樂天經典 (已結業)

之前食過樂天皇朝呢間d小籠包和其他菜都好好味，今次就食隔離的樂天經典菜式各有不同。餐廳燈光明亮，坐位舒適又有卡位。蒜香紅海蜇頭，海蜇頭大大塊，又爽脆，又有紅醋浸全酸酸甜甜辣辣好開謂小食。黃金咸蛋蝦球（中)，大概有9隻蝦左右，每隻蝦都沾滿咸蛋黃，好香噴噴又大大隻蝦又爽口彈牙金牌脆皮燒雞（半隻），肉質嫩滑又不鞋口，雞皮又不肥膩，沾上醬汁微辣更加美味。海鮮皇炒飯（中），有蝦仁，帶子粒，蟹籽和雞蛋一起炒，飯炒到粒粒分明，咸味適中好好食。三色桂花斑蘭糕，層次分明可以食出桂花斑蘭味道又爽口。