Fluchan*的个人专页

一生人點都要黎洲際buffet一次既，雖然唔平，折左都成780一位。可能價錢貴，自己對佢既要求高左，除了依家大部份酒店都有既開邊龍蝦，膏蟹同長腳蟹。仲有回本既和牛同鵝肝，燕窩海鮮湯。其他熱食，就普普通通了。今晚，仲要鮑魚唔見影，蝕左。 pama ham 質素都好。起碼唔會死鹹。上次食香格里啦，鹹到爆，呢度有鹹香之餘，不用配哈蜜瓜都ok.。到食鵝肝了，見到佢地事前一盤鵝肝煎好，俾客時先再煎一次好快俾客，唔怪得曾有其他食評講外暖內凍啦，所以唔會脆口。味道ok only。至於燒牛肉，睇圖已知燒到接近熱，鞋口，咁都出街俾客，洲際wo。燒牛肉燒到咁？蟹蓋，滿有期待，但可以不食。而海鮮燕窩湯就有好多燕窩啦。呢個抵讚。至於甜品，賣相一流，味道不特出，食完呢碟已經放棄。結論，本人覺得780呢個價值，但冇生蠔食，一眼望晒食物台，唔太抵。其他熱盤都係菜同炒蟹，冇咩特別。當晚連鮑魚都唔見影。堅唔抵，但當買個回憶。…查看更多

唉:(同朋友去完tst 既汗蒸幕，出身汗好好心情咁去韓國街食韓食直落。去到間間有人排，係呢間坐得二台，佢地接待既全是香港人，話自己係新店支持下，咁我地一行人四個唔想再搵，咪入去try 下。可惜，堅中伏。首先，即使香港人開既店，不是當地人，但只要有誠意有落心機去煮。其實不比人遜色。但:(。。。。我地先叫了個套餐170元，炒年糕，炸紫菜粉絲及三色飯卷，睇下質素先。先來到既炒年糕，汁稀，略酸，一食落口即完既辣，年糕偏硬似未熟，真心覺得佢係直接拿醬炒下就算。隻蛋係凍，但最好食係蛋。我地一人食各食左幾條，先停左手。完全偏離了韓式年糕既標準。唉…係呢個時候發覺唔對路，我地開始睇openrice,心己一沈。到另一驚喜既“三色紫菜”，青菜蘿蔔酸青瓜，完全無味，只係好簡單將食物併埋一齊，飯過淋，再配佢既wasabi honey 汁，好唔match。原價係40元，其實唔平。我寧願食korean。先33元。點解店名用roll 行頭，但都咁冇誠意呢？到套餐既炸紫菜粉絲，我即刻呆晒。佢即炸，脆既，但點解又係完全無味？我地仲期望佢先用醬炒起啲韓式粉絲，之後再用紫菜包再炸。可惜，佢竟然直接用冇調味既粉絲做料，再配紫菜再炸。好啦。甘可唔可以唔好先再將圓形既紫菜粉絲包切半再炸呀？大佬，切左一半既粉絲外露，炸到“支支筆直”，標油，勁似食素食既炸粉絲，但人地素食係炸完再落鍋再煮。唔係就咁食lo。堅嬲。我相信自己煮都好食過佢。連對食物冇要求既老公，都出聲，點解間店樣樣野食都冇味好啦，希望在明天。仲有最後一道泡菜餃子，係全餐最入得口，約60元。都係好油架啦。但起碼有味先，始終有泡菜。佢將攪到好碎既豬肉配極小份量既泡菜而成。其實真係食唔到泡菜味架，但起碼有味先啦，去圖。唉。。。事後二個fd都話自己屋企整都好食過佢。飯卷用同區質素比較，佢仲要貴d。其實有冇誠意放係食物到。食客係食得出。店主仲要揀韓國街開店，本身己多競爭者。如果唔好好改善，就真係。。。:(由於覺得伏伏地，冇再點野食，四個人好唔滿足地再搵野食，呢個星期日晚餐好不完滿:(…查看更多

朋友成日推介呢間yogurt 店，話超大份量，絕不欺場。今日難得經過，唔理減唔減肥啦。下午時段，都好多人係門外排隊領yogurt or 落單。果然受歡迎 店外display 好靚，份量好"高"。大部份價錢於50幾至60幾。其實真係唔平，但當見到真身，有女人一隻半手掌高，杯內不空心，滿滿的加分。我揀了special 2014,外形實在太靚。不過二朵花係冇味既。反而啡色既乾果同野莓脆粒，二樣都酸酸甜甜，同yogurt味好match。而yogurt 奶味比較重，yogurt 應該有既酸反而小了點，呢款yogurt 內有朱古力mousse,超濃朱古力味，配上奶味重既yogurt ，感覺勁似雪糕。底下有雪梨粒同燕麥脆脆。一杯yogurt 多種感受。69元抵食。…查看更多

一直對呢間餐廳的食品及環境都好高評價，環境真係好浪漫，好多掛圖勁有歐陸色彩，食物保持好準，出名好食既意大利飯又軟硬適中，又大碟。今次復活節假期同老公訓醒，落去食下午茶。好小人，傾計更暢所欲言啦剛醒來，不太有胃口，所以叫了65元既tes set salad and daily of soup。仲有餐飲tim，預左份量唔多，但估唔到比我想像中更小，我再望望其他台既tea set, 無論薄餅或意粉，份量都好小，如果肚餓，最好叫original size la。沙律菜都新鮮爽口，只係個汁略酸。老公再叫了卡邦尼意粉，意炒軟硬度剛剛好，忌廉汁同煙肉都好多，足料。但唔知點解落左啲胡椒粒，有點另類。如食慣正常版既卡邦尼，就最好叫其他意粉同意大利飯啦。…查看更多

之前曾有客請我食桐燒，裝修一流，地方夠大，員工服務ok,。印象唔差，但可惜上次我同客進食晚餐，黃金時段竟全場不足十台客。其實食物質素唔差，可能宣傳不充足。三月時剛好見到388，和牛海鮮團購套餐388，仲好多野食。立即支持。星期一下午去到，基本上全場人士食緊既都係團購套餐。唉。希望呢間餐廳團購過後，提高知名道生意好一點。呢個套餐內有海鮮併盤，和牛，牛舌，雞肉豬肉蟹腳，北海道大帶子。份量其大.。和牛普通，但帶子同蟹腳新鮮。刺身新鮮肥美。仲有鵝肝多士，多士乾硬，鵝肝太熟,影響晒食物質素。敗筆就係呢碟蝦，霉，即使用幾多沙律醬，都蓋唔過霉味。最後又後碟炒菜，真係飽到冇朋友。呢個團購餐好抵食。…查看更多

雜誌介紹出名做放題既大喜屋集團，旗下再開高級版既放題，仲以任食海膽壽司同北海道帶子做招牌，非常吸引。一於試下先。是日，媽媽節前一天，下午收費由原本228加多20，248一位。一開始點了盤刺身，有放題小見既池魚，鱆紅魚同泰式生蝦刺身。刺身併盤一到，勁有氣勢，三文魚厚切大塊，同平時壽司店有得比。三文魚同帶子超級新鮮周肥美。一向叫十塊預左佢得幾塊到。但叫了三盤，份量同寫既一樣。讚。可惜tuna,就雪味重，:(建議不要叫太多，終於到主角海膽壽司，新鮮即做既海膽壽司，紫菜仍脆，海膽份量多，飯量小。方便食更多。回本位，重點係叫幾多真係後幾多。冇漏單。平時放題唔叫壽司，但佢起碼幾張壽司紙。一於try 下。結論，飯不大舊，魚生大塊過飯。味道ok la ,好過爭鮮lo。有海膽蝦壽司，海膽三色，鵝肝帶子壽司等。熱食幾左幾款，牛舌串燒，羊架，豬肋骨，同燒菠蘿同帶子蟹殼。正常味道，最出色係燒菠蘿同帶子蟹殼。呢間仲有甜品list, 但不食也罷。飲品全部罐裝韓式飲品。有誠意。飯後一人一杯哈根大師既海鹽焦糖蛋糕。絕對係難得回本高質素既放題。…查看更多

係openrice見到新城市廣場呢間日本料理~今助。一直知佢價錢略貴，但可惜其他店比較滿人龍，唯有懷住試下心態當晚餐啦黃金時段八點鐘，我只需排三張台，但見門面佢啲野食display 都幾靚，照殺晚市平均套餐約140-180不等，內容有鰻魚飯，魚生飯，鍋物，壽司等，份量都幾大。我叫了145元的牛肉蛋烏冬鍋配六件壽司及三色刺身。原本呢個set 配海鮮麵豉湯烏冬，我詢問可否自由更改鍋物，仲肯自己平多十元服務讚整體呢間既壽司同刺身最讚，一睇光澤已經知新鮮，特別係帶子，係中型size,比一般壽司店水準高同大件，個tuna 就ok la,一向tuna 拖羅位先好食，但呢二件tuna都ok.另外配上三色刺身，鱆紅魚同三文魚夠肥美配上中型size 蝦，蝦頭既膏bit 出黎。正到牛肉蛋湯烏冬，甜豉油湯底，相比刺身類，冇咁出色，湯底比較淡微甜，有流心蛋相伴湯汁，比較好。牛肉勁多味道似吉野家既牛，反而粗身烏冬有驚喜，彈牙，浸耐了都不會太淋，份量多食極唔完。其實今助定食份量幾大，如一個女仔食一定食，應該太飽，所以我同老公share,佢再叫咖哩豬肉烏冬“約80 元”，點知原來咖哩烏冬既份量係比我既鍋物，至少多一半烏冬。咖哩普通唔夠味，要另外加七味粉，豬肉份量得幾塊，鞋口，不推薦。…查看更多

雖然呢間餐廳評語唔多，但一直有留意某幾個blogger 既食評，曾有介紹呢間位於帝京酒店既lion rock lunch semi buffet。根據main course 而定價錢，已包任食沙律及前菜。由98 只食starter,到108 或以上中式午餐或其他西式主菜可選擇。環境一流，落地玻璃，梳化椅，無論價錢，食物及環境質素都十分吸引，一完了崇拜，立即飛過來睇下有冇位。去到，不用諗叫了中式午餐，之前已做定功課，知道中式午餐質素好高，有鮑魚蝦餃，芝士蝦春卷，魚子醬燒賣，超足料既楊州炒飯同韮黃蝦餃同菜餃。真係食完呢個set 已經飽。由於大部分是蝦類別，蝦新鮮全部彈牙，糯米皮又薄。加上任食沙律同甜品，先108另加一，酒店semi buffet黎講真係超低食。慳錢至上既老公叫了燒肉叉燒蛋飯，價值128。燒味一向都是我至愛，佢叫我絕對支持，燒肉薄燒超脆，肉嫩，叉燒超淋外層燒至脆邊，酒店出品的確有水準，連個煎蛋都係流心架。至於沙律菜只有二款，並沒有其他已撈好既沙律，反而勁多沙律配菜，腸類火腿類都有幾款，當然不寄望質素有幾好，普普通通而已。反而沙律醬有驚喜。他有四款醋俾你自己調，更有士多啤梨醋原支俾你自己加。雖然前菜驚喜不多，新鮮生果更是水準以下。但用此價格同餐廳格調黎講，已經誠意十足。最後，甜品方面沒有了我最想試既班蘭蛋糕，反而多了奶類甜品。奇怪味既青瓜汁北海道奶布甸，得一條燕窩既奶布甸及藍莓奶布甸。很重魚膠粉感覺，所謂北海道奶味感不足，不食也罷。另外黑糖綠茶啫哩，綠茶味零同黑糖完全唔夾:(唯一正常既係藍莓芝士同朱古力撻。呢間酒店refill 好快，即使到二點15分，接近完結。出面仍會refill 甜品，讚:)雖然甜品麻麻，但咁平都冇期望同要求咁多。講主菜及沙律質素，性價比高。下次完左崇拜，會再黎。…查看更多

近來同班食友對韓食十分有興趣，特別係炸雞。所以成日openrice 揀邊間好食，見呢間零差評，就約埋試下，最後揀了泡菜煎餅，半半炸雞同芝士蛋卷首先黎碟韓式前菜: 豆芽，泡菜，菠菜及辣魚餅，辣魚餅同泡菜最好食，豆芽同菠菜有麻油香，正常味道。另一道菜是芝士蛋卷，普遍韓式芝士的味道不會太突出，不會工蓋過主，雖然芝士味很輕，但蛋味夠香同滑，另外會再配上茄汁同沙律醬，適合反重口味人士。本人覺得配沙律醬比較好，因為茄汁既酸會搶過蛋味。泡菜煎餅係次次食韓食必叫，泡菜足料，配埋京蔥夠香口到近期大熱既炸雞，我們叫了一半甜酸醬及一半原味，炸雞一到有啲失望，極其量係溫熱，但不是即炸，但都保持到脆的口感，另外有一點要讚，食完隻碟都不油。但由於原味雞本身味道不夠，仲要唔滑，雞肉仲要鞋，KFC原味既雞都好過過佢。:(最後要點埋另外既甜酸醬汁先有啲味。到另一款甜酸醬既炸雞，雞肉情況一樣，脆但鞋，只係多了點醬同花生，較香口。反而多了幾件韓式年糕，配上醬汁，更好味及出色。…查看更多

呢間沖繩日本餐廳，已經同食友留意左好耐，一直於我to eat list 內，今日難得早起，一於特登去銅記試下佢，一如之前食友圖片，裝修好靚，料理師傅背住維港景內整壽司，好有氣派一坐低立即order 我一直想試既海膽廣島蠔定食，平時散叫都88，今次定食98元有飯有湯有前菜同飲品，超低沙律配芝麻醬，豬頸肉配豆芽，有誠意既前菜同沙律，一般日本餐廳既前菜，酸蘿蔔等，我不會食，但呢個豬頸肉本身已夠味配豆芽，唔錯 主角出場啦，廣島蠔輕輕炸過，但極小炸粉，外層再加海膽汁，雖然此海膽汁並沒有明顯海膽味，比較甜，但並沒有搶過廣島蠔既鮮味，輕輕一咬輕炸過既蠔，正呀，啲蠔汁係咁流出黎，好好味，配埋啲汁，正，但有點太油，單食好漏，幸好定食配日本米飯，日本米粒粒飽滿，二者簡直絕配。之後再將膽汁配埋菠菜食，又可清清味蕾:)真係好好既配搭呀，唔怪得咁多人推薦之後又叫了另一此店名物~明太子蛋卷。單看表面已經知好滑，一夾落去，勁多明太子，單食蛋，其實味道唔夠，只覺滑同蛋香，但配埋明太子既鹹香，蘿蔔蓉及蔥花，正，由於一夾已爆多明太子，最後唯有將多了的明太子伴飯食最後，老公再叫了價值68元既燒雞扒飯定食，之前有睇食評話份量超大，好好味，一於鼓勵了老公叫呢個定食，份量果然大份，至少二塊雞扒，燒汁都ok,但有點過鹹，可能海膽廣島蠔太特出，我一食呢個雞扒，真係不過不失，雞肉鞋，燒得唔夠香，係有啲失望，:(不是其他食評講咁出色，但事實呢個定食真係夠平，餐廳望維景，服務又ok,所以不能太多要求P.s. 可能午餐關係，冇另收50玄米茶錢，但所飲既茶好啖，一啲都唔似玄米茶…查看更多

今日途經太子，原本打算去食“美味餃子店”，但可惜佢地星期日冇開店，失望之下再找其他食店，openrice 見到另一間“山東餃子店”，評分唔錯，仲要行前幾步就係，照殺，拿拿淋order 左，山東燒雞，韮菜餃，西洋菜鮮肉餃同芥末木耳，已經知道佢唔係一般既燒雞，不是脆的，但夠入味，伴住佢提供既蒜汁，唔錯，但可惜比較鞋唔夠滑，份量偏小另一個芥末木耳，我老公最愛，佢話芥末味剛剛好，但我冇食終於到主角出場，皮夠薄，餡幾多，韮菜或西洋菜同肉好平均，不加醋汁都好夠味，唔錯…查看更多