火海的个人专页

秋風起識食梗係食煲仔飯，依個梅菜扣肉煲仔飯，四個字……..「好好味呀」！撈埋飯燒焦冇得頂🤤，不過仍然覺得飯焦放湯食比較好食。另外面醬鹹檸檬小黃魚亦非常出色，鹹檸檬嘅味道淡淡深入小黃魚，係我今年食過最喜愛嘅菜式其中之一。XO花螺同陳皮牛肉都極之好味。只可以講「大班樓」是但求其一道簡單菜式都可以做到非常出色。雖然寫依個菜牌俾我非常求Q其，同鹹蒸花英變咗清蒸又冇預先講（最近食飯都有啲唔老黎😅），但水準依然令我心服。今日嘅酒亦當唔錯！…查看更多

絕對冇偏心，一定係食過最好食嘅羊腩煲同蛇羹！.羊腩煲選用了溫體寧夏鹽池灘羊，只用蝴蝶腩位置，原幅羊腩以十八種藥材和兩隻臘鴨髀炆製三個半小時，藥材中包含蜜冬同白芍令本身燥熱嘅羊腩煲得以減低上火程度，配料用上日本冬菇、青海黃菇、珍珠馬蹄和自家製炸枝竹，羊腩入口帶有羊肉油香而肉質軟滑更滲出淡淡的藥材味，一件羊腩己技驚四座，其他配料亦好食到停唔到口。「鋒膳」嘅羊腩煲可能係食過最貴嘅羊腩煲，但真係一分錢一分貨，據東主Nansen所講，淨係材料唔計燈油火蠟都接近$900一煲 ，基本上買一煲蝕一煲，做到咁只求以最高水準令食客食得開心。.至於陳皮手撕蛇羹只選用水律蛇，因為水律蛇肉夠厚同嫩滑，先用陳皮絲同薑絲蒸，然後手撕拆肉，再配以50年陳皮絲、新鮮冬筍絲同花膠絲，先將蛇骨煎香加上蒸完蛇的蛇水再以上湯熬製。蛇羹吸收了50年陳皮嘅香味入口甘香美味口感豐富，不是一般蛇羹可以媲美。.題外話原來羊腩煲配威士忌係非常出色，真係一試難忘！聽講蛇羹配舊香檳亦非常精彩，可惜嗰日冇帶到舊香檳，下次一定要試吓。美食一定要配美酒呢個係常識吧😋…查看更多

除了最喜歡的榮記，這家應該是近年食過最好食的車仔麵，牛雜非常出色，太陽餅亦是必吃的小食，見到張相都已經回味，下星期一定要返去再食，另外究竟我幾鍾意食蔥同芫荽….🙈…查看更多

已經差不多一年沒有來，但依然出色，除了每次必吃的北京填鴨，沙蒜燒豆麵同鯧魚焗飯，今次蟹粉脆皮花膠非常好食，超多的蟹粉配以炸蝦膠釀入花膠。另外冰醉六月黃係我食過最好食嘅六月黃，酒味非常香濃，六月王嘅蟹膏亦非常甜美。第一次喺呢度食麻婆白子，麻婆汁做得非常出色，可以送兩碗白飯。以為平平無奇嘅辣炒羊雜，但想這是以後我必點的菜式。古鎮香干是一門手工菜，齋睇相已經看得出難度。至於花膠黃魚羹做得十分綿香嫩滑，黃桥烧饼同紅糖麻糍亦很好吃😋.蟹粉脆皮花膠冰醉六月黃麻婆鱈魚白子辣炒羊什古鎮香干花膠黃魚羹黃桥烧饼紅糖麻糍…查看更多

又返嚟我今年最喜愛嘅餐廳，兩個月前先第一次食，但而家差唔多每個月都要食一兩次，今次Chef @davidtlai 安排咗Aged 90日嘅本地騸牯牛，香濃嘅肉味可能係我人生食過最好食嘅牛肉，重點你連伴碟嘅薯仔同菜都好食到停唔到口，但呢個係Off Menu菜式，所以可遇不可求！另外又係我最愛Wild Caught Trout Head Rice with Salmon Roe & White Truffle，呢個飯我已經食第四次，雖然每次嘅魚或者材料都有啲唔一樣，但依然都係咁好食，今次仲配上時令最好嘅白松露，我懷疑我真係可以每日都可以食佢，每日限定，想食就要碰吓運氣🙈 今次仲有我最鍾意食嘅Buffalo Wings，四個人食飯只有我一個人想食雞翼，我都堅持要嗌，你就知我有幾鍾意食Buffalo Wings，唔係講笑呢個雞翼都超級好食…我自己食咗四隻。至於頭盤嘅煙燻北海道鯡魚連魚肝同魚春，嫩滑嘅魚肉滲入煙燻嘅香味十分美味，至於煙燻嘅魚肝、魚春更是一絕。另外仲有好多美味菜式不能一一盡錄 🤤…查看更多

米芝蓮星級大廚鄭永麟 Vicky 新店「永 」已經開業一段時間，無諗過第一次食「永」已經要等到大閘蟹季節，多謝 @chefvickycheng 今次安排阿拉斯加皇帝蟹肉大閘蟹粉花膠煲仔飯（有片睇😎），聽到個名都流晒口水🤤，清甜嘅阿拉斯加蟹肉配上味香濃郁嘅大閘蟹粉加上花膠嘅口感再配以白飯簡直係一流，最後仲要起個飯焦再加蟹粉一齊食，大閘蟹粉飯焦如果配上上等香檳應該係一流嘅配搭😌。另一道菜是「永」名物，從「永」第一日開我就不停喺IG見到佢～招牌脆皮雞，用上新鮮三黃雞dry age，因為dry age嘅關係上油炸完依然肉質非常嫩滑而皮脆同皮下脂肪亦較少，這可算是數一數二出色的炸子雞，但相對雞嘅脆皮度和味道而言，我還是覺得「井巷子」的茅台脆皮雞略勝一籌。另外一道值得一題嘅頭盤係臭豆腐虎蝦多士，我本人很喜歡香港地道小食臭豆腐，「永」用上自家製嘅臭豆腐再釀以虎蝦蝦餃成的蝦多士，再配以甜醬和豆瓣醬一齊食十分惹味。此外南非鮑魚配雲南皺皮椒及海茸亦非常美味，自家製的拍皺皮椒非常醒胃。…查看更多

Whey by chef Barry Quek, a modern venue dedicated to and inspired by the flavours of Quek’s Singaporean upbringing, on a level more pronounced than ever before. Serving a tasting menu that turns the spotlight on local, seasonal ingredients, Quek combines his modern European culinary training with the flavours of his childhood — dishes inspired by the likes of bak kut teh, laksa, and the divisive durian fruit..SPRING PEAS, oyster, wheyCHERRY TOMATOES, ginger flower, cape gooseberries SEARED SCALLOP, jackfruit, prawn floss“BAK KUT TEH” NEW TERRITORIES PORK RIB, white pepper, garlicKAGOSHIMA A4 WAGYU STRIPLION, satay, jicamaHAWKER STYLE BLACK COD, sambal, calamansiCURRY LAKSA KONJAC RICE, ghost shrimp, “see hum”MAOSHAN WANG ICE CREAM, cristal caviar, milk crisp…查看更多

Octavium ~ a one Michelin star, is the younger precocious sister to its famed sibling, Otto e Mezzo. The dining room, designed to be minimal with pops of eye-catching artwork, is intimate with tables placed just close enough to catch whispers of conversation. Service matches with Italian “pronto” efficiency, but more importantly, the food was solid..ABALONE black truffle / butter mushroom TUNA BELLY egg yolk / olives / caviarGOOSE FOIE GRAS muscat grapes / verbenaSPAGHETTINI uni/ crispy garlic AGED PIGEON plum / hibiscus flowerLOBSTER bisque/ limeMIYAZAKI BEEF koji aged / fried veal tendon…查看更多

OBP is a hidden gem in Soho, new dining and drinking destination on Old Bailey Street inspired by the iconic alcohol houses (sool-jip) found all over South Korea, with an extensive food menu by former Jinjuu chef Junwoo Choi matched with cocktails designed by Eun, whose well-known CV includes the original PDT in New York City. Snacks and mains make up the food menu, which skitters between traditional kimchi pancake, Korean fried chicken and spicy rice cakes to creations such as corn “ribs” glazed with honey butter and parmesan..Boneless Fried ChickenKimchi Pancake Honey Butter Corn RibsGalbi Dumplings Spicy Seafood Noodles MAK:GEOL:EE…查看更多

今個月嘅鋒膳Lunch Special 「濃牛骨清湯牛肉麵」係我食過最好食嘅清湯牛肉麵，清甜濃郁嘅牛湯還帶着淡淡的藥材味，牛湯以花椒、八角草、 香葉、當歸和大量牛骨熬製而成，再配以白蘿蔔、紅蘿蔔、新鮮菠蘿、日本清酒，炸乾蔥頭和薑片，牛湯配以新鮮菠蘿原來如此美味，淨係牛湯已值回票價，而牛肉分別用上本地黃牛腩和手切A5和牛肉，至於麵一定係自家製手做風乾麵。另外今期仲有「酸辣汁煎魚柳拌炒飯」同樣出色，日本手釣海魚配上九州太陽卵炒飯同自泡酸日本蘿蔔，又係期間限定，錯過咗唔知幾時先再有得食。…查看更多

欲罷不能又係「大班樓」！今次係兩餐混合戰，有午餐同晚宴，多謝 Chef Andy 兩次精心安排菜式。第一道菜係爆膏鹽焗奄仔蟹鹽香滲透蟹身，食嘅時候香濃嘅蟹膏夾雜着淡淡嘅鹹香，令人垂涎🤤。跟住呢個樟木煙燻鵝應該係我食過最好食嘅煙燻鵝，不嬲對煙燻鵝都冇乜興趣，因為大部份餐廳都會做到肉質乾柴，但「大班樓」做到呢個煙燻鵝皮香肉嫩，樟木煙燻嘅香味完全滲入鵝皮鵝肉，這道菜配以紅酒一起品嚐是一流的配搭。另一道菜是彭棋蟹膏柚皮冬瓜，彭棋蟹膏嘅鮮配以柚皮冬瓜嘅清，簡單但美味。另外花椒滷水螢光魷魚同象拔蚌粥底都非常出色，但值得一題嘅又係「大班樓」另一名物臭豆腐，非常簡單嘅炸臭豆腐，亦係食過最好食嘅臭豆腐， 連臭豆腐都要自家製係咩概念。最後係人生第一次食燒豬尾，好好食但有啲膩。…查看更多

I M Teppanyaki 「鑄」由大坑搬咗去天后大約一個多月，早前終於有機會去食，餐廳店面大左好多，除咗有一張大嘅鐵板燒長枱（約十二人）另外仲有兩間房。不過book餐廳重點唔係book位係book個Head Chef⋯⋯所以今日拜託咗Mok San俾啲驚喜我🤣 鐵板燒食得多，鐵板燒金山勾真係第一次食，多謝Mok San精心安排，金山勾上粉再以鐵板煎到金黃色加上北海道馬糞海膽再配以高湯，口感同味道的配合都是一流，不愧為米芝蓮一星鐵板燒，有興趣試記得要提早預訂。另外冰火鐵板鰻魚海膽手卷同黑松露龍蝦菠菜麵都係我嘅至愛，其他出品一樣出色，重點係最後嘅Mok San愛心鐵板煎荷包蛋x太陽蛋炒飯🤤🥰大滿足美味しい！…查看更多

唔係講笑「井巷子」唔係講笑「井巷子」最新推出嘅「鮮辣亞麻籽雞」真係好食到停唔到口！雞皮香脆肉質嫩滑而帶點微辣，非常嘢味又好味。「鮮辣亞麻籽雞」選用新鮮三黃雞再以指天椒 、花椒、川椒、蒜頭、乾蔥頭，洋蔥調製的汁入味四小時後上皮水風乾四小時然後將亞麻籽混和蛋白搽在雞皮上，食之前焗爐烤三十分鐘將水分提走，最後用調和了花椒的油手淋至脆皮。想試要提早48小時預訂哦🤤 同場加映日本福岡手釣花金鼓貳食：酸菜汁香煎花金鼓、玫瑰魚茸花膠羹。野生花金鼓「石垣鯛」十分罕有，花金鼓魚油豐富，肉質細嫩十分美味。手釣花金鼓價錢唔平但絕對值得，想食都係要提早預訂😌…查看更多

見咗好多次終於輪到我！次次見到呢一碟螄蚶同花蛤就已經流晒口水，今次終於自己食到啦，真係超級新鮮同好味！生蟹亦非常之出色，香濃嘅蟹膏加上清甜嘅蟹肉仲有淡淡的酒香味。這裏的凍魚亦是一絕，魴鯏魚飯魚肉軟綿滑香甜。另外滷水獅頭鵝拼盤（鵝頭、鵝掌、鵝翼、鵝肉、鵝腸、鵝肝、鵝紅）十分精彩，相信我食過最好食嘅滷水鵝店。煎豪餅非常香口，蠔仔肉亦非常新鮮。最後係本店必點之一嘅海參撈飯….好好味同好滿足，又一家回頭率非常高的餐廳。…查看更多

日式蛋包飯食得多，中式真係第一次食，非常精彩！「鋒膳」八月份嘅Lunch Special「珊瑚海皇蛋包飯」，如果你同我一樣鍾意食蛋包飯咁千祈唔好錯過，用九州太陽卵包着大量手拆蟹肉、北海道帶子王同蝦仁（睇相就知道幾重料，啲蟹肉多到見唔到飯😍）外層仲有用新鮮蟹膏做嘅芡汁，濃郁嘅蟹膏加上清甜嘅蟹肉簡直係絕配。同場加影重口味之選「剁椒肉絲龍躉球雞油菌伴米線」，自家製剁椒配上宮崎快樂豬肉絲、海龍躉球、奧地利雞油菌伴和鮮製米線一齊食非常野味開胃。期間限定千祈唔好錯過啦！…查看更多