大食又無力的个人专页

又係我，上篇食評唔記得講，只好多加一篇補充。一入餐廳坐低已見枱上有前菜小食，我哋知一定要收錢，所以話唔要，叫侍應收走。其實佢哋擺晒前菜喺各張吉枱度極不衛生，我見到周圍嘅吉枱上嘅前菜有好多烏蠅飛上去食的，你夠唔夠膽食呢？另外，我聽到隔離枱位女客人同侍應講佢想要水唔要茶。個女侍應即刻好清晰咁問：你唔要幾多杯茶？個客人話：我要3杯水。跟住我見到（係我親眼見到）個女侍應收走咗佢枱上3杯茶，然後倒返入個銀色茶壼入面（環保回收茶！）我有理由相信我哋剛才用嚟洗杯嘅茶，佢都攞返入去環保回收！呢間店劏客咁叻，環保又咁叻，我唯一可以講嘅係：一定無下次。…查看更多

一入餐廳問個阿姐侍應取餐牌，佢話無餐牌，叫我睇下牆上的菜。我想食卤水鵝，但見唔到牆上有寫，就問佢幾錢，佢答我例牌$150，其實有少少貴，但我鍾意食，所以就叫啦！一食，覺得好咸，同埋卤水鵝點解無皮嘅？d皮去咗邊？蠔餅又係牆上無寫明的，問佢先答我$80。我去其他地方食有莞茜和胡椒粉，香好多，這裡的蠔餅，無乜特別人。我見到牆上有個炸拼盤$120，問佢咩嚟？佢話有蝦棗、蟹棗和蘿蔔糕，ok咁試下啦。我見到個阿姐在雪櫃攞了6粒東西，然後拿入廚房處理。上碟共有6粒東西，沒有賣相可言，味道都正常，但數量少，都算貴。飯後不斷問我哋食唔食甜品？我哋話唔洗，因為諗住去九龍城另一間甜品店食。好彩咋！睇返呢度食評先知呢度原來甜品要$30-40。埋單$350，可能我哋係全日最低消費額嘅客人。點菜一定要問幾錢。各位如想試下俾人劏係咩滋味，即管試下。…查看更多

明明有出席，但話我缺席。請 Open Rice 正視及警告該店，還我積分。因我見有其他食評都說店主沒有確認出席。我有影相的，有埋消費記錄，Open Rice請不要說我缺席。午餐／下午茶餐點了水煮江團魚和口水雞。但是希望越大，失望越大。食物質素好一般，而且份量十分少。口水雞係蒸熟咗嘅口感！不是應該凍食的嗎？水煮江團魚，辣椒多過乜，魚肉得嗰幾片。裝修好似夜店，食得不自在。連加一，埋單160元，我覺得唔值。沒有下次。…查看更多

上一次和十多個朋友來吃飯, 叫了好多餸, 蝦多士好香脆好好味, 雲英雞好滑, 其他餸都水準不俗, 埋單$130, 人人話好抵, 所以今次食過番尋味!和舊朋友歡聚, 人少少叫了三餸一湯 (左起: 金銀蛋豆苗, 炒蟶子王及老火湯)金銀蛋豆苗不過不失蟶子王都幾新鮮彈牙, 好入味! 湯好大碗, 好像飲極都飲唔完(我慣咗飲完湯先食飯, 但湯未飲完, d餸已經上晒枱,開始凍啦......) 琵琶豆腐最好吃, 仲有乾瑤柱打獻, 豆腐軟淋淋, 外脆內軟, 而且細細粒, 食完一粒好快想再夾第二粒!食物一上枱很快就涼了, 而且侍應常常想趕客, 餸都未食完就快快送上綠豆沙, 吃得不太自在.......埋單三百幾, 價錢都ok, 會再來試其他食物, 但唔好期望有優質的服務, 這是舊式傳統的港式飯店.…查看更多

放工等齊朋友就過去沙角邨德記大排檔食飯!我最LIKE的燒乳鴿, 好多肉汁,我食了3/4隻, 超正! 仲有脆脆蝦片!椒鹽骨, 一般, 偏咸!海味什菜煲有好多海鮮, 真係好足料, 同埋好新鮮!仲有叫豉油王炒麪(幾好味) 和腰果雞丁(略咸), 四個人食得飽飽, 埋單$320. 好抵喎! 一定會再幫襯! …查看更多

團購一壽司, $30買價值$60的現金券, 買了兩張吃了兩餐, 但食物質素好差好差!左: 唔知叫咩卷 右: 三文魚壽司左: 比目魚邊壽司右: 劍魚壽司以上是第一次食的東西, 只有比目魚邊壽司, 其他壽司, 連一向最穩陣的三文魚都是無味道的! 店員大部份似是尼泊爾人, 服務態度唔得! 我無歧視佢哋, 我下午三點入去食, 當時只得幾枱客, 但店員都頻頻落錯單! 我同佢講話依碟壽司係我的 ! 佢唔相信我, 並用尼泊爾話問另一位店員碟壽司係咪我架? 噴完一輪口水, 先拿碟壽司俾我, 我覺得佢哋令到我有hard feeling同埋好唔合衛生囉!仲有一張團購現金券, 只有再食一次. 以下是第二次食的東西!全部魚生都係無味道的! 上: 帶子壽司下左起: 比目魚邊壽司, 劍魚壽司, 海螺壽司兩次埋單都要補差價, 埋單要再加$50, TOTAL百多元一餐, 我覺得完全唔抵!結論: 唔會再有第三次…查看更多

2012年11月份食的生日飯, $3,988 全包宴, 假日和平日同價, 我的食評如下：-(1) 乳豬皮脆，不肥，好香好好味，我一個人食了六件。(2) 熱薰可選兩樣，選了西芹蜜豆鮮螺片炒花枝和百花炸蟹蚶。西芹蜜豆鮮螺片炒花枝，螺片和花枝少得可憐，一般；蟹蚶ok, 炸法同其他酒樓不同。(3) 雞煲翅講明係足20両翅，侍應特意把整碟翅捧上枱讓我們看看才分，其實我本人不太明白點解中國人那麼喜歡食翅，其實翅本身是無味的，是加入雞就有雞味，加入火腿就有火腿味，所以我對魚翅的評價是：味道適中，碗翅放涼了會腥，可希望大家可以少d食翅，保護頻危動物。(4) 花菇扣黃肉參，花菇一般，肉參則很大條及有咬勁，好味。(5) 蒸魚有點時間剛剛好，整條被我們食清光。(6)清蒸八頭鮑魚，好大隻，但味道一般，好un，食唔晒要打包。(7) 炸子雞弄得不錯！但由於大家已吃得很飽，所以只吃了數件就要打包！(8) 松子紅米炒飯，我無食過，但看賣相應該可以。(9) 長壽雙喜伊麪，其實係乾燒伊麪囉！(10) 甜品是大壽包，壽包就內有奶黃及蓮蓉餡(均沒有咸蛋黃)，有黃點的是奶黃餡，其餘是蓮蓉餡，奶黃餡和蓮蓉餡各有擁躉！(11) 生果盤有西瓜及橙。由於小朋友多，我們打包了吃剩的食物，一點也不浪費。埋單比上星期食的菜單貴大約$700，菜單大部分相同，不同的是有鮑魚及雞煲翅，我覺得上星期的菜單其實已經很不錯，真的，吃飯最緊要不是吃得貴，而是吃得開心。值得一讚：乳豬好好味，服務不錯。需要改善：西芹蜜豆鮮螺片炒花枝。…查看更多

我最鍾意食大排檔,因為最鍾意D風味，但係食咗好多年嘅沙田禾輋陳根記, 唔知係咪轉咗廚師, 近日真係嚇咗一跳!其實幾個月前我曾經在陳根記食手撕雞, 返屋企即晚已經疴咗幾次......我估係因為當時係夏天, 食物易變壞諗住今次俾多次機會陳根記......左邊是"孜然骨", 我食不到"孜然"味, 只食到是煎豬扒切去塊肉, 剩下條骨炒幾炒就上碟囉 ! 呢味餸真係好求其!乳鴿無肉汁無鴿味, 失敗。豉油王炒麪的麪不夠彈牙, 南乳雜菜煲D味好怪!結論: 不可一, 不可再!…查看更多

這是西日Fusion的餐廳, 食物質素真是好好, 價錢算是全上水區同類餐廳最貴, 位置太開揚, 環境扣分, 而侍應的質素就有待改善.負責帶位的Anita，又要負責落單及捧餐，餐廳入面其實已經有幾張“吉枱”而站在門外的人潮有成十多人，我不明白為何她要客人在門外白等超過十分鐘，都不安排我們入座？是否刻意要造成這個現象呢？餐廳另一敗筆是一定要超過半數人來才可安排入座，這又是什麼道理？如果這是酒樓，我都明白，因怕客人飲啖茶慢慢嘆，但這裡只是西餐廳，我們決不會慢慢嘆吧！最多吃一個小時都埋單啦！希望餐廳的管理有所改善。菜湯不及白湯好味 (每日只有一款湯或一款沙律供應, 選擇太少)雞扒夠大件飯有重忌廉味, 夠飽肚, 但好淋, 不夠煙un, 蝦仔得四粒,太少/ 太小.我之前食過忌廉三文魚意粉, 有三文魚籽的, 超有忌廉creamy味, 真係好正, 但今日餐牌沒有!可惜可惜!單單評食物質素, 這是十分好味的: value for money!但其他方面有待改善.…查看更多

已經來過好幾次，因為我鍾意食海鮮，而且這裡的食物份量很足，食物質素因應當日食客多與否，可以好好，亦可以不好。最喜歡這裡可和親戚朋友吹水都唔會有人趕你走！我們每次都叫鮑參翅肚餐$238，每枱送一支紅酒及每人一罐汽水。魚翅真係有很多翅，環保人士一定不喜歡了！鮑魚炆得入味、花膠、冬菇都好有質感。花雕蛋白蒸蟹，最愛食d蛋白，夠滑。蒜蓉蒸扇貝，不過不失，有時會未熟透。三色蝦，有黃金蝦、美極蝦及芝士蝦丸，各有特色。有朋友不吃西蘭花, 所以將瑤柱西蘭花轉做菜心，但太淋，失敗！ 我之前食過 "天下第一雞" 係最唔得的一味菜，今次預早打電話叫佢將雞改做生炒骨，唔使加錢，個個食咗都讚！下次weekday來試下其他餐單！…查看更多

經過大埔新達的丼丼屋食堂，常常都見到長長的排隊人龍，我一直都好想試下，今天剛巧中午得閒，就到這裡試一試。我單叫了吉列豬扒配咖哩烏冬，沒有跟沙律及前菜。吉列豬扒炸得很鬆化，而且好大件，咖哩汁好香濃，配合彈牙的烏冬，好好味！好飽！大埔墟鐵路站一帶都沒有什麼好東西吃，怪不知這間丼丼屋食堂經常都排長龍了！…查看更多

我表姐住元朗，入元朗探佢，就到加勒比餐廳吃西餐吧！聽聞這裡有“live band”的，所以我問老闆今晚有無“live band”？她立即說：「呢度得個電子琴，邊有“live band”？不過今晚無人來表演喎！」坦白得可愛！餐湯是羅宋湯，多料，配上蒜蓉包，十分好味。主菜就我和表姐share來食。西冷牛扒是炭火燒的，有一條條火燒的坑紋，能鎖住肉汁，有牛味，好大件，我估有250-300g。我最鍾意食邊邊的肥羔，燒焦後好香。羊扒則是先燒後焗，即叫即做，看得出是花功夫之作，羊扒的顏色粉嫩，但兩者對比，我較喜歡吃西冷牛扒。埋單每人百幾蚊，價錢合理。不過之後，有朋友和我來這裡吃午餐，牛扒細件一點，但都是坑燒的，送埋餐湯和咖啡都只是約$50，仲抵！…查看更多

新界妹難得過海上課，就和4位同事來Soho區吃意大利菜，在openrice找到這間Brivo Pizza, Pasta & Grill，set lunch價錢是$89 + 10% 算是全區最抵，食評都不俗，所以來試試。本人不太好麪包，只是加入黑醋及Olive Oil淺嚐。我點了南瓜湯，全盤是熱騰騰的南瓜湯，整個湯都只有南瓜的味道，好足南瓜料，但不可說是好好味囉！反而同事叫的蕃茄海鮮湯好似正好多！西冷牛扒(medium rare)，烤得有點兒過熟，牛扒的牛肉味不夠濃，不過以這個價錢來說是合格了；反而是薯蓉仲好味，不是全蓉，而是有一粒粒的質感，好味過塊扒。甜品或餐飲二擇其一，我選了是日甜品，是Tiramishu，都幾有咖啡味，不會太甜。再加埋雲妮拿雪糕，好滿足。 埋單每人$98，吃得飽飽下午繼續上課。…查看更多

一進入這間店，已經覺得好日本feel，似係日本人開的，而且隔離坐了兩位日本後生女仔。不過好快我已發覺她們似乎是非常不滿這間店的食物和價錢，不斷和店長用日文和英文理論！到我們點菜，我叫了咖哩豬柳飯($138)，而同事就叫了炸豬扒飯($128)。店員先捧來每人一碗椰菜沙律，加了麻醬之後好好味。仲有一碗枝豆，都好甜。一邊食椰菜和枝豆，一邊留意隔離那兩位日本女仔仍然和該店長用日文和英文理論，而店長於是好不耐煩地叫她們向公司投訴，她們本想繼續理論，但店長太忙 (兩個人要招呼四枱客)，兩位日本女仔見和她理論都無結果，於是無奈離開 ( 詳細可看上一篇 openrice 的英文食評，我相信這是其中一位日本女仔寫的 )。講番食物質素，我一向不太喜歡吃炸豬扒，因為我怕太熱氣，所以通常我會加咖哩汁令豬扒無咁乾！而且這間店的價錢頗貴……如果要用$150的價錢食午餐，我會選擇吃意大利菜或法國菜，可以鋸下牛扒或者食個pasta啦！等了差不多半個小時，豬扒新鮮炸好上枱！我的咖哩吉列豬柳只得兩小件，而同事的吉列豬扒卻是一大塊，那一刻我有點不快，而同事就立即主動給我試一件吉列豬扒，比較了兩種豬，結論是：我的咖哩吉列豬柳較好味！豬柳好多肉汁，好嫩好有肉味，配合咖哩汁實在天衣無縫！我第一次食到那麼好味的咖哩吉列豬柳！而且吃完之後整個下午，不但不感到口渴，而且滿口豬柳肉汁的味道，回味無窮，好滿足！這是真的，沒有吹水！而同事的吉列豬扒就相對比較乾。跟餐咖啡都可以，就是人手不夠整餐也沒有人替我們加水。我們一邊吃，對面一枱十數人有食客比我們早到還未有食物，他們正不斷摧店長呢！ 埋單時發覺不是原來的價錢，問店長才知道是第二位客人有半價的 (精明的我竟然不知道，餐牌是沒有寫的！) 。我們三人行就拿最平那個餐半價，最後每人$125，好味，但有點少貴，服務有待改善。…查看更多

因為OPEN RICE 的COUPON有六折, 我要BOOK一整個月才有位呢! 這裡的串燒很出名, 牛肉粒(上) 好好味! :)炸魷魚圈(上) 和黑椒牛柳 (右)都好正魚生種類雖少, 但好新鮮, 吃一碟已經很膩... 凍海鮮無限量供應, 食到你唔食:)海南雞飯是必試的菜式甜品CORNER, 好精緻.左上: 開心果慕思 (好香開心果味)右上: 杧果慕思 (好軟滑)中: 綠茶卷 (夠煙un)下:美式芝士餅 (一般)左起: 朱古力蛋糕, 蜜桃批, 藍莓芝士凍餅, 朱古加慕思 (太飽沒有試, 全部是男友吃的), TIRAMISU (試了少少, 有好香咖啡味), 反而即磨咖啡(中) 一般:)我仲食咗杏仁豆腐拼涼粉加新鮮生果, 勾起我的童年回憶；之後食了斑蘭PANCAKE , 內有雲妮拿雪糕, 好好味；最後食埋杧果雪芭及雲妮拿雪糕加杏仁片, 為今餐畫上完美的句號。…查看更多