Daisyhoyh的个人专页

入到餐廳落完單,張單黎哥陣見張單計錯數比老公睇睇再計都確認唔啱數,咁好正常叫個員工（員工A)同佢講張單計錯數, 佢黎到望咗兩秒就秒回無計錯, 我拎咗枱上張餐牌話比佢聽我地點咗既項目又指比佢聽應該係點計, 佢唔知係唔明定點樣就拎住張餐牌入去廚房問, 出返黎用機改咗張單再擺落 我哋張枱然後收走張餐牌咩都無講就走咗去, 我以為佢應該改正確啦, 點知再望都仲係錯, 見佢行埋嚟同佢講仲係計錯, 佢今次佢直接唔應機走咗去, 之後見到另一個員工（員工B）我老公拎張單比佢話比佢聽我哋落咗咩,張單改完仲係唔啱數, 員工B開頭都話無計錯數, 佢又續樣數哥陣我老公更正佢邊度錯個員工B都知自己錯響邊, 然後 佢叫員工A過黎改返佢, 員工A 仲係唔明想繼續拗,個員工B即刻停住佢話哥度計錯佢先死死地氣拎張單用筆手改,然後佢抱怨講,我哋唔會呃妳錢既,頭先咪改咗比你囉仲講咁多,我老公回佢話妳改完都仲係錯丫嘛,佢就繼續好不滿掉張單落枱話：哥幾蚊姐講咁多！我覺得真係態度好惡劣！兩個人點咗兩樣野兩杯野飲, 加數咁簡單都錯完又錯, 自己啲野食都記唔到價錢仲要惡言相向其實我都未講佢除咗野食計錯之外,收走哥張餐牌哥度寫送凍飲但佢收我錢,（我老公話牆身貼既餐牌有用貼紙庶咗 手寫凍飲加3蚊, 豪比佢費事再講, 返正枱上哥張餐牌佢都知衰收走咗） …查看更多

唔係賣緊樓盤廣告，不過經過成條尖沙咀韓國街，發覺呢間韓屋係新裝修，而且裝修比較簡潔鮮明，門口有隻粉紅色嘅豬仔，好易認 比佢嘅新裝修吸引咗，就入去試下佢嘅嘢食 我同男朋友一行二人，點咗三個菜式， 埋單每人都係150蚊，係尖沙咀食到呢個晚飯嘅價錢算係唔錯。 值得一提嘅係佢嘅牛骨湯： 湯好有牛味 ~ >唔係講緊廢話<~而係真心講嘅而且仲有韓式粉絲做底，所以唔驚食唔飽 另外仲叫咗韓式石頭鍋飯，同埋其中一款餃子，詳情可以睇下我影低咗嘅餐牌:) 石鍋飯就中規中矩啦，餃子就普普通通，大家有機會可以試下其他款式嘅食物!!…查看更多

之前睇過大台介紹， 知道呢間韓式小店出名食芝士熔岩pizza。 喜歡試新嘢嘅我，選擇先食飽飽，再去尖沙咀睇燈飾。本身對pizza不感太大興趣嘅我，點咗小店出名嘅年糕pizza， pizza如其名，果然充滿熱騰騰的芝士。 pizza嘅餡料主要有卡邦尼，同韓式年糕，所以口感QQ的 有少少似食緊珍珠奶茶嘅珍珠~~ 幾特別，可以一試!!不過我推介嘅係海鮮青口韓式火鍋呢個火鍋嘅好處十分適合女孩子食， 原因係火鍋湯底嘅蔬菜量充足，而且海鮮亦十分鮮甜， 火鍋配料可自行另外加配，我就加咗一份豬肉同蘑菇。最後仲叫咗一個幾野味嘅泡菜炒豬腩肉， 不過泡菜多過腩肉，而且腩肉嘅肥膏比較多總括而言， 小店嘅服務非常好，雖然繁忙時間人較多，而且店內的服務員只有一至兩位，(因為我唔小心打瀉咗一壺開水都無黑面)…查看更多

這個聖誕雖然不太冷， 但都要找一個藉口去飲好味嘅人蔘雞湯同食“拉絲“加火焰熔岩炒飯。 今日同男朋友係尖沙咀睇完戲就係附近嘅韓國街揀咗呢間韓食店。 慕名而來黎由正宗oppa所主理嘅芝士火焰炒飯，有表演睇，又好食，推介。oppa 為先將芝士粒倒喺炒飯中間，然後再用火槍燒溶芝士，令芝士變成溶岩狀，然後再將芝士同炒飯炒勻，再鋪平鐵板板上。兩口子再嗌多咗個人蔘雞湯，同三色芝士拉麵， 人參雞湯味道正宗，材料足，而拉麵則比較普通，anyway食到飽飽的，大滿足…查看更多

喺西洋菜街搵到一間專食牛嘅“燒燒“ 即係要自己落手落腳燒熟啲牛"嘅餐廳。本來以為會食到一身牛肉味，但係餐廳嘅冷氣教到好大，所以都可以叫做吹得散啲肉味。不過就要留意唔好坐喺冷氣機底，因為會有滴水嘅情況出現。講返重點，成個晚餐只有三個燒牛肉嘅set。每一個set嘅side dishes全部一樣：有前菜，麵豉湯，沙律菜，白飯同埋一份因應牛肉質量而定價嘅吉烈牛，分別由198蚊嘅安格斯牛，上至498蚊嘅a5和牛。同朋友一行二人trytry佢嘅牛肉餐，叫咗一個最平嘅餐同最貴嘅餐做比較。 當然一分錢一分貨嘅定理係正確的A5牛入口似豆腐，好快溶化，完。唔需講太多。不過我建議店員可以多作講解所提供醬油嘅使用方式~…查看更多

唔覺意睇到一份“大台“嘅雜誌， 呢間格仔店賣廣告主要講 格仔餅同雞蛋仔有咩特別 兩者除咗有傳統嘅款式外，仲會溝珍珠，或者唔同口味嘅雪糕，雪糕甚至有榴槤，冧酒嘅味道。 另外一個賣點係港式珍珠奶茶，聲稱唔用奶精去沖茶。 12蚊呢個價錢比起一啲連鎖嘅 珍珠奶茶店平成一半，所以睇完呢個報導之後，專登去北角呢間小店，試一下珍珠奶茶。因為本人係珍珠奶茶控，點之一試中伏 奶茶只有紅茶味，甜到好似煉奶溝水，珍珠簡直 似食緊 bear Gummy 。好彩淨係賣十二蚊。。。雖然服務態度唔錯，又唔使排隊，但係味道實在強差人意，有點失望…查看更多

又喺團購採購到coffee shop嘅現金券，大概70蚊嘅價錢買到一百蚊嘅現金券但係每人只限使用一張，今次一行兩人，同朋友去旺角呢間都幾就腳嘅咖啡店度試下 。去之前先望咗餐牌，兩個人都應該可以fholy utilize呢兩張現金券。由於時間尚早，所以坐低嘅時候店內空無一人，感覺都幾舒適。出面旺角非常繁囂，但係喺呢個角落就有寧靜嘅一刻。 店員俾左餐牌我哋，之後我哋就要自行出去點菜，同埋即時付款。之後亦都會有店員為我哋送餐。我同朋友每人叫咗一個dinner set，有湯/沙律，主菜，同埋飲品。食物同飲品就中規中矩啦～可能個人本身食得比較重口味，所以我覺得間餐廳嘅食物唔係好夠味。不過賣相以小店嚟講都算唔錯嘅 ～提一提 ，我朋友話嗰個薄荷朱古力飲落似牙膏，所以大家要小心選擇啦…查看更多

成功喺團購裏面採購咗一張喺銅鑼灣後街嘅小店的心太軟。睇到團購入面食客影嘅相，雖然只係畀十蚊，但係呢個心太軟絕不欺場!!但係要留意嘅係，由於餐廳只係間小店，人手有限，所以整食物嘅時間都比較耐，所以我哋同時間點左一碗鰻魚飯。賣相還可以啦，食物質素和味道就一般。個鰻魚飯雖然好多汁，但係個鰻魚比較近似食緊海蜇。食完鰻魚飯之後就用團購券換咗一個心太軟。除左有流心朱古力蛋糕之外，仲有兩個細細地嘅牛角包和一球雪糕。牛角包食得出嚟自家製的，個雪糕就一般喇。不過以10蚊呢個價錢嚟講，絕對係超值!抵食!而且由於地理環境因素影響啦，店內嘅食客都唔算多，所以適合同朋友仔坐下傾下偈。而且餐廳另外一個賣點係可以即時買張明信片。仲有待寄服務~喺宜家資訊發達嘅社會，停一停，寫張明信片畀朋友或者自己都係一個唔錯嘅選擇！:)…查看更多

睇完八卦雜誌嘅飲食情報，終於來到銅鑼灣嘅麻神，一試佢嘅鴛鴦鍋。點菜後，餐廳經理特意介紹佢哋冇味精嘅鴛鴦鍋 ，清湯嗰邊係昆布湯底，麻辣嗰邊有傳說中必食嘅鴨血，重要指定用刀叉去食，唔係用筷子鴨血非常有質感，並唔係茶餐廳或者中式酒樓食嘅韭菜豬紅，一夾就散。最值得一提嘅係肉類!!我同三位朋友叫咗一份牛小排同黑毛豬。相片嘅內容只係各200 gram，建議如果人多嘅，可以嗌400 gram。個牛小排真係世界級嘅頂級牛肉!!咬落口感真係好唔同~ 建議大家"dep"清楚啲味道，因為每塊價值七八十蚊港幣餘下菜單都好似打邊爐咁樣，叫咗啲丸呀、餃子呀、蔬菜咁……另外， 提一下，如果大家對冰藻有興趣，又充滿好奇心嘅話，其實佢似海草，味道有啲腥。怕腥嘅朋友，可以免叫呢個菜。最後提一下，個飲品雖然有啲貴，五十幾蚊一杯，但係檸檬同蜜糖味超重，非常配合火鍋湯底 。每杯飲品入面仲有爆多嘅荔枝味爆珠，配以火鍋嘅美食，絕對可以話係一流 同場加映：：：食之前，已經聽朋友講呢間餐廳好多明星嚟光顧，其實入面嘅裝修非常古色古香，亦都配以摩登嘅味道。臨走前真係見到黎耀祥，人生有幾多個十年呀～…查看更多

喺太子酒吧街，予期入酒吧飲酒，不如去呢間細細地嘅coffee shop。食物水平中上， 兩杯咖啡，加兩個小食，二百幾蚊落樓。坐兩個鐘，同朋友傾下計，環境唔錯，侍應又唔會趕人，所以都算優閒。:)…查看更多

今日喺大王東街嘅咖啡小店搵食lunch，餐廳嘅環境幾好，播住輕音樂，而且室內用餐嘅客戶說話都唔會太大聲，所以同場都會見到有啲客戴左手提電腦黎過一個休閒嘅下午。不過，我冇咁幸福，只可以快快咁食個lunch set，返office做嘢。值得一讚嘅係小店好有心思，裝飾幾特別，而且用嘅餐具都非常之受女士歡迎，彩色㗎!!能夠提高度食慾。食物嘅水準亦都唔錯，而且服務幾好，又唔收服務費。不過要注意嘅係餐廳只收現金。另外一個好嘅地方係可以預早打嚟book位…查看更多

近來慶食芋圓，所以睇到廣告，就把心一橫走到深水區搵呢間前身係涼茶舖嘅甜品店試一下佢推出嘅芋圓甜品。行咗好耐，終於搵到，都算易搵嘅，因為佢喺大街旁邊 ，基本上附近嘅店舖都已經關門，就只有佢呢間有非常光猛嘅門面。外面企咗十幾二十個人，大概當時係九點，所以我同朋友決定買外賣返屋企食。買咗一凍一熱嘅仙草芋圓外賣，外賣有膠盒裝住，可能天氣太凍嘅關係，熱嘅芋圓甜品返到屋企變暖了。另外亦包咗兩盒仔甜奶，係溝咖啡飲嗰種。溝落去，味道適中，啱啱好。材料方面，有涼粉、西米、芋圓、小丸子、珍珠等等，都算幾足料，對得住25蚊呢個價！…查看更多

如果想搵重口味嘅火鍋打邊爐，可以嚟呢間銅鑼灣非常就腳嘅麻辣火鍋店。 不過佢嘅湯底“麻“方面就差少少，不過就難“辣“度十足。 由於同行者有不食辣嘅朋友，所以點左一個鴛鴦湯底，一邊係麻辣，一邊係返蕃茄，再點咗幾樣看似幾有特色嘅配料打邊爐。第一樣係喺相中睇到嘅一個摩天輪，上面擺咗唔同嘅手打肉丸，同埋類似水餃類嘅餃子，影相確係幾好睇。 不過，性價比就一般，因為分量比較少。另外值得一提嘅係擺得好靚嘅玫瑰花豬頸肉， 呢個份量就對得住個價錢，而且影相都真係一朵盛開嘅粉紅色玫瑰。其他配料嘅品質都唔錯， 最後叫做一個小食，係椒鹽炸粟米，食落幾香口，不過70蚊食一條粟米就略有點貴，不過佢上碟嘅時候樣子都幾特別。最後值得一讚嘅係餐廳十分細心，準備一條即棄嘅圍巾畀客人圍住，為免衣服吸收太多食物味道同埋淺到辣油。…查看更多

一個人行經深水埗，見到有新拉麵店好似啱啱新開張，所以入內試咗一碗濃湯豚肉醬油拉麵。一如其他拉麵店，裏有一張餐紙畀你選擇面、醬油、湯、配料既不同options。 由於本人喜歡較濃味嘅食物，所以點左一碗濃湯豬豚肉醬油拉麵。賣相都幾好，食落味道中等，對得住個價錢。因為而家食拉麵動輒都要接近100蚊，喺深水埗呢個地段，食個70嘅面算係中上價錢嘅午餐。除咗食物，入面嘅服務員都嘅穿著得幾日式，所以坐落個格局雖然似茶餐廳，但係整體視覺都算日式。總括而言，整體都唔錯。如果行開深水埗，除左試下出曬名嘅麵食或者茶餐廳之外，呢間都算係一個不錯嘅選擇。…查看更多

2018年嘅第一餐，我選擇同男朋友仔由旺角行到去大角咀呢間小店。原本book咗七點半，去到嘅時候小店已經坐滿了一半人。應該係老闆娘嘅侍應非常貼心，原先佢安排咗一張二人枱畀我哋兩個，但係見我哋坐得有小小迫，因為冬天有大褸，同埋買咗幾袋戰利品，之後佢主動安排一張四人枱畀我哋。所以坐得非常鬆動。呢啲細心嘅安排都係一啲加分為位然後佢好主動咁向我哋解釋小店裏面有唔同嘅肉類可以挑選，最後我哋揀咗一份豬腩肉同埋一份羊扒。肉類有分兩個份量，我哋兩個人食，所以就挑選咗兩款肉類，分別都係細份的。每份肉類都會跟一碗菇，所以感覺特別健康:) 燒肉之前，老闆娘為我哋端上熱辣辣嘅麵豉湯，同埋非常脆口嘅沙律菜，感覺非常之清新。 上肉嘅時候，老闆娘亦都會好細心咁解釋每款肉類喺石燒上面嘅方式，同埋時間。不過要注意，當在燒熱咗嘅石上面燒肉嘅時候，要小心肉汁飛濺到衣服上，建議唔好坐太近張枱。小食方面我哋叫咗一個煮蜆味道非常特別，湯底 十分甜應該用品質良好嘅白蘿蔔去餚製。 比較特別一提嘅係，小店會奉上黑松露醬。如果份量唔夠，仲可以添。 另外，我哋叫咗兩個跟餐，所以每人有一碗紫菜飯和飲品。最後還有每人一個甜品--大福。店內會播放著日文歌，而裝修亦都非常恰當，所以對呢餐新年大餐感覺良好。…查看更多