iikk的个人专页

好耐冇過食四川菜，朋友推介呢間主打食酸菜魚嘅餐廳，我哋晚上七點到達餐廳已經坐滿客人，好彩等咗幾分鐘就有位，呢度嘅酸菜魚有多款特色嘅湯底可選擇，有辣有唔辣，首先叫咗一份輕微辣嘅鯛魚片酸菜配檸檬酸菜湯，上枱時賣相已經好吸引，鯛魚鮮味爽脆有口感，配料很豐富有娃娃菜、木耳、萵筍、薯仔、金菇菜、闊薯粉、酸菜、大豆芽、豆腐及豆腐皮份量十足，加埋米線個湯底不會過鹹仲好惹味麻辣牛展煙靭有咬口，青椒皮蛋小小辣夠糖心，涼拌海蜇送啤酒係絕配🍻…查看更多

喺網上見到川味辣蟹串燒烤魚雞煲專門店做緊只要每位食客點菜滿$150就可以用$1蚊優惠價 order 餐廳嘅招牌川味雞煲、花膠雞湯或者椰子雞湯我哋揀咗招牌川味雞煲肉質嫩滑少少辣加埋洋蔥同芫荽風味十足好滋味香辣炒中肉蟹辣辣地好過癮，鮮味之餘又食到爽口翠綠嘅萵筍口感好豐富，邊食辣蟹邊飲番杯冰凍嘅啤酒真係好正脆脘片砂鍋粥，脆脘魚片彈牙有口感，粥底煲得好棉夠晒火候加啲蔥粒更好味百花脆油炸鬼係即叫即炸的，卜卜脆好香口，蝦膠好美味日式燒鮮白鱔串，燒到外脆內軟金菇肥牛卷及蜜糖燒花枝丸味道也不錯招牌金銀蒜燒原條茄子好香蒜茸味餐廳以刻有菜名的木牌及霓虹光管作裝飾，望到另一枱食客食緊豬骨煲大贊好香好惹味，我哋下次一定要叫嚟試吓係咪真係咁好味…查看更多

呢間位於城南道嘅潮州菜館我同朋友都經常過嚟幫襯，佢嘅打冷菜式同鑊氣小炒都一樣咁出色，而且價錢又唔貴，仲可以一邊享受美食一邊飲啤酒傾下計，真係幾爽㗎！辣酒煮花螺香辣惹味，酒香撲鼻，夠晒滋味。涼瓜炆䱽魚大大碟，䱽魚香脆可口，肉質鮮味，涼瓜炒得甘味翠綠。酸甜咕嚕肉啖啖肉，酸甜度適中好醒胃，有我最鍾意嘅菠蘿，洋蔥及青椒炒得好香，鑊氣十足。春菜腩肉係潮汕人嘅家鄉菜，春菜生炒至軟身，味道好清甜，腩肉肥瘦度適中，值得一試。…查看更多

朋友約我到尖沙咀食A5和牛火鍋放題預早慶祝聖誕節，呢度主打食黑樺牛，餐廳嘅A5和牛係由熊本牧場直送的，朋友好醒目提前兩日訂位可享用北海道大元貝牡蠣海鮮拼盤及黑樺牧場精選層架，北海道大元貝好鮮味，牡蠣亦很肥美我哋揀咗個每日限量供應嘅北海道豆乳玫瑰芝士鍋，玫瑰花賣相好靚加熱後慢慢溶化了，個豆乳芝士湯底好香滑，A5熊本黑樺和牛特上霜降小排、牛小排、上肩胛肉、千本筋、肩胛梅花、牛前胸、牛頸脊及玉子後腰肉，試啱鍾意嘅口味可以隨時用QR code手機再落單我特別喜歡特上霜降小排及牛小排兩款嘅油脂分布很均勻牛味濃，有入口即溶嘅感覺，肩胛梅花同千本筋都好鮮甜軟嫩，能夠一次過食到咁多款不同部位嘅A5和牛真係好滿足，呢度除咗食A5和牛之外仲有日本佐賀名水豚、手工鍋物、火鍋配料、蔬菜及小食，更設有飲品及甜品自助區叫咗幾款炸物香脆可口，秘製香辣墨魚芯及麻辣魚皮味道也不錯夫妻肺片好好味，和牛餃子及皇帝菜都很新鮮抹茶雪糕、Oreo味道雪糕球好creamy …查看更多

約咗閨密入大圍食網燒和牛順便慶祝一下萬聖節🎃我們叫咗一份❄雪.二人特盛套餐分別有前菜、蒸物、刺身、拼盤、主食同飲品首先上枱係蕃茄沙律配芥末沙律汁味道好清新，酸酸甜甜好開胃野菌蟹肉茶碗蒸好香好嫩滑三文魚、油甘魚及赤蝦刺身擺盤好精緻，幾款刺身都好鮮甜主角上枱啦！能夠一次過試晒多款不同部位嘅和牛真係好開心，我特別喜歡黑毛和牛特選牛小排、澳洲和牛肉眼上蓋及牛肋肉同樣色澤鮮嫩，油花分布均勻，剛好燒到五成熟口感嫩滑好 juice 澳洲和牛牛復肉、澳洲和牛牛肩芯同澳洲和牛橫膈膜燒得很焦香，肉味都很濃郁，白鱔燒到外層香脆肉質好鮮嫩溫泉玉子丼好多紫菜好好味白桃梳打及荔枝梳打最後餐廳送咗呢款好fresh嘅柚子味雪吧給我們享用🍨👍…查看更多

朋友約我到中環食日本料理預早慶祝萬聖節，我們叫咗一客鰻魚重，餐廳選用了由日本直送的新鮮鰻魚起骨後以紀州備長炭燒烤蒲燒鰻魚外層燒得好香脆，厚肉肥美，肉質鮮嫩柔軟加點即磨山椒粉更突顯鰻魚嘅鮮味，日式清湯好香鰹魚嘅味道茶碗蒸很嫩滑，鰻魚凍入口清甜，有啲似食緊啫喱嘅感覺沙律菜好新鮮，鮮甜嘅海膽配埋牛油果，沙律醋酸酸甜甜很開胃燒日本A4和牛扒，油花分布均勻肉味香濃好juicy燒牛舌心肉質夠厚身，油脂味香牛味濃，淡路洋蔥很清甜完全沒有辛辣味呢款串燒加埋蛋汁一齊食味道也不錯鰻魚厚燒玉子，蛋味濃郁味道香甜配埋鰻魚簡直就係Perfect match…查看更多

朋友約我到銅鑼灣利舞臺食午餐，首先叫咗一客廣島蠔釜飯定食，釜飯係即叫即煮的，外型有啲似港式煲仔飯，店員建議上枱時用漏斗計時焗1分鐘會令飯粒更加吸收上湯同配料嘅精華廣島蠔肥美鮮甜，配菜有日本銀魚仔、香菇、栗子、枝豆同菠菜，要撈勻米飯同配菜食埋飯焦更滋味燒安格斯牛扒定食用爐端燒把牛扒燒到自己喜愛嘅生熟程度，安格斯牛扒味濃郁好juicy食落風味十足野菜沙律，帶子、三文魚及油甘魚刺身味道也不錯麵豉湯，茶碗蒸蛋即磨咖啡味香濃甜品係Häagen-Dazs嘅比利時朱古力雪糕…查看更多

朋友約我到尖沙咀樓上居酒屋食川菜、燒海鮮同串燒，首先叫咗半隻喜聚麻辣滋補鮮烏雞係呢度嘅特式招牌菜，一上枱充滿了麻辣香，烏雞炒得好惹味，鮮嫩多汁麻辣四姊妹用了鮮淮山、蓮藕、萵筍同雲耳炒，入口爽脆，辣得幾過癮蒜蓉燒蟶子王鮮味十足，燒珍寶大扇貝新鮮彈牙連粉絲都好香蒜蓉味芝士燒廣島生蠔非常肥美芝味濃海鹽燒牛肩胛肉味濃，芝士響鈴好有創意，外層烤到卜卜脆入面有我最鍾意嘅流心芝士燒新鮮脆皮白鱔外脆內嫩好鮮甜，金菇肥牛卷，香辣燒麵筋，燒原條牛肋條醃得好入味，燒雞全翼及蒜蓉茄子味道也不錯餐廳好有居酒屋嘅氣氛…查看更多

好耐冇食日式燒肉放題，朋友推介呢間日本和牛專門店主打食網燒A4及A5和牛，全部都由日本直送的，真係好吸引，我哋點咗尊貴和牛放題每位$458，店員首先送上海鮮拼盤包括有甲羅燒、鮑魚、蠔、扇貝及海蝦，和牛沙律、日本A5和牛拼盤及和牛美人玉子幾款海鮮都好新鮮味，蟹蓋嘅蟹膏同蟹肉也很甘香味美能夠一次過試晒多款不同部位嘅和牛真係好鬼正，特別喜歡A5熊本黑毛和牛牛肩脊及A5牛匠岩手黑毛和牛牛小排同樣色澤鮮嫩，油花分布均勻，剛好燒到五成熟口感嫩滑，肉味香濃好Juice日本飛驒牛刺味道也不錯三文魚、北寄貝及帶子刺身都好鮮甜多款非酒精飲品及罐裝啤酒任飲我最鍾意食呢個牌子嘅雪糕…查看更多

朋友約我食放題𪊴中秋，每次食放題嘅主角必定係刺身同壽司，刺身拼盤擺好精緻，我特別喜歡三文魚、油甘魚、吞拿魚同北海道鮮帶子都好新鮮，極品大赤蝦、虎蝦同甜蝦也很鮮甜海膽手卷、花之戀、芥末櫻花魚生戀、魚籽拖羅壽司和芝士鰻魚玉子燒壽司賣相都好靚七味芝士蒜蓉大蝦壽司、醬燒帝皇蟹棒壽司和火焰燒三文魚腩壽司白松露油甘魚壽司、深海池魚壽司、劍魚腩壽司、三文魚腩壽司和泰式馬刀貝壽司芝麻雞翼、炸脆貓山王、吉列牛乳炸鮮奶同紫心香芋丸都好香脆美味極尚花膠盛宴同蒜蓉粉絲蒸扇貝味道也不錯黃金燒蠔芝士味香濃古法蒸海王龍躉、西京燒比目魚及燒鯖花魚燒溫室甜菠蘿好Juice，泰式咖喱軟殼蟹香口惹味自助吧提供多款不同牌子啤酒、清酒、汽水及地道綠茶…查看更多

同閨蜜到尖沙咀食法國菜預早慶祝中秋節，我哋order咗5道菜，分別有前菜、沙律、湯、主菜及甜品，初榨橄欖油蒜片燴蝦，蒜片炸得好香，蝦肉鮮甜有質感牛油果煙三文魚沙律配法式甜醬味道好清新，清一清味蕾再迎接下一道菜烤蒜蓉包好鬆軟，烤麥包加點牛油口感豐富黑松露野菌忌廉湯啖啖松露香法式龍蝦湯味道濃郁法式封煎油鴨髀醃得好入味，以低溫慢煮烹調然後再封煎，外層香脆肉質鮮嫩，果然係一道法蘭西經典名菜西班牙黑毛豬鞍架擺盤好精緻，黑毛豬烤得好香好juicy 法式焦糖燉蛋，好鐘意面層香脆嘅口感，蛋味香濃又唔會太甜，雲呢拿奶凍非常香滑好好味…查看更多

同朋友喺九龍城廣場睇完阿古仔同青雲套新戲順便食返個午餐，朋友推介附近有間佢經常會幫襯嘅茶餐廳佢嘅小菜係即叫即炒熱辣辣又多款式選擇， 每份小炒都跟例湯、白飯同飲品，cp值極高，是日例湯係青紅蘿蔔粟米湯煲得夠晒火喉好清甜粟米班腩$50炸到外脆內軟加埋粟米同白飯係絕配欖菜肉鬆炒四季豆$50 鹹鹹香香惹味得嚟又幾好味韭黃蝦仁炒蛋$52蛋炒得好香滑，蝦仁、韭黃同蔥花都很足料青檸梳打清新之選凍洛神花茶叫咗少甜味道也不錯 凍咖啡啡味香濃…查看更多

好耐冇飛過日本玩，今日風和日麗約埋兩個閨蜜到淺水灣聚一聚順便食番個日式料理填補下心靈嘅空虛，首先我們叫咗份刺身丼定食，牡丹蝦同帆立貝刺身都好鮮甜，拖羅、深海池魚同三文魚亦很肥美，三文魚籽粒粒晶凝通透，每款定食都配上蔬菜沙律及味噌湯備長炭M5和牛定食，燒得剛好五成熟，油脂分布均勻，色澤粉嫩，外層烤得好香，肉味香濃有口感備長炭串燒拼盤定食有雞翼、雞軟骨、豚腩、豚肉腸及甜番薯配烏冬，牛舌同豚腩都好好味，能夠一次過試咁多款串燒係一個唔錯嘅選擇最後加咗一份日式炸雞外脆內嫩，非常滋味，呢餐我哋食得好滿足更一有種幸福的味道…查看更多

朋友約我到上環Akvo酒店1樓嘅淼屋Myouya lzakaya食東瀛料理，首先我們order了日式蕃茄沙律清一清味蕾🥗淼屋三色漬物包括有生姜、蒜頭🧄及牛蒡酸甜醒胃日式汁煮花螺酒香撲鼻🍾蟹肉海膽梳打餅賣相精緻，味道鮮甜，鬆脆可口，兩者配搭得好好👍淼屋火焰雪山甲羅燒極具創意有特色，侍應哥哥即場把酒讚在蛋白上燃點了火焰雪山，蟹蓋盛載著甘香味美的蟹膏同蟹肉再配上香脆的梳打餅口感同味道也不錯🦀️厚燒牛小排用咗低溫炭火燒剛好5成熟，肉質鮮嫩多汁🥩日式炸芋片卜卜脆😋…查看更多

喺網上見到呢間餐廳由21/4至29/4期間推出主餐牌5折優惠，好吸引呀，即刻約埋閨密嘆番個悠閒嘅lunch，餐廳環境優雅，以純白色和草綠色為主調，有好幾個鳥籠設計和搖籃座位成為餐廳的亮點，坐得舒適之餘又可以靜靜地同閨蜜傾吓計，一邊享用美食一邊坐在搖籃上打個靚卡post番幾張靚相share俾朋友欣賞。龍蝦海鮮拼盤，波士頓龍蝦、飽魚、蟹鉗、鮮蝦同青口都好鮮甜美味，加點檸檬汁更能提升海鮮嘅鮮味。地中海烤雞配希臘沙律、火箭菜、辣紅椒汁，擺盤很精緻，充滿了地中海嘅色彩，雞肉非常嫩滑，呢款廚師特製嘅醬汁少少辣，味道好特別，希臘沙律清新又好味。紅酒燴牛面頰伴紅蔥頭配薯蓉加上鮮花同櫻桃蘿蔔做點綴，賣相好靚，牛面頰肉質鮮嫩多汁牛味濃，散發着啖啖酒香配埋軟綿幼滑嘅薯蓉好滋味。呢兩款主菜都很有水準…查看更多