Master Taste 8的个人专页

正好明天係公眾假期，可以好好犒賞自己一下。帝京向來以高質食物聞名，果然冇失望。BOOK唔到繁忙時間，估唔到8:30都好FULL，一入到餐廳，即刻QR CODE點返個刺身拼盤先，赤海蝦、甜蝦、赤貝、北海道鮮帶子、油甘魚、三文魚、泰式虎蝦、蜜柑鯛薄切，樣樣都好新鮮，特別係鱘魚籽醬同北海道鮮帶子，鱘魚籽鹹香，帶子又滑又嫩，食落口感真係一流。最啱我心水嘅係波士頓龍蝦，啖啖龍蝦肉，搭配特製醬汁，真係好享受。蒜蓉粉絲蒸蟶子王，蟶子新鮮得嚟又多汁，蒜香味配上粉絲，簡直係完美搭檔！仲有避風塘炒蟹，用嘅係新鮮蟹，香辣味十足，非常惹味。壽司方面，海膽拖羅鱈魚干手卷，海膽滑溜配上鱈魚干，口感好豐富！還有牛油果蟹肉最中餅，牛油果同蟹肉嘅搭配，味道好得意，細細件食多幾件都無負擔。仲有一品料理嘅美味，燒香草羊鞍同醬燒牛肉都好正！羊肉香氣四溢，牛肉又嫩又滑，明太子玉子燒嘅口感柔滑，真係好好味。總括來講，帝京呢個海鮮任食每一道菜都真係用心之作。下次有機會，我一定會再來探索多啲美味！…查看更多

今日聽完講座，同學提議去旺角創興廣場的安平燒肉食烤肉，正好可以討論下講座內容。Level 4嘅套餐主推日本A4和牛烤肉、醬燒一口和牛丁、M8和牛肩胛同壽喜燒，和牛肉質柔嫩，兩種食法同樣出色。不得不提嘅係招牌「極．厚切檸檬牛舌」，一整條牛舌放喺砧板上枱，仲有沙漏計時，圖文並茂教埋你點樣燒，烤到恰到好處，擠上新鮮檸檬汁，果香中和咗油脂，入口爽脆彈牙，真係好味到我哋一人一條。120分鐘內可以任食日本A4+和牛外，仲有頂級海鮮，霸王蝦、鮑魚、扇貝、白鱔任點任食，CP值超高！醬汁方面選擇多樣，有招牌黃金醬、蒜味鹽醬、沙茶醬等，讓人品嚐到台燒獨特的風味。自助區新鮮瓜菜、菇類多樣，仲有QR code多款台式小食、飲品、芋圓甜品，任君選擇。首次體驗食燒肉前飲啖湯，安平嘅慢熬清雞湯湯頭鮮美，為整頓飯揭開完美序幕。環境舒適，食材新鮮、高質，真係一個放鬆同享受美食嘅好地方。秋高氣爽，好適合聚會既季節，安平燒肉以優質既食材，配合豐盛既味道，如果你諗緊去邊度享受美食，安平值得一試。…查看更多

琴日同個Friend撐枱腳，去咗沙田嘅「鐵板大師」食晏，佢哋主打鐵板餐，估唔到街坊價錢但質素冇欺場！鰻魚飯鰻魚主要系切粒，落埋個飯度炒，厚身又唔腥，燒汁甜度剛好，撈飯食真係一秒清盤。「珍寶雜扒」冇改錯名——真・珍寶！牛扒、豬扒加芝華力腸，鐵板上枱嗰陣「滋滋聲」，特別係塊牛扒，以呢個價位來講夠嫩唔韌，抵讚～邪惡小食三連擊全部即叫即炸，熱辣辣脆卜卜。雞翼同雞鎚醃得入味，蟹肉忌廉餅咬開拉絲，唔係得個名！朋友嗰杯香水檸檬鴨屎茶正常甜，我嗰杯要咗無糖——結果我贏了！茶底清香帶回甘，檸檬天然果酸好清新，完全唔需要額外加糖已經夠好飲。朋友試完我杯之後，仲偷偷哋搶咗幾啖飲，哈哈～總括來講，呢間絕對係沙田區隱世平民餐廳，人均$100左右食到捧住個肚走。侍應手腳又快，服務幾好。下次想再encore佢哋個鐵板羊！…查看更多

豆乳狂人最近推出咗全港首創嘅「泰奶豆乳系列」，今日經開沙田，試咗佢哋呢個係列嘅泰奶芋圓豆花，將泰國紅茶同特濃豆乳結合，上面鋪滿咗Lotus焦糖脆餅同奶蓋，底層系軟糯嘅芋圓，味道層次豐富，食落去好滿足。多芒豆花對於愛芒果嘅朋友嚟講，真係好正！豆花係用咗非基因改造嘅日本北海道大豆，配搭每日新鮮挑選嘅優質芒果，簡單而純粹，味道清新自然。Oreo奶蓋嘅配料份量超足，打開蓋就見到滿滿嘅Oreo碎，同埋濃滑嘅芝士奶蓋，甜中帶少少鹹香，底下仲有煙韧嘅珍珠同芋圓，咬落去口感Q彈，材料豐富。總結來講，豆乳狂人真係值得一試，期待佢哋繼續推出新產品！…查看更多

今日去咗銅鑼灣嘅「毫無分串」，一間有種港式懷舊嘅feel，打卡位多到爆嘅串燒酒場，好適合朋友聚會，氣氛超正！厚豬五花肉同鹵水牛舌咬落去唔油膩。勁鍾意嘅蒜香燒茄子，濃濃嘅蒜香，真係好好味。蒜蓉燒蠔唔係好大隻，但係鮮甜。和牛炒飯係一個唔錯嘅主食選擇。唔L同沙嗲牛麵，沙嗲醬有啲懷舊嘅味道。維他奶系列嘅菜品都好特別，維他奶奶凍芝麻冰有驚喜，芝麻味濃得嚟又唔會太膩，呢個甜品同飲品嘅配搭好特別。而維他奶芝士串燒Mix埋都好有創意，調咗芝士嘅咸味，多咗少少維他奶嘅甜味，但又唔會太奶，絕對值得一試。「毫無分串」嚟緊10月18號開始，可以坐埋一齊一邊睇英超，一邊食串燒，對球迷來講簡直係享受！依家$0.5就可以轉加加大勁量凍飲（1L），真係好爽！如果你想升級，可以用五毫子現金入大錢罌，入之前記得通知店員！總括來講，「毫無分串」食物創新又有趣，氣氛又活躍。下次再約多啲朋友一齊high爆全場！…查看更多

放假都要返公司開會，幾個同事話不如去In:joi，食返個靚靚早午餐為自己打氣！一個充滿活力同健康嘅選擇！素食早餐有時令蔬菜搭配車厘茄、炒蘑菇、茄汁豆同牛油果，色彩繽紛。加埋焦糖香蕉嘅香甜，絕對係完美嘅搭配。最特別係有個迷你酸種貝果，味道唔錯，有口感，呢個早餐好健康，食多多都冇負擔。同事係鵝肝控，見到係每天限量，即刻點咗個港式菠蘿酸種包配鵝肝牛油，菠蘿包外脆內軟，鵝肝牛油香濃得來又唔會過膩，佢份量都唔細，好適合開心share。手工日本山藥雞肉丸焗長通粉，肉丸用新鮮雞肉同山藥製作，咬下去有肉汁流出，搭配香濃偏酸嘅蕃茄醬，味道一流，令人回味。最後，拉花latte一冷一熱，無論係熱飲定凍飲，都好香滑，咖啡味適中，拉花漂亮。總括來講，In:joi味道同服務都好好，坐得亦舒適，啱啱換上咗萬聖節佈置，令人眼前一亮，多打卡位，值得一試。…查看更多

之前一班朋友去日本旅行，食過一間當地知名嘅吉列牛扒餐廳，大家都有點念念不忘。得知香港有分店，朋友約我一起去試試。餐廳裡嘅日本風格好有感覺，店員嘅服務也特別有禮，彷彿回到日本一樣。四品牛魔御膳招牌吉列牛套餐，讓我一次過可以試到菲力牛排、翼板牛、醬味薄牛和穀飼西冷。外面金黃酥脆，裡面肉質嫩滑，每一啖都超juicy！四個部位都各有特色，仲有六款醬料可以揀，可以按自己喜好調味。勝牛喜燒鍋膳嘅牛肉片好嫩滑，油脂香味十足，煮八秒再沾日本生蛋汁，口感更加滑。湯鍋裡面配料有豆腐、粉絲、菇菌和蔬菜，還有醃蘿蔔，超豐富。香脆嘅麵包包住幼滑嘅雲呢拿雪糕，呢個草莓小豆雪糕三文治外脆內軟，呢種凍熱交錯嘅感覺好正。抹茶小豆流心蛋糕嘅茶味香醇，入口甘香，甜度剛剛好，仲有紅豆嘅綿密感，真係好好味！主食像椰菜絲、白飯同味噌湯可以無限追加，我哋加咗兩轉椰菜絲，食到超飽，真係大滿足。…查看更多

今日落旺角行街，lunch時間去咗黑布街嘅申子居酒屋。申子一向都覺得佢哋做得幾好，午市又出咗定食優惠，梗係要試吓啦。叫咗刺身定食配烏冬同埋和牛漢堡定食。刺身定食嗰碟刺身好豐富，有海膽、三文魚、魷魚、三文魚籽、鯛魚同竹筴魚，款式幾多。刺身好新鮮，尤其係海膽同三文魚都幾甜，質素保持到高水準。和牛漢堡又腍又juicy，咬落去肉汁會滲出嚟，牛味夠香。兩款定食都有送牛舌、炸三文魚、麵豉湯同麻醬豆腐。牛舌好入味，炸三文魚外脆內嫩。麵豉湯同麻醬豆腐就正常水準，係定食嘅常見配菜嚟。另外叫咗芝麻雞翼，雞翼炸得幾香脆好食。總括嚟講，午市定食性價比幾抵，刺身質素有保證，配菜又豐富。如果喺旺角想搵間穩陣嘅日式定食食，申子係個唔錯嘅選擇。…查看更多

今晚嚟到大埔八號花園嘅WM，呢間一直係街坊嘅熱門食堂。今次試咗幾款招牌菜，感覺不錯。澳洲和牛面肉燴意大利貓耳朵嘅牛肉炆得好腍，味道幾入味，配上意大利貓耳朵，口感特別，幾好食。脆炸軟殼蟹牛肉堡，外脆內嫩嘅軟殼蟹巨大，完全冇想到會整隻趴喺漢堡上，驚喜十足！再加上多汁嘅牛肉，層次感非常好。WM餐牌上點一個主食就可以超抵價升級套餐，有餐湯、沙律、小食同飲品，非常划算。而家仲有加一蚊加配大樽水果茶或者啤酒，整體而言，性價比高。今次嘅用餐體驗令人滿意，下一次再來品嚐其他菜餚。…查看更多

今日同朋友去啟德體育場看完足球比賽後，去咗GoNuts食晏。先嚟個忌廉粟米湯，佢用咗新鮮嘅粟米打蓉，加入忌廉湯入邊，滑順可口，多1分層次口感。小食拼盤嘅炸口水雞幾特別，有四川嘅香味，但係冇佢嘅辛辣，好惹味。水牛城雞鎚則有著獨特的香味，適合一班朋友分享。白松露油忌廉野菌汁卷卷意大利粉，每一條都掛滿白松露油的香氣，配上雜菌，食多多都好輕鬆。韓風甜麵醬煙豬腩肉pizza有炭燒嘅香味，麵皮幾軟熟，豬腩肉肥瘦相隔，肉質爽口，味道也很入味。最後食埋個Tiramisu，濃郁的咖啡味和奶油的柔滑感完美融合，佢嘅咖啡酒比較輕，小朋友食都冇問題。如果你們在附近，真心推薦試試GoNuts！…查看更多

嘆甜品唔止嘆甜品？因為真係好想好好咁享受甜品，所以直接響度食埋午餐。有幾樣我哋食過，絕對要推介！三寶椰皇，佢嘅蛋白勁滑，仲有濃郁嘅椰皇香味，芋圓超級彈牙，絕對係台灣貨。藤椒麻辣雞翼外香內Juicy，令人驚喜，好食過近期好Hit嘅連鎖店出品。花枝丸鹽酥雞拼盤都好好味，花枝丸彈牙有口感，鹽酥雞細細粒，咬落去食到雞肉嘅嫩滑。開心果雷沙湯丸搭配得當，大家唔會搶到彼此嘅味道，層次感豐富。舖頭係新開，由幾位年青人主理，我哋埋單嘅時候，店員主動問我哋食後嘅評價，顯示出佢哋好重視客人嘅意見。下次經開，河畔呢間「嘆甜品」值得encore。…查看更多

今晚西九高鐵返，去咗附近圓方食呢間粵菜餐廳‘嚐’今晚西九高鐵返，去咗附近圓方食呢間粵菜餐廳‘嚐’環境相當舒適，裝修優雅，有一半座位都是卡座，並設有到頂屏風，私隱度十足。試左羊肚菌豆腐煲，湯底不油不膩，羊肚菌彈牙嚼勁，配上同樣吸滿湯汁的豆腐冬菇送飯一流。菠蘿咕嚕雞球，雞球外脆內嫩，配有爽脆清甜的青紅椒洋蔥菠蘿，酸甜醬汁收汁剛好，完美掛在食材上。啫啫通菜煲，鑊氣十足，通菜軟嫩，蝦醬鹹香惹味，配有肉碎薑蔥蒜辣椒蝦米，口感豐富。是日燉湯老黃瓜南北杏無花果瘦肉湯，份量足，甘潤清甜，入口順滑沒有油膩感。…查看更多

今晚去咗德成街個friend屋企，樓下有間隱蔽但非常不錯嘅日本料理——濱松町。呢間餐廳已經開咗8年，有少少老字號嘅味道！海膽花之戀除咗新鮮海膽，裡面仲有三文魚包住壽司米，口感同鮮味相當出色。富士山火焰帶子燒幾特別，仲好似食帶子菜絲沙律，外面有焗出嚟嘅香氣，內面味道清新，整體層次豐富。松町甲羅燒蟹膏多到誇張，配上鱈魚薄脆，無論配薄脆，或者直接入口，都好好味，大愛！鐵板牛安格斯牛仔肉其實係牛仔骨，有較高嘅脂肪含量，肉質更有彈性，燒烤過後形成焦糖化，帶有少少甜味。朋友話濱松町系老闆親自主理，有對客人充滿人情味，讓人感受到像居酒屋一樣的溫暖氛圍。而且每日都有新鮮飛機貨，確保食材質素一流。如果你想搵一間高質的日本料理，不妨試下濱松町！#德成街 #濱松町 #日本料理 #美食推薦…查看更多

長沙灣喜遇嘅洋食商店，裝修好有日式風格，勁多打卡位，幾次嚟都見到好多食客，證明咗佢嘅人氣。壽喜燒係王牌之一，店員會響你面前煮，好有儀式感。優質嘅食材，加上熟練嘅烹調技巧，令到M9和牛西冷同頂級牛頸脊，肉質滑溜，牛肉味道濃郁，配上蛋汁，簡直無可挑剔。套餐嘅小食都好值得一試！清酒煮蜆好鮮美，蜆肉肥美，湯頭更係一絕。燒原隻魷魚燒得啱啱好，咬落去彈牙又唔韌，口感好正。大推嘅係佢哋嘅燉飯，每粒飯都吸收晒所有靚牛同蔬菜嘅精華，軟糯好味道，食完好飽好滿足。呢個壽喜燒套餐唔單止好味，仲係一個可以同朋友分享嘅美食，如果你鍾意壽喜燒，一定要來試下呢間店！…查看更多

今日去咗旺角嘅南越南咖啡廳，呢間餐廳提供嘅菜式不僅地道，汁料配搭有特色。扎肉心內美米紙卷，五件嘅米紙卷包住扎肉、甘筍絲同青瓜絲，清新爽脆。秘製烤萋葉雞翼，每隻雞翼醃得均勻入味，外脆內嫩好惹味。越式發酵茶葉沙律食材新鮮，顏色配搭吸引，清新可口，酸酸辣辣十分開胃。順化豬肉串撈檬粉，碌冧係精髓，每次食，個汁多到浸住啲檬粉，檬粉搭配豬肉串，味道一流。嫲嫲南越湯招牌金邊粉，好驚喜見到有牛尾，牛味濃郁好好味。NVN咖啡骨真係好特別，咖啡嘅香味滲透入豬軟骨之中，口感滑嫩，令人難忘。杯頂嘅棉花糖糖霜，咖啡倒落去之後，整個味道更加豐富，好有新鮮感。南越南咖啡廳絕對值得一試，如果你鍾意越南菜，記得去佢哋度試下，保證唔會失望！…查看更多