Lwvsuet的个人专页

見佢開左一排諗住試下，又因為想快啲返屋企湊b就買外賣，廢事坐低慢慢食。去到收銀處個女仔叫我等陣先，佢又冇講佢做咩事要我等，然後拎住張紙係咁篤部機，篤左大概兩分鐘，篤完就問我食咩，咁本來成件事都ok冇咩野既，我前面又吾多人等緊，又有三個人做野，呢野食都係'畢‘幾下就ok，點知我買完之後多左好多客，跟住有個短髮既女人出左黎去收錢（似係經理，因為本來三個員工都係後生女）咁我見到好似一直都係收銀個個負責出埋外賣，我前面既人都走晒，然後有個女仔放左一碗外賣係一邊 未冚蓋，個經理收完眼前個客望左一眼碗外賣再擰返轉頭繼續收錢，收晒條隊之後再望左碗外賣一眼，然後出去抹枱，抹完返返入去先再出碗外賣比我。我由等落order等到拎到碗外賣用左二十分鐘，而我碗外賣放左係到超過五分鐘 比人望左幾次都吾出比我，仲要佢收完錢、抹完枱都吾覺有洗手先再接觸食物🤮🤮🤮佢個樣個把聲帶住口罩都見到係黑住面，我望住我兜外賣擺左咁耐都冇人出都未黑面，我同我黑面先？不如搵人train train佢先啦！返到去試食完只係覺得佢對吾住呢個價錢，芋泥一啲味都冇，芋圓地瓜圓又係冇味仲要冇咬口，豆腐花又係冇味咁制，係得啲紅豆好少少，真係下次請我都吾食呀！…查看更多

係超級城冇咩好食，就試下呢間。係門口拎飛情況有少少混亂，但員工都有耐性去處理麻煩客人。入到去比左張好大既枱我哋，同隔離枱又相差夠遠今次叫左兩份早餐，味道正常、份量足夠、價錢合理。食完後同朋友坐多左一陣傾偈，但員工都吾會趕客咁既樣。黑松露炒蛋同兩塊麵包都好食，加少少上麵包到，仲更加多食。P.S：見到有一家四口要分兩枱坐，然後又要bb櫈，又有bb坐，員工都盡力協助，值得一讚整體黎講，成間舖既員工都態度良好，比顧客感覺到舒服，食物亦算吾錯，以後會再黎幫襯。…查看更多

幾年前係元朗食過一次覺得吾錯，今日同朋友食完飯想再食埋甜品先返屋企，就search 到原來黎左旺角開店，所以就比個機會佢啦！今次叫左三樣野食share，有紫薯雪奶冰、waffle 同埋蘆筍雞翼薯條。紫薯雪奶冰甜度岩岩好，中間既紫薯蓉超濃紫薯味（不過整薯紫球隻羹吾知係咪整過榴連未洗乾淨，好似食極都有榴連味，好彩我地都接受到，所以冇同店員講），另外我吾太鐘意奶味既野，但呢個冰吾算好重奶味，但又吾係冇奶味最好食都係d雪米滋如果係芋頭味就perfect 啦！Waffle (吾記得叫咩名🤣）Waffle 裹面夠軟熟，如果外皮脆少少就會好好食啦！旁邊兩球雪糕可以揀味，我地揀左搽茶同曲奇，但兩球雪糕味道有d淡，少少失望蘆筍雞翼配薯條雞翼味道吾錯炸得岩岩好，裹面仲好juicy相比下薯條就差左d啦！好乾、外面吾夠脆，感覺吾似油炸似用空氣鍋整:(因為同朋友坐低食下野，所以食物質數其實吾太重要，但係去到坐位有d逼（可能星期五夜晚特別多人）不過我地仲接受到。另外好想建議店主換一換過d Menu ，本本都吾齊頁數，好難睇到食咩好:(…查看更多

今次同朋友慶祝生日，見到呢間有得任食韓燒、雞煲同火鍋，連海鮮都任食真係令人口水都留晒出黎🤤因為我地人多，呢d送既牛肉、豬肉、豚肉同海鮮都係double咁比我地真係食得呢樣黎都食吾切另一樣呀！牛肉朋友話吾錯，豬肉豚肉都係正正常常既，海鮮有聖子、蝦、象拔蚌、沙白、大蜆、鯇魚同龍躉，除左象拔蚌同聖子冇得refill其他都可以。不過我地只係想要多d蝦，一次都未加就話冇晒其他海鮮真係想食多d個肚都冇位，因為仲有好多熟食、邊爐同韓燒野都想食，連雞煲都可以refill既時候，差d就吾記得留位比甜品啦！另外仲有送煮好左既鮑魚同花膠，生日前後一日仲送你壽包添黎呢到食野真係記得之前吾好食太飽，如果吾係就試吾晒啦！P.S. 靚女話任食海鮮好多就會冇架啦總結黎講，呢個價錢食到咁多野真係好抵食，食物吾算太差，都多野揀，地方都夠大，朋友聚會都會係吾錯既選擇…查看更多

因為係附近做完野吾知食咩好，就有熟路同事介紹左呢間嫲嫲辣辣。以前黎厚福街都比其他餐廳吸引左，今次就比麻辣味吸引啦！🤤我地叫左大蜆、魷魚、茄子、萵筍同雞腎，香辣微辣。如果你唔係食到好辣嘅話，香辣就啱晒啦！本來諗住食少少冇叫飯或者其他，最後忍唔住都係要叫一碗。但係如果食得辣，同事話食麻辣小辣或者中辣會過癮好多大蜆好新鮮好好味一定要加，茄子好似係炸完先再一齊炒，好好味雖然佢建議兩個人食四個餸，但我覺得可以叫多兩、三個都冇問題呀！快d黎開飯啦！…查看更多

之前同朋友係lunch食過一次，覺得吾錯所以同屋企人再黎食夜晚，點知5位等左一個鐘條隊都冇咩點郁過，只好食其他。今次6位等左一個鐘就入得啦！出發前用新地既app拎定4位，點知最後加多左2位，但個app要改人數就要重新拎過:(所以最後都等左好耐。今次今左好多野，有d菜掛住食都吾記得影啦！最推薦都係豬手，真係又冧又好味其他菜都ok得雲吞雞嘛嘛地，d雲吞既餡食吾慣。豆沙薄餅如果個皮係脆就應該會好食好多。整體黎講都係值得一試，不過冇耐性得位就用app拎定位或者吾好等啦！哈哈…查看更多

平安夜因爲屋企人吾鐘意出去太遠既地方食飯，好多地方都已經book到爆晒，所以先book呢間仲有位既。book左7點至9點，差吾多夠鐘大家都係出面等叫入座，其實呢段晚餐時間都係坐滿晒人。叫入座既時候會比相應人數既袋仔你，走之前可以裝一袋糖走（好似平時夾糖咁，不過選擇當然會少d啦！）聖誕先送既冰糖燕窩，比想像中不錯。寫完紙仔緊係要食返d前菜先，有個沙律吧同少少熟食，熟食食完一盤會轉其他野食，所有前菜都吾太差既。所有海鮮每人都有一份，亦可以加錢再叫多d海鮮。咁多款得帶子比較好味，其他覺得吾太新鮮，味道一般。每隔一陣都有員工過黎幫你燒下，睇下熟未，不過兩個鐘只係岩岩好燒晒呢一盤，如果加錢叫多d都吾知燒吾燒得切呢食呀！（仲有好多野食都要用個爐燒）仲有芝士焗龍蝦送，不過都係一般般刺身都係正正常常，三文魚好細塊壽司芝士焗西蘭花珍珠貝幾好食燒鯖魚好好味，食左幾塊係爐上面煲粥加少少粟米粒落去一齊食，好好口木整體黎講服務都ok，不過有漏單，同員工講返佢先話已經冇晒🙄但野食都不過不失，平安夜既價錢有d貴，不過都係一年一次姐:)…查看更多

今日去試左好多人都話好食既餐廳因為冇得book位，下午1點半左右去到，前面得一枱排隊，所以都好快入得。入到去要係cashier 到買左野食先，拎埋牌仔放係枱得送餐，水、醬都係自己拎。坐左一陣野食都好快到，第一碟就黎左鱈魚手指，個炸皮有少少厚，但炸得岩岩好，吾錯食食下雞翼都上碟啦！話係蜜糖辣味雞翼，企係吾係好食到辣味，不過蜜糖既味道都好正，呢個小食非常推薦（第一張相save吾到:(得返一隻先再影過）最後上埋個帶子漢堡一個包有4大隻帶子係入面，絕對每口都食到帶子既鮮甜味，雖然我吾太鐘意食芝士，但加埋其他配料就岩岩好。再加$30可以換埋粗薯條同飲品，薯條都係正正常常，飲品揀左Snapple蜜桃味茶整體黎講比其他鋪既好食抵食，下次可以再試其他既包（其實本來係想試龍蝦漢堡，不過比帶子吸引左所以下次先去再試龍蝦）…查看更多

同朋友一齊慶祝生日諗住食好d，所以揀左呢間尖沙咀都有既德國廳廳食。 我地兩個人叫左3樣野食，蝴蝶圈，啤酒同冰沙豬肋骨吾係一切就可以甩晒d肉出黎，個汁都係嘛嘛地，食吾出咩味，但係個薯角就炸得吾錯呢個pizza就太多芝士，蓋過晒其他材料既味道雜腸拼盤都吾錯，不過冇特別，酸椰菜都係不過不失呢個蝴蝶圈做得幾好，裡面好鬆軟，點少少個醬，一流啤酒藍莓冰沙總結呢講，呢間服務正正常常，不過員工可以笑多d，價格就貴左d，兩人食左差吾多一千蚊，因為性價比吾高。…查看更多

因為好耐冇食壽司，仲要等45分鐘左右先知有冇位上飛機（員工機票真係好可憐，成日要等到最後先知有冇得上飛機），所以就去左食板前啦！今次只係食左少少壽司同埋天婦羅烏冬（吾記得影相）芒果軟殼蟹卷蟹柳蟹籽壽司、火炙三文魚蟹籽壽司點完食物太肚餓，等吾切佢出餐，唯有係回轉壽司帶上拎左呢碟食，不過可能就收工，係帶上淨返好少野壽司揀蟹籽軍艦、辣味三文魚軍艦蟹籽手卷蟹柳壽司、蟹棒壽司、火炙三文魚壽司、火炙三文魚腩壽司醋鯖魚壽司最後個烏冬差D食吾晒，因為食得太急🙈咁耐冇食呢間店，整體黎講都保持到水準，不過不失同埋有機場員工證仲有折添…查看更多

落街吾知食咩好，諗起糖水店隔離有間食喇沙，海南雞既就想試試佢。Lunchtime 一入店都有少少忙，店員態度嘛嘛地（個日仲有兩個店員鬧交，要由其他店員分開佢兩個）今次食左lunch menu 既海鹽焗雞髀飯同埋咖喱豬扒飯。海鹽焗雞髀飯雞髀唔算好大隻，但係焗得好脆皮同埋肉汁仲係度吾係太乾咖喱豬扒飯塊豬扒好薄，D咖喱汁好少（本人吾係好食汁都覺得太少汁啦！）但整體黎講都係ok既凍檸檬薏米水（前）凍羅漢果水（後）跟餐吾洗加錢就試試佢，兩杯飲品都係正正常常，冇咩特別，但比起其他飲品好似健康D整體黎講都係可以再食既價錢合理，可以試下人地出名既喇沙同海南雞…查看更多

男朋友話左要食粥底火鍋好耐，見到好多人介紹呢間鍋心粥底火鍋，終於的起心肝去試試佢。間鋪分幾個時段食，我地揀左8點半至11點（要book 位）。早左十五分鐘等門口已經好多人，8點40分左入到去坐底揀完送等多陣d材料就陸續送黎，速度都算幾快。D海鮮全部都好新鮮 好好食，D邊爐配料都好好食，本來以為份量好少唔夠飽，點知慢慢食食食下都好飽，如果食得慢會食唔切個粥添，見到隔離枱一大班人好多都食唔切，所以一定要食快啲😋😋另外飲品另外叫，要加錢。整體黎講都可以再食👍🏻👍🏻…查看更多

因為想同朋友慶祝生日，見佢食fusion 菜，所以就試一試。雖然個日我地book左位，但冇乜人食野所以一去到就入得。個日我地自己買左蛋糕但冇叫餐廳幫我雪住，直到我地食完先拎出黎食，食既時間有一d員工望住我地又冇出聲，之後食到一半有個人走黎（我諗應該係經理）佢（態度非常差）話：呢到吾比食自己蛋糕，一係就比$50（好似係$50）切餅費（講到我地好似比吾起咁）。咁我地就比左啦，冇理由食食下吾食埋佢。埋單個陣張單跟本就冇寫切餅費呢樣嘢，佢入單竟然係求其搵d食物加埋係$50就當係切餅費。一間咁大既餐廳處事手法既然係咁，我覺得好有問題，員工態度又差（應該都係學個經理架啦！）冇一個人有笑容，我自己都做服務業做左幾年，一間做得咁差既餐廳都係第一次去。呢間野真係冇下次，野又吾係做得好食/出色，所以d食物吾係好值個價，仲要受人氣好失望…查看更多