kakayan238的个人专页

呢個餐廳係置地廣場嘅地庫入面，位置比較隱蔽，早上時段都比較少人，平時我趕時間通常食佢嘅外賣三文治或者麵包，加$18就有杯咖啡。呢排我專登早啲起身，去試吓佢嘅堂食，環境同埋食物質素嚟講，簡直係一流，雖然價錢係比起其他地方貴，但係以呢個環境服務嚟講，仲可以好舒服咁坐喺度慢慢嘆，喺中環嚟講都唔係咁容易搵到。呢個係係我係唔同日子食嘅早餐，好多時都係食嗰兩款，下次我再試吓其他款式啦。真係好值得推介嘅早餐嚟。…查看更多

難得本地小店，服務同埋食物都一流，已經幫襯咗好多次，期待下次再試新口味嘅雪糕香蕉蛋糕係我每次嚟到必嗌嘅美食，佢嘅多士同埋凍朱古力都係好好味店入面仲有本地蔬菜賣，好有特色…查看更多

叫咗OpenRice外賣，喺預訂外賣自取時間到達，但係都仲未有得拎，至少等咗10分鐘前有。 外賣袋係紙袋，同埋包裝得好精美。拎到返屋企即刻食，試左炸魚無薯條先，比想像中差，話晒都米芝蓮。其實冇乜魚味，有啲咬口，啲醬係幾好味，但係個薯條就麻麻啦。再試埋碗紫菜四寶魚湯米線，啲米線都碎晒，魚湯冇魚味，好似飲緊水咁。最好味係嗰粒大魚蛋好有咬口超滿足。其他餸就麻麻冇特別。Order咗嘅呢兩樣嘢都唔好食，下次都唔會再試。…查看更多

夜晚喺銅鑼灣搵嘢食，見到呢間未試過走入去試吓，點知中伏，下次唔會再幫襯。一入到餐廳，環境比較狹窄，好在已經過咗晚飯高峰時段，店內唔係太多客人。見到食物相都好吸引，先上和牛鵝肝丼，和牛好軟冧好好味，令人有驚喜。鵝肝都OK，但係白飯就麻麻哋，配菜有生洋蔥沙律菜仲有鹹酸菜，唔係太夾，可能唔啱我口味。另外叫咗咖喱豬扒飯，首先啲咖喱汁太少唔夠撈飯，另外啲豬扒炸得太爛，一夾就散晒，味道認真麻麻地，$88呢個價錢認真唔值，最後都食唔落。去到食完飯，其實都冇比過茶我哋，無茶都冇所謂嘅，戴好口罩準備走，侍應先即刻沖杯茶嚟，本身都準備走，冇飲到啦。食嘢期間會見有2隻蚊滋喺度飛舞，同埋聽到餐廳主管耐唔耐就會教訓下員工。總結來講，餐廳環境服務都麻麻哋，淨係和牛令我有驚喜。…查看更多

今日同屋企人黎荃灣食下野，之前聽過呢間野，好受歡迎咁，咪入去試下。佢個餐牌講到d野好好味咁，我就叫左魚蛋，大雜燴，狗仔粉，炸墨魚丸，另加豬皮走醬(因為爸爸不吃醬，佢又得將醬分開上)。魚蛋真係辣而且又唔係真係好彈牙，炸墨魚丸大雜燴同d醬都好普通，狗仔粉d味令我好唔開胃，食左幾條唔想食。真係無下次，唔知點解咁出名但咁難食。…查看更多