Manting_angel的个人专页

之前己經黎食過佢既LUNCH, 今日就去試個DINNER~七點計埋我地都只係得兩枱客人. 可以任揀位置黎坐, 我地揀左個卡位. 全間餐廳都以日系為主, 周圍仲放滿乾花做佈置, 每一個位都係一個打卡位.SET DINNER包餐湯, 但唔包飲品, 可以自己加配唔同小食同飲品. 我地只得兩個女仔, 所以無特別加到.只係每人加左$28飲品. 落單要出去COUNTER比錢, 之後就會有送餐服務. 落完單一陣就有個蕃茄湯, 不過不失吧. 薄荷朱古力奶昔 超濃薄荷味~ 一飲係停唔到口芒果香橙乳酸特飲朋友既特飲就有D似什果賓治~ MAIN COURSE黎啦~ TORIO招牌之青蘋果紅茶咖喱飯配吉列豬扒 $98咖喱汁無乜蘋果香味同埋嫌汁太少, 同普通日式咖喱無乜分別. 吉列豬扒炸得夠脆夠乾身, OVERALL都唔錯. 東洋溫泉玉子長鰻魚飯 $118上枱時大家都呆左, 根本係放大版既鰻魚壽司..原條鰻魚超大條... 口感一流~好適合三五知己黎食飯吹水, 人少既話仲可以黎打卡~…查看更多

尖東隱世拉麵店同事介紹一間係幸褔中心既拉麵店, 聽聞好多日本人都去呢度食野...於是跟埋同事一齊去食個LUNCH.LOCATION有少少難搵, 我地兜左幾個圈先搵到... 後尾發現原來係譚仔隔離部LIFT可以落到去.. 入到去好有80年代日本FEEL, 我地12點10去到, 仲有好多位.但到我地走時己經坐滿, 仲要真八成都係日本人.MENU好多選擇, 三個唔同價錢既拉麵, 再可以擇免費小食/飲品. 今次我揀左特製醬油豬骨拉麵+炸八爪魚球份量比其他拉麵店相對細碗, 但係佢個湯底好出色.除左有半隻蛋之外, 仲有一粒細蛋仔炸八魚球雖然細細粒, 但都有成三粒, 應該係即叫即整, 熱辣辣都勁好味~值得一提既佢有個期間限定既丼飯~都相當吸引~ 多數都係一樣主食既丼~佢竟然係有兩樣主食, 鰻魚牛肉同埋鰻魚蝦天婦羅牛肉飯~性價比都高~ $80都唔洗~ 有機會下次要再黎試~…查看更多

幾個月前同朋友食過一次LUNCH之後終於帶到老公黎試.. 仲同埋兩個朋友一齊食DINNER. 我地六點就去食, 估唔到己經接近坐滿, 我地坐低之後剩返一張四人枱. 今次我地四個人叫左三個主食, 加兩個小食.同午市一樣, 晚市主食都可以加錢追加晚市定食. 晚市追加定食都有兩款, 研究過都係個湯既分別, 所以我地揀左平果個算. 板燒安格斯牛 + 追加定食份量勁足, 至少有十幾片牛肉熱辣辣石板直接自己燒, 鐘意幾多成熟都可以自己控制. 我鐘意比較生既口感, 所以我燒到3-4成就己經夠, 完全係入口溶化既感覺… 配埋佢個秘製醬汁一齊食真係不得了. 燒吉列牛 + 追加定食吉列牛相對香口多少少, 基本上個口感都同安格斯牛差不多.不過呢個我覺得要熟少少先好食.. 秘。燒牛肉野菜鍋初初望佢鍋仔細細，估唔到一樣都係份量十足。　牛肉好冧, 就咁用筷子都撕得開仲有勁多配料, 冬菇, 娃娃菜, 芋絲, 蘿白, 獅子狗, 全部都好入味. 總結：我地四個人最後埋單係五百幾蚊, 每人都係一百頭. 同埋餐廳都好好, 我地食完仲坐左係度吹水吹左勁耐都唔會趕我地走. …查看更多

基本上每次夜晚開會前的特定飯堂🥢每次我地六七個人以上都唔洗等位。快。靚。正👍👍👍環境光猛易搵。坐位之間迫少少。健碩啲既男士會坐得辛苦少少。牛肉湯生牛丸牛肉金邊粉份量充足。細食既我係食唔晒。個人認為男士都應該夠飽🤣🤣🤣🤣🤣牛丸細細粒夠彈牙。口感一流🤤🤤🤤牛肉湯底夠濃味👍👍👍老公試左新野。紅咖哩牛腩飯椰香味濃郁。份量夠。老公表示滿意。仲話下次可以再encore😜😜😜…查看更多

下星期就開始返新工, 襯今個星期仲自由, 就不斷約朋友食LUNCH...今次呢間餐廳係朋友揀既... 係將軍澳站行過去10分鐘左右... 可能我地約左12點... 正午時分行過去係有D辛苦... 但發覺咁辛苦行過去都係值得既...全間餐廳都係以簡約日系風既設計... 牆上仲有好靚既壁畫.. 最特別係有兩張靠玻璃位置既千秋櫈... 下次有機會都想坐下... LUNCH MENU都好吸引, 有唔同口味既SET比人選擇..我地兩個女仔叫左個一個SET, 再追加左個炸雞同埋八折甜品.. 再叫左個好得意既烏卒卒火山..呢個燒牛肉墨西哥飯卷拼沙律喜出望外, 佢個芝士係可以做到拉絲...作為芝士控既我表示熱愛.. 跟餐可以追加炸雞... 以為小食既量應該都係得2,3舊..估唔到係有成6,7舊... 口感味道亦都一流.. 性價比極高...烏卒卒火山飯先係今日重點... 個頂係蛋漿.. 一界開佢就好似岩漿咁流落黎... 佢外面就係用蛋白做, 好香既蛋白味.. 連埋入面D飯一齊食無咁油膩... 最後我地以一個韓式米酒TIRAMISU黎埋尾.. (呢個咁品跟SET LUNCH有八折, 都好抵食...)個人覺得佢個酒味濃左少少, 蓋過左TIRAMISU本身應有既咖啡味...  …查看更多