Seoulmate (MONTEREY Place)

下星期就開始返新工, 襯今個星期仲自由, 就不斷約朋友食LUNCH...今次呢間餐廳係朋友揀既... 係將軍澳站行過去10分鐘左右... 
可能我地約左12點... 正午時分行過去係有D辛苦... 但發覺咁辛苦行過去都係值得既...

全間餐廳都係以簡約日系風既設計... 牆上仲有好靚既壁畫.. 
最特別係有兩張靠玻璃位置既千秋櫈... 下次有機會都想坐下... 

LUNCH MENU都好吸引, 有唔同口味既SET比人選擇..
我地兩個女仔叫左個一個SET, 再追加左個炸雞同埋八折甜品.. 再叫左個好得意既烏卒卒火山..

呢個燒牛肉墨西哥飯卷拼沙律喜出望外, 佢個芝士係可以做到拉絲...
作為芝士控既我表示熱愛.. 

燒和牛墨西哥卷拼沙律

$72

跟餐可以追加炸雞... 以為小食既量應該都係得2,3舊..
估唔到係有成6,7舊... 口感味道亦都一流.. 性價比極高...

甜辣炸雞

$25

烏卒卒火山飯先係今日重點... 個頂係蛋漿.. 一界開佢就好似岩漿咁流落黎... 
佢外面就係用蛋白做, 好香既蛋白味.. 連埋入面D飯一齊食無咁油膩... 

鳥卒卒火山 忌廉蟹肉磨菇飯

$158

最後我地以一個韓式米酒TIRAMISU黎埋尾.. (呢個咁品跟SET LUNCH有八折, 都好抵食...)
個人覺得佢個酒味濃左少少, 蓋過左TIRAMISU本身應有既咖啡味... 

韓國米酒意式芝士蛋糕

$58