smallsmallmouse的个人专页

今日難得同朋友聚餐，揀左間湘菜餐廳，環境雖然一般，但餸菜好味道👅，特別讚賞鴛鴦魚頭，色香味俱全，之後仲配埋清湯面，另一個土匪豬潤，夠晒濃味，夠辣，唔會太硬，配飯一流…查看更多

係泰國食過流水蝦令我一試難忘，今次聽朋友講係尖沙咀有間流水蝦食，即時係呢個唔敢出嚟見面時間段都要試一試，多人聚會就唔敢，只好同朋友2人撐枱腳。一到就遇到店員熱情招呼和防疫程序，安排坐係流水道邊，甘樣方便我又食又玩又燒，出面有好多款熟食可以食，有炸春卷、蝦片、海南雞等等。。。雖然我係奔食蝦而來，但只食蝦有點單調，所以都攞左d雞翼、牛排、豬排、丸、蜆、帶子過來，餐廳仲有提供刺身，最後當然係新鮮游水大頭蝦，坐係流水道邊上好處係隨時捉蝦，之前係泰國食過，所以對夾蝦已好熟手，夾完凍暈就可放上爐燒，記得要凍暈一陣，如果唔係蝦會爐上扎扎跳，個爐都算燒得幾快，燒多幾轉蝦抵返晒。食得又玩得燒蝦放題之夜，滿足又飽肚👍👍…查看更多

喜歡係呢個冇咩人想打邊爐時間同屋企人慶祝生日，我揀咗中午時間，人少少，安安靜靜，首先去到必須量體溫，再嚟要用酒精搓手，員工為了自己和大家，見到係戴上2個口罩，安排咗4人枱，枱與枱之間相隔1張，做足晒安全措施。今次叫左個鴛鴦鍋，1邊係清湯，另1半係鴨血酸菜，而鴨血酸菜可免費添加，鴨血好嫩滑，酸菜又唔盒咸，配上小辣，開胃又醒神，飯都添多1碗，係啦，佢出面有張台仔有飯免費添加㗎😄😄。當然例牌邊爐唔少得叫牛肉，今次生日晏冇理由唔昇級啊，叫咗A4和牛，一睇都見到色澤鮮紅，油脂分佈均勻，雖然得幾片，但食落牛味充滿口腔， 入口即溶。爽口新鮮珊瑚蚌，烚一烚見佢縮左即時撈起彈牙牛骨濃汁牛丸，入面有牛汁流出，要小心咬仲有幾款打邊爐必叫野食，雖然靜靜地過生日飯，但反而增加享受食嘢時間…查看更多

經常係銅鑼灣出入，都會留意下邊度有新嘢食，邊度有特色餐廳，都喜歡搵朋友一齊試下，今次搵到呢間緣味小聚，有別以往的蒸氣海鮮。雖然間鋪頭唔大，但有家的感覺，d服務員服務得好好，幫大家控制蒸的時間。今次揀咗海鮮餐，包括有燉湯，8款海鮮，1款牛牛，同埋自選8寶飯。無味精的炖湯，內有瑶柱、雞爪、雞肉、豬肉，好入味。自助調味盤，可自我選擇加入海鮮一齊蒸，有位靚姐介紹一款辣椒醬，喜歡辣朋友可試下，而朋友仔最鐘意豆豉醬。特登試下辣椒味，豆豉味，原味蒸海鮮，不一樣的口味，本身海鮮夠新鮮，食到鮮甜味，而喜歡濃味少少的朋友可自己撞出不同的味道海鮮最重要新鮮又肥美，本身已很鮮味爽口彈牙，我喜歡原汁原味。自選8個菜，但由於我們趕時間，所以將牛肉放埋8寶飯上一齊蒸，原本對它不報任何期望，沒想到反而最有驚喜，不過提醒大家，蒸飯要等20mins。飯吸晒8款野的精華，啖啖飯都有幾款菜配搭，口感豐富，飯份量10足，記得打包帶走啊…查看更多

之前食過樂天皇朝呢間d小籠包和其他菜都好好味，今次就食隔離的樂天經典菜式各有不同。餐廳燈光明亮，坐位舒適又有卡位。蒜香紅海蜇頭，海蜇頭大大塊，又爽脆，又有紅醋浸全酸酸甜甜辣辣好開謂小食。黃金咸蛋蝦球（中)，大概有9隻蝦左右，每隻蝦都沾滿咸蛋黃，好香噴噴又大大隻蝦又爽口彈牙金牌脆皮燒雞（半隻），肉質嫩滑又不鞋口，雞皮又不肥膩，沾上醬汁微辣更加美味。海鮮皇炒飯（中），有蝦仁，帶子粒，蟹籽和雞蛋一起炒，飯炒到粒粒分明，咸味適中好好食。三色桂花斑蘭糕，層次分明可以食出桂花斑蘭味道又爽口。…查看更多

同老人家食飯最緊要搵一間環境好，質素有返咁上下，又唔太難搵嘅酒樓，剛入到尖沙咀彩福感覺好光猛，好新，座位又寬闊，又唔會好逼。當晚叫左孖寶優惠F（上湯焗加拿大龍蝦+大紅脆皮乳豬拼盆）+食家三寶套餐（懷舊金獎叉燒+原盅豐料燉靚湯+清蒸龍躉斑頭腩）龍蝦🦞爽口彈牙，面唔會太霖，咸淡適中拼盆有燒腩仔，乳豬，雞同海哲，乳豬皮好鬆脆，肉質唔會肥，燒腩仔肥瘦均勻，海哲爽口，幾入味夠晒足料燉湯，好入味，又鮮甜半肥瘦叉烧，入口不會覺得油膩，配飯一流魚蒸到剛剛好，魚肉好嫩又新鮮4人埋單$947，都算幾抵食，最緊要屋企老人家滿意…查看更多

又到左同朋友一月一約的日子，得2個女仔唔知食咩野，食放題係最好的選擇，咩都可以食，又唔使唸食咩野，呢間都係無意中行街見到，見佢宣傳單上寫明有好多款美食，甘就去試一試。一上到去已好多客人，一坐低見叫野食紙有一大堆，其中刺身、壽司必點，但竟然有一口和牛，興奮🥰中，刺身新鮮又夠晒凍，d虎蝦刺身爽口，寿司方面的質素都好高，有黑松露帶子，火炙三文魚，平時比較少見，所以知到幾飽都要試下。一口和牛，肥瘦均勻，燒到大約6成熟，食落牛肉十足，油脂充滿口腔。叫左好多熟嘢食，其中仲有辣辣螺，煮到好入味，隻隻都啖啖肉。叫左個泰色生菜包，雖然冇出面泰國餐廳甘好味，但係呢度可以試到，都算幾特別，今晚真係好滿足，可以試唔同國家嘢食，捧住個肚仔走…查看更多

天寒地凍梗係打邊爐最正，嚟到九龍城一定係搵好嘢食，經朋友介紹下嚟到呢間火鍋頭，座位都幾舒服，唔會有好逼嘅感覺。九宮格嘅擺放配料，依家好多餐廳都係採用呢有個擺法天寒地凍梗係叫一個暖胃嘅湯底，胡椒豬肚湯底，胡椒味勁濃，豬肚好爽，整個湯底夠晒入味，飲碗湯超級暖暖。竹遮茅根，睇到材料勁齊，雖然有少少甜，但係都好好味打邊爐最重要嘅食材就係牛，叫咗兩款牛肉，一款安格斯肥牛，一款係本地牛，2款油脂分佈均勻，紋理清晰，安格斯肥牛size比較大片，本地牛較細，2款牛味濃郁，但本人更喜歡本地牛。鹹蛋黃豬肉丸呢個菜式我哋第一次試，新鮮豬肉包馬蹄同埋鹹蛋，口感特別，喜歡食鹹蛋朋友可以一試白鱔白鱔切得又薄又長，一落係湯度就即刻縮，1-2分鐘就食得，爽身夠新鮮珊瑚蚌珊瑚蚌嘅數量唔係太多，但夠晒爽脆美國桶蠔大大隻，蠔味重，一啲都唔會縮水。…查看更多

又想食壽司，又想食熟食，又想打邊爐，又想任食，真係多要求，朋友一嚟就俾甘嘅問題我，真係考起我，唯有上openrice尋找下，竟然俾我搵到，呢度打邊爐價錢都ok，仲有刺身、壽司、熟野食，、炸野，食到我地飽一飽，依家開始用手機落單，科技進步，想要幾多落幾多，想要食咩點咩，注意點餐時如果寫1係指1件，唔係1碟，但還是不知不覺點多左😏😏，仲有出面放左一堆菜，丸可自己攞。野食方面，刺身都算好新鮮，甜蝦都彈牙，赤貝爽口，壽司款式都算多，但我只揀2款，份量都ok，不會好多飯。我地點壽喜鍋，有一點點偏甜，牛肉薄切，一過即起，好有牛味。由於打邊爐刺身食到差不多，所以只叫左3款熟食，其實仲有好多熟野食，但肚仔裝唔到。…查看更多

係銅鑼灣返工，約人食飯最好都約係銅鑼灣，事關多野食，今日book左呢間極尚大喜屋，呢間朋友食過，推薦下就去試試。門口的招牌已夠晒吸引，多款刺身，睇到心急想入去即刻食依家科技的進步，落單已用掃code落order，方便又快捷，又唔會唔見單除左落order，仲有出面小食，烤鴨等住大家，想要咩野攞咩野以刺身和壽司的顏色，種類，睇得出餐廳的用心和質數高，刺身好新鮮，夠晒冰凍，亦冇雪藏味同腥味。而壽司的飯團唔大，一口入晒，最驚喜有長鰻魚壽司，呢個出面係無嘅。熟嘢食都好多選擇，黃金蝦出面都係冇得食到，雖然我食炸嘢多，但唔會話太干身，炸得窿，雖然無法一一食到晒所有嘢食，不過有點遺憾可等待下一次再食過。最後ending當然唔少得雪糕啦，我揀左自己至愛朱古力味做為美滿的結束。…查看更多

有時會想離開下鬧市，去離島散下心，我覺得愉景灣都係一個好的選擇，安安靜靜，散心拍拖都可以，而且路程又必算遠，坐船都係得半個鐘頭，今日有機會入嚟行下，就試下呢間愛爾蘭餐廳。餐廳有分室外室內區，大部分人都坐室外，但我同朋友則喜歡室內，位置好闊落，燈光昏暗，俾人好relax。煙雞肉有機牛油果沙律牛油果健康又養顏，質地潤滑，配上有機新鮮香甜沙律菜，加上雞肉絲，超級健康之選水牛城雞翼雞翼帶點辣味，肉質嫩滑，配上醬汁，又幾惹味。新鮮的西芹剛好中口中濃郁的味道。牛肉漢堡包我地請店員切成4份，方便我地一人一塊，包好厚身，芝士同牛肉好夾，不過真的好邪惡脆皮德國鹹豬手皮香脆的豬皮，配上咸咸的豬手，肉質咸香，又唔會干干的，好味道…查看更多

本身已愛打邊爐，依家進入涼涼的天氣、更加唔會放過，今次試粥底火煱，發覺好唔一樣嘅感覺。我去嘅時候好早，未到晚市時間，成間鋪頭得我同另一台客，所以我唔客氣影左相，位置好闊落，唔會好逼，牆上色彩繽紛令間店面唔會好悶。一嚟到服務員送上9宫配料，干凈又衛生，又唔使同人逼攞配料粥底火煱雖然無米，但好香米味，質地一點都唔會稀，而且唔容易燒窿爆膏蟹粥底原隻法國面包蟹，個蟹蓋內都係蟹膏，好吸晴，而且佢地好用心，將蟹腳都敲裂晒，方便轉頭進食蟹膏充滿整個蟹蓋，食落啖啖都有蟹香味，蟹身肉質好新鮮美國桶蠔好大隻蠔，煮完出來一d都唔會縮水，而且無腥味美國肥牛顏色鮮豔，脂肪分佈均勻，好有牛牛的味道鱔片鱔片一落粥內好快就熟，好快卷成一塊，新鮮又好味，最後飲左一碗落晒精華粥水，立即回味無窮。…查看更多

之前發現銅鑼灣澳門逸園中心好多好野食，呢輪約朋友食飯，都會不自覺地揀呢棟大廈嘅嘢食，朋友鐘意食下日本餐，我就揀左鳥居居酒屋。一出電梯就feel到濃郁居酒屋的味道，門口好整齊擺放照片，俾人感覺好舒服暈暗的環境令人好放鬆，今日店員推薦3款酒，但由於我同朋友冇飲酒，所以幫襯唔到燒紐西蘭蟶子蟶子皇上面鋪滿蔥蒜，但一d都搶唔過本身鮮甜味道，牛油味好香，好爽身明太子墨魚棒加海膽有2塊大大塊海膽鋪上墨魚棒上，令到墨魚棒高貴左，墨魚肉好彈牙，配上濃郁的海膽，口感豐富黃芥辣雞肉幾趣味的配搭，薯片鋪滿雞肉串，雞肉好嫩滑，而芥辣味雖重，但一d都唔會供鼻秋刀魚剛好是時令魚，燒到剛剛好，魚肉好滑，連肉臟都可以食蘆筍豬肉卷用豬肉包住蘆筍一起燒，而豬肉燒到金黃金黃，一d都唔會好干身，又唔會覺得油膩我鐘意食居酒屋係可以樣樣嘢都試下，而且又唔會太飽，但又可以坐好耐慢慢傾下計。…查看更多

一間有特色的食店總是多人介紹，有2個朋友不約而同地介紹同一間店，甘就特登抽個時間嚟試試，出面望入去已好色彩繽紛，內有藝術氣氛，我入去時已滿座，所以無影到相。炸薯條熱辣辣剛起的薯條最好味，金黃色，外脆內粉，一條接住一條係甘食手抓海鮮我哋嗌左兩款海鮮兩款蔬菜，海鮮蟹蟹同埋蝦，蔬菜叫咗秋葵同埋野菌，配搭着佢哋嘅招牌辣醬，整個海鮮都好入味，辣醬嘅辣到啱啱好，而秋葵唔會覺得老，好好味招牌越南野生大蝦頭蝦汁扁意粉扁意粉上淋上濃郁嘅蝦汁，食落口蝦味充滿口腔，將爽脆蝦肉點上蝦汁，一啖意粉一啖蝦肉芝士流沙烤粟米我認為呢一個係最有特色嘅一道餸，粟米淋左鹹蛋同埋芝士醬，鹹蛋味勁香勁突出，配埋醬汁，食唔停口…查看更多

我好少特登會入來食馬拉野，如果唔係某人堅持想試，我都唔會理佢囉。不過嚟左無失望，真係好好味。馬來辣蝦湯我見Menu上直接推介，仲介紹埋每天用甜海蝦熬8小時的湯底，甘大工程點可以唔試下呢。一望就知落左唔少功夫，湯底充滿蝦味，有少少辣，d蝦好彈牙，新鮮，麵配上濃味湯底，吸收湯嘅精華，好惹味。雞牛串串貢串燒的每串有3塊，唔好睇炸得好干身，但食落仍好多汁，唔點汁都已好香口，亦可配上干蒜粒。新加坡白胡椒肉骨茶未飲湯已聞到好香肉骨茶味，排骨好淋，湯底香濃同埋充滿胡椒味最後，只能說個鋪頭比較細，但人流好多，比較不好意思坐太久。…查看更多