康瑞甜品

营业中

休息中

近来庆食芋圆，所以睇到广告，就把心一横走到深水区揾呢间前身系凉茶舖嘅甜品店试一下佢推出嘅芋圆甜品。行咗好耐，终于揾到，都算易揾嘅，因为佢喺大街旁边 ，基本上附近嘅店舖都已经关门，就只有佢呢间有非常光猛嘅门面。外面企咗十几二十个人，大概当时系九点，所以我同朋友决定买外卖返屋企食。买咗一冻一热嘅仙草芋圆外卖，外卖有胶盒装住，可能天气太冻嘅关系，热嘅芋圆甜品返到屋企变暖了。另外亦包咗两盒仔甜奶，系沟咖啡饮𠮶种。沟落去，味道适中，啱啱好。材料方面，有凉粉、西米、芋圆、小丸子、珍珠等等，都算几足料，对得住25蚊呢个价！