣悶熱，食撈檬就啱晒啦。豬頸肉撈檬好出色，本身自己好中意食豬頸肉，佢燒到啲豬頸肉嘅隆邊好香噴噴，切得好厚份量又多，又唔會太肥，啱晒得呢啲怕食好多肥豬肉嘅人啦。有好多花生碎、蔥花、蘿蔔乾絲撈埋一齊食，好惹味㗎。佢個撈檬汁本得幾好味，魚露甜酸汁夠晒酸。如果想係粉嶺呢到食到好食嘅海南雞，推薦食呢間，佢地啲雞肉肉質鮮美幾嫩滑，最後我食品晒仲打包返去食添呀，兩個人食半隻海南雞有啲多，打包返去第二日再食過。…查看更多

常滿卷💕上面舖滿大大粒嘅魚子，滿到瀉晒出嚟添呀，嘩，造型超級靚仔，極之吸睛，入口不同鮮味同味道同時間係口腔不停爆發，脆脆飽亦增加口感，呢個超級推介，必食之選！加埋啲海膽包住一齊食，真係好鮮味😋😋 大大舊又用料豐富，食落好滿足！我非常欣賞d壽司飯，用筷子夾起唔易散，但入口就易鬆散，証明了師傅製作時嘅力度控制得好好！入面係啲青瓜同蟹柳，無咩特別🤣石鍋波士頓龍蝦泡飯🦞原隻龍蝦真係超大隻湯底呈深啡色但不油膩，味道都幾濃郁，龍蝦肉爽口彈牙，龍蝦鉗好大隻，份量都係好多！所有材料索晒龍蝦湯汁，鮮味十足👏🏼👏🏼什菌更加之入味，龍蝦湯味好濃郁，最後連湯同泡飯都清埋，原隻龍蝦真係超大隻😍，中意食龍蝦嘅唔好錯過！串燒類🍢🍡牛舌心-比較好味嘅有薄燒牛吞，一啲都唔韌，而且都燒得幾香。鹽燒雞翼-雞翼燒得唔乾，肉汁仍然保留到，肉質燒得香滑夠juicy！鴛鴦翠玉瓜-一串翠玉瓜串燒有兩款口味，分別係芝士同明太子，面頭嘅芝士同明太子醬香濃，翠玉瓜唔乾身，仲keep到水份。…查看更多

以燒味馳名的大圍新強記燒，平時係大圍附近經過，今次終於有機會嚟食啦。餐廳感覺良好，幾闊落乾淨，整個餐廳都係非常傳統中式的設計，包括他們嘅餐具，很有心思和中國特色。我同呀媽兩個人叫咗3個餸，叫咗半隻吊燒南乳雞，雞肉好好食好惹味，記得要點南乳醬嚟食，吊燒雞皮脆肉嫩又入味，肉質滑嫩一啲都唔乾身，外皮色澤金黃，啲雞皮脆卜卜而且一啲都唔油，非常有驚喜。另一個招牌菜係多汁撈飯多必備嘅金牌咖哩牛腩煲，牛腩軟滑惹味，而且份量都好多，咖喱醬汁層次豐富，種香味和口感實在令人食指大動，啲薯仔大大粒又腍身，愈食愈惹味，咖哩牛腩配一定要配白飯，撈埋啲咖哩汁成碗白飯都食晒！最後最期待嘅就係叫咗碟炸大腸，炸大腸的重點就是在外面嘅皮要炸到脆口，呢到做得幾好，脆皮炸大腸幾煙韌，夾雜油香，皮脆肉嫩，配埋啲配菜菠蘿，口感一甜一咸幾好食，好有童年回憶，因為細個好中意食炸大腸，今次終於食到啦。總結，懷舊中菜式幾好食，坐位坐得幾舒服，幾啱一家大細食晚飯聚會嘅中菜酒樓。…查看更多

發現粉嶺有日式燒肉店!燒肉放題店在香港非常流行，但是我都是第一次在粉嶺中心發現這間燒肉店，因為自己都居住在粉嶺附近，所以我同屋企人前來一試。我們點了$268加一的套餐，有豬、牛、雞、海鮮，飲品任飲的，價錢晚餐來算很超值。如果你是牛魔王的話，這裡非常適合你了。牛十品有齊各種牛肉類，一共有10款，有牛柳、肉眼、牛板腱、腹肉、頸脊等等，肉質很不錯的，我比較喜歡沾上醬油一拼吃，味道更加提升，整體肉質出乎意料之外的好吃。另外有一些海鮮類，例如魷魚、多春魚、青口等，味道還不錯，我比較喜歡他們提供燒菠蘿，放菠蘿，鮮甜多汁。另有芝士燒溶後變芝士漿，沾上雞肉變成拉絲芝士雞口感更特別。另有辣醬雞肉，肉質爽口彈牙非常推薦。放題更有有跟飯、麻醬烏冬、冷盤前菜，種類都比較多，海哲沙律、麻醬豆腐都是我喜歡的，蔬菜類有翠玉瓜、杏鮑菇、秋葵，是燒烤必備的野菜類。我覺得在粉嶺區有燒肉放題食已經很滿足，飯餐人均消費二百多元就有這麼多食物種類選擇，已經物超所值了。…查看更多

今日嚟到上環一間餐廳同朋友諗住食好啲，竟然有唔錯嘅體驗，呢度嘅前菜已經好豐富啦！松露無花果toast，未食之前已經覺得賣相好靚，食落去口感好豐富。有日本鷗洋水產海膽，色澤鮮黃，外形飽滿挺身，口味非常鮮味，用紫菜包住咁食好滿足！生蠔睇落去已經好吸引，入口有陣陣嘅的海水味，有生蠔鮮甜嘅味道，肉質唔會太遠。主菜有封門柳，肉質鬆軟，不易變韌，而且有好濃郁嘅牛肉味！加埋啲阿根廷青醬，整體口感即刻昇華曬！另外有大蝦蕃茄意粉，意粉口感好彈牙。最後甜品有開心果焦糖燉蛋，識落後很幼滑，食落唔會太甜勁有驚喜！仲有得食carrot cake添呀！總結呢餐晚飯真係好豐富，好適合同朋友一齊嚟慶祝食飯。…查看更多

今日同朋友喺觀塘放工，呢排天氣咁凍就諗住搵間餐廳打邊爐，所以就黎到呢度啦。喺呢度個Menu都幾豐富下，一開始點左薯條、沙律、炸大腸做小食，之後佢再有三文魚甜蝦希靈魚刺身做前菜，小菜選擇都幾多。睇到重點啦，我就揀咗雞煲，雖然我哋叫咗小辣，但係個辣到都係好好。但係我幾欣賞佢哋個雞煲，因為啲雞肉真係啖啖肉，每一舊雞肉都好大件，而且都好入味夠晒麻辣，雞煲入邊有好多辣椒，啱晒鍾意食辣嘅我。之後就換咗個煲打邊爐啦，我哋揀咗皮蛋芫荽做火鍋湯底，打邊爐嘅食物都好豐富，佢哋提供左海鮮拼盤，氣管入邊有鮮蝦、蜆、蠔、元貝、同埋脆肉鯇。佢哋嘅元配都好大隻，而且啲蝦都好彈牙。我最期待嘅係佢嘅牛肉拼盤，佢哋嘅牛頸脊、同埋牛板腱肉真係好好食，啲牛肉味好重啱晒打邊爐，同埋佢個一口牛嘅脂肪分布好平均，食落去入口即溶嘅感覺，鍾意食牛嘅應該好啱啦。值得一提嘅係呢度嘅烏冬係非常之推薦，因為呢度嘅烏冬口感好有口感，夠晒彈牙。另外我哋都有叫咗啲打邊爐嘅丸類，佢呢度嘅牛丸真係好好食咬落去有好多肉汁夠晒Juicy，同埋呢度嘅一口雲吞都好好食，大大粒蝦係入邊嘅。最後佢有送燉蛋比我哋，係即做即蒸嘅食落去都幾滑。整體來講呢度一個價錢有晒雞煲、火鍋、而且有各種各樣嘅小食前菜，成個套餐都幾抵食嘅，如果你係鍾意一次過食晒唔同種類嘅食物，呢度都係一個唔錯嘅選擇。…查看更多

同朋友係旺角睇完戲，咁啱行到花墟附近，又過左晚餐時間，夜媽媽唔知食咩好，咁啱見到呢到有宵夜套餐，睇落都約吸引，見到有海鮮食就想試下啦。Menu一其共有個套餐，我比佢個大青蟹吸引左，所以揀左$698呢個套餐，睇落都幾多野食喎。前菜可揀兩款，特揀左豬肚、海蜇絲，兩個做法都係白灼，但佢都有調過味，而且食落豬肚都幾爽口。 豉汁炒大蜆，每一粒大蜆都有豉汁佈滿，同埋啲蜆肉都幾鮮甜又無沙，每粒都大大隻，豉汁炒埋一齊都幾香口。重點係蟹煲，佢有有幾種做法，我就揀左白胡椒粉絲蟹煲，感覺上比較少食呢個整法，佢個白胡椒味道好出，同埋啲蟹肉好多，大大啖好惹味，擺盤好特別，見到啲粉絲放左係蟹蓋入面，一打開就見到滿滿嘅粉絲，而且粉絲吸晒啲蟹同白胡椒味，隻蟹又夠大隻，食到停唔到口。最後仲有個雞粥，其實已經開始飽，食落啲雞肉幾滑一啲都唔鞋口，而且啲雞肉都幾蟹下，大大碗粥特地都食唔晒。總結，如果同朋友夜左又想食海鮮嘅話，呢到都係唔錯嘅選擇，推薦佢地嘅蟹煲。…查看更多

咁啱同朋友嚟到荃灣附近，想問一下健康嘅做晚飯，嚟到見到有魚生飯，所以就嚟試吓。呢到可以同配料，去組成一個魚生飯，自助形式有個好處就可以根據自己嘅口味去選擇，以我自己就比較懶，佢另外有意見配搭號嘅組合，我自己就揀咗夏威夷四重奏。組合裏面有辣味三文魚、吞拿魚、泰式酸辣大蝦、牛油果，配料好豐富一次過滿足我想食刺身嘅願望！同埋啲餸已經調晒味道，顏色又夠晒繽紛，我揀咗配沙律菜，感覺好似健康啲。我幾中意佢地個牛油果，口感夠晒香滑，同埋個辣味三文魚，佢病咗見你，加埋三文魚嘅鮮味更加突出，都幾惹味！另外我個朋友就叫咗彩虹組合，佢揀咗香草芥末大蝦、吞拿魚，佢就揀咗沾烏冬，個大蝦幾爽口，配埋啲芥末醬幾好味，好似食緊日式烏冬咁，而且份量都幾多吓，不過烏冬比較爽口，如果平時食開湯烏冬個種腍身嘅口感有時唔同，不過配埋啲醬汁一齊又幾惹味！彩虹組合故明思意係色彩繽紛，佢有啲青瓜、黃椒、紅椒等等切成粒狀，擺埋一齊都幾靚又夠晒健康。我地加咗錢轉咗做套餐，跟餐有包餐湯、甜品，甜品就一般啦，所以下次再食嘅話我會加錢加多啲配菜多啲，因為佢呢到配料有好多選擇夠晒多。…查看更多

今日同朋友吸到呢間餐廳，食佢哋個雞煲。雞煲係用咗三黃雞，有啲洋蔥落去幾香，雞肉嘅肉質幾滑，啖啖肉幾好，好食嘅係佢有好多油炸鬼，吸埋啲雞油一齊食幾香口同惹味，始終加咗油炸鬼會有啲油膩，食得雞煲唔好怕肥啦，之後食完雞煲就加湯打邊爐啦。打邊爐湯底清清地，揀咗個清湯加咗啲蔬菜，我叫咗佢哋嘅海鮮餐，一開始比咗個海鮮拼盤，個拼盤咩都有啲，有蟶子/飽魚/大蝦/青口/生蠔/脆鯇片，每款2件，啲蠔幾大粒，仲有啲大蝦都幾彈牙，無諗過會有鮑魚食，所以個拼盤幾有驚喜嘅。同埋一碟牛頸脊，肉質幾嫩滑，啱晒我呢個食肉獸。呢到都有好多款打邊爐食材，我就簡單咁叫咗幾款丸類，佢仲送咗份小籠包，食落還可以啦，佢係冰凍嚟嘅，之後要拎去滾熟佢。最後佢送咗甜品牛乳奶凍，幾滑同甜嘅。呢到都幾抵食咩都有啲，我比較中意佢哋嘅海鮮拼盤。…查看更多

最近天氣有啲凍，咁凍嘅天氣梗係要去打邊爐啦，約咗個朋友嚟到旺角，嚟到瓊華中心呢間任食打邊爐試吓。我中意作呢到咩都有啲，除咗打邊爐之外，呢度仲有刺身、壽司、海鮮、燒物。我哋揀咗澳洲M五和牛，湯底就揀咗壽喜燒，佢和牛肉質好薄，而且啲雪花好均勻，好有肉味，我哋encore左兩碟來食。另外，我幾鍾意食佢嘅黑豚肉，就算我唔太鍾意食豬都覺得好好食，因為佢肉質夠晒薄同埋唔鞋口。呢度除咗任點肉類之外，仲有好多刺身、壽司選擇，三文魚甜蝦帶子希靈魚等等，都係平時放喺必叫嘅食物，刺身類都唔錯嘅，但係佢哋有埋海鮮類食物打邊爐，種類都有好多選擇。除此之外，呢度有好多熟食選擇，鍾意食香口野嘅人一定要食炸物啦！值得一讚嘅係咁啱炸起嘅炸饅頭，點買煉奶一齊食可以當做甜品！仲有啲炸春卷、天婦羅等等。丸類呢就冇咩特別，不過都多款揀嘅，另外佢有好幾款蔬菜提供，食完咁多肉都要食啲菜平衡返一下。出面自助吧仲有啲蛋糕類甜品，但係味道一般啦。食到咁上下，呢度都有雪糕、雪條提供，作為飯後甜品值得一試。重點就係呢度有得點梅酒嚟飲都幾特別。…查看更多

上網咁啱見到有間用足球做主題嘅餐廳，咁啱朋友係阿仙奴嘅球迷，所以就嚟二間餐廳食下呢度周圍都係亞仙奴嘅擺設同埋裝修，開咗好多有紀念價值嘅波衫、同埋好多相。主菜我叫咗香燒美國牛肉眼併法國鵝肝，呢個本身係套餐有包沙律同餐飲同餐湯，所以都幾抵食嘅。本身鍾意食牛肉嘅我對呢個餐特別有期待，我哋就嗌左五成熟，牛肉切出嚟都有粉嫩嘅肉，口感都幾Juicy，都好友肉味配埋不過側邊嘅紫薯配菜就口感一半，隔離嘅伴菜仲有羽衣甘藍都幾好食。另外我加咗個鹹蛋黃小食拼盤，裏面有薯角、洋蔥圈、德國腸、炸雞翼，我幾鍾意佢用鹹蛋黃整嘅炸雞翼，鹹蛋黃有陣陣檀香嘅味道，同雞翼都幾夾嘅，其餘嘅併盤食物都OK，不過整體上有少少油，要食返多啲菜平衡返啦。所以之後我加多咗個凱撒沙律，沙律佢幾得意用咗個玻璃樽去裝住，擺盆幾有特色，唔好睇個玻璃樽咁細，其實食落入邊都好多菜，份量都幾大下，佢有啲煙肉粒粒同埋麵包粒一齊配埋食，感覺都幾新鮮同幾有口感。…查看更多

今日同朋友嚟到尖沙咀食飯，想搵返間好坐又好食嘅高質餐廳，所以就嚟到醉胡爐。呢到嘅打邊爐冇令到我失望，湯底好高質，中意食海鮮嘅一定要叫卜卜蜆鮮蟹魚湯鍋，坊間比較少見，裡面有好多蜆肉，炒香咗海鮮加酒嚟炒香，加埋啲湯一齊打邊爐。就係因為湯底有幾款海鮮，湯底先會咁鮮甜，我自己都忍唔住飲返幾啖湯，用嚟打邊爐就啱晒啦！食肉獸當然要叫牛肉拼盤啦，我哋點咗份細嘅胡爐牛拼盤，都夠晒兩個人份量去食。拼盤裡面有好幾種肉，牛舌心、安格斯手切肥牛、手切肥牛、牛胸爽、霜降牛粒。除咗肥牛雪花均勻重牛肉味之外，特別推薦牛胸爽，平時比較少機會見到，好多人誤以為白色一塊係牛嘅脂肪，其實佢係牛胸前肋骨中間的軟骨部位，食落十分爽口！ 我幾中意佢哋嘅韮菜餃，大大粒好抵食，口感綿軟，有韭菜特殊的香氣，中意食韭菜嘅一定要食。另外手打蝦滑係必食嘅，口感爽滑Q彈，食落更彈牙，飽滿夠晒大粒。如果想搵一間同朋友靜靜哋傾計同食飯嘅餐廳嘅話，呢到都幾啱食㗎！中意食海鮮一定要叫卜卜蜆鮮蟹魚湯鍋！包你食完覺得鮮甜。…查看更多